Le Ubulwepo Kupāna Kitatyi ne Bukomo Bobe?

Enka na mwālaile’kyo Isaya, kipindi kya pano pa ntanda kya bulongolodi bwa Yehova kibaendelela bininge kupita mafuku kunyuma. (Isa 54:2) Pa kino, tusakilwa Mobo a Bulopwe mapya, Mobo a Bitango, ne Mabetele. Ano mobo shi abaubakwa, asakilwa kulongololwa, kyaba kimo ne kwiobakulula. Le kino i kitupe namani mukenga wa kupāna kitatyi ne bukomo bwetu kudi Yehova?

• I biyampe kutanwa’ko shi i kisumpi kyetu kya kukundula Njibo ya Bulopwe

• Tubwanya kukatanwa ku bufundiji bwa mwa kulamina Njibo ya Bulopwe

• Tubwanya kudinga fomu Demande d’admission comme volontaire local développement/construction (DC-50) mwanda wa kukwasha’ko kyaba kimokimo ku mwingilo wa kulongolola nansha wa lūbako wingilwa kubwipi na kwetu

• Tubwanya kudinga Fomu wa Kwingila bu Mwingidi wa Kwilanga (A-19) mwanda wa kukwasha ku Betele nansha ku mobo makwabo atalwa na musambo mu bula bwa yenga nansha ne kupita

TALAI VIDEO MPANGIKO MIPYA YA LŪBAKO ITEAKANIBWA​—KAKIPINDI, KUPWA LONDOLOLAI BINO BIPANGUJO:

• Le mavideo i mavudile’ko namani tamba mu 2014?

• Pa kulupwila’ko mavideo mavule, le i mpangiko’ka mipya ya lūbako iteakanibwa, ne luno lūbako lusa kushilula ne kupwa kitatyi’ka?

• Le bengidi ba kwilanga babwanya namani kukwasha ku luno lūbako?

• Shi tusaka kukwasha ku lūbako lwa ku Ramapo, mwanda waka tufwaninwe kudinga fomu DC-50 ne kukwasha bidi ku lūbako lwa mu wetu musambo?

• Le i bika bilombola’mba Yehova ye uludika luno lūbako?

• I muswelo’ka otubwanya kukwasha ku luno lūbako nansha shi ketubwanyapo kukengila’ko?