MUKANDA WA KUMPALA WA KULONDOLOLA

5 Bana ba balume ba Yafete bavua: Gomê, Magoga, Madai, Yawana, Tubala,+ Mesheka+ ne Tilasa.+

6 Bana ba balume ba Gomê bavua: Ashakenaza, Lifata ne Togâma.+

7 Bana ba balume ba Yawana bavua: Elishaha, Tâshishi, Kitima ne Lodanima.

8 Bana ba balume ba Hama bavua: Kushi,+ Miselayima, Puta, ne Kanâna.+

9 Bana ba balume ba Kushi bavua: Seba,+ Hawila, Sabeta, Lâma,+ ne Sabeteka.

Bana ba balume ba Lâma bavua: Sheba ne Dedana.+

10 Kushi wakalela Nimeloda.+ Yeye eu ke muntu wa kumpala wakalua tshilobo pa buloba.

11 Miselayima wakalela Ludima,+ Anamima, Lehabima, Nafetuhima,+ 12 Patalusima,+ Kasaluhima (kuvua bena Peleshete+ bafumine), ne Kafetolima.+

13 Kanâna wakalela Sidona,+ muanende muanabute, ne Hete,+ 14 kabidi ne bena Yebuse,+ bena Amole,+ bena Gîgashi,+ 15 bena Hiwi,+ bena Âka, bena Sina, 16 bena Âwada,+ bena Semâ, ne bena Hamate.

18 Âpakashada wakalela Shela,+ ne Shela wakalela Ebê.

19 Bakalelela Ebê bana ba balume babidi. Dîna dia umue divua Pelege,*+ bualu mu tshikondo tshiende buloba* buvua bupanduluke. Dîna dia muanabu divua Yoketana.

20 Yoketana wakalela Alamodada, Shelefe, Hasâmaweta, Yela,+ 21 Hadolama, Uzala, Dikela, 22 Obala, Abimaele, Sheba, 23 Ofî,+ Hawila,+ ne Yobaba; bonso aba bavua bana ba balume ba Yoketana.

28 Bana ba balume ba Abalahama bavua: Izaka+ ne Yishemaele.+

29 Edi ndilondangana dia mêku avuabu bafumine: Nebayota muanabute wa Yishemaele,+ pashishe Kedâ,+ Adebele, Mibesama,+ 30 Mishema, Duma, Masa, Hadada, Tema, 31 Yetû, Nafisha ne Kedema. Aba bavua bana ba balume ba Yishemaele.

32 Bana ba balume bavuabu balele kudi Ketula,+ mukaji uvua Abalahama mubanjije, bavua: Zimelana, Yokeshana, Medana, Midiyana,+ Yishebaka ne Shuwa.+

Bana ba balume ba Yokeshana bavua: Sheba ne Dedana.+

33 Bana ba balume ba Midiyana bavua: Efa,+ Efê, Hanoka, Abida, ne Eleda.

Bonso aba bavua bana ba balume ba Ketula.

34 Abalahama wakalela Izaka.+ Bana ba balume ba Izaka bavua: Esau+ ne Isalele.+

35 Bana ba balume ba Esau bavua: Elifaza, Luele, Yeusha, Yalama, ne Kola.+

36 Bana ba balume ba Elifaza bavua: Temana,+ Omâ, Sefo, Gatama, Kenaza, Timena, ne Amaleka.+

37 Bana ba balume ba Luele bavua: Nahata, Zela, Shama, ne Miza.+

38 Bana ba balume ba Seî+ bavua: Lotana, Shobala, Sibiona, Ana, Dishona, Ezê, ne Dishana.+

39 Bana ba balume ba Lotana bavua: Holi ne Homama. Muanabu ne Lotana wa bakaji uvua Timena.+

40 Bana ba balume ba Shobala bavua: Aluwana, Manahata, Ebala, Shefo, ne Onama.

Bana ba balume ba Sibiona bavua: Aya ne Ana.+

41 Muana wa balume* wa Ana uvua Dishona.

Bana ba balume ba Dishona bavua: Hemedana, Eshebana, Yitelana, ne Kelana.+

42 Bana ba balume ba Ezê+ bavua: Bilehana, Zâwana, ne Akana.

Bana ba balume ba Dishana bavua: Usa ne Alana.+

43 Aba mbakalenge bavua bakokeshe mu buloba bua Edome+ kumpala kua mukalenge nansha umue kayi muanji kukokesha bena Isalele:*+ Bela muana wa Beô; dîna dia tshimenga tshiende divua Dinehaba. 44 Pakafua Bela, Yobaba muana wa Zela wa ku Bosela+ wakabanga kukokesha pa muaba wende. 45 Pakafua Yobaba, Hushama wa mu buloba bua bena Temana wakatuadija kukokesha pa muaba wende. 46 Pakafua Hushama, Hadada muana wa Bedada, uvua mutshimune Midiyana mu buloba bua* Moaba, wakatuadija kukokesha pa muaba wende. Dîna dia tshimenga tshiende divua Awita. 47 Pakafua Hadada, Samala wa ku Maseleka wakabanga kukokesha pa muaba wende. 48 Pakafua Samala, Shawula wa ku Lehobota pabuipi ne Musulu wakatuadija kukokesha pa muaba wende. 49 Pakafua Shawula, Bâla-hanana muana wa Akabô wakabanga kukokesha pa muaba wende. 50 Pakafua Bâla-hanana, Hadada wakabanga kukokesha pa muaba wende. Dîna dia tshimenga tshiende divua Pau, ne dîna dia mukajende divua Mahetabela muana wa Mateledi muana wa bakaji wa Mezehaba. 51 Pashishe Hadada wakafua.

Bamfumu* ba mu Edome bavua: Mfumu Timena, mfumu Alawa, mfumu Yatete,+ 52 mfumu Oholibama, mfumu Elaha, mfumu Pinona, 53 mfumu Kenaza, mfumu Temana, mfumu Mibesâ, 54 mfumu Magadiele ne mfumu Ilama. Aba bavua bamfumu ba mu Edome.

2 Aba bavua bana ba balume ba Isalele:+ Lubena,+ Simeona,+ Lewi,+ Yuda,+ Yisakâ,+ Zebulona,+ 2 Dana,+ Jozefe,+ Benyamina,+ Nafatale,+ Gada,+ ne Ashê.+

3 Bana ba balume ba Yuda bavua: Ele, Onana, ne Shela. Bavua bamulelele basatu aba kudi muana wa bakaji wa Shua, muena Kanâna.+ Kadi Ele, muanabute wa Yuda, kavua usankisha Yehowa to, ke bualu kayi wakamushipa.+ 4 Tamâ,+ mukaji wa muana wa Yuda, wakamulelela Pelese+ ne Zela. Bana ba balume ba Yuda bonso bavua batanu.

5 Bana ba balume ba Pelese bavua: Heselona ne Hamula.+

6 Bana ba balume ba Zela bavua: Zimeli, Etana, Hemana, Kalakola, ne Dala. Buonso buabu bavua batanu.

7 Muana wa balume* wa Kâmi uvua Akâ* uvua mukebele Isalele+ dikenga* ne uvua mupange lulamatu mu bualu bua bintu bivuabu ne bua kubutula.+

8 Muana wa balume* wa Etana uvua Azaya.

9 Bana ba balume ba Heselona bavuabu bamulelele bavua: Yelamele,+ Lama,+ ne Kelubai.*

10 Lama wakalela Aminadaba.+ Aminadaba wakalela Nashona+ mfumu wa ndelanganyi ya Yuda. 11 Nashona wakalela Salama.+ Salama wakalela Boaza.+ 12 Boaza wakalela Obeda. Obeda wakalela Yishai.+ 13 Yishai wakalela Eliaba muanende muanabute, muibidi Abinadaba,+ muisatu Shimeya,+ 14 muinayi Netanele, muitanu Ladai, 15 muisambombo Osema, ne wa muanda mutekete Davidi.+ 16 Bana babu ba bakaji bavua: Seluya ne Abigayila.+ Bana ba balume ba Seluya bavua: Abishai,+ Yoaba,+ ne Asahele,+ basatu. 17 Abigayila wakalela Amasa,+ ne tatuende wa Amasa uvua Yetê muena Yishemaele.

18 Kaleba* muana wa balume wa Heselona wakalela bana ba balume ne bakaji bende Azuba ne Yeliota; bana bende ba balume bavua: Yeshê, Shobaba, ne Âdona. 19 Pavua Azuba mufue, Kaleba wakasela Efelata,+ yeye kumulelela Hû.+ 20 Hû wakalela Uli. Uli wakalela Besalele.+

21 Pakapita matuku Heselona wakasangila ne muana wa bakaji wa Makî+ tatuende wa Gilada.+ Uvua mumusele pavuaye ne bidimu 60, ke yeye kumulelela Seguba. 22 Seguba wakalela Yaî+ uvua ne bimenga 23 mu buloba bua Gilada.+ 23 Pakapita matuku Geshû+ ne Sulia+ bakabanyenga Hawota-yaî,+ pamue ne Kenata+ ne misoko ya kumpenga kuende,* bimenga 60. Bonso aba bavua ndelanganyi ya Makî tatuende wa Gilada.

24 Panyima pa lufu lua Heselona+ mu Kaleba-efalata, Abiya mukaji wa Heselona wakamulelela Ashehû+ tatuende wa Tekoa.+

25 Bana ba balume ba Yelamele muanabute wa Heselona bavua: Lama muanende muanabute, Buna, Olena, Osema, ne Ahiya. 26 Yelamele uvua ne mukaji mukuabu, dîna diende divua Atala. Uvua mamuende wa Onama. 27 Bana ba balume ba Lama muanabute wa Yelamele bavua: Mâsa, Yamina, ne Ekê. 28 Bana ba balume ba Onama bavua: Shamai ne Yada. Bana ba balume ba Shamai bavua: Nadaba ne Abishû. 29 Dîna dia mukaji wa Abishû divua Abihayila uvua mumulelele Ahabana ne Molida. 30 Bana ba balume ba Nadaba bavua: Selede ne Apaima. Kadi Selede wakafua kayi bana. 31 Muana wa balume* wa Apaima uvua Yishi. Muana wa balume* wa Yishi uvua Sheshana, ne muana wa balume* wa Sheshana uvua Ahalai. 32 Bana ba balume ba Yada muanabu ne Shamai bavua: Yetê ne Yonatana. Kadi Yetê wakafua kayi bana. 33 Bana ba balume ba Yonatana bavua Peletehe ne Zaza. Eyi ivua ndelanganyi ya Yelamele.

34 Sheshana kavua ne bana ba balume to, anu bana ba bakaji. Kadi Sheshana uvua ne muena mudimu muena Ejipitu dîna diende Yaha. 35 Sheshana wakafila muanende wa bakaji bua ikale mukaji wa muena mudimu wende Yaha, ne wakamulelela Atai. 36 Atai wakalela Natana. Natana wakalela Zabada. 37 Zabada wakalela Efelala. Efelala wakalela Obeda. 38 Obeda wakalela Yehu. Yehu wakalela Azaya. 39 Azaya wakalela Helese. Helese wakalela Eleasa. 40 Eleasa wakalela Sisemai. Sisemai wakalela Shaluma. 41 Shaluma wakalela Yakameya. Yakameya wakalela Elishama.

42 Bana ba balume ba Kaleba*+ muanabu ne Yelamele bavua: Mesha muanende muanabute uvua tatuende wa Zifa, ne bana ba balume ba Malesha tatuende wa Hebelone. 43 Bana ba balume ba Hebelone bavua: Kola, Tapua, Lekeme, ne Shema. 44 Shema wakalela Lahama tatuende wa Yôkeama. Lekeme wakalela Shamai. 45 Muana wa balume wa Shamai uvua Maona. Maona uvua tatuende wa Bete-sû.+ 46 Efa mukaji uvua Kaleba mubanjije wakalela Halana, Moza, ne Gazeza. Halana wakalela Gazeza. 47 Bana ba balume ba Yodai bavua: Legeme, Yotama, Geshana, Pelete, Efa, ne Shâfa. 48 Mâka mukaji uvua Kaleba mubanjije wakalela Shebê ne Tîhana. 49 Pakapita matuku wakalela Shâfa tatuende wa Mademana+ ne Shewa tatuende wa Makebena ne Gibeya.+ Muana wa bakaji wa Kaleba+ uvua Akasa.+ 50 Eyi ivua ndelanganyi ya Kaleba.

Bana ba balume ba Hû+ muanabute wa Efelata+ bavua: Shobala tatuende wa Kîyata-yalima,+ 51 Salama tatuende wa Beteleheme,+ ne Halefe tatuende wa Bete-gadê. 52 Shobala tatuende wa Kîyata-yalima uvua ne bana ba balume: Haloe ne tshitupa tshia bena Menuhota. 53 Mêku a mu Kîyata-yalima avua: bena Yitela,+ bena Puta, bena Shumati, ne bena Mishele. Bena Solea+ ne bena Eshetaola+ bavua bafumine kudibu. 54 Bana ba balume ba Salama bavua: Beteleheme,+ bena Netofa, Atalota-bete-yoaba, tshitupa tshia bena Manahata, ne bena Sole. 55 Mêku a bafundi bavua basombela ku Yabesa avua: bena Tilata, bena Shemeata, ne bena Sukata. Aba bavua bena Kene+ bavua bafumine kudi Hamata tatu wa nzubu wa Lekaba.+

3 Aba bavua bana ba balume ba Davidi bavuabu bamulelele mu Hebelone:+ Amenona muanabute,+ mamuende uvua Ahinoama+ wa mu Yizelele; muibidi Danyele, mamuende uvua Abigayila+ muena Kâmele; 2 muisatu Abashaloma+ muana wa Mâka muana wa bakaji wa Talemai mukalenge wa Geshû; muinayi Adoniya+ muana wa Hagita; 3 muitanu Shefataya, mamuende uvua Abitala; ne muisambombo Yitelama, mamuende uvua Egala mukaji wa Davidi. 4 Bavua bamulelele bana basambombo aba mu Hebelone; wakakokeshamu bidimu muanda mutekete ne ngondo isambombo, ne wakakokesha bidimu 33 mu Yelushalema.+

5 Bavua bamulelele bana aba mu Yelushalema:+ Shimeya, Shobaba, Natana,+ ne Solomo;+ mamuende wa bana banayi aba uvua Beta-sheba+ muana wa bakaji wa Amiele. 6 Bana bakuabu tshitema bavua: Yibeha, Elishama, Elifelete, 7 Noga, Nefege, Yafia, 8 Elishama, Eliada, ne Elifelete. 9 Bonso aba bavua bana ba balume ba Davidi, pa kumbusha bana ba balume ba bakaji bende bavuaye mubanjije, ne Tamâ+ uvua muanabu wa bakaji.

