Yesu Ukafudija Divita

Pādi Yesu pano pa ntanda, wālombwele amba usenswe bantu bininge. Wāpēne enka ne būmi bwandi pa mwanda wabo. (Mateo 20:28; Yoano 15:13) Panopano ponka, usa kadi kulombola buno buswe bwasenswe bantu na kwingidija lupusa lwandi lwa bu Mulopwe wa Bulopwe bwa Leza, mwanda wa ‘kufudija mavita konsokonso pano pa ntanda.’—Ñimbo ya Mitōto 46:9.

Tala mulombwela Bible bikalonga Yesu:

• “Aye ukakūlanga mulanda wabija bukwashi, ne mupēlulwe ne yewa ense wampikwa mukwashi. Ukevwaninanga lusa mupēlulwe ne mulanda, kadi būmi bwa balanda ukebupandijanga. Ukebakūlanga ku malwa ne ku lūma.”—Ñimbo ya Mitōto 72:12-14.

Le i muswelo’ka otubwanya kulombola kufwija’ko pa byobya ke bitulongele Yesu ne byasa kwitulongela panopano ponka? Muswelo umo bidi i na kwifunda bivule bitala “myanda miyampe ya Bulopwe bwa Leza,” musapu mwine wadi usapula Yesu. (Luka 4:43) Tanga kishinte “Lelo Bulopwe bwa Leza I Bika?”