Kingidilwa Kipya kya Kushilula Nakyo Mīsambo

Tamba mu Kweji 1, 2016, paje wa mfulo wa Kiteba kya Mulami kya bantu bonso udi na kishinte kinena’mba “Lelo I Bika Binena Bible?” Kino kingidilwa kipya i kilupulwe mwanda wa kwitukwasha mwa kushilwila mīsambo na myanda ya mu Bible. Kidi na bukata bumo na matrakte. Padi kipangujo kiloba tudi mukanwa ne malondololo a mu Bisonekwa, ne myanda mikwabo ya ntentekelo ya mīsambo.

Mīsambo isangaja ya myanda ya mu Bisonekwa divule itwalanga ku kushilula bifundwa bya Bible. Ingidija kino kingidilwa kipya pa kukwasha bavule bapwe nzala yabo ya ku mushipiditu.—Mat 5:6.

MWA KWINGIDIJIJA KINO KINGIDILWA:

1. Ipangula mwinē njibo mumweno wandi pa kipangujo kimo

2. Muteje ne kwivwanija malondololo andi

3. Tanga kisonekwa kidi munshi mwa mutwe wa mwanda unena’mba, “Lelo I Bika Binena Bible,” kupwa mwipangule milangwe yandi pa uno vese. Shi udi na kitatyi, endelejai mīsambo, ingidija mwanda umo udi munshi mwa mutwe wa mwanda unena’mba “Le I Bika Bikwabo Byotubwanya Kwifunda mu Bible?”

4. Pāna dipepala

5. Witeakanye mwa kujokela’ko ne kwisambila pa kipangujo kya bubidi