Makambakano a Lupepo lwa Ntanda—Bisa Kulonga’po Bulopwe bwa Leza

“Koneka kwa lupepo kubasusula bantu, bibundi, ne muswelo wingidila pamo bintu byūmi. Bimpumpu byendanga bibipila’ko mu muswelo wa kyoneja pangala pa kushinta kwa lupepo, byonakanya mobo ne misokwe ya bantu kujokoloka ntanda yonso. Majiba ne bidi’mo bibakabe kyanga, ne kutūla mu kyaka [kya kupanda] kwa misaka ya bintu byūmi.”—Inger Andersen, ulondela-mulembi-mukatampe wa Bumo bwa Mizo ne mwendeji wa Mpangiko Iludika Myanda ya Lupepo ya ONU, 25 Kweji 7, 2023.

Le imbikalo ibwanya kukongela pamo bukomo mwa kupwijija uno mwanda utala umbuo? Lelo ikokeja kupwija lonso ano makambakano?

Bible wisambila pa umbikalo ukokeja kadi ukapwija makambakano onso atala lupepo lwa ntanda. Unena’mba “Leza wa mūlu ukemika bulopwe,” umbikalo ukaludika myanda yonso ya ntanda. (Danyele 2:44) Mu uno umbikalo, bantu “kebakasanshijapo nansha dimo nansha konakanya” muntu nansha ntanda.—Isaya 11:9.