Malondololo ku Bipangujo Byenu

◼ Le ukalonga namani shi abakukankaja kusapula?

Kyaba kimo, bampulushi baimikile basapudi badi basapula mu muswelo kampanda, ke bebanena’mba abajilula bijila, kupwa bebakankaja. Shi abakulonga namino, ufwaninwe kutaluka mu mwaba na bulēme kwampikwa kulejaleja. (Mat. 5:41; Fid. 4:5) Kokatompa kupwa myanda abe mwine na kwishintulwila nabo bilabila pa lupusa lotudi nalo mungya bijila. Shi bikokejika, kwata nimelo ya kalata ka mpulushi ne ya kipindi kyaingila’mo. Penepa, lombola bakulumpe ne kwija mpika, nabo balombole bilo ya musambo uno mwanda. Mo monka, shi muledi wa mukenza nansha muledi mukwabo utala mobo a etaje wakupeleja kusapula’mo, i biyampe ukōkele bukidibukidi kupwa ukalombole bakulumpe. Ngikadila ya kutalala ne kwityepeja potwisamba na balupusa ikokeja kukwasha bininge mwanda wa kwepuka makambakano a bitupu.​—Nk. 15:1; Loma 12:18.