Lelo Umwenanga mu Tubandaulei Bisonekwa Difuku ne Difuku?

Le mu bibidiji byobe bya ku mushipiditu mudi ne kubandaula kisonekwa kya difuku ne nshintulwilo yakyo idi mu Tubandaulei Bisonekwa Difuku ne Difuku? Shi ke amopo, le ubulwepo kutweja’mo ne kibidiji kya kubandaula kisonekwa kya difuku? Bavule babandaulanga kisonekwa lubanga, mwanda wa kulangulukila’po mu bula bwa difuku. (Yos 1:8; Ñi 119:97) Le i muswelo’ka obwanya kumwena bininge mu kisonekwa kya difuku? Tanga mavese adi kūlu ne kunshi pa kuyuka myanda īsambilwa’po. Langulukila pa nsekununi ya mu Bible mutanwa musoñanya wisambilwe’po mu kisonekwa kya difuku. Kupwa, ingidija musoñanya’wa mu bobe būmi. Shi wingidija Kinenwa kya Leza pa kukwata butyibi, nabya kikaludika būmi bobe kadi ukamwena’mo bya binebine.​—Ñi 119:105.

Ba mu kisaka kya Betele ntanda yonso babandaulanga Tubandaulei Bisonekwa Difuku ne Difuku pa bidibwa bya lubanga. Mu ino myaka, mīsambo imoimo itūlwanga pa Televijo ya JW mu kipindi MPANGIKO NE MĪSAMBO. Le i musunsa’ka wa mfulo owatadile’po mwisambo umo nansha mivule? Padi mu mīsambo imoimo mudi myanda mine yosakilwa. Kimfwa, le nsekununi ya Lota idi na lupusa’ka pa butyibi bobe?

TALAI VIDEO KOKISANSWA NTANDA (1YO 2:15), KUPWA LONDOLOLAI BINO BIPANGUJO:

• Le buno Butōtyi bwa Lubanga bwimanine pa musoñanya’ka wa mu Bible?

• Le nsekununi ya Lota ilombola namani kyaka kidi mu kusanswa ntanda ne bintu bidi’mo?—Ngo 13:12; 14:12; 19:3, 12, 13, 24-26.

• Le tulombolanga namani amba tusenswe Yehova, ino ketusenswepo ntanda nansha bintu bidi’mo?