Buswe Buyukanyanga Bene Kidishitu ba Bine​—Lama Bumo Bulēme

KYOBWIKADILE NA MVUBU: Yesu wālombēle mu bufuku bwābadikile lufu lwandi amba bandi bana ba bwanga “bekadidile umbumo.” (Yoa 17:23, kunshi kwa dyani) Pa kwikala nyeke umbumo tufwaninwe kwilombola buswe, bwine “kebubalangapo bibi bilongelwe.”​—1Ko 13:5.

MWA KWIBULAMINA:

• Iula Yehova na kukimba ngikadila miyampe idi mu bakwenu

• Lekela na mutyima tō

• Shi mubapwija mwanda kokivuluka’o monka.​—Nki 17:9

TADIJA VIDEO “MWISANSWE BANWE BENE NA BENE”​—KEMWAKIBALAI BIBI BIMULONGELWE, KUPWA LONDOLOLAI BINO BIPANGUJO:

• Mu kipindi kibajinji kya ino video, le Elena walombwele namani amba wadi ‘ubala bibi bilongelwe’?

• Mu kino kipindi kya bubidi, le Elena walemunwine namani mulangilo wandi mufwe ne kutamija mumweno muyampe?

• Ku mfulo, le Elena watuntwidile namani ku bumo bwa kipwilo?