10 Muana wa balume wa Solomo uvua Lehabama;+ muanende uvua Abiya,+ muanende uvua Asa,+ muanende uvua Yehoshafata,+ 11 muanende uvua Yeholama,+ muanende uvua Ahazaya,+ muanende uvua Yoasha,+ 12 muanende uvua Amasaya,+ muanende uvua Azaya,+ muanende uvua Yotama,+ 13 muanende uvua Ahaza,+ muanende uvua Hezikiya,+ muanende uvua Manashe,+ 14 muanende uvua Amona,+ muanende uvua Yoshiya.+ 15 Bana ba balume ba Yoshiya bavua: Yohanana muanabute, muibidi Yehoyakima,+ muisatu Sedekiya,+ muinayi Shaluma. 16 Bana ba balume ba Yehoyakima bavua Yekoniya+ muanende ne Sedekiya muanende. 17 Bana ba balume ba Yekoniya muena buloko bavua: Shalatiele, 18 Malekilama, Pedaya, Shenasâ, Yakameya, Hoshama, ne Nedabiya. 19 Bana ba balume ba Pedaya bavua Zelubabela+ ne Shimei; ne bana ba balume ba Zelubabela bavua Meshulama ne Hananya (Shelomita uvua muanabu wa bakaji); 20 ne bana ba balume bakuabu batanu bavua: Hashubaha, Ohela, Belekiya, Hasadeya, ne Yushaba-heseda. 21 Bana ba balume ba Hananya bavua Pelatiya ne Yeshayi; muana wa balume* wa Yeshayi uvua Lefaya; muana wa balume* wa Lefaya uvua Alenana; muana wa balume* wa Alenana uvua Obadaya; muana wa balume* wa Obadaya uvua Shekaniya; 22 ne bana ba balume ba Shekaniya bavua Shemaya ne bana ba balume ba Shemaya: Hatusha, Igala, Baliya, Nealiya, ne Shafata, bonso bavua basambombo. 23 Bana ba balume ba Nealiya bavua: Eleyehoenai, Hizikiya, ne Azelikama, basatu. 24 Bana ba balume ba Eleyehoenai bavua: Hodawiya, Eleyashiba, Pelaya, Akuba, Yohanana, Delaya, ne Anani, bana muanda mutekete.

4 Bana ba balume ba Yuda bavua: Pelese,+ Heselona,+ Kâmi, Hû,+ ne Shobala.+ 2 Leaya muana wa balume wa Shobala wakalela Yahata; Yahata wakalela Ahumayi ne Lahada. Aa avua mêku a bena Solea.+ 3 Aba bavua bana ba balume ba tatuende wa Etama:+ Yizelele, Yishema, ne Yidebasha (dîna dia muanabu wa bakaji divua Haseleleponi), 4 ne Penuele uvua tatuende wa Gedô, ne Ezê uvua tatuende wa Husha. Aba bavua bana ba balume ba Hû,+ muanabute wa Efelata ne tatuende wa Beteleheme.+ 5 Ashehû+ tatuende wa Tekoa+ uvua ne bakaji babidi, Hela ne Nâla. 6 Nâla wakamulelela Ahuzama, Hefê, Temeni, ne Hâhashatali. Aba bavua bana ba balume ba Nâla. 7 Bana ba balume ba Hela bavua: Selete, Yisehâ, ne Etenana. 8 Koza wakalela Anuba, Sobeba, ne mêku a Ahahele muana wa balume wa Haluma.

9 Bavua banemeka Yabesa bikole kupita bana babu; ne mamuende wakamuinyika ne: Yabesa* wamba ne: “Mvua mumulele mu dikenga.” 10 Yabesa wakabila Nzambi wa Isalele wamba ne: “Mbeneshaku ne udiundishe buloba buanyi ne tshianza tshiebe tshikale nanyi ne undame ku dikenga, bua bualu bubi nansha bumue kabumfikidi to!” Nunku Nzambi wakenza tshivuaye mulombe.

11 Keluba muanabu ne Shuha wakalela Mehî uvua tatuende wa Eshetona. 12 Eshetona wakalela Bete-lafa, Pasea, ne Tehina tatuende wa Ile-nahasha. Aba bavua bantu ba ku Lekaha. 13 Bana ba balume ba Kenaza bavua Oteniele+ ne Selaya, ne muana wa balume* wa Oteniele uvua Hatata. 14 Meonotai wakalela Ofela. Selaya wakalela Yoaba tatuende wa bantu ba mu Ge-halashima;* bavua bababikila nunku bualu bavua bansenda.

15 Bana ba balume ba Kaleba+ muana wa balume wa Yefune bavua: Ilu, Elaha, ne Nâma; ne muana wa balume* wa Elaha uvua Kenaza. 16 Bana ba balume ba Yehalelele bavua: Zifa, Zifaha, Tileya, ne Asalele. 17 Bana ba balume ba Ezelaha bavua: Yetê, Melede, Efê, ne Yalona; wakimita,* yeye kulela Mîyama, Shamai, ne Yisheba tatuende wa Eshetemoa. 18 (Mukajende muena Yuda wakalela Yelede tatuende wa Gedô, Hebê tatuende wa Soko, ne Yekutiyele tatuende wa Zanoa.) Aba bavua bana ba balume ba Bitiya muana wa bakaji wa Palô uvua Melede musele.

19 Bana ba balume ba mukaji wa Hodiya, muanabu ne Nahama wa bakaji, bavua batatuende ba Keila muena Gâma ne Eshetemoa muena Mâkata. 20 Bana ba balume ba Shimona bavua: Amenona, Lina, Bene-hanana, ne Tilona. Bana ba balume ba Ishi bavua Zoheta ne Bene-zoheta.

21 Bana ba balume ba Shela+ muana wa Yuda bavua: Ele tatuende wa Leka, Lâda tatuende wa Malesha, ne mêku a benji ba bilamba bimpe menemene ba nzubu wa Ashabea, 22 ne Yokima, bantu ba ku Kozeba, Yoasha, ne Salafa bavua basele bakaji ba bena Moaba, ne Yashubi-lehema. Malu adibu bafunde aa nga kale.* 23 Bavua bafumbi bavua basombele mu Netayima ne mu Gedela. Bavua basombele muntu amu, benzela mukalenge mudimu.

24 Bana ba balume ba Simeona+ bavua: Nemuele, Yamina, Yaliba, Zela, ne Shawula.+ 25 Shaluma uvua muanende wa balume, muanende uvua Mibesama, ne muanende uvua Mishema. 26 Bana ba balume ba Mishema bavua Hamuele muanende wa balume, Zakû muanende, Shimei muanende. 27 Shimei uvua ne bana ba balume 16 ne bana ba bakaji basambombo; kadi bana babu ba balume kabavua ne bana ba bungi to, ne dîku nansha dimue dia ku mêku abu kadivua ne bantu ba bungi bu muvua bantu ba mu Yuda nabu to.+ 28 Bavua basombele mu Bê-sheba,+ Molada,+ Hasâ-shuala,+ 29 Bileha, Eseme,+ Tolada, 30 Betuele,+ Hôma,+ Sikelaga,+ 31 Bete-mâkabota, Hasâ-susima,+ Bete-bili, ne Shâlayima. Ebi bivua bimenga biabu too ne pakabanga Davidi kukokesha.

32 Miaba ivuabu basombele ivua: Etama, Ayina, Limona, Tokene, ne Ashana,+ bimenga bitanu, 33 kusangisha ne miaba yabu ya kusombela ivua minyunguluke bimenga ebi too ne ku Bâla. Aa mmêna avuabu bafunde bilondeshile milongo ya bankambua babu ne miaba ivuabu basombele. 34 Meshobaba, Yameleke, Yosha muana wa balume wa Amasaya, 35 Yoele, Yehu muana wa balume wa Yoshibeya muana wa balume wa Selaya muana wa balume wa Asiele, 36 ne Eleyehoenai, Yâkoba, Yeshohaya, Asaya, Adiele, Yesimiyele, Benaya, 37 ne Ziza muana wa balume wa Shifi muana wa balume wa Alono muana wa balume wa Yedaya muana wa balume wa Shimeli muana wa balume wa Shemaya; 38 bantu badibu batele mêna aba bavua bamfumu mu mêku abu, ne ba mu nzubu ya bankambua babu bavua bavulangane bikole. 39 Bakaya ku tshibuelelu tshia Gedô, ku luseke lua est lua tshibandabanda, bua kukeba mpata ya kudishila bisumbu biabu bia mikoko. 40 Ndekelu wa bionso bakapeta mpata mimpe ya bufuke ya kudishila nyama, ne buloba abu buvua bualabale, buikale mu ditalala ne kakuyi bantu babutatshisha. Bantu bavua basombelamu kumpala bavua bena Hama.+ 41 Bantu bena mêna adibu bafunde aba bakalua mu matuku a Hezikiya+ mukalenge wa Yuda, kubutulabu ntenta ya bena Hama ne bena Meunima bavuamu. Bakababutula too ne lelu; ne bakasomba muaba wabu bualu kuntu aku kuvua mpata ya kudishila bisumbu biabu bia mikoko.

42 Bamue bena Simeona, bantu 500, bakaya ku mukuna wa Seî+ ne bana ba balume ba Ishi aba: Pelatiya, Nealiya, Lefaya, ne Uziele, bavua babalombole. 43 Bakashipa bantu bavua bashale ba mu bena Amaleka+ bavua bapande, ne bobu mbasombele kuntu aku too ne lelu.

5 Aba mbana ba balume ba Lubena,+ muanabute wa Isalele. Yeye uvua muanabute, kadi bu muvuaye munyange bulalu bua tatuende,+ bakafila bukenji buende bua buanabute kudi bana ba balume ba Jozefe+ muana wa Isalele, ke bualu kayi kabavua bamufunde mu dilondangana dia dîku diabu bua bukenji bua buanabute to. 2 Nansha muvua Yuda+ mupite bana babu ne nansha muvua muntu uvua ne bua kuikala mulombodi mufumine kudiye,+ bukenji bua buanabute buvua bua Jozefe. 3 Bana ba balume ba Lubena muanabute wa Isalele bavua: Hanoka, Palu, Heselona, ne Kâmi.+ 4 Bana ba balume ba Yoele bavua: Shemaya, muanende uvua Goga, muanende uvua Shimei, 5 muanende uvua Mika, muanende uvua Leaya, muanende uvua Bâla, 6 ne muanende uvua Bêlaha uvua Tigelata-pilenesê+ mukalenge wa Ashû mukuate muye nende mu buloba bukuabu; uvua umue wa ku bamfumu ba bena Lubena. 7 Bana babu ba balume bilondeshile mêku abu muvuabu babafunde mu dilondangana dia mêku abu bilondeshile ndelanganyi yabu bavua: Yiele uvua ku mutu, Zekâya, 8 ne Bela muana wa balume wa Azaza muana wa balume wa Shema muana wa balume wa Yoele, uvua musombele mu Aloê+ too ne ku Nebo ne ku Bâla-meona.+ 9 Lua ku est wakasombela too ne ku ntuadijilu kua tshipela tshidi tshiye too ne ku musulu wa Pelata,+ bualu bimuna biabu bivua bilue bia bungi mu buloba bua Gilada.+ 10 Mu matuku a Shaula, bakela bena Hagâ mvita, kubatshimunabu, ke bobu kusombela mu ntenta yabu mu buloba buonso buvua ku est kua Gilada.

11 Mpindieu ndelanganyi ya Gada ivua misombele ku luseke luabu mu buloba bua Bashana too ne ku Saleka.+ 12 Mu Bashana Yoele uvua ku mutu, Shafama umulondela, ne Yanai ne Shafata. 13 Bana babu ba balume ba mu nzubu ya batatuabu bavua: Mikaele, Meshulama, Sheba, Yolai, Yakana, Zia, ne Ebê, bonso muanda mutekete. 14 Bobu aba bavua bana ba balume ba Abihayila muana wa balume wa Huli muana wa balume wa Yaloa muana wa balume wa Gilada muana wa balume wa Mikaele muana wa balume wa Yeshishai muana wa balume wa Yado muana wa balume wa Buza. 15 Ahi muana wa balume wa Abediele muana wa balume wa Guni uvua ku mutu kua nzubu wa batatuabu. 16 Bavua basombele mu Gilada,+ mu Bashana+ ne misoko ivua kumpenga kuende,* ne mu mpata yonso ya kudishila nyama ya Shalona too ne ku ndekelu kuayi. 17 Bavua bafunde mêna abu bonso bilondeshile dilondangana dia mêku abu mu matuku a Yotama+ mukalenge wa Yuda ne mu matuku a Yalobama*+ mukalenge wa Isalele.

18 Bena Lubena, bena Gada, ne tshitupa tshia tshisa tshia Manashe bavua ne bilobo bia mvita 44 760 mu tshiluilu tshiabu bivua biambula ngabu ne miele ya mvita, bikale ne mata a mikete,* ne bivua bilongesha mvita. 19 Bakela bena Hagâ,+ bena Yetû, bena Nafisha,+ ne bena Nodaba mvita. 20 Bakapeta diambuluisha pavuabu baluangana nabu, ke bualu kayi bena Hagâ ne bantu bonso bavuabu nabu bakafidibua mu tshianza tshiabu, bualu bavua balombe Nzambi diambuluisha bua mvita, ne wakandamuna dilomba diabu bualu bavua bamueyemene.+ 21 Bakakuata bimuna biabu: tumelu binunu 50, mikoko binunu 250, ne mpunda 2 000, pamue ne bantu* binunu 100. 22 Bantu ba bungi bakakuluka bashipa, bualu mvita ivua ya kudi Nzambi mulelela.+ Nunku bakasomba muaba wabu au too ne tshikondo tshivuabu balue kubakuata kuyabu nabu mu buloba bukuabu.+

23 Ndelanganyi ya tshitupa tshia tshisa tshia Manashe+ ivua misombele mu buloba buvua bumbukila ku Bashana too ne ku Bâla-hêmona ne Senî ne mukuna wa Hêmona.+ Ndelanganyi ayi ivua ya bungi. 24 Aba bavua bamfumu ba nzubu ya batatuabu: Efê, Ishi, Eliele, Azeliele, Yelemiya, Hodawiya, ne Yadiele; bavua bilobo bia mvita, bantu bende lumu, ne bamfumu ba nzubu ya batatuabu. 25 Kadi bakapanga lulamatu kudi Nzambi wa bankambua babu, bobu kuenda masandi ne nzambi* ya bisamba bia mu buloba abu+ bivua Nzambi mubutule kumpala kuabu. 26 Nunku Nzambi wa Isalele wakasonsola lungenyi lua Pula mukalenge wa Ashû+ (mmumue ne: Tigelata-pilenesê+ wa mu Ashû) ke yeye kukuata bena Lubena, bena Gada, ne tshitupa tshia tshisa tshia Manashe, kuyaye nabu ku Halaha, ku Habô, ku Hala, ne ku musulu wa Gozana,+ miaba idibu too ne lelu.

6 Bana ba balume ba Lewi+ bavua: Gêshona, Kohata,+ ne Melali.+ 2 Bana ba balume ba Kohata bavua: Amalama, Yisehâ,+ Hebelone, ne Uziele.+ 3 Bana* ba Amalama+ bavua: Alona,+ Mose,+ kabidi ne Mîyama.+ Bana ba balume ba Alona bavua: Nadaba, Abihu,+ Eleazâ,+ ne Itamâ.+ 4 Eleazâ wakalela Pinehasa;+ Pinehasa wakalela Abishua. 5 Abishua wakalela Buki; Buki wakalela Uzi. 6 Uzi wakalela Zelaya; Zelaya wakalela Melayota. 7 Melayota wakalela Amalia; Amalia wakalela Ahituba.+ 8 Ahituba wakalela Sadoka;+ Sadoka wakalela Ahimasa.+ 9 Ahimasa wakalela Azaya; Azaya wakalela Yohanana. 10 Yohanana wakalela Azaya. Yeye wakenza mudimu wa buakuidi mu nzubu uvua Solomo muibake mu Yelushalema.

