Mwena Bininge mu Bifwatulo

Mu mabuku etu mudi bifwatulo bivule bitufundija ñeni ya kamweno. Le i muswelo’ka obwanya kumwena bininge mu bino bifwatulo?

• Bandaula bifwatulo kumeso kwa kutanga kishinte. Bifwatulo bibwanya kukulengeja ukimbe kuyukila’ko bivule ne kukutonona utange kishinte. Meso ‘atompanga’ mabajinji kumeso kwa kudya byakudya bya munsonso. Nanshi wiipangule amba, ‘Le i bika byonamona?’—Amo. 7:​7, 8.

• Potanga kishinte, langulukila pa kine kitongēlwe bifwatulo bidi’mo. Tanga bilembwa bitūdilwe’po mwanda wa kushintulula bifwatulo. Bandaula kukwatañana kudi pa bifwatulo na myanda yotanga ne muswelo obibwanya kukukwasha mu bobe būmi.

• Shi ubapu kutanga, ingidija bifwatulo pa kuvuluka myanda ya mvubu idi mu kishinte. Tompa kuvuluka bifwatulo ne myanda yowefundanga ku kifwatulo ne kifwatulo.

• Wabulwapo kubandaula bifwatulo bidi mu dino dipepala umone shi ubwanya kuvuluka byobya byobikufundija?