Manwa a Mwa Kulongela Bukimbi

Mingilo ya Bana

Bambutwile badi na kiselwa kikatampe kya kufundija babo bana myanda ya Yehova. (Ef. 6:4) Pa kukwasha bambutwile, bulongolodi bwa Yehova i bulupule’ko bingidilwa bivule. Le i muswelo’ka obwanya kwibingidija mwanda wa kufundija bobe bana?

• Enda pa JW.ORG, padi byonso bilupwidīlwe bana, kimfwa mavideo ne mapaje obabwanya kulemba’po nansha kufwatula.a Pa kwibisokola, lemba “Bana” nansha “Bankasampe” poba pa kukimbila.

• Tonga byobya biyampe ku bobe bana. Myanda idi mu kipindi “Bana” ibwanya kukukwasha utonge bintu bikakwasha bobe bana. Pa kwiisokola, kimba “Bya Kulonga mu Butōtyi bwa Kisaka.”

• Wīsambile’po na bobe bana. Kokingidija mavideo etu nansha mapaje a kulemba’po mwanda’tu wa bobe bana bekale na bya kulonga. Wisambile’po nabo ne kwibakwasha baningije kipwano kyabo na Yehova.