Witeakanye Tamba’nka Pano ku Misongo ya mu Kitulumukila

Mwanda waka twiteakanye? I mwanda myanda ya misongo ne myanda ya kutwela mu lupitalo keilayangapo. Nanshi kumeso kwa misongo kufika i biyampe twiteakanye na kwingidija bulombodi bwa mwa kwiteakenya ku misongo. Shi tulonge namino, tukalombola’mba tulēmekele kijila kya Yehova kitala mashi.​—Bil 15:28, 29.

Le bika byobwanya kuteakanya?

• Dinga kalata kobe biyampe (DPA).a Basapudi babatyijibwe babwanya kulomba kano kalata PAS DE SANG ne kuselela benu bana banuke shi mudi nabo Carte D’identité (ic) kudi mwingidi wa ku mabuku

• Shi udi na dimi, lomba bakulumpe fomu Myanda ya Kuyuka Balolo ba Memi (S-401). Uno fomu ukakukwasha ukwate butyibi buyampe bwa bundapi kitatyi kyodi na dimi ne pa kubutula

• Shi misongo yobe ilomba mashi nansha shi usa kutwela mu lupitalo, yukija’mo bakulumpe kumeso kwa kitatyi ne kulombola bamiñanga amba Batumoni ba Yehova basa kukupempula ku lupitalo

Le bakulumpe bakakukwasha namani? Babwanya kukukwasha udinge kalata kobe Pas de Sang. Inoko bakulumpe ke abopo ba kukukwatyila butyibi mu mwanda wa bundapi, ino i abe mwine wa kwikwatyila butyi. (Lo 14:12; Ngt 6:5) Shi udi na misongo ilomba mashi lombola bakulumpe ba kyenu kipwilo, nabo baketa pampikwa kwija batutu ba mu Komite Utala Myanda ya Lupitalo (CLH).

Le batutu ba mu CLH bakakukwasha namani? Batutu bengila mu CLH ibafundijibwe mwa kukwashisha bantu bengila mu kiñanga na kwibevwanija mumweno wetu mu mwanda utala kwelwa mashi. Kadi babwanya kulombola muñanga obe mundapilo wabwanya kukondapa pampikwa kukwela mashi. Ne kadi babwanya kukukimbila muñanga ubwanya kulēmeka mumweno obe.

TALAI VIDEO, MWA KUKWATYILA BUTYIBI BWA KULAMA BŪMI MU MWANDA UTALA MASHI, KUPWA LONDOLOLAI BINO BIPANGUJO:

• Le byowefunda mu ino video bibwanya kukukwasha namani witeakanya ku misongo ilomba mashi?

  Your answer