Kokkinakis v. Greece: Droit réservé
Shilula na kifwatulo kya ku lunkuso kūlu : Académie de Virginie occidentale contre Barnette ; Kokkinakis contre Grèce ; Association cultuelle de Taganrog et autres contre Russie ; Cha et autres contre Corée du Sud.
BŪMI BWA BENE KIDISHITU
Lwila “Myanda Miyampe ne Kuningija’yo ku Meso a ba Lupusa”
Pātompele balwana na bene Isalela kwibemika baleke kūbakulula tempelo, bobaki bālongele bukomo bwa kwikala na mbila ibapa lupusa lwa kwendelela na mingilo. (Eza 5:11-16) Ne dyalelo nadyo, bene Kidishitu baloñanga bukomo bwa kulwila myanda miyampe ne kuningija’yo ku meso a ba lupusa. (Fid 1:7) Pa kufikila’po, kwatūdilwe Bilo Itala Myanda ya Bijila bya Leta ku kité kya ntanda yonso mu 1936. Dyalelo, Bilo ya ku Kité kya Ntanda Yonso Itala Bijila, yo imanine mwingilo wa kubingija tumweno twa Bulopwe ntanda yonso. Le ino bilo ikwashanga namani mu uno mwingilo wa Bulopwe, ne i muswelo’ka umwenanga’mo bantu ba Leza?
TALAI VIDEO, BILO ITALA MYANDA YA BIJILA BYA LETA YA KU KITÉ KYA NTANDA YONSO, KUPWA LONDOLOLAI BINO BIPANGUJO:
Le i myanda’ka ya bidye kemitanwe na Batumoni ba Yehova?
Le i kubinga’ka koketudi babinge mu bisambo? Leta kimfwa
Le umo ne umo motudi ubwanya kulonga bika pa “kulwila myanda miyampe ne kuningija’yo ku meso a ba lupusa”?
Le pa site yetu i kwepi kotukatana myanda ya bidye itanwanga na bantu ba Leza, ne mulongo wa Batumoni ba Yehova bakutyilwe pa mwanda wa lwitabijo lwabo?