Lēmeka Mpangiko Yobe ya Butangi bwa Bible

Lelo ukomenwanga kulēmeka mpangiko yobe ya kutanga Kinenwa kya Leza difuku ne difuku mwanda uvudilwe bya kulonga? (Yos. 1:8) Shi i amo, tompa kwingidija manwa amo pa ano’a:

• Tūla’ko kintu kibwanya kukuvuluja. Tūla kañengele mu bingidilwa byobe bya busendwe ka kukuvuluja kitatyi kya kutanga Bible.

• Tūla Bible pa kifuko pobwanya kumumona. Shi utañanga Bible mutampe, mutūle pa kifuko popēlelwa kumumona difuku ne difuku.—Kup. 11:18.

• Teja mawi makwate. Teja mawi makwate a Bible kitatyi kyoingila mingilo yobe ya difuku ne difuku. Tara, lolo umo pania wingilanga bufuku, unena’mba, “Kuteja mawi makwate a Bible kunkwashanga ndēmeke mpangiko yami ya butangi bwa Bible.”

• Kokaleka’byo. Shi kintu kya mukitulumukila kibaone mpangiko yobe ya butangi, tanga nansha mavese matyetye kumeso kwa kulāla. Kutanga nansha mavese matyetye’tu kete difuku ne difuku, kukwashanga.—1 Pe. 2:2.