Mwena Bininge mu Kifundwa Kyobe kya pa Kasuku

BYOKIKADILE NA MVUBU: Kwifunda Kinenwa kya Leza pa kasuku kwitukwashanga twivwanije “ne pa mfulo mwikadile bunkimbwa ne bulampe ne bula bwa mūlu ne bula bwa munshi” bwa bubine. (Ef 3:18) Kadi kwitukwashanga twikale bambulwa kutopekwa ne bampikwa kakoba mu ino ntanda mibi ne kukwatyija “nyeke kinenwa kya būmi.” (Fid 2:15, 16) Kwifunda Kinenwa kya Leza pa kasuku kwitukwashanga tutonge myanda yotusakilwa wa pandi wa pandi. Le i bika byotubwanya kulonga pa kumwena bininge mu kutanga ne kwifunda Bible?

MWA KULONGELA:

• Shinka mavese ne kulemba pa papye nansha mu kingidilwa kya busendwe myanda kampanda yowifunda mu Bible

• Potanga Kinenwa kya Leza wiipangule bino bipangujo: ‘I ani? I kika? I kitatyi’ka? I kwepi? Mwanda waka? Muswelo’ka?’

• Jingulula myanda. Kupityila ku bingidilwa bya bukimbi byodi nabyo, kimba na mutwe wa mwanda nansha na vese wa mu Bible

• Langulukila pa byotanga mwa kujingulwila mukutadila myanda’ya

• Ingidija byowifunda mu būmi bobe bwa difuku ne difuku.​—Luk 6:47, 48

TALAI VIDEO ‘KWATYIJA NYEKE’​—KUPITYILA KU KIFUNDWA KYA PA KASUKU KIYAMPE, KUPWA LONDOLOLAI KU BINO BIPANGUJO:

• Le bamo abanena bika pa mwikadile kifundwa kya pa kasuku?

• Mwanda waka kitatyi kyonso kyotwifunda pa kasuku tufwaninwe kushilula na milombelo?

• Le i bika bibwanya kwitukwasha twivwanije biyampe mavese a mu Bible?

• Le i tuyukeno twa muswelo’ka totubwanya kutūla mu Bible otwifundanga’mo?

• Mwanda waka kulanguluka kudi na mvubu mikatampe kitatyi kyotwifunda Kinenwa kya Leza?

• Le tufwaninwe kulonga namani na bintu byotwifunda?