11 Azaya wakalela Amalia; Amalia wakalela Ahituba. 12 Ahituba wakalela Sadoka;+ Sadoka wakalela Shaluma. 13 Shaluma wakalela Hilekiya;+ Hilekiya wakalela Azaya. 14 Azaya wakalela Selaya;+ Selaya wakalela Yehosadaka.+ 15 Bakakuata Yehosadaka kuyabu nende mu buloba bukuabu pavua Yehowa muangate bantu ba mu Yuda ne ba mu Yelushalema muye nabu mu buloba bukuabu ku tshianza tshia Nebukadenesâ.

16 Bana ba balume ba Lewi bavua: Gêshoma,* Kohata, ne Melali. 17 Aa mmêna a bana ba balume ba Gêshoma: Libini ne Shimei.+ 18 Bana ba balume ba Kohata bavua: Amalama, Yisehâ, Hebelone, ne Uziele.+ 19 Bana ba balume ba Melali bavua Mali ne Mushi.

Aa avua mêku a bena Lewi bilondeshile bankambua babu:+ 20 Bana ba balume ba* Gêshoma,+ Libini muanende, muanende uvua Yahata, muanende uvua Zima, 21 muanende uvua Yoa, muanende uvua Ido, muanende uvua Zela, muanende uvua Yatelai. 22 Bana ba balume ba* Kohata bavua: Aminadaba muanende, muanende uvua Kola,+ muanende uvua Asî, 23 muanende uvua Elekana, muanende uvua Ebiyasafa,+ muanende uvua Asî, 24 muanende uvua Tahata, muanende uvua Uliele, muanende uvua Uziya, ne muanende uvua Shawula. 25 Bana ba balume ba Elekana bavua Amasai ne Ahimota. 26 Bua Elekana, bana ba balume ba Elekana bavua Sofai muanende, muanende uvua Nahata, 27 muanende uvua Eliaba, muanende uvua Yelohama, muanende uvua Elekana.+ 28 Bana ba balume ba Samuele+ bavua Yoele muanende muanabute ne muibidi Abiya.+ 29 Bana ba balume ba* Melali bavua: Mali,+ Libini muanende, muanende uvua Shimei, muanende uvua Uza, 30 muanende uvua Shimeya, muanende uvua Hagiya, ne muanende uvua Asaya.

31 Aba mbantu bavua Davidi muteke bua kulombola dimba dia misambu ku nzubu wa Yehowa panyima pa bobu bamane kuteka mushete kuntu aku.+ 32 Bavua batangila mudimu wa dimba dia misambu ku ntenta wa tshitendelelu, mmumue ne: ntenta wa kusambakena too ne pavua Solomo muibake nzubu wa Yehowa mu Yelushalema,+ ne bavua bakumbaja mudimu wabu anu muvuabu babalombe bua kuwenza.+ 33 Aba mbantu bavua benze mudimu ne bana babu balela: Bua bena Kohata, Hemana+ muimbi wa misambu, muana wa balume wa Yoele+ muana wa Samuele 34 muana wa Elekana+ muana wa Yelohama muana wa Eliele muana wa Toha 35 muana wa Zufa muana wa Elekana muana wa Mahata muana wa Amasai 36 muana wa Elekana muana wa Yoele muana wa Azaya muana wa Sefanya 37 muana wa Tahata muana wa Asî muana wa Ebiyasafa muana wa Kola 38 muana wa Yisehâ muana wa Kohata muana wa Lewi muana wa Isalele.

39 Muanabu Asafa+ uvua wimana ku dia balume diende; Asafa uvua muana wa balume wa Belekiya muana wa Shimeya 40 muana wa Mikaele muana wa Bâseya muana wa Malakiya 41 muana wa Eteni muana wa Zela muana wa Adaya 42 muana wa Etana muana wa Zima muana wa Shimei 43 muana wa Yahata muana wa Gêshoma muana wa Lewi.

44 Bana babu, ndelanganyi ya Melali,+ bavua ku dia bakaji; kuvua Etana+ muana wa balume wa Kishi muana wa Abedi muana wa Maluke 45 muana wa Hashabeya muana wa Amasaya muana wa Hilekiya 46 muana wa Amasi muana wa Bani muana wa Shemê 47 muana wa Mali muana wa Mushi muana wa Melali muana wa Lewi.

48 Bavua bateke* bana babu bena Lewi bua midimu yonso ya ntenta wa tshitendelelu, nzubu wa Nzambi mulelela.+ 49 Alona ne bana bende ba balume+ bavua bafuimisha milambu pa tshioshelu tshia mulambu wa kuosha+ ne pa tshioshelu tshia musenga wa manananshi,+ benza midimu ivua mu diumvuangana ne bintu bitambe tshijila, bua kubuikidila Isalele mpekatu,+ bilondeshile malu onso avua Mose muena mudimu wa Nzambi mulelela mutume dîyi bua kuenza. 50 Eyi ivua ndelanganyi ya Alona:+ Eleazâ+ muanende wa balume, muanende uvua Pinehasa, muanende uvua Abishua, 51 muanende uvua Buki, muanende uvua Uzi, muanende uvua Zelaya, 52 muanende uvua Melayota, muanende uvua Amalia, muanende uvua Ahituba,+ 53 muanende uvua Sadoka,+ ne muanende uvua Ahimasa.

54 Eyi ivua miaba yabu ya kusombela bilondeshile bitudilu biabu* mu buloba buabu: bua ndelanganyi ya Alona ya mu dîku dia bena Kohata, bu muvua nshobo ya kumpala mibakuate, 55 bakayipesha Hebelone+ mu buloba bua Yuda, pamue ne mpata ya kudishila nyama ivua mimunyunguluke. 56 Kadi bakapesha Kaleba muana wa Yefune maloba a tshimenga atshi ne miaba yatshi mikuabu ya kusombela.+ 57 Bakapesha kabidi ndelanganyi ya Alona bimenga bia* kunyemena:+ Hebelone,+ kabidi ne Libina+ ne mpata yende ya kudishila nyama, Yatî,+ Eshetemoa ne mpata yende ya kudishila nyama,+ 58 Hilene ne mpata yende ya kudishila nyama, Debî+ ne mpata yende ya kudishila nyama, 59 Ashana+ ne mpata yende ya kudishila nyama, ne Bete-shemeshe + ne mpata yende ya kudishila nyama; 60 ne mu tshisa tshia Benyamina: Geba+ ne mpata yende ya kudishila nyama, Alemeta ne mpata yende ya kudishila nyama, ne Anatota+ ne mpata yende ya kudishila nyama. Bimenga biabu bionso bua mêku abu bivua bimenga 13.+

61 Bakapesha* bena Kohata bavua bashale bimenga dikumi bia mu dîku dia tshisa, bia mu tshitupa tshia tshisa, tshitupa tshia Manashe.+

62 Bakapesha bena Gêshoma bilondeshile mêku abu bimenga 13 bia mu tshisa tshia Yisakâ, tshisa tshia Ashê, tshisa tshia Nafatale, ne tshisa tshia Manashe mu Bashana.+

63 Bakapesha bena Melali bilondeshile mêku abu bimenga 12 ku nshobo bia mu tshisa tshia Lubena, tshisa tshia Gada, ne tshisa tshia Zebulona.+

64 Nunku bena Isalele bakapesha bena Lewi bimenga ebi ne mpata yabi ya kudishila nyama.+ 65 Bakafila kabidi ku nshobo bimenga ebi bia mu tshisa tshia Yuda, tshisa tshia Simeona, ne tshisa tshia Benyamina, bimenga bidibu batele mu mêna abi.

66 Amue mêku a bena Kohata avua ne bimenga bia mu tshisa tshia Efelayima bu buloba buabu.+ 67 Bavua babapeshe bimenga bia* kunyemena: Shekeme+ ne mpata yende ya kudishila nyama mu buloba bua mikuna bua Efelayima, Gezê+ ne mpata yende ya kudishila nyama, 68 Yokemama ne mpata yende ya kudishila nyama, Bete-holona+ ne mpata yende ya kudishila nyama, 69 Ayalona+ ne mpata yende ya kudishila nyama, ne Gata-limona+ ne mpata yende ya kudishila nyama; 70 ne mu tshitupa tshia tshisa tshia Manashe bakafila Anele ne mpata yende ya kudishila nyama ne Bilama ne mpata yende ya kudishila nyama kudi mêku a bena Kohata avua mashale.

71 Mu dîku dia tshitupa tshia tshisa tshia Manashe, bakapesha bena Gêshoma Golana+ mu Bashana ne mpata yende ya kudishila nyama ne Ashetalota ne mpata yende ya kudishila nyama;+ 72 ne mu tshisa tshia Yisakâ: Kedeshe ne mpata yende ya kudishila nyama, Dabelata+ ne mpata yende ya kudishila nyama,+ 73 Lamota ne mpata yende ya kudishila nyama, ne Anema ne mpata yende ya kudishila nyama; 74 ne mu tshisa tshia Ashê: Mashala ne mpata yende ya kudishila nyama, Abidona ne mpata yende ya kudishila nyama,+ 75 Hukoko ne mpata yende ya kudishila nyama, ne Lehoba+ ne mpata yende ya kudishila nyama; 76 ne mu tshisa tshia Nafatale: Kedeshe+ mu Galela+ ne mpata yende ya kudishila nyama, Hamone ne mpata yende ya kudishila nyama, ne Kiyatayima ne mpata yende ya kudishila nyama.

77 Mu tshisa tshia Zebulona+ bakapesha bena Melali bavua bashale Limono ne mpata yende ya kudishila nyama, Tabô ne mpata yende ya kudishila nyama; 78 ne mu tshitupa tshia buloba tshia Yadene ku Yeliko, ku est kua Yadene, mu tshisa tshia Lubena, bakabapesha Besê mu tshipela ne mpata yende ya kudishila nyama, Yahasa+ ne mpata yende ya kudishila nyama, 79 Kedemota+ ne mpata yende ya kudishila nyama, ne Mefâta ne mpata yende ya kudishila nyama; 80 ne mu tshisa tshia Gada: Lamota mu Gilada ne mpata yende ya kudishila nyama, Mahanayima+ ne mpata yende ya kudishila nyama, 81 Heshebona+ ne mpata yende ya kudishila nyama, ne Yazê+ ne mpata yende ya kudishila nyama.

7 Mpindieu bana ba balume ba Yisakâ bavua: Tola, Pua, Yashuba, ne Shimelona,+ bana banayi. 2 Bana ba balume ba Tola bavua: Uzi, Lefaya, Yeliele, Yamayi, Ibisama, ne Shemuele, bamfumu ba nzubu ya batatuabu. Bantu bavua bafume kudi Tola bavua bilobo bia mvita, bavua bantu 22 600 mu matuku a Davidi. 3 Ndelanganyi* ya Uzi ivua Yizelaya ne bana ba balume ba Yizelaya: Mikaele, Obadaya, Yoele, ne Yishaya, bonso batanu bavua bamfumu.* 4 Kuvua basalayi binunu 36 bavuabu nabu mu tshiluilu tshiabu badilongolole bua mvita, bilondeshile ndelanganyi yabu, bilondeshile nzubu ya batatuabu, bualu bavua ne bakaji ba bungi ne bana ba bungi. 5 Bana babu ba balume ba mu mêku onso a Yisakâ bavua bilobo bia mvita, bantu binunu 87 bilondeshile muvuabu bafunde mêna abu mu difunda mêna a dilondangana dia mêku abu.+

6 Bana ba balume ba Benyamina+ bavua: Bela,+ Bekê,+ ne Yediele,+ bana basatu. 7 Bana ba balume ba Bela bavua: Esebone, Uzi, Uziele, Yelimota, ne Ili, bana batanu, bamfumu ba nzubu ya batatuabu, bilobo bia mvita, ne bantu 22 034 bavua mu mêna avuabu bafunde mu dilondangana dia mêku abu.+ 8 Bana ba balume ba Bekê bavua: Zemila, Yoasha, Eliezê, Eleyehoenai, Omeli, Yelemota, Abiya, Anatota, ne Alemeta, bonso aba bavua bana ba balume ba Bekê. 9 Mêna avuabu bafunde mu dilondangana dia mêku abu bilondeshile ndelanganyi yabu bua bamfumu ba nzubu ya batatuabu avua bungi bua bilobo bia mvita 20 200. 10 Bana ba balume ba Yediele+ bavua Bilehana ne bana ba balume ba Bilehana: Yeusha, Benyamina, Ehuda, Kenâna, Zetana, Tâshishi, ne Ahishahâ. 11 Bonso aba bavua bana ba balume ba Yediele, bilondeshile bamfumu ba bankambua babu, bilobo bia mvita 17 200 bidiakaje bua kubuela mu tshiluilu bua kuluangana mvita.

12 Bena Shupima ne bena Hupima* bavua bana ba Ile;+ bena Hushima bavua bana ba Ahe.

13 Bana ba balume ba Nafatale+ bavua: Yasiele, Guni, Yesê, ne Shaluma, ndelanganyi* ya Bileha.+

14 Bana ba balume ba Manashe:+ Aseliele muana uvuabu balele kudi mukaji muena Sulia uvuaye mubanjije. (Mukaji eu wakalela Makî+ tatuende wa Gilada. 15 Makî wakaselela Hupima ne Shupima bakaji, ne dîna dia muanabu wa bakaji divua Mâka.) Dîna dia muanende muibidi divua Selofehada,+ kadi Selofehada uvua ne bana ba bakaji.+ 16 Mâka mukaji wa Makî wakalela muana wa balume kumuinyikaye dîna ne: Peleshe; dîna dia muanabu wa balume divua Shelesha; ne bana bende ba balume bavua Ulama ne Lekeme. 17 Muana wa balume* wa Ulama uvua Bedana. Aba bavua bana ba balume ba Gilada muana wa Makî muana wa Manashe. 18 Muanabu wa bakaji uvua Hamolekete. Wakalela Ishehodo, Abiezê, ne Mahala. 19 Bana ba balume ba Shemida bavua: Ahiana, Shekeme, Likihi, ne Aniama.

20 Bana ba balume ba Efelayima+ bavua: Shutela,+ muanende uvua Belede, muanende uvua Tahata, muanende uvua Eleadaha, muanende uvua Tahata, 21 muanende uvua Zabada, muanende uvua Shutela. Ezê ne Eleada bavua bana ba Efelayima. Bantu ba mu Gata+ bavuabu balelele mu buloba abu bakabashipa bualu bavua bapueke bua kuangata bimuna biabu. 22 Tatuabu Efelayima wakabadila matuku a bungi, ne bana babu bavua balua bua kumusamba. 23 Pashishe wakasangila ne mukajende, yeye kuimita, kulelaye muana wa balume. Kadi wakamuinyika ne: Belia* bualu mukaji au uvua mu nzubu muende mu dikenga. 24 Muanende wa bakaji uvua Shelaha uvua muibake Bete-holona wa kuinshi+ ne wa ku mutu+ ne Uzene-shelaha. 25 Kuvua kabidi Lefa muanende, Leshefe, muanende uvua Telaha, muanende uvua Tahana, 26 muanende uvua Ladana, muanende uvua Amihuda, muanende uvua Elishama, 27 muanende uvua Nuna, ne muanende uvua Yoshua.*+

28 Buloba buabu ne miaba yabu ya kusombela bivua Betele+ ne misoko ya kumpenga kuende,* ne ku est Nâlana, ku ouest Gezê ne misoko ya kumpenga kuende, ne Shekeme ne misoko ya kumpenga kuende, kuya too ne ku Aya* ne misoko ya kumpenga kuende; 29 ne ku luseke lua ndelanganyi ya Manashe, Bete-sheana+ ne misoko ya kumpenga kuende, Tanaka+ ne misoko ya kumpenga kuende, Megido+ ne misoko ya kumpenga kuende, ne Dô+ ne misoko ya kumpenga kuende. Ndelanganyi ya Jozefe muana wa Isalele ivua misombele miaba eyi.

