Ubwanya Kutuntwila ku Nsangaji ya Kyobe Kisaka

Yehova usaka bisaka bikale na nsangaji. (Ñi 127:3-5; Mus 9:9; 11:9) Inoko, kyaba kimo tubwanya kujimija ino nsangaji pa mwanda wa makambakano a mu ino ntanda, ne pa mwanda wa bilubo bya ba mu kisaka. Le umo ne umo wa mu kisaka ubwanya namani kutuntwila ku ino nsangaji?

Mulume ulēmekele wandi mukaji. (1Pe 3:7) Upityijanga nandi kitatyi pamo, kamulombengapo amulongele bintu byakabwanyapo kulonga, kadi umufwijanga’ko pa byonso byamulongela ne pa byalongela kisaka kyonso. (Kol 3:15) Umulombolanga amba umusenswe, kadi umutendelanga.—Nki 31:28, 31.

Mukaji ukimba mikenga ya kukwatakanya wandi mulume. (Nki 31:12) Umukōkēle bininge ne kwingila nandi pamo. (Kol 3:18) Wisamba nandi na kanye ne kumunenena biyampe ku bakwabo.—Nki 31:26.

Bambutwile bapityija kitatyi pamo na babo bana. (Kup 6:6, 7) Kadi bebalombolanga’mba bebasenswe. (Mat 3:17) Bambutwile balemununa babo bana na buswe ne bujinguludi.—Ef 6:4.

Bana balēmekele ne kukōkela bambutwile babo. (Nki 23:22) Balombolanga bambutwile babo milangwe ne mwiivwanino wabo. Balēmekele bambutwile babo kadi betabijanga bulemununi bwabo.—Nki 19:20.

TALAI VIDEO, SANGELAI KISAKA KYENU, KUPWA LONDOLOLAI KINO KIPANGUJO:

• Le umo ne umo waloñanga bika pa kutuntwila ku nsangaji ya kisaka?