Milombelo ya Kufwija’ko

1. Yehova Leza tubakufwija’ko.

Tukutendela mu milombelo.

Tukwingidila na mutyima umo,

Witulame, byotwielela’ko.

Byotudi bampikwa kubwaninina,

Witulekele bilubo byetu.

Tukufwijanga’ko pa kwitukūla

Ne pa kuyuka bukōke bwetu.

2. Tukufwija’ko pa buswe ne kanye,

Pa kwitufwenya pabwipi nobe.

Witufundije amba tukuyuke,

Tumone kukulamata nyeke.

Tukufwija’ko pa bukomo bobe

Bwitupa kininga kya kunena.

Tukakwingidila’nka na nsangaji,

Mwanda usenswe ba kwityepeja.