30 Bana ba balume ba Ashê bavua: Yimenaha, Yishewa, Yishewi, ne Belia;+ muanabu wa bakaji uvua Sela.+ 31 Bana ba balume ba Belia bavua Hebê ne Malekiele uvua tatuende wa Bîzawita. 32 Hebê wakalela Yafeleta, Shomê, ne Hotama, ne Shua muanabu wa bakaji. 33 Bana ba balume ba Yafeleta bavua: Pasakaha, Bimehala, ne Ashawata. Aba bavua bana ba Yafeleta. 34 Bana ba balume ba Shemê* bavua: Ahi, Loga, Yehuba, ne Alama. 35 Bana ba balume ba muanabu Heleme* bavua: Sofa, Yimena, Sheleshe, ne Amala. 36 Bana ba balume ba Sofa bavua: Sua, Hânefê, Shuala, Beli, Yimelaha, 37 Besê, Hodo, Shama, Shilesha, Yitelana, ne Bêla. 38 Bana ba balume ba Yetê bavua: Yefune, Pisepa, ne Ala. 39 Bana ba balume ba Ula bavua: Alaha, Haniele, ne Lisia. 40 Bonso aba bavua bana ba balume ba Ashê, bamfumu ba nzubu ya batatuabu, basungula, bilobo bia mvita, bikale ku mutu kua bamfumu; ne bungi buabu buvuabu bafunde mu difunda dia dilondangana dia mêku abu+ buvua bua bantu binunu 26+ mu tshiluilu, badiakaje bua mvita.

8 Benyamina+ wakalela Bela+ muanende muanabute, muibidi Ashabele,+ muisatu Ahala, 2 muinayi Noha, ne muitanu Lafa. 3 Bana ba balume ba Bela bavua: Adâ, Gela,+ Abihuda, 4 Abishua, Nâmana, Ahowa, 5 Gela, Shefufama, ne Hulama. 6 Aba bavua bana ba balume ba Ehuda, bamfumu ba nzubu ya batatu ba bantu ba mu Geba,+ bavuabu bakuate baye nabu ku Manahata: 7 Nâmana, Ahiya, ne Gela; yeye ke uvua mubangate muye nabu mu buloba bukuabu ne wakalela Uza ne Ahihuda. 8 Shahalayima wakalela bana mu buloba bua* Moaba yeye mumane kubipata. Hushima ne Baala bavua bakaji bende.* 9 Mukajende Hodesha wakamulelela Yobaba, Zibia, Mesha, Malakama, 10 Yeuse, Shakaya, ne Mîma. Aba bavua bana bende ba balume, bamfumu ba nzubu ya batatuabu.

11 Hushima wakamulelela Abituba ne Elepâla. 12 Bana ba balume ba Elepâla bavua: Ebê, Mishama, Shemede (uvua muibake Onoho+ ne Lodo+ ne misoko ya kumpenga kuende),* 13 Belia, ne Shema. Aba bavua bamfumu ba nzubu ya batatu ba bantu ba mu Ayalona.+ Bobu aba bakipata bantu ba mu Gata. 14 Kuvua kabidi Ahio, Shashaka, Yelemota, 15 Zebadaya, Alada, Edê, 16 Mikaele, Yisepa, Yoha, bana ba balume ba Belia; 17 ne Zebadaya, Meshulama, Hiziki, Hebê, 18 Yishemelai, Yizela, Yobaba, bana ba balume ba Elepâla; 19 ne Yakima, Zikeli, Zabedi, 20 Eliyenai, Ziletai, Eliele, 21 Adaya, Belaya, Shimelata, bana ba balume ba Shimei; 22 ne Yishepana, Ebê, Eliele, 23 Abidona, Zikeli, Hanana, 24 Hananya, Elama, Anetotiya, 25 Yifedeya, Penuele, bana ba balume ba Shashaka; 26 ne Shameshalai, Shehaya, Atalaya, 27 Yalesheya, Eliya, Zikeli, bana ba balume ba Yelohama. 28 Bantu aba bavua bamfumu ba nzubu ya batatu bilondeshile ndelanganyi yabu. Bamfumu aba bavua basombele mu Yelushalema.

29 Yiele tatuende wa Gibeona uvua musombele mu buloba bua Gibeona.+ Dîna dia mukajende divua Mâka.+ 30 Muanende muanabute uvua Abidona, bamulondela kudi Sû, Kishi, Bâla, Nadaba, 31 Gedô, Ahio, ne Zekê. 32 Mikelota wakalela Shimea. Buonso buabu bavua basombele pabuipi ne bana babu ba balume mu Yelushalema, pamue ne bana babu bakuabu ba balume.

33 Nê+ wakalela Kishi; Kishi wakalela Shaula;+ Shaula wakalela Yonatana,+ Maleki-shua,+ Abinadaba,+ ne Eshebâla.*+ 34 Muana wa balume wa Yonatana uvua Meliba-bâla.*+ Meliba-bâla wakalela Mika.+ 35 Bana ba balume ba Mika bavua: Pitona, Meleke, Talea, ne Ahaza. 36 Ahaza wakalela Yehoada; Yehoada wakalela Alemeta, Azamaweta, ne Zimeli. Zimeli wakalela Moza. 37 Moza wakalela Binea, muanende uvua Lafaha, muanende uvua Eleasa, muanende uvua Asela. 38 Asela uvua ne bana ba balume basambombo, ne mêna abu avua: Azelikama, Bokelu, Yishemaele, Shealeya, Obadaya, ne Hanana. Bonso aba bavua bana ba balume ba Asela. 39 Bana ba balume ba Esheke muanabu wa balume bavua: Ulama muanende muanabute, muibidi Yeusha, ne muisatu Elifelete. 40 Bana ba balume ba Ulama bavua bilobo bia mvita bivua mua kuluangana ne* buta bua mikete ne bavua ne bana ba balume ba bungi ne bikulu ba bungi, bantu 150. Bonso aba bavua ndelanganyi ya Benyamina.

9 Bavua bafunde mêna a bena Isalele bonso bilondeshile dilondangana dia mêku abu, ne mbabafunde mu Mukanda wa Bakalenge ba Isalele. Bavua bakuate Yuda baye nende mu Babilona bua muvuaye mupange lulamatu.+ 2 Bantu ba kumpala bavua bapingane mu buloba buabu mu bimenga biabu bavua bamue bena Isalele, bakuidi, bena Lewi, ne bena mudimu ba ku ntempelo.*+ 3 Imue ndelanganyi ya Yuda,+ ya Benyamina,+ ya Efelayima, ne ya Manashe yakasombela mu Yelushalema: 4 Utai muana wa balume wa Amihuda muana wa Omeli muana wa Imeli muana wa Bani, ba mu ndelanganyi ya Pelese+ muana wa balume wa Yuda. 5 Mu bena Shilo, Asaya muanabute ne bana bende ba balume. 6 Mu bana ba balume ba Zela,+ Yeule ne bana babu ba balume 690.

7 Mu ndelanganyi ya Benyamina: Salu muana wa balume wa Meshulama muana wa Hodaweya muana wa Hasenua, 8 Yibeneya muana wa balume wa Yelohama, Elaha muana wa balume wa Uzi muana wa Mikeli, ne Meshulama muana wa balume wa Shefataya muana wa Luele muana wa Yibeniya. 9 Bana babu ba balume bilondeshile dilondangana dia mêku abu bavua 956. Bantu bonso aba bavua bamfumu ba nzubu ya batatuabu.*

10 Mu bakuidi muvua: Yedaya, Yehoyaliba, Yakina,+ 11 Azaya muana wa Hilekiya muana wa Meshulama muana wa Sadoka muana wa Melayota muana wa Ahituba, umue wa ku balombodi ba nzubu* wa Nzambi mulelela, 12 Adaya muana wa balume wa Yelohama muana wa Pashû muana wa Malakiya, Mâsai muana wa balume wa Adiele muana wa Yazela muana wa Meshulama muana wa Meshilemita muana wa Imê, 13 ne bana babu ba balume, bamfumu ba nzubu ya batatu, bantu ba bukole 1 760, bakumbane ne badiakaje bua mudimu wa nzubu wa Nzambi mulelela.

14 Mu bena Lewi muvua: Shemaya+ muana wa Hashuba muana wa Azelikama muana wa Hashabeya wa mu ndelanganyi ya Melali; 15 ne Bakabakâ, Heleshi, Galala, Matanaya muana wa balume wa Mika muana wa Zikeli muana wa Asafa, 16 Obadaya muana wa balume wa Shemaya muana wa Galala muana wa Yedutuna, ne Belekiya muana wa balume wa Asa muana wa Elekana, uvua usombela miaba ivua bena Netofa basombele.+

17 Balami ba ku biibi+ bavua: Shaluma, Akuba, Talemona, Ahimana, ne Shaluma muanabu wa balume uvua ku mutu kuabu, 18 too ne dîba adi uvua ku tshiibi tshia mukalenge ku est.+ Aba bavua balami ba ku biibi ba ku bitudilu bia bena Lewi. 19 Shaluma muana wa balume wa Kole muana wa Ebiyasafa muana wa Kola, ne bana babu ba balume ba mu nzubu wa batatuende, bena Kola, bavua batangila midimu ivuabu ne bua kuenza, balami ba biibi bia ntenta, ne ku kale batatuabu bavua ku mutu kua tshitudilu tshia Yehowa bu balami ba ku tshibuelelu. 20 Pinehasa+ muana wa balume wa Eleazâ+ ke uvua mulombodi wabu ku kale; Yehowa uvua nende. 21 Zekâya+ muana wa balume wa Meshelemiya uvua mulami wa ku tshiibi tshia tshibuelelu tshia ntenta wa kusambakena.

22 Bantu bonso bavuabu basungule bua kuikala balami ba ku biibi ku bibuelelu bavua 212. Bavua basombe miaba yabu ya kusombela bilondeshile muvuabu badifundishe bilondeshile dilondangana dia mêku abu.+ Davidi ne Samuele mumonyi wa malu+ bavua bateke bantu aba mu mudimu wabu wa kueyemenyibua. 23 Bobu ne bana babu ba balume bavua batangila mudimu wa bulami bua biibi bia nzubu wa Yehowa,+ nzubu wa ntenta. 24 Balami ba ku biibi bavua ku nseke inayi: ku est, ku ouest, ku nord, ne ku sud.+ 25 Ku musangu ne ku musangu, bana babu ba balume bavua balua bua matuku muanda mutekete bafumina miaba yabu ya kusombela bua kuenza nabu mudimu. 26 Kuvua bamfumu* banayi ba balami ba ku biibi mu mudimu wa kueyemenyibua. Bavua bena Lewi, ne bavua batangila bibambalu* ne bibutshilu bia nzubu wa Nzambi mulelela.+ 27 Bavua bapitshisha butuku miaba yabu ya midimu banyunguluke nzubu wa Nzambi mulelela, bualu bavua batangila mudimu wa bulami ne bavua balama nsapi ne bakangula nzubu dinda dionso.

28 Bamue ba kudibu bavua batangila bintu+ bia mudimu; bavua babibala pavuabu babibueja ne bavua babibala pavuabu babipatula. 29 Bakuabu bavua batangila bintu bikuabu, batangila bintu bionso bia tshijila,+ ne batangila bukula bunefuke,+ mvinyo,+ mafuta,+ budimbu bua mupuya muimpe,+ ne mafuta a mutshi wa bome.+ 30 Bamue bana ba balume ba bakuidi bavua basambakaja mafuta a mutshi wa bome ne bintu bikuabu bua kuenza mafuta a kulaba. 31 Matitiya, umue wa ku bena Lewi, uvua muanabute wa Shaluma muena Kola, uvua wenza mudimu wa kueyemenyibua wa ditangila bintu bivuabu boshela mu malata a kuoshela mampa.+ 32 Bamue bana babu ba balume bena Kohata bavua batangila milongo ya mampa,*+ bua kualongolola dituku dionso dia nsabatu.+

33 Aba bavua bimbi ba misambu, bamfumu ba nzubu ya batatu ya bena Lewi mu bibambalu,* bantu bavuabu bumbushile midimu mikuabu; bualu bavua ne bua kuikala ku mudimu munya ne butuku. 34 Bantu aba bavua bamfumu ba nzubu ya batatu ya bena Lewi bilondeshile dilondangana dia mêku abu, bantu bavua ku mutu. Bantu aba bavua basombele mu Yelushalema.

35 Yiele tatuende wa Gibeona uvua musombele mu buloba bua Gibeona.+ Dîna dia mukajende divua Mâka. 36 Muanende muanabute uvua Abidona, bamulondela kudi Sû, Kishi, Bâla, Nê, Nadaba, 37 Gedô, Ahio, Zekâya, ne Mikelota. 38 Mikelota wakalela Shimeama. Buonso buabu bavua basombele pabuipi ne bana babu ba balume mu Yelushalema, pamue ne bana babu bakuabu ba balume. 39 Nê+ wakalela Kishi; Kishi wakalela Shaula;+ Shaula wakalela Yonatana,+ Maleki-shua,+ Abinadaba,+ ne Eshebâla. 40 Muana wa balume wa Yonatana uvua Meliba-bâla.+ Meliba-bâla wakalela Mika.+ 41 Bana ba balume ba Mika bavua: Pitona, Meleke, Tahaleya, ne Ahaza. 42 Ahaza wakalela Yala; Yala wakalela Alemeta, Azamaweta, ne Zimeli. Zimeli wakalela Moza. 43 Moza wakalela Binea ne Lefaya muanende wa balume, muanende uvua Eleasa, muanende uvua Asela. 44 Asela uvua ne bana ba balume basambombo, ne mêna abu avua: Azelikama, Bokelu, Yishemaele, Shealeya, Obadaya, ne Hanana. Aba bavua bana ba balume ba Asela.

10 Mpindieu bena Peleshete bavua baluangana ne Isalele. Bantu ba mu Isalele bakanyema kumpala kua bena Peleshete, ne ba bungi bakakuluka bashipa pa mukuna wa Gileboa.+ 2 Bena Peleshete bavua anu benda balondakaja Shaula ne bana bende, kusemenabu pabuipi nabu bikole; bena Peleshete bakashipa Yonatana, Abinadaba, ne Maleki-shua,+ bana ba Shaula. 3 Mvita yakakolela Shaula bikole menemene, ne bedi ba mikete bakamona muaba uvuaye, bobu kumutapa.+ 4 Ke Shaula kuambila muntu uvua umuambuila bia mvita ne: “Tula muele webe wa mvita, uwuntue, bua bantu badi kabayi batengula aba kabalu kungenzela malu kakuyi luse.”*+ Kadi muntu uvua umuambuila bia mvita kakitaba to, bualu uvua ne buôwa bua bungi menemene. Nunku Shaula wakangata muele wende wa mvita, yeye kudishindilapu.+ 5 Pavua muntu uvua wambuila Shaula bia mvita mumone ne: Shaula uvua mufue, yeye pende wakadishindila pa muele wende wa mvita, kufuaye. 6 Nunku Shaula ne bana bende ba balume basatu bakafua, ne ba mu nzubu muende bonso bakafua pamue.+ 7 Pavua bena Isalele bonso bavua mu tshibandabanda* bamone ne: bantu bonso bavua banyeme, ne bamone kabidi ne: Shaula ne bana bende bavua bafue, bakatuadija kunyema bumbuka mu bimenga biabu; nunku bena Peleshete bakalua, kusombabu mu bimenga abi.

