Malondololo Ku Bipangujo Byenu

◼ Lelo musapudi mwana-mukaji ufwaninwe kupūta ku mutwe paendeja kifundwa kya Bible kya pa kibelo shi basapula na mwana-mulume?

Shi kaka musapudi kaendeja kifundwa kya Bible kyaendejanga kala, aye papo na musapudi mwana-mulume, ufwaninwe kwipūta ku mutwe. (1 Kod. 11:3-10) Kishinte kya Kiteba kya Mulami kya Falanse kya mafuku 15, Kweji 7, 2002 paje 27, kinena’mba: “Ino isambilwa pano i mpangiko miteakanibwe kala ilomba yewa mwinē kifundwa endeje’kyo. Kino kifundwa kibadilwa mu mpangiko ya pa kipwilo. Shi kaka mubatyijibwe ye wendeja’kyo pobadi na tutu mubatyijibwe, nabya unenwe’nka kwipūta ku mutwe.” Kadi kino kikalongwa nansha shi kifundwa kilongelwanga mu njibo, pa kibelo nansha mu kifuko kikwabo.

Ku mutamba mukwabo, shi kifundwa kya Bible kya pa kibelo ke kyashimatyije, kaka kanenenwepo kwipūta ku mutwe padi na musapudi mwana-mulume, nansha shi kitungo kya kujokela’mo kupya i kya kulombola mwifundilwanga Bible, nansha kubandaula myanda kampanda mu dibuku dimo mu alombwelwe kwifunda ne bantu. Bifundwa bya pa kibelo byobyalanga miji bityebitye, na kulonga kujokela’mo kuvule, basapudi bakabandaula ngikadilo ne kulombola bujalale mwanda wa kuyuka kitatyi kya kwipūta ku mutwe.