Misapwilo ya Kulondela’po

Mwa Kushilwila Bifundwa bya Bible mu Dya Mposo Dibajinji dya Kweji 6

“Tubemunangila’ko mu kakitatyi katyetye’tu mwanda wa kwisambila nenu pa kino kipangujo kisangaja bininge. [Mulombole kipangujo kibajinji kidi pa kibalu kya pa nyuma kya Kiteba kya Mulami kya 1 Kweji 6.] Lelo abe ulanga’po namani?” Muleke alondolole. Bandaulai nandi myanda idi munshi mwa kipangujo kibajinji ne kumutangila kisonekwa nansha’tu kimo mu bitelelwe’mo. Mupe mapepala, ne kumulaya mwitāne monka mwanda wa kubandaula kipangujo kilonda’ko.

Kiteba kya Mulami 1 Kweji 6

“Mfwanka ipayanga bantu kubwipi kwa 6 000 000 mwaka ne mwaka. Molangila, le kudi kintu kibwanya kulongwa mwanda wa kutyepeja’ko kino kipupo? [Muleke alondolole.] Bantu bavule i bakwashibwe kuleka nansha kwepuka kutoma mfwanka mu miswelo yo-yonso na kubandaula mumweno wa Leza pa mfwanka. Kimfwa, uno vese wa mu Bible i mufikije bantu bamo balangulukile pa lupusa lubi ludi na mfwanka pa bantu bakwabo. [Tanga 1 Kodinda 10:24.] Kino Kiteba kya Mulami kishintulula amba shi muntu abandaule mumweno wa Leza pa mfwanka, kino kikokeja kumutonona aleke’yo.”

Réveillez-vous ! Kweji 6

“Diteba dya kyungwija i dipe bantu mukenga wa kwikala na balunda bavule kupita bobadi nabo dibajinji. Molangila, i ngikadilo’ka ya mvubu mpata ifwaninwe kwikala nayo mulunda wa bine? [Muleke alondolole.] Tala bidi madingi mayampe esambila pa bulunda atanwa mu Bible. [Tanga Yakoba 1:19.] Dino dipepala disambila pa misoñanya iná ya mu Bible ibwanya kwitukwasha twikale bantu babwanya kusangelwa na bakwabo bu balunda.”