WIIBIDIJE MWA KUSAPWILA | SANGELA BININGE BUSAPUDI
Kwasha Befundi ba Bible Bapwile
Kupwila i kipindi kya mvubu mpata kya mu butōtyi butōka. (Ñi 22:22) Boba bonso betabija kutōta Yehova batananga nsangaji ne kwimwena madyese. (Ñi 65:4) Divule, bantu befunda Bible bendelelanga bukidibukidi kumeso shi batanwa ku kupwila kitatyi ne kitatyi.
Le i muswelo’ka obwanya kukwasha bomwifunda nabo Bible batanwe ku kupwila? Endelela na kwibeta’ko. Wibatadije video I Bika Biloñwanga ku Njibo ya Bulopwe? Wibalombole kamweno kadi mu kutanwa ku kupwila. (lff kifundwa 10) Ubwanya kwibalombola myanda yowefundile ku kupwila nansha myanda ikefundwa ku kupwila kwiya’ko. Wibape bingidilwa bya kwifunda’mo ku kupwila. Kadi wibakwashe mu muswelo mupotoloke. Padi basakilwanga lupeto lwa kufuta ku kyendwana’kyo. Bine bukomo bonso bolonga budi na mvubu mwanda bukebakwasha batanwe ku kupwila musunsa wabo mubajinji.—1Ko 14:24, 25.
TALAI VIDEO KWASHA BEFUNDI BA BIBLE BAPWILE, KUPWA LONDOLOLAI BINO BIPANGUJO:
Le Meta waingidijanga mukenga’ka pa kwita Jolie atanwe ku kupwila?
Mwanda waka twivwananga nsangaji kitatyi kitanwa muntu otwifunda nandi Bible ku kupwila?
“Bine Leza udi mu bukata mwenu”
Le i bintu’ka byemwenine Jolie pa atenwe musunsa wandi mubajinji ku kupwila?