Kwikala na Būmi Bupēla Kwitukwashanga Tutendele Leza

Dyalelo, i bipēla kuvutakanya būmi bwetu na bintu bivule. Bilombanga kitatyi ne bukomo pa kupota bintu, kwibifutyila, kwibingidija, kwibilongolola, ne kwibilama. Yesu wādi na būmi bupēla kutyina’mba bintu bya ku ngitu byakavutakanya bitupu mwingilo wandi.​—Mat 8:20.

Le i muswelo’ka obwanya kupēleja būmi bobe pa kusaka’mba ulonge bivule mu mwingilo? Le kushinta bintu bimobimo kubwanya kukwasha umo wa mu yobe njibo ekale pania? Nansha shi udi kala mu mwingilo wa kitatyi kyonso, le ulekanga bityebitye bintu bya ku ngitu bivutakanye būmi bobe? Kwikala na būmi bupēla mu mwingilo wa Yehova kuletanga nsangaji ne būmi butūkija mutyima.​—1Tm 6:7-9.

Lemba myanda mombwanya kupēleja būmi bobe.