Kwasha Befundi ba Bible Banyeme Balunda Babi

Pa kwikala mulunda na Yehova, mwifundi wa Bible ufwaninwe kwikala na balunda bayampe. (Ñi 15:1, 4) Balunda bayampe bakumukwasha alonge byoloke.​—Nki 13:20; lff kifundwa 48.

Pokwasha omwifunda nandi Bible anyeme balunda babi, ikala na kitukijetyima. Bimulombanga kitatyi pakutyiba bulunda bwandi na bantu ba mu ino ntanda. Nanshi lombola amba umutele mutyima bya binebine mu kitatyi kyonso ke’enkapo kitatyi kyomwifunda. Mutumine musapu, mwite ku telefone ne kumupempula. Shi kemwendelele mubwanya ne kupityija nandi pamo kitatyi na batutu ne bakaka. Ukamona na bubine amba watana balunda nandi bavule kupita baashile. (Mak 10:29, 30) Nobe ukekala na nsangaji pakumona kisaka kya Yehova kitantyila’ko.

TALAI VIDEO KWASHA BEFUNDI BA BIBLE BANYEME BALUNDA BABI, KUPWA LONDOLOLAI BINO BIPANGUJO:

• Le balunda babi i bāni?​—1Ko 15:33

• Le Jolie walangulukanga namani pa mubwanya kwikadila kwibungila pamo kwa bwine Kidishitu?

• Le Meta wakwashanga namani Jolie apingakanye balunda babi na bayampe?