Lelo Dyabola Ye Ulengeja Masusu Onso?

Bilondolola Bible

Bible ulombola patōka’mba Satana Dyabola i muntu udi’ko bine, udi pamo bwa nkomonkomo mfumwandya babipolapola usaka kufikidija kiswa-mutyima kyandi kupityila ku “biyukeno bya bubela” ne “bongojani.” Na bubine, Bible unena’mba, “wiinanyanga bu mwikeulu wa kitōkeji.” (2 Bene Tesalonika 2:9, 10; 2 Bene Kodinda 11:14) Tumonanga’mba Satana udi’ko kupityila ku bintu bibi byalonga.

Inoko ke Dyabolapo ulengejanga masusu onso. Mwanda waka tubanena namino? Mwanda Leza wapangile bantu na bukomo bwa kutonga kulonga biyampe nansha bibi. (Yoshua 24:15) Shi tubatonge butongi bubi, twangulanga bipa bibi.—Bene Ngalatea 6:7, 8.