Watchtower KIBĪKO PA ENTELENETE
Watchtower
KIBĪKO PA ENTELENETE
Kiluba
Ā
  • Ā
  • ā
  • Ē
  • ē
  • Ī
  • ī
  • Ō
  • ō
  • Ū
  • ū
  • Á
  • á
  • É
  • é
  • Ó
  • ó
  • Ñ
  • ñ
  • BIBLE
  • BILUPWILWE
  • KUPWILA
  • w20 Kweji 9 p. 31
  • Bipangujo bya Batangi

Pano i patupu video

Yō, bibakoma kupūtula video.

  • Bipangujo bya Batangi
  • Kiteba kya Mulami Kisapula Bulopwe bwa Yehova (Kya Kwifunda)—2020
  • Myanda Iifwene Nayo
  • Malondololo ku Bipangujo Bimanine pa Bible
    Kiteba kya Mulami Kisapula Bulopwe bwa Yehova—2015
  • Umbikalo wa Leza wa ndoe
    Ukokeja Kwikala ne Būmi Bwanyeke mu Paladisa Pano Pantanda
  • “Ba Nsangaji I Boba Balamine Bululame” Kudi Yehova
    Kiteba kya Mulami Kisapula Bulopwe bwa Yehova (Kya Kwifunda)—2022
  • Mwanda Waka Tufwaninwe Kukōkela Lupusa?
    ‘Mwilamei mu Buswe bwa Leza’
Kiteba kya Mulami Kisapula Bulopwe bwa Yehova (Kya Kwifunda)—2020
w20 Kweji 9 p. 31
Kyelekejo kya Yehova ushikete pa lupona lwa emelode, ujokolokelwe na bamwikeulu bavule. Mikejima ya kitokeji kyeñenya ijokolokele lupona.

Bipangujo Bya Batangi

Le kisonekwa kya Musapudi 5:8 kīsambilanga pa bantu babikele’ni, nansha i padi Yehova?

Tutanga uno vese ulanguluja’mba: “Shi ubamone malwa a mulanda ne kujilulwa kwa bululame ne boloke mu kipindi kya ntanda yenu, kokatulumuka pa mwanda’wa. Ke-pantu yao mwingidi mukatampe wa bulēme utalwanga na yewa mukatampe kumupita, kadi kudi bakwabo bebatabukile bukatampe.”​—Mus. 5:8.

Na mumweno wa bumuntu, bino binenwa bimweka bu bīsambila pa ba lupusa ba umbikalo. Ino shi tulangulukile’po bininge, bīsambila ne pa bubine butala padi Yehova, bwine bufwaninwe kwitusenga ne kwitupa lukulupilo.

Kisonekwa kya Musapudi 5:8 kīsambila pa muludiki umwesha mulanda malwa ne kuponeja moloke. Muludiki wādi ufwaninwe kuvuluka’mba nandi wādi utalwa na muntu mukwabo umutabukile nansha udi na lupusa lukatampe kumupita mu umbikalo. Kadi kudi padi bakwabo badi na bitenta bikatampe bininge. Ino i kya bulanda, mwanda mu buludiki bwa muntu, bano baludiki bonso babwanya kwikala babi, ne kadi bantu ba munshi basusukanga mu miswelo mivule.

Inoko, nansha shi ino myanda imweka bu keiletapo lukulupilo, batwe tubwanya kusengibwa pa kuyuka’mba Yehova ‘utalanga’nka ne bengidi bakatampe ba bulēme’ mu umbikalo wa muntu. Tubwanya kulomba Leza ne kwela biselwa byetu bilēma kwadi. (Ñim. 55:22; Fid. 4:6, 7) Tuyukile amba “meso a Yehova anangakananga koku ne koku pa ntanda yonso mwanda wa kulombola bukomo bwandi pangala pa boba badi na mutyima mubwane kwadi.”​—2 Bi. 16:9.

Nanshi, kisonekwa kya Musapudi 5:8 kituvuluja mwine mwikadile umbikalo wa bantu; mudi nyeke muntu wa lupusa lukatampe kutabuka. Kadi kya mvubu kutabuka, uno vese ubwanya kwitukwasha tuvuluke amba Yehova ye mutabuke bukatampe, bine, Wa lupusa Mukatakata Mwine. Pano uludikanga kupityila kudi wandi Mwana, Yesu Kidishitu, Mulopwe wa Bulopwe. Mwinē Bukomo Bonso, mwine umwene bintu byonso, i moloke kadi mululame, enka ne wandi Mwana mwine.

    Mabuku a mu Kiluba (1993-2025)
    Tamba
    Twela
    • Kiluba
    • Tumina
    • Byosaka
    • Copyright © 2025 Watch Tower Bible and Tract Society of Pennsylvania
    • Bijila bya Mwingidijijo
    • Bitala Myanda Mifyame
    • Mwa Kujadikila Myanda Mifyame
    • JW.ORG
    • Twela
    Tumina