8 Dituku diakalonda, pavua bena Peleshete balue bua kuangata bintu bia bantu bavuabu bashipe, bakasangana Shaula ne bana bende ba balume bafuile pa mukuna wa Gileboa.+ 9 Nunku bakangata bintu biende, kumukosabu mutu, ne kumukopolabu bia mvita biende, bobu kutuma mukenji mu buloba buonso bua bena Peleshete bua bamuangalaje lumu alu kudi mpingu yabu+ ne kudi bantu. 10 Pashishe bakateka bia mvita biende mu nzubu* wa nzambi wabu, bobu kusuikila mutu wende ku nzubu wa Dagona.+

11 Pavua bantu bonso ba mu Yabesha+ mu Gilada bumvue malu onso avua bena Peleshete benzele Shaula,+ 12 bena mvita bonso bakajuka, kuangatabu tshitalu tshia Shaula ne bitalu bia bana bende ba balume. Bakaya nabi ku Yabesha, kujiikabu mifuba yabu muinshi mua mutshi munene wa mu Yabesha+ ne bakajila biakudia matuku muanda mutekete.

13 Nunku Shaula wakafua bua muvuaye mupange lulamatu kudi Yehowa bualu kavua mutumikile dîyi dia Yehowa,+ ne bualu uvua kabidi muye kuebeja malu kudi muena mbuku+ 14 pamutu pa kuebeja malu kudi Yehowa. Nunku Yeye wakamushipa ne kupeshaye Davidi muana wa Yishai bukalenge.+

11 Pakapita matuku, bena Isalele bonso bakadisangisha kudi Davidi ku Hebelone,+ kuambabu ne: “Mona! Tuetu tudi mufuba webe ne musunyi webe.*+ 2 Bidimu bishale biabia pavua Shaula mukalenge, wewe ke uvua ulombola Isalele mu mvita yende.*+ Pashishe Yehowa Nzambi webe wakakuambila ne: ‘Neulame tshisamba tshianyi tshia Isalele, ne neulue mulombodi wa tshisamba tshianyi tshia Isalele.’”+ 3 Nunku bakulu ba mu Isalele bonso bakalua kudi mukalenge ku Hebelone, ne Davidi wakadia nabu tshipungidi ku Hebelone kumpala kua Yehowa. Pashishe bakela Davidi manyi bua ikale mukalenge wa Isalele+ bilondeshile dîyi divua Yehowa muambe ku butuangaji bua Samuele.+

4 Pakapita matuku, Davidi ne Isalele mujima bakasa luendu batangile ku Yelushalema, mmumue ne: ku Yebuse,+ buloba buvua bena Yebuse+ basombele. 5 Bantu ba mu Yebuse bakaseka Davidi bamba ne: “Kuakubuela munemu nansha dituku dimue to!”+ Kadi Davidi wakakuata muaba mukolesha wa kusokomena wa Siona,+ udibu babikila mpindieu ne: Tshimenga tshia Davidi.+ 6 Ke Davidi kuamba ne: “Muntu washipa bena Yebuse wa kumpala nealue mfumu* ne mukokeshi.” Nunku Yoaba+ muana wa Seluya wakabanda wa kumpala, yeye kulua mfumu. 7 Pashishe Davidi wakasombela muaba mukolesha wa kusokomena au. Ke bualu kayi bavua bawubikila ne: Tshimenga tshia Davidi. 8 Wakatuadija kuibaka tshimenga kumpenga kuonso, kumbukila ku Kakunakuna* too ne miaba mikuabu ivua mitshinyunguluke, ne Yoaba wakalongolola miaba mikuabu ya tshimenga ivua mishale. 9 Nunku Davidi wakatungunuka amu ne kupeta bukole bua bungi,+ ne Yehowa wa biluilu uvua nende.

10 Mpindieu aba mbamfumu ba bilobo bia mvita bia Davidi, bavua bamukuatshishe bikole mu bukalenge buende pamue ne Isalele mujima, bua kumuvuija mukalenge bilondeshile dîyi dia Yehowa divua ditangila Isalele.+ 11 Aa mmêna a bilobo bia mvita bia Davidi: Yashobeama+ muana wa balume wa muena Hakemoni, uvua ku mutu kua bilobo bia mvita bisatu.+ Musangu mukuabu uvua mushipe bantu 300 ne difuma diende.+ 12 Bakamulondela kudi Eleazâ+ muana wa Dodo muena Ahoa.+ Uvua munkatshi mua bilobo bia mvita bisatu. 13 Uvua ne Davidi ku Pasa-damima,+ muaba uvua bena Peleshete badisangishe bua mvita. Mpindieu kuvua tshitupa tshia buloba tshivua tshiuwule tente ne orje, ne bantu bavua banyeme bua bena Peleshete. 14 Kadi yeye wakimana munkatshi mua budimi abu, kubuluilaye mvita ne kutungunukaye ne kushipa bena Peleshete, kuenzabi bua Yehowa afile ditshimuna dinene.*+

15 Bantu basatu ba ku bamfumu 30 bakapueka ku dibue kuvua Davidi mu nyongolo wa Adulama+ pavua eku tshiluilu tshia bena Peleshete tshiase tshitudilu mu Tshibandabanda* tshia bena Lefa.+ 16 Dîba adi Davidi uvua muaba wa kusokomena, ne tshisumbu tshia basalayi ba bena Peleshete tshivua mu Beteleheme. 17 Pashishe Davidi wakaleja dijinga divuaye nadi wamba ne: “Bu meme nansha mua kupetaku mâyi a kunua a mu tshina tshia kulamina mâyi tshidi pabuipi ne tshiibi tshia Beteleheme!”+ 18 Ke bantu basatu abu kubuelabu mu tshitudilu tshia bena Peleshete ku makanda, kusunabu mâyi mu tshina tshia kulamina mâyi tshivua pabuipi ne tshiibi tshia Beteleheme ne kuatuadilabu Davidi; kadi Davidi wakabenga bua kuanua, kuapongoluelaye Yehowa panshi. 19 Yeye kuamba ne: “Ku mêsu kua Nzambi wanyi kabiena mua kuenzeka bua meme kuenza bualu ebu to! Ndi mua kunua mashi a bantu aba bavua bateke mioyo* yabu mu njiwu anyi?+ Bualu bavua bateke mioyo* yabu mu njiwu bua kulua nawu.” Nunku wakabenga bua kuanua. Aa ke malu avua bilobo biende bia mvita bisatu bienze.

20 Abishai+ muanabu ne Yoaba+ wakalua mfumu wa bena mvita bakuabu basatu; wakashipa bantu 300 ne difuma diende, ne uvua ne lumu anu bu bantu basatu abu.+ 21 Mu basatu bakuabu abu, yeye ke uvuabu batamba kunemeka kupita babidi bakuabu abu, ne uvua mfumuabu; kadi kavua mufike mu mulongo wa basatu ba kumpala abu to.

22 Benaya+ muana wa Yehoyada uvua muntu wa dikima* uvua muenze malu manene a bungi mu Kabesêle.+ Uvua mushipe bana babidi ba Aliele wa mu Moaba, ne dituku kampanda divua neje iloka uvua mupueke mu tshina tshia kulamina mâyi, kushipaye ntambue.+ 23 Uvua mushipe kabidi muena Ejipitu kampanda uvua munene mule wa mfiondo, muikale ne bule bua nkubita itanu.*+ Nansha muvua muena Ejipitu au ne difuma mu tshianza tshiende dienze bu mutshi wa ku tshiamu tshia muluki wa bilamba,+ yeye wakaya kuluangana nende ne mutshi, kudiapulaye difuma mu tshianza tshia muena Ejipitu ne kumushipaye ne difuma diende yeye adi.+ 24 Aa ke malu avua Benaya muana wa Yehoyada muenze, ne uvua ne lumu bu lua bilobo bia mvita bisatu bia Davidi. 25 Nansha muvuabu bamunemeka bikole kupita too ne bena mvita 30, kavua mufike mu mulongo wa bena mvita basatu abu to.+ Kadi Davidi wakamuteka ku mutu kua bantu bavua bamulama.

26 Bilobo bia mvita bia biluilu bia basalayi bivua: Asahele+ muanabu ne Yoaba, Elehanana muana wa Dodo wa ku Beteleheme,+ 27 Shamota muena Halola, Helese muena Pelona, 28 Ila+ muana wa Ikeshe muena Tekoa, Abiezê+ muena Anatota, 29 Sibekai+ muena Husha, Ilai muena Ahoa, 30 Mahalai+ muena Netofa, Helede+ muana wa Bânaha muena Netofa, 31 Itayi muana wa Libai wa ku Gibea wa mu bena Benyamina,+ Benaya muena Pilatona, 32 Hulai wa ku tusulu tua tshilonda nkoka* tua Gâsha,+ Abiele muena Alabâ, 33 Azamaweta muena Bahulima, Eliahaba muena Shâlabima, 34 bana ba Hashema muena Gizona, Yonatana muana wa Shage muena Halala, 35 Ahiyama muana wa Sakâ muena Halala, Elifala muana wa Ula, 36 Hefê muena Mekelata, Ahiya muena Pelona, 37 Heselo muena Kâmele, Nâlai muana wa Ezebai, 38 Yoele muanabu ne Natana, Mibehale muana wa Hageli, 39 Seleke muena Amona, Nahalai muena Bêlota, muambudi wa bia mvita wa Yoaba muana wa Seluya; 40 Ila muena Yitela, Galeba muena Yitela, 41 Uliya+ muena Hiti, Zabada muana wa Ahalai, 42 Adina muana wa Shiza muena Lubena, umue wa ku bamfumu ba bena Lubena, ne bantu 30 bavua nende; 43 Hanana muana wa Mâka, Yoshafata muena Mitena, 44 Uzia muena Ashetelata, Shama ne Yiele bana ba balume ba Hotama muena Aloê; 45 Yediele muana wa Shimeli, ne Yoha muanabu wa balume muena Tisi; 46 Eliele muena Mahawa, Yelibai ne Yoshawia bana ba balume ba Elenâma, ne Yitema muena Moaba; 47 Eliele, Obeda, ne Yâsiele muena Mesobaya.

12 Aba mbantu bavua balue kudi Davidi ku Sikelaga+ pavuaye kayi mua kuya kuvuaye musue kuya mudilekelele bua Shaula+ muana wa Kishi, ne bavua munkatshi mua bilobo bia mvita bivua bimuambuluishe mu mvita.+ 2 Bavua ne buta bua mikete ne bavua mua kukupa mabue+ anyi kukupa mikete ne buta ne tshianza tshia bulume anyi ne tshianza tshia bakaji.+ Bavua ba mu bana babu ne Shaula, ba mu Benyamina.+ 3 Mfumu uvua Ahiezê, pamue ne Yoasha, bonso babidi bana ba Shemâ muena Gibea;+ Yiziele ne Pelete bana ba Azamaweta,+ Belaka, Yehu muena Anatota, 4 Yishemaya muena Gibeona,+ tshilobo tshia mvita tshia mu bena mvita 30 + ne uvua ku mutu kua bena mvita 30; kabidi ne Yelemiya, Yahaziele, Yohanana, Yozabada muena Gedela, 5 Eluzai, Yelimota, Bealeya, Shemaliya, Shefataya muena Halifa, 6 Elekana, Yishaya, Azalele, Yoezê, ne Yashobeama, bena Kola;+ 7 ne Yoela ne Zebadaya bana ba Yelohama wa mu Gedô.

8 Bena Gada bakuabu bakaya luseke lua Davidi mu tshipela muaba wa kusokomena;+ bavua bilobo bia mvita, basalayi balongesha mvita, bimane badilongolole ne ngabu minene ne mafuma, bavua ku mêsu bu kua ntambue ne bavua ne lubilu bu lua tubuluku pa mikuna. 9 Ezê uvua mfumu, muibidi Obadaya, muisatu Eliaba, 10 muinayi Mishemana, muitanu Yelemiya, 11 muisambombo Atai, wa muanda mutekete Eliele, 12 wa muanda mukulu Yohanana, wa tshitema Elezabada, 13 wa dikumi Yelemiya, wa 11 Makebanai. 14 Bantu aba bavua ba mu bena Gada,+ bamfumu ba tshiluilu. Mutambe bukese uvua mumue ne bantu lukama, ne mutambe bunene uvua mumue ne bantu tshinunu.+ 15 Aba mbantu bavua basabuke Yadene mu ngondo wa kumpala pavuaye muwule musambuke mikalu yende, ne bakipata bantu bonso bavua basombele mu tshibatabata, ku est ne ku ouest.

16 Bantu bakuabu ba mu Benyamina ne mu Yuda bakalua pabu kudi Davidi muaba wende wa kusokomena.+ 17 Pashishe Davidi wakapatuka, kuimanaye kumpala kuabu, kubambilaye ne: “Binuikala balue kundi mu ditalala bua kungambuluisha, muoyo wanyi newikale mu buobumue nenu. Kadi binuikala balue bua kumfila kudi baluishi banyi padi bianza bianyi kabiyi bienze bualu bubi, Nzambi wa bankambua betu amone bualu ebu ne abukose.”+ 18 Pashishe nyuma wakatulukila* Amasai,+ mfumu wa bena mvita 30, kuambaye ne:

“Tudi bantu bebe, wewe Davidi, ne tudi nebe, wewe muana wa Yishai.+

Nunku Davidi wakabakidila ne kubatekaye munkatshi mua bamfumu ba bisumbu bia basalayi.

19 Bantu bakuabu ba mu Manashe bakumbuka pabu kuyabu kudi Davidi pavuaye mulue ne bena Peleshete bua kuluangana ne Shaula; kadi kavua muambuluishe bena Peleshete to, bualu panyima pa bakalenge ba bena Peleshete+ bamane kuyukila, bakamupingaja bamba ne: “Yeye neatushiye bua kuya kudi mukalenge wende Shaula, nunku netujimije mioyo yetu.”+ 20 Pavuaye muye ku Sikelaga,+ bantu ba mu Manashe aba bakanyema kuyabu kudiye: Adenaha, Yozabada, Yediele, Mikaele, Yozabada, Elihu, ne Ziletai, bamfumu ba bantu tshinunu tshinunu ba mu Manashe.+ 21 Bakambuluisha Davidi bua kuluisha tshisumbu tshia benzavi, bualu buonso buabu bavua bantu ba bukole, ba dikima,+ ne bakalua bamfumu mu tshiluilu tshia basalayi. 22 Bantu bavua anu balua kudi Davidi+ ku dituku ku dituku bua kumuambuluisha too ne pavua tshitudilu tshilue tshinene anu bu tshitudilu tshia Nzambi.+

23 Ebu mbungi bua bamfumu ba bantu bavua ne bia mvita bua kuluangana bavua balue kudi Davidi ku Hebelone+ bua kumupesha bukalenge bua Shaula bilondeshile dîyi divua Yehowa mutume.+ 24 Bantu ba mu Yuda bavua bambula ngabu minene ne mafuma bavua 6 800, bikale ne bia mvita bua kuluangana. 25 Mu bena Simeona, bantu ba bukole, ba dikima ba mu tshiluilu bavua 7 100.

