Yesu Usa Kupwa Bulanda

Yesu paādi pano pa ntanda, wādi usenswe bantu bininge, nakampata balanda ne bonso bādi basusuka. (Mateo 9:36) Kadi wāfwile pa mwanda wa bantu. (Mateo 20:28; Yoano 15:13) Usenswe bantu enka ne dyalelo, o mwanda usa kwingidija lupusa lwandi lwa bu Mulopwe wa Bulopwe bwa Leza mwanda wa atalule bulanda botumona ntanda yonso.

Bible i mwingidije bishima biyampe pa kushintulula bisa kulonga Yesu:

• “Anenene boba bapēlulwe mu bantu, apandije bana ba mulanda.”—Ñimbo ya Mitōto 72:4.

Le i muswelo’ka otubwanya kulombola’mba tusangedile bintu byētulongēle Yesu ne byasa kwitulongela panopano? Muswelo uno bidi i na kwifunda musapu mwine wāsapwile Yesu, “myanda miyampe ya Bulopwe bwa Leza.” (Luka 4:43) Tanga kishinte “Lelo Bulopwe bwa Leza I Bika?”