Kunena na Kusumininwa

1 Tesalonika 1:5

MU KĪPI: Lombola’mba ukulupile bya binebine mu bubine kadi lombola mvubu ya byonena.

MWA KULONGELA:

• Witeakanye ne pa mfulo. Wifunde myanda kufika ne byoivwanija myanda mikatampe ne muswelo ulombola Bisonekwa amba i ya bine. Longa bukomo bwa kunena myanda mikatampe ya mu mwisambo obe mu bishima bityetye kadi bipēla. Tá mutyima ku mvubu idi na myanda yonena ku bevwaniki bobe. Lomba mushipiditu ujila.

• Nena binenwa bilombola’mba usumininwe. Pa kyaba kya kupituluka’nka mu bishima bidi mu bilembwa, nena mu byobe bishima. Nena mu muswelo ulombola’mba ukulupile byonena.

• Nena na kininga kadi na mutyima umo. Nena na diwi dibwanine. Shi byendele’mo kwenu, witale na bevwaniki bobe.