Yesu Usa Kupwija Bupolapola

Yesu uyukile mobisanshilanga shi muntu walongelwa bintu na bupolapola ne bukondame. Bāmulambikile mambo akalongele, wākupilwa mwanda ke mwanda, wātyibilwa mambo na bukondame, wāponejibwa ne kwipaibwa lufu lusansa. Nansha byakadipo na mambo, wāpēne na mutyima tō kadi pampikwa kwīsakila “būmi bwandi ke kinkūlwa kya kukūla bavule bene.” (Mateo 20:28; Yoano 15:13) Pano byadi Mulopwe wa Bulopwe bwa Leza, usa kutūla’ko boloke ntanda yonso ne kutalwididila bupolapola bonso.—Isaya 42:3.

Bible ulombola mukekadila ntanda kitatyi kikalonga Yesu bino bintu amba:

• “Babi kebakekala’kopo monka; ukatala pobādi, kebakekala’popo. Ino betyepeje bakapyananga ntanda, kadi bakaloelelwanga bininge mu bungibungi bwa ndoe.”—Ñimbo ya Mitōto 37:10, 11.

Le tubwanya namani kulombola kufwija’ko pa bitulongele Yesu, ne pa byaketulongela kumeso’ku? Muswelo uno bidi i na kwifunda musapu mwine wāsapwile Yesu, “myanda miyampe ya Bulopwe bwa Leza.” (Luka 4:43) Tanga kishinte“Lelo Bulopwe bwa Leza I Bika?”