Tulumbululei Manwa Etu mu Mwingilo​—Na Kusapwila Bampofu

KYOKWIKADILE NA MVUBU: Bampofu bavule batyinanga kwisamba na bantu bokebayukilepo. Nanshi bilomba manwa pa kwibasapwila. Yehova utele bampofu mutyima na buswe. (Lev 19:14) Netu tubwanya kwiula kimfwa kyandi na kukimba muswelo wa kukwasha bampofu ku mushipiditu.

MWA KWIBASAPWILA:

• ‘Kimba’ bampofu. (Mat 10:11) Lelo uyukile’ko kisaka mudi mpofu? Le mu wenu mwaba mudi masomo, njibo ya kilelelo, nansha byubakwa bikwabo mudi bampofu babwanya kusangela mabuku a bampofu?

• Wibate mutyima. Shi umweka bya bulunda ne kuta mpofu mutyima nabya ukamulengeja eivwane biyampe. Shilula mīsambo na kwisambila pa mwanda usangela bampofu

• Wibakwashe ku mushipiditu. Pa kukwasha bampofu nansha boba kebamonepo biyampe, bulongolodi i bulupule mabuku mu bupunga bwa miswelo mishileshile. Ipangula muntu pa muswelo wasaka kwifunda. Mutadi wa mingilo ukalombola mwingidi wa ku mabuku alombe mabuku a bampofu a bupunga busaka muntu mwine