26 Mu bena Lewi, bantu 4 600. 27 Yehoyada+ uvua mulombodi wa bana ba Alona,+ ne uvua ne bantu 3 700, 28 kusangisha ne Sadoka,+ nsongalume wa bukole ne wa dikima, pamue ne bamfumu 22 ba mu nzubu wa batatuende.

29 Mu bena Benyamina, bana babu ne Shaula,+ kuvua bantu 3 000, ne ba bungi ba munkatshi muabu bavua balama bintu bia mushinga bia nzubu wa Shaula kumpala. 30 Mu bena Efelayima, kuvua bantu 20 800 ba bukole ne ba dikima bavua bende lumu mu nzubu ya batatuabu.

31 Mu tshitupa tshia tshisa tshia Manashe, kuvua bantu binunu 18 bavuabu batele mêna abu bua kulua kuteka Davidi mukalenge. 32 Mu tshisa tshia Yisakâ, kuvua bantu 200 ba mu bamfumu babu bavua bajingulula bikondo ne bamanye tshivua Isalele ne bua kuenza, ne bana babu bonso bavua ku bukokeshi buabu. 33 Mu Zebulona, kuvua bantu binunu 50 bavua mua kubuela mu tshiluilu, badilongolole bua mvita bikale ne bia mvita bionso bua kuluangana, bonso badisangishe kudi Davidi ne lulamatu luonso.* 34 Mu Nafatale, kuvua bamfumu tshinunu, ne bavua ne bantu binunu 37 bikale ne ngabu minene ne mafuma. 35 Mu bena Dana, bantu bavua badilongolole bua mvita bavua 28 600. 36 Mu Ashê, bantu bavua mua kubuela mu tshiluilu bua kuela mualu wa mvita bavua binunu 40.

37 Dia muamua dia Yadene,+ mu bena Lubena, ne bena Gada ne tshitupa tshia tshisa tshia Manashe, kuvua basalayi binunu 120 bikale ne bia mvita bia mishindu yonso. 38 Bonso aba bavua bena mvita, bavua badisangisha pamue muaba wa mvita; bavua balue ku Hebelone ne muoyo mujima bua kuteka Davidi mukalenge ku mutu kua Isalele mujima, ne kabidi bena Isalele bakuabu bonso bavua mu buobumue mu dijinga dia* kuteka Davidi mukalenge.+ 39 Bakashala kuntu aku ne Davidi matuku asatu, badia, banua, bualu bana babu bavua babalongoluele bintu. 40 Kabidi ne bantu bavua pabuipi nabu, too ne bavua ku Yisakâ, Zebulona, ne Nafatale, bavua balua ne biakudia pa mpunda, pa tumelu, pa mpunda ya mushindu mukuabu ne pa ngombe, mmumue ne: biakudia bienza ne bukula, mabulu a mfigi miumisha ne a tumuma tua mvinyo tumisha, mvinyo, mafuta, ne ngombe ne mikoko bia bungi menemene, bualu kuvua disanka mu Isalele.

13 Davidi wakayukila ne bamfumu ba bantu tshinunu tshinunu ne ba bantu lukama lukama ne balombodi bonso.+ 2 Pashishe Davidi wakambila tshisumbu tshijima tshia Isalele ne: “Nuenu bamone ne: mbimpe, ne Yehowa Nzambi wetu yeye muitabe, tutume mukenji mu bitupa bionso bia buloba bua Isalele kudi bana betu badi bashale ne kabidi kudi bakuidi ne bena Lewi mu bimenga biabu+ bidi ne mpata ya kudishila nyama bua balue kudisangisha kutudi. 3 Nunku tupingaje Mushete+ wa Nzambi wetu.” Bualu kabavua bawutabalele mu matuku a Shaula to.+ 4 Tshisumbu tshijima tshiakitaba bua kuenza nanku, bualu bivua bimueneke bimpe ku mêsu kua bantu bonso. 5 Nunku Davidi wakasangisha Isalele mujima, kumbukila ku musulu* wa Ejipitu too ne ku Lebo-hamate,*+ bua kumbusha Mushete wa Nzambi mulelela ku Kîyata-yalima.+

6 Davidi ne Isalele mujima bakabanda ku Bâlaha,+ ku Kîyata-yalima wa Yuda, bua kubanda ne Mushete wa Yehowa Nzambi mulelela udi usomba mu nkuasa wa bukalenge pa mutu* pa bakeluba,+ muaba udibu babila dîna diende. 7 Kadi bakateka Mushete wa Nzambi mulelela mu ditempu dipiadipia,+ kumbukabu nawu ku nzubu kua Abinadaba; ne Uza ne Ahio bavua benda balombola ditempu adi.+ 8 Davidi ne Isalele mujima bavua benda basanka kumpala kua Nzambi mulelela ne bukole buabu buonso, benda bimba misambu, ne nzenze, ne biombelu bikuabu bia nshinga, ne ngoma,+ ne bintu bia kukumakaja,+ ne mpungi.+ 9 Kadi pakafikabu muaba wa tshishipuidi wa Kidona, Uza wakolola tshianza, kukuataye Mushete, bualu ngombe ivua yamba kuwukulula. 10 Ke tshiji tshia Yehowa kutemenatshi Uza, ne Yeye wakamukuma bualu uvua muolole tshianza ku Mushete,+ ne wakafuila muaba au kumpala kua Nzambi.+ 11 Kadi Davidi wakafiika munda* bualu tshiji tshia Yehowa tshivua tshitemene Uza; ne badi babikila muaba au ne: Pelese-Uza* too ne lelu.

12 Nunku Davidi wakabanga kutshina Nzambi mulelela dituku adi, kuambaye ne: “Ndi mua kuya ne Mushete wa Nzambi mulelela muaba undi mushindu kayi?”+ 13 Davidi kavua muye ne Mushete muaba uvuaye mu Tshimenga tshia Davidi to, kadi wakawambuisha bua baye nawu ku nzubu kua Obeda-edome muena Gata. 14 Mushete wa Nzambi mulelela uvua kudi ba mu nzubu mua Obeda-edome ne wakashala kuende ngondo isatu; ne Yehowa uvua ubenesha ba mu nzubu mua Obeda-edome ne bionso bivuaye nabi.+

14 Hilama+ mukalenge wa Tulo wakatuma bantu ne mukenji kudi Davidi, bikale ne mitshi ya sedre, ne bantu bavua bibaka ne mabue,* ne bena mabaya bua kumuibakila nzubu.*+ 2 Nunku Davidi wakamanya ne: Yehowa uvua mumujadike bikole bu mukalenge wa Isalele,+ bualu uvua mubandishe bukalenge buende bikole bua bualu bua tshisamba Tshiende tshia Isalele.+

3 Davidi wakasela bakaji bakuabu+ mu Yelushalema, ne Davidi wakalela bana bakuabu ba balume ne ba bakaji.+ 4 Aa mmêna a bana bende bavuabu bamulelele mu Yelushalema:+ Shamua, Shobaba, Natana,+ Solomo,+ 5 Yibeha, Elishua, Elepeleta, 6 Noga, Nefege, Yafia, 7 Elishama, Bêleyada, ne Elifelete.

8 Pavua bena Peleshete bumvue ne: bavua bele Davidi manyi bua kulua mukalenge wa Isalele mujima,+ bena Peleshete bonso bakabanda bua kukeba Davidi.+ Pavua Davidi mumvue bualu ebu, wakapatuka bua kubaluisha. 9 Pashishe bena Peleshete bakalua, ne bavua baluisha bantu ba mu Tshibandabanda* tshia bena Lefa.+ 10 Davidi wakebeja Nzambi wamba ne: “Mbande bua kuluangana ne bena Peleshete anyi? Neubafile mu tshianza tshianyi anyi?” Ke Yehowa kumuambila ne: “Banda, ne bushuwa nembafile mu tshianza tshiebe.”+ 11 Nunku Davidi wakabanda ku Bâla-pelasima,+ ne wakabashipa kuntu aku. Ke Davidi kuamba ne: “Nzambi mulelela mmupande njila mu bena lukuna banyi ku tshianza tshianyi anu bu njila mupanda kudi mâyi.” Ke bualu kayi bakinyika muaba au ne: Bâla-pelasima.* 12 Bena Peleshete bakalekela nzambi yabu muaba au, ne pavua Davidi mutume dîyi, bakayosha mu kapia.+

13 Pakapita matuku bena Peleshete bakalua kabidi kuluisha bantu ba mu tshibandabanda.*+ 14 Davidi wakebeja kabidi Nzambi, kadi Nzambi mulelela wakamuambila ne: “Kubandi bua kubalonda buludiludi to. Kadi nyunguluka uyile panyima pabu, ne ubapatukile kumpala kua mitshi ya baka.+ 15 Paudi umvua mikuma mienze bu ya bantu benda kuulu kua mitshi ya baka, ubaluishe diakamue, bualu Nzambi mulelela neikale mumane kupatuka kumpala kuebe bua kushipa tshiluilu tshia bena Peleshete.”+ 16 Nunku Davidi wakenza anu muvua Nzambi mulelela mumutumine dîyi bua kuenza,+ ne bakashipa tshiluilu tshia bena Peleshete kumbukila ku Gibeona too ne ku Gezê.+ 17 Nunku lumu lua Davidi luakatangalaka mu maloba onso, ne Yehowa wakenza bua bisamba bionso bikale nende ne buôwa bukole.+

15 Wakatungunuka kabidi ne kudibakila nzubu mu Tshimenga tshia Davidi, ne wakalongolola muaba bua Mushete wa Nzambi mulelela, yeye kuwashila ntenta.+ 2 Dîba adi ke divua Davidi muambe ne: “Muntu nansha umue kena ne bua kuambula Mushete wa Nzambi mulelela, anu bena Lewi, bualu Yehowa mmubasungule bua kuambula Mushete wa Yehowa ne bua kumuenzela mudimu misangu yonso.”+ 3 Nunku Davidi wakasangisha Isalele mujima ku Yelushalema bua kubandisha Mushete wa Yehowa kuya nawu muaba uvuaye muwulongoluele.+

4 Davidi wakasangisha ndelanganyi ya Alona+ ne ya bena Lewi:+ 5 mu bena Kohata, Uliele mfumu ne bana babu 120; 6 mu bena Melali, Asaya+ mfumu ne bana babu 220; 7 mu bena Gêshoma, Yoele+ mfumu ne bana babu 130; 8 mu ndelanganyi ya Elisafana,+ Shemaya mfumu ne bana babu 200; 9 mu ndelanganyi ya Hebelone, Eliele mfumu ne bana babu 80; 10 mu ndelanganyi ya Uziele,+ Aminadaba mfumu ne bana babu 112. 11 Davidi wakabikila kabidi muakuidi Sadoka+ ne muakuidi Ebeyatâ+ ne bena Lewi aba: Uliele, Asaya, Yoele, Shemaya, Eliele, ne Aminadaba, 12 ne wakabambila ne: “Nudi bamfumu ba nzubu ya batatu ya bena Lewi. Dijidilayi, nuenu ne bana benu, ne bandayi ne Mushete wa Yehowa Nzambi wa Isalele muaba undi muwulongoluele. 13 Bu munuvua kanuyi bawambule musangu wa kumpala,+ tshiji tshia Yehowa Nzambi wetu tshivua tshitutemene,+ bualu katuvua bakebe mushindu muimpe wa kuwambula to.”+ 14 Nunku bakuidi ne bena Lewi bakadijidila bua kubanda ne Mushete wa Yehowa Nzambi wa Isalele.

15 Pashishe bena Lewi bakambula Mushete wa Nzambi mulelela pa makaya abu, bawambuile ku mikamba yawu,+ anu muvua Mose mutume dîyi bua kuenza ku dîyi dia Yehowa. 16 Nunku Davidi wakambila bamfumu ba bena Lewi bua kuteka bana babu bimbi ba misambu bua bimbe misambu ne disanka dionso ne dîyi dikole, bayimba tshiapamue ne bintu bia kuimba nabi misambu: biombelu bia nshinga, nzenze,+ ne bintu bia kukumakaja.+

17 Nunku bena Lewi bakateka Hemana+ muana wa Yoele, ne Asafa+ muana wa Belekiya wa mu bana babu, ne Etana+ muana wa Kushaya wa mu bana babu bena Melali. 18 Bavua ne bana babu ba mu tshitupa tshibidi:+ Zekâya, Bena, Yaziele, Shemilamota, Yehiele, Uni, Eliaba, Benaya, Maaseya, Matitiya, Elifelehu, ne Mikeneya, ne Obeda-edome ne Yiele balami ba ku biibi. 19 Hemana,+ Asafa,+ ne Etana bimbi ba misambu bavua ne bua kuimba ne bintu bia kukumakaja bia tshiamu tshia mitaku;+ 20 ne Zekâya, Aziele, Shemilamota, Yehiele, Uni, Eliaba, Maaseya, ne Benaya bavua bimba ne biombelu bia nshinga biakaja mu tshiona tshia Alamota;*+ 21 ne Matitiya,+ Elifelehu, Mikeneya, Obeda-edome, Yiele, ne Azazaya bavua bimba nzenze miakaja mu tshiona tshia Sheminita,*+ bua bikale balombodi. 22 Kenaniya+ mfumu wa bena Lewi uvua utangila mudimu wa diambula Mushete, bualu uvua mupiluke mu mudimu au, 23 ne Belekiya ne Elekana bavua balami ba Mushete. 24 Shebanya, Yoshafata, Netanele, Amasai, Zekâya, Benaya, ne Eliezê, bakuidi, bavua bela mpungi bikole kumpala kua Mushete wa Nzambi mulelela,+ ne Obeda-edome ne Yehiya bavua pabu balami ba Mushete.

25 Pashishe Davidi ne bakulu ba mu Isalele ne bamfumu ba bantu tshinunu tshinunu bavua benda baya bua kubanda ne mushete wa tshipungidi tshia Yehowa bumbukila nawu ku nzubu kua Obeda-edome+ benda basanka.+ 26 Pavua Nzambi mulelela muambuluishe bena Lewi bavua bambule mushete wa tshipungidi tshia Yehowa, bakalambula bana balume ba ngombe muanda mutekete ne bimpanga bia mikoko muanda mutekete.+ 27 Davidi uvua muvuale muzabi wa kawuyi maboko muenza ne tshilamba tshimpe menemene, anu bu muvua bena Lewi bonso bavua bambule Mushete, bimbi ba misambu, ne Kenaniya mfumu wa bambudi ba Mushete ne bimbi ba misambu bavuale; Davidi uvua kabidi muvuale efoda wa line.+ 28 Bena Isalele bonso bavua babanda ne mushete wa tshipungidi tshia Yehowa ne mbila ya disanka,+ ne muadi wa lusengu, ne mpungi,+ ne bintu bia kukumakaja, benda bimba biombelu bia nshinga ne nzenze+ bikole.

29 Kadi pavua mushete wa tshipungidi tshia Yehowa mufike mu Tshimenga tshia Davidi,+ Mikala+ muana wa bakaji wa Shaula wakatangila panshi ku dididishi, kumonaye mukalenge Davidi wenda utumpika usanka; yeye kutuadija kumupetula mu muoyo wende.+

16 Nunku bakabueja Mushete wa Nzambi mulelela, kuwutekabu mu ntenta uvua Davidi muwashile;+ ne bakafila milambu ya kuosha ne milambu ya diumvuangana kumpala kua Nzambi mulelela.+ 2 Pavua Davidi mujikije kulambula milambu ya kuosha+ ne milambu ya diumvuangana,+ wakabenesha bantu mu dîna dia Yehowa. 3 Pashishe wakabanyina bena Isalele bonso, mulume yonso ne mukaji yonso, diampa dia tshijengu, dibulu dienza ne ngaji ya dibue dia kankinda miumisha, ne dibulu dia tumuma tua mvinyo tumisha. 4 Pashishe wakateka bakuidi bakuabu bua kuenza mudimu kumpala kua Mushete wa Yehowa+ bua kunemeka* Yehowa Nzambi wa Isalele, kumuela tuasakidila, ne kumutumbisha. 5 Asafa+ uvua ku mutu, bamulondela kudi Zekâya; Yiele, Shemilamota, Yehiele, Matitiya, Eliaba, Benaya, Obeda-edome, ne Yiele+ bavua bimba biombelu bia nshinga ne nzenze;+ Asafa uvua wimba ne bintu bia kukumakaja,+ 6 Muakuidi Benaya ne muakuidi Yahaziele bavua benda bela mpungi dîba dionso kumpala kua Mushete wa tshipungidi tshia Nzambi mulelela.

7 Dituku adi ke divua musangu wa kumpala uvua Davidi muenze musambu bua kuela Yehowa tuasakidila ne muambile Asafa+ ne bana babu bua kuwimba:

10 Ditumbishayi bua dîna diende dia tshijila.+

Mioyo ya badi bakeba Yehowa isanke.+

11 Kebayi Yehowa+ ne bukole buende.

Kebayi mpala wende* misangu yonso.+

14 Yeye udi Yehowa Nzambi wetu.+

Mêyi ende a dilumbuluisha adi pa buloba bujima.+

23 Imbilayi Yehowa, buloba bujima!

Manyishayi lupandu luende ku dituku ne ku dituku!+

25 Bualu Yehowa mmunene ne mmukumbane bua kumutumbisha bikole.

Yeye mmukumbane kumutshina kupita nzambi mikuabu yonso.+

Inaminayi* Yehowa bavuale bintu bilengele bia tshijila.*+

30 Zakalayi kumpala kuende, buloba bujima!

Buloba* mbujadikibue bikole; kabuena mua kunyungishibua* to.+

Nunku bantu bonso bakamba ne: “Amen!”* ne bakatumbisha Yehowa.

37 Pashishe Davidi wakashiya Asafa+ ne bana babu muaba au kumpala kua mushete wa tshipungidi tshia Yehowa bua batungunuke ne kuenza mudimu kumpala kua Mushete,+ bilondeshile muvuabu benza dituku dionso.+ 38 Obeda-edome ne bana babu, bantu 68, ne Obeda-edome, muana wa Yedutuna, ne Hosa bavua balami ba ku biibi; 39 muakuidi Sadoka+ ne bakuidi nende bavua kumpala kua ntenta wa tshitendelelu wa Yehowa muaba mutumbuke ku Gibeona+ 40 bua kulambula Yehowa milambu ya kuosha pa tshioshelu tshia mulambu wa kuosha misangu yonso, dinda ne dilolo, ne bua kuenza malu onso adi mafunda mu Mikenji ya Yehowa ivuaye mutumine Isalele dîyi bua kutumikila.+ 41 Bavua ne Hemana ne Yedutuna+ ne bantu bavua bashale ba ku bantu bavuabu basungule bavuabu batele mêna abu bua kusakidila Yehowa,+ bualu “dinanga diende dia lulamatu didi dishalaku kashidi”;+ 42 bavua ne Hemana+ ne Yedutuna bua kuela mpungi, kuimba ne bintu bia kukumakaja ne bintu bia kutumbisha nabi* Nzambi mulelela; ne bana ba Yedutuna+ bavua ku tshiibi. 43 Pashishe bantu bonso bakaya ku mabu, ne Davidi wakaya bua kubenesha ba mu nzubu muende.

17 Diakamue pavua Davidi musombe mu nzubu* wende yeye, wakambila muprofete Natana+ ne: “Tangila, meme ndi musombele mu nzubu wa mitshi ya sedre+ padi mushete wa tshipungidi tshia Yehowa wowu musombe mu bilamba bia ntenta.”+ 2 Natana wakandamuna Davidi ne: “Enza tshionso tshidi mu muoyo webe, bualu Nzambi mulelela udi nebe.”

3 Anu butuku abu, dîyi dia Nzambi diakalua kudi Natana diamba ne: 4 “Ndaku, wambile muena mudimu wanyi Davidi ne: ‘Yehowa udi wamba ne: “Ki nguewe wangibakila nzubu wa meme kusombela to.+ 5 Bualu tshiena musombele mu nzubu katshia ku dituku dimvua mupatule Isalele mu Ejipitu too ne lelu, kadi mvua ngenda ngumbuka mu ntenta nya mu mukuabu, ngumbuka mu ntenta wa tshitendelelu nya mu mukuabu.*+ 6 Tshikondo tshionso tshimvua muende ne Isalele mujima, mvuaku muambile umue wa ku balumbuluishi ba Isalele bamvua muteke bua kulama tshisamba tshianyi dîyi ngamba ne: ‘Bua tshinyi kuena mungibakile nzubu wa mitshi ya sedre’ anyi?”’

7 “Mpindieu ambila muena mudimu wanyi Davidi ne: ‘Yehowa wa biluilu udi wamba ne: “Mvua mukuangatshile mu mpata ya kudishila nyama, muaba uuvua usaka mikoko, bua wewe kulua mulombodi wa tshisamba tshianyi tshia Isalele.+ 8 Nengikale nebe kuonso kuudi uya,+ ne nenjimije* bena lukuna bebe bonso kumpala kuebe;+ nengenze bua dîna diebe dilue bu dîna dia bantu banene ba pa buloba.+ 9 Nensunguile tshisamba tshianyi tshia Isalele muaba, nembatekamu, nebasombelamu ne kabakubatatshisha kabidi to; ne bantu babi kabakubakengesha* kabidi bu muvuabu benze kale,+ 10 katshia dituku dimvua muteke balumbuluishi ku mutu kua tshisamba tshianyi tshia Isalele.+ Nentshimune bena lukuna bebe bonso.+ Ndi nkuambila kabidi ne: ‘Yehowa neakuenzele nzubu.’*

11 “‘“Padi matuku ebe atua ku ndekelu ne wewe muye bua kuikala ne bankambua bebe, nenjule muanebe* wa balume walua panyima pebe, umue wa ku ndelu yebe,+ ne nenjadike bukalenge buende bikole.+ 12 Yeye ke wangibakila nzubu,+ ne nenjadike nkuasa wende wa bukalenge bikole bua kashidi.+ 13 Nendue tatuende ne yeye nealue muananyi.+ Tshiakumbusha dinanga dianyi dia lulamatu kudiye+ mushindu umvua mudiumbushe kudi muntu uvua kumpala kuebe to.+ 14 Nengenze bua imane mu nzubu muanyi ne mu bukalenge buanyi bua kashidi,+ ne nkuasa wende wa bukalenge neashalaku kashidi.”’”+

15 Natana wakambila Davidi mêyi onso aa ne wakamulondela tshikena kumona tshionso etshi.

16 Pakumvua mukalenge Davidi nanku wakalua, kusombaye kumpala kua Yehowa, kuambaye ne: “Yehowa Nzambi wanyi, meme ndi nganyi? Nzubu wanyi udi ne mushinga kayi bua muudi muye nanyi kule nunku?+ 17 Nzambi wanyi, anu bu ne: ki mbikumbane, udi wakula kabidi bua nzubu wa muena mudimu webe too ne mu matuku atshilualua kule menemene;+ Yehowa Nzambi wanyi, udi muntangile kabidi anu bu ne: ndi muntu udibu ne bua kubandisha* kabidi. 18 Muena mudimu webe Davidi neakuambile kabidi tshinyi bua muudi muntue mushinga paudi wewe mumanye bimpe muena mudimu webe nunku?+ 19 Yehowa wanyi, bua bualu bua muena mudimu webe ne mu diumvuangana ne muoyo webe* udi muenze malu manene onso aa pa kuleja bunene buebe.+ 20 Yehowa wanyi, kakuena mukuabu bu wewe,+ ne kakuena Nzambi pa kumbusha wewe;+ malu onso atudi bumvue ne matshi etu adi ajadika bualu ebu. 21 Ntshisamba kayi tshikuabu pa buloba tshidi bu tshisamba tshiebe tshia Isalele?+ Nzambi mulelela uvua muye ne mubapikule bu bantu bende.+ Wewe uvua mudipetele lumu ku malu manene adi akemesha auvua muenze,+ wipata bisamba kumpala kua tshisamba tshiebe+ tshiuvua mupikule mu Ejipitu. 22 Uvua muvuije tshisamba tshiebe tshia Isalele tshisamba tshiebe bua kashidi;+ ne wewe Yehowa, uvua mulue Nzambi wabu.+ 23 Mpindieu Yehowa wanyi, dilaya diudi muenze bua muena mudimu webe ne nzubu wende dikale dia kueyemenyibua bua kashidi, ne enzaku anu bu muudi mulaye.+ 24 Dîna diebe dishalaku* bua kashidi ne ditumbishibue+ bua kashidi, bua bantu bambe ne: ‘Yehowa wa biluilu, Nzambi wa Isalele, udi Nzambi kudi Isalele,’ ne nzubu wa muena mudimu webe Davidi ajadikibue bikole kumpala kuebe.+ 25 Bualu wewe Nzambi wanyi, udi mubuluile muena mudimu webe dijinga diebe dia kumuenzela nzubu.* Ke bualu kayi muena mudimu webe udi ne dishindika dia kuenza disambila edi kuudi. 26 Mpindieu, Yehowa wanyi, wewe udi Nzambi mulelela, ne udi mulaye malu mimpe aa bua muena mudimu webe. 27 Nunku bikusankishaku bua kubenesha nzubu wa muena mudimu webe, ne atungunuke kumpala kuebe bua kashidi, bualu wewe Yehowa udi mubeneshe, ne nzubu eu mmubeneshibue bua kashidi.”

18 Pakapita matuku, Davidi wakatshimuna bena Peleshete, wakabakokesha, ne wakanyenga Gata+ ne misoko ya kumpenga kuende* mu bianza bia bena Peleshete.+ 2 Pashishe wakatshimuna Moaba,+ ne bena Moaba bakalua bena mudimu ba Davidi, ne bavua balua ne milambu.+

3 Davidi wakatshimuna Hadadezê+ mukalenge wa Soba+ pabuipi ne Hamate+ pavuaye uya bua kujadika bukokeshi buende ku Musulu wa Pelata.+ 4 Davidi wakakuata matempu a Hadadezê tshinunu, bendeshi bende ba tubalu 7 000 ne basalayi bende bavua benda ku makasa binunu 20.+ Pashishe Davidi wakakosa mijilu ya ku bikono bia tubalu tuvua tukoka matempu, kadi wakashiya tubalu lukama.+ 5 Pavua bena Sulia ba ku Damaseke balue bua kuambuluisha Hadadezê mukalenge wa Soba, Davidi wakashipa bena Sulia binunu 22.+ 6 Pashishe Davidi wakateka bisumbu bia basalayi mu Sulia wa Damaseke, ne bena Sulia bakalua bena mudimu ba Davidi, ne bavua balua ne milambu. Yehowa uvua wenza bua Davidi atshimune* miaba yonso ivuaye uya.+ 7 Davidi wakangata kabidi ngabu ya or ya bijengu ya bena mudimu ba Hadadezê, kuyaye nayi ku Yelushalema. 8 Davidi wakangata biamu bia mitaku bia bungi mu Tibehata ne mu Kuna, bimenga bia Hadadezê. Solomo wakenza nabi Mbuu wa tshiamu tshia mitaku,+ makunji, ne bintu bia tshiamu tshia mitaku.+

9 Pavua Tou mukalenge wa Hamate mumvue ne: Davidi uvua mutshimune tshiluilu tshijima tshia Hadadezê+ mukalenge wa Soba,+ 10 diakamue wakatuma muanende Hadolama kudi mukalenge Davidi bua amuebeje muvuaye ne amuele kalumbandi bua muvuaye muluangane ne Hadadezê ne mumutshimune (bualu Hadadezê uvua muluishe Tou misangu ya bungi), ne uvua mumutuadile bintu bia mishindu yonso bia or, bia arjan, ne bia tshiamu tshia mitaku. 11 Mukalenge Davidi wakajidila Yehowa bintu ebi,+ pamue ne arjan ne or ivuaye muangate mu bisamba bionso: mu Edome ne mu Moaba, kudi bena Amona,+ kudi bena Peleshete,+ ne kudi bena Amaleka.+

12 Abishai+ muana wa Seluya+ wakashipa bena Edome binunu 18 mu Tshibandabanda tshia Mukele.+ 13 Wakateka bisumbu bia basalayi mu Edome, ne bena Edome bonso bakalua bena mudimu ba Davidi.+ Yehowa uvua wenza bua Davidi atshimune* miaba yonso ivuaye uya.+ 14 Davidi wakatungunuka ne kukokesha Isalele mujima,+ ne uvua ulumbuluisha tshisamba tshiende tshijima ne buakane ne bululame.+ 15 Yoaba muana wa Seluya uvua ku mutu kua tshiluilu,+ Yehoshafata+ muana wa Ahiluda uvua mufundi wa malu a bukalenge, 16 Sadoka muana wa Ahituba ne Ahimeleke muana wa Ebeyatâ bavua bakuidi, ne Shawesha uvua mufundi. 17 Benaya muana wa Yehoyada uvua ku mutu kua bena Kelete+ ne bena Pelete.+ Bana ba balume ba Davidi bavua muaba wa kumpala balondela mukalenge.

19 Pashishe Nahasha mukalenge wa bena Amona wakafua, ne muanende wakalua mukalenge pa muaba wende.+ 2 Ke Davidi kuamba ne: “Nendeje Hanuna muana wa Nahasha dinanga dia lulamatu,+ bualu tatuende uvua mundeje dinanga dia lulamatu.” Nunku Davidi wakatuma bantu ne mukenji bua kumusamba bua muvuaye mujimije tatuende. Kadi pavua bena mudimu ba Davidi bafike mu buloba bua bena Amona+ bua kusamba Hanuna, 3 bakokeshi ba bena Amona bakambila Hanuna ne: “Udi wela meji ne: Davidi udi unemeka tatuebe padiye mukutumine bantu bua kukusamba anyi? Bena mudimu bende ki mbalue kuudi bua kukebakeba mu buloba, kukukulula, ne kutentekela buloba anyi?” 4 Nunku Hanuna wakangata bena mudimu ba Davidi, kubakungulaye,+ kupandaye bilamba biabu mu bitupa bibidi lua pa mataku ne kubapingajaye. 5 Pavuabu bambile Davidi bualu bua bantu abu, wakatuma bantu bakuabu diakamue bua kusambakena nabu, bualu bantu abu bavua bafuishibue bundu bikole; ne mukalenge wakabambila ne: “Shalayi mu Yeliko+ too ne padi miedi yenu isasa, pashishe nupingane.”

6 Pakapita matuku bena Amona bakamona ne: bavua balue tshintu tshidi tshinunka bibi kudi Davidi, nunku Hanuna ne bena Amona bakatuma ntalanta* tshinunu ya arjan bua kufuta bua matempu ne bua bendeshi ba tubalu ba ku Mezopotamia,* ku Alama-mâka, ne ku Soba.+ 7 Nunku bakafuta bua matempu binunu 32, kabidi ne bua mukalenge wa Mâka ne bantu bende. Pashishe bakalua, kuasabu tshitudilu kumpala kua Medeba.+ Bena Amona bakumbuka mu bimenga biabu, kudisangishabu ne kupatukabu bua kuya ku mvita.

8 Pakumvua Davidi bualu abu, wakatuma Yoaba+ ne tshiluilu tshijima, kusangisha ne bena mvita bende ba bukole bua bungi.+ 9 Bena Amona bakapatuka, bobu kuela mualu wa mvita ku tshibuelelu tshia tshimenga pavua eku bakalenge bavua balue bikale mu mpata pa nkayabu.

10 Pavua Yoaba mumone ne: basalayi bavua benda bamuluila kumpala ne panyima, wakasungula bamue ba ku basalayi bavua bamanye mvita bikole mu Isalele, yeye kubelesha mualu wa mvita bua baluangane ne bena Sulia.+ 11 Bantu bavua bashale, wakabateka ku bulombodi bua* muanabu Abishai+ bua abeleshe mualu wa mvita bua baluangane ne bena Amona. 12 Ke yeye kuamba ne: “Bena Sulia+ bobu bampite bukole, dîba adi udi ne bua kulua bua kunsungila; kadi bena Amona bobu bakupite bukole, nendue kukusungila. 13 Tudi ne bua kuikala ne bukole ne dikima+ bua tshisamba tshietu ne bua bimenga bia Nzambi wetu, ne Yehowa neenze tshidi tshimpe ku mêsu kuende.”

14 Pashishe Yoaba ne bantu bende bakaya bua kuluangana ne bena Sulia, bobu kunyema kumpala kuende.+ 15 Pavua bena Amona bamone ne: bena Sulia bavua banyeme, bobu pabu bakanyema Abishai, muanabu ne Yoaba, kubuelabu mu tshimenga. Panyima pa bualu ebu Yoaba wakalua ku Yelushalema.

16 Pavua bena Sulia bamone ne: Isalele uvua mubatshimune, bakatuma bantu ne mukenji bua kubikidisha bena Sulia ba mu tshitupa tshia buloba tshia Musulu,*+ Shofaka mfumu wa tshiluilu tshia Hadadezê muikale ubalombola.+

17 Pakambilabu Davidi bualu ebu, wakasangisha diakamue Isalele mujima, kusabukaye Yadene, kufikaye kudibu ne kuelaye mualu wa mvita bua kuluangana nabu. Davidi wakela mualu wa mvita bua kuluangana ne bena Sulia, bobu kuluangana nende.+ 18 Kadi bena Sulia bakanyema Isalele; Davidi wakashipa bena Sulia 7 000 bavua bendesha matempu ne basalayi babu bavua benda ku makasa binunu 40, ne wakashipa Shofaka mfumu wa tshiluilu. 19 Pavua bena mudimu ba Hadadezê bamone ne: Isalele uvua mubatshimune,+ diakamue bakalengejangana ne Davidi, bobu kutuadija kumukokela;+ nunku Sulia kakajinga bua kuambuluisha bena Amona kabidi to.

20 Ku ntuadijilu kua tshidimu,* dîba divua bakalenge baya ku mvita, Yoaba+ wakalombola bantu ku mvita, kubutulaye buloba bua bena Amona; wakalua, kutshintshimikaye Laba+ pavua Davidi yeye mushale mu Yelushalema.+ Yoaba wakaluisha Laba, kumubumbulaye.+ 2 Pashishe Davidi wakangata tshifulu tshia bukalenge tshivua ku mutu kua Malakama, kusanganaye ne: tshivua ne bujitu bua ntalanta* mujima wa or, ne tshivua ne mabue a mushinga mukole; bakatshiasa Davidi ku mutu. Wakangata kabidi bintu bia bungi bivuabu banyenge mu tshimenga.+ 3 Wakapatula bantu bavuamu, yeye kubateka ku mudimu+ wa dipanda mabue ne nsele* ne wa dienza mudimu ne biamu bitue ne tusuyi. Ke tshivua Davidi wenzela bimenga bionso bia bena Amona. Ndekelu wa bionso, Davidi ne bisumbu bionso bia basalayi bakapingana ku Yelushalema.

4 Panyima pa bualu ebu, mvita yakakutuka ku Gezê ne bena Peleshete. Dîba adi Sibekai+ muena Husha wakashipa Sipai uvua wa mu ndelanganyi ya bena Lefa,+ ne bakabakokesha.

5 Kuakenzeka kabidi mvita ne bena Peleshete, ne Elehanana muana wa Yaî wakashipa Lami muanabu ne Goleyata+ muena Gata uvua ne difuma divua ne tshikuatshidi tshienze bu mutshi wa ku tshiamu tshia muluki wa bilamba.+

6 Mvita yakakutuka kabidi ku Gata+ kuvua muntu mukuabu munene mule wa mfiondo,+ muikale ne minu isambombo ku tshianza tshionso ne bana ba nkasa basambombo ku dikasa dionso, minu yonso mikale 24; yeye pende uvua wa mu ndelanganyi ya bena Lefa.+ 7 Uvua anu ubunda Isalele.+ Nunku Yonatana muana wa Shimeya,+ muanabu ne Davidi, wakamushipa.

8 Eyi ivua ndelanganyi ya bena Lefa+ mu Gata,+ ne yakakuluka ku tshianza tshia Davidi ne ku tshianza tshia bena mudimu bende.

21 Pashishe Satana* wakajuka bua kuluisha Isalele, kusakaye Davidi bua kubala bungi bua bena Isalele.+ 2 Nunku Davidi wakambila Yoaba+ ne bamfumu ba tshisamba ne: “Ndayi nubale bungi bua bena Isalele, kumbukila ku Bê-sheba too ne ku Dana;+ pashishe nulue kungambila bua mmanye bungi buabu.” 3 Kadi Yoaba wakamba ne: “Yehowa avudije tshisamba tshiende misangu lukama! Mfumu mukalenge wanyi, bobu bonso ki mbamane kuikala bena mudimu ba mukalenge wanyi anyi? Bua tshinyi mukalenge wanyi mmusue kuenza bualu ebu? Bua tshinyi mmusue kukebela Isalele dipila?”

4 Kadi dîyi dia mukalenge diakapita Yoaba bukole. Nunku Yoaba wakumbuka, kunyungulukaye Isalele mujima, pashishe kualukilaye ku Yelushalema.+ 5 Nunku Yoaba wakapesha Davidi bungi bua bantu bavuabu bafunde mêna. Isalele mujima uvua ne bantu muliyo umue ne binunu lukama, bikale ne miele ya mvita, ne Yuda uvua ne bantu binunu 470, bikale ne miele ya mvita.+ 6 Kadi kabavua bafunde mêna a bena Lewi ne a bena Benyamina munkatshi muabu to,+ bualu dîyi dia mukalenge divua dibi menemene kudi Yoaba.+

7 Kadi bualu ebu kabuvua busankishe Nzambi mulelela nansha kakese to, ke yeye kupesha Isalele dinyoka. 8 Pashishe Davidi wakambila Nzambi mulelela ne: “Ndi muenze mpekatu+ munene pandi muenze bualu ebu. Mpindieu, buikidila koku muena mudimu webe tshilema tshiende,+ bualu ndi muenze malu ne bupote bua bungi menemene.”+ 9 Pashishe Yehowa wakakula ne Gada,+ mumonyi wa bikena kumona wa Davidi wamba ne: 10 “Ndaku wambile Davidi ne: ‘Yehowa udi wamba ne: “Ndi nkutekela malu asatu. Sungula bundi ne bua kukuenzela.”’” 11 Nunku Gada wakaya kudi Davidi, kumuambilaye ne: Yehowa udi wamba nunku: ‘Sungula 12 biwikala musue bua kuikale bidimu bisatu bia tshiyole tshia nzala,+ anyi ngondo isatu ya baluishi bebe bakutshimuna padi eku muele wa mvita wa bena lukuna bebe ukupeta,+ anyi matuku asatu a muele wa mvita wa Yehowa, mmumue ne: tshipupu mu buloba,+ ne muanjelu wa Yehowa ulua ne kabutu+ mu buloba bujima bua Isalele.’ Mpindieu ela meji bua tshindi ne bua kuandamuna Eu uvua muntume.” 13 Ke Davidi kuambila Gada ne: “Mbintonde bikole menemene. Nkuluke koku mu tshianza tshia Yehowa, bualu luse luende ndunene menemene;+ kadi tshikuluki mu tshianza tshia muntu to.”+

14 Nunku Yehowa wakatuma tshipupu+ mu Isalele, kuenzabi bua ne: bantu binunu 70 ba mu Isalele bafue.+ 15 Kabidi, Nzambi mulelela uvua mutume muanjelu ku Yelushalema bua kumubutula; kadi pakavuaye pa kuenza nanku, Yehowa wakamona bualu ebu ne wakanyingalala* bua dikenga adi,+ ke yeye kuambila muanjelu uvua mulue ne kabutu ne: “Biakumbanyi!+ Mpindieu puekesha tshianza tshiebe.” Muanjelu wa Yehowa uvua muimane pabuipi ne muaba wa tshishipuidi wa Ônana+ muena Yebuse.+

16 Pavua Davidi mubandishe mêsu, wakamona muanjelu wa Yehowa muimane pankatshi pa buloba ne diulu muikale ne muele wa mvita+ mu tshianza mutangija ku Yelushalema. Davidi ne bakulu bakadiela panshi diakamue, kutuabu mpala panshi,+ bavuale bilamba bikayabale.+ 17 Davidi wakambila Nzambi mulelela ne: “Ki mmeme uvua muambe bua babale bungi bua bantu anyi? Meme ke uvua muenze mpekatu, ne meme ke uvua muenze bibi;+ kadi mikoko eyi, tshidiyi mienze ntshinyi? Yehowa Nzambi wanyi, tshianza tshiebe tshinduishe meme ne nzubu wa tatuanyi; kadi kutuminyi tshisamba tshiebe tshipupu etshi to.”+

18 Nunku muanjelu wa Yehowa wakambila Gada+ bua kuambila Davidi bua abande ne ashile Yehowa tshioshelu muaba wa tshishipuidi wa Ônana muena Yebuse.+ 19 Ke Davidi kubanda bilondeshile dîyi dia Gada divuaye muakule mu dîna dia Yehowa. 20 Pine apu, Ônana wakakudimuka, kumonaye muanjelu; bana bende banayi bavuaye nabu bakasokoma. Dîba adi Ônana uvua ushipula ntete ya blé. 21 Pavua Davidi mubande kudi Ônana, Ônana wakatangila, kumonaye Davidi, yeye kupatuka diakamue muaba wende wa tshishipuidi, kuinaminaye Davidi mpala mutue panshi. 22 Davidi wakambila Ônana ne: “Nsumbisha* muaba webe wa tshishipuidi bua ngashilapu Yehowa tshioshelu. Uwunsumbishe ku mushinga wawu wonso, bua tshipupu tshidi tshikuate tshisamba tshimane.”+ 23 Kadi Ônana wakambila Davidi ne: “Uwangate bua wikale webe, ne mfumu mukalenge wanyi enze tshidi tshimpe kudiye. Mona, ndi mfila ngombe bua milambu ya kuosha ne tshintu tshia kushipula natshi+ bua nkunyi ne ntete ya blé bu mulambu wa ntete. Ndi mbifila bionso.”

24 Kadi mukalenge Davidi wakambila Ônana ne: “Tòo, ndi ne bua kuwusumba ku mushinga wawu wonso, bualu tshiakuangata tshintu tshiebe kutshilambula Yehowa anyi kulambula milambu ya kuosha indi tshiyi mutudile tshintu to.”+ 25 Nunku Davidi wakapesha Ônana nshekele* 600 ya or bua muaba wa tshishipuidi bilondeshile bujitu buayi. 26 Nunku Davidi wakashila Yehowa tshioshelu+ muaba au, yeye kulambula milambu ya kuosha ne milambu ya diumvuangana, ne wakabila Yehowa, yeye kumuandamuna ne kapia+ kavua kafumina mu diulu pa tshioshelu tshia mulambu wa kuosha. 27 Ke Yehowa kutumina muanjelu dîyi+ bua apingaje muele wende wa mvita mu tshizubu tshiawu. 28 Tshikondo atshi, pavua Davidi mumone ne: Yehowa uvua mumuandamune muaba wa tshishipuidi wa Ônana muena Yebuse, wakatungunuka ne kulambula milambu muaba au. 29 Kadi tshikondo atshi ntenta wa tshitendelelu wa Yehowa uvua Mose muenze mu tshipela ne tshioshelu tshia mulambu wa kuosha bivua muaba mutumbuke ku Gibeona.+ 30 Kadi Davidi kavua mukumbane bua kuyaku bua kuyukila ne Nzambi to, bualu uvua ne buôwa bua bungi bua muele wa mvita wa muanjelu wa Yehowa.

22 Ke Davidi kuamba ne: “Eu nnzubu wa Yehowa Nzambi mulelela, ne etshi ntshioshelu bua mulambu wa kuosha bua Isalele.”+

2 Pashishe Davidi wakatuma dîyi bua basangishe bantu bavua basombe buenyi+ mu buloba bua Isalele, ne wakabateka bua bikale bapandi ba mabue bua kupanda mabue ne kuasonga bua dibaka dia nzubu wa Nzambi mulelela.+ 3 Davidi wakalongolola kabidi biamu bifiike bia bungi menemene bua kuenza nabi misonso ya biibi bia ku biibi binene ne bua kuenza nabi kabidi biamu bia kukuata nabi bintu, ne biamu bia mitaku bia bungi menemene, kakuyi mushindu wa kupima bujitu buabi,+ 4 kabidi ne mitshi ya sedre+ bungi kabuyi kubala, bualu bena Sidona+ ne bena Tulo+ bavua batuadile Davidi mitshi ya sedre ya bungi menemene. 5 Davidi wakamba ne: “Muananyi Solomo utshidi muana ne kena ne dimanya dia bungi to,*+ ne nzubu wibakilabu Yehowa neikale muimpe mutambe,+ bienza bua ne: lumu luende ne bulengele buende+ bimanyike mu maloba onso.+ Ke bualu kayi nemmulongoluele bintu.” Ke Davidi kulongolola bintu bia kuibaka nabi nzubu bia bungi menemene kumpala kua kufuaye.

6 Pashishe wakabikidisha muanende Solomo, kumuambilaye bua kuibakila Yehowa Nzambi wa Isalele nzubu. 7 Davidi wakambila muanende Solomo ne: “Meme mvua ne dijinga mu muoyo wanyi dia kuibaka nzubu bua dîna dia Yehowa Nzambi wanyi.+ 8 Kadi dîyi dia Yehowa diakalua kundi diamba ne: ‘Wewe udi muele mashi a bungi panshi, ne udi muluangane mvita minene. Kuakuibaka nzubu bua dîna dianyi to,+ bualu udi muele mashi a bungi panshi kumpala kