Manwa A Kwifunda

Witūdile Bintu bya Mvubu Mpata Kwifunda

Batwe bonso tudi na kitatyi kityetye kya kupityija mu kifundwa kya pa kasuku. Le i muswelo’ka otubwanya kumwena mu kino kitatyi? Dibajinji, ikala na kitatyi kifwaninwe. Bine, ukamwena bininge mu kwifunda myanda mityetye na katentekeji pa kyaba kya kutanga myanda mivule kūlukūlu.

Kupwa, witūdile bintu bya mvubu mpata bya abe kwifunda. (Ef. 5:15, 16) Tala byobwanya kulonga:

• Tanga Bible difuku ne difuku. (Ñim. 1:2) Bibwanya kwikala biyampe kushilula na kutanga mashapita otubandaula ku kupwila kwa mu bukata bwa yenga.

• Teakanya kifundwa kya Kiteba kya Mulami ne kupwila kwa mu bukata bwa yenga. Ikala mwilongolole kulondolola’ko.—Ñim. 22:22.

• Shi udi na kyaba, wielele’ko kudya ne byakudya bikwabo bya ku mushipiditu, pamo bwa kutanga mapepala a bantu bonso, kutala mavideo, ne bishinte bilupulwa pa jw.org.

• Wifunde myanda ikusangaja. Ubwanya kulonga bukimbi pa makambakano owikonda nao, pa kipangujo kyowiipangula, nansha pa mwanda kampanda wa mu Bible osaka kwivwanija senene. Kimfwa, enda mu kakipindi ka pa jw.org kanena’mba “Madevwala a Kifundwa kya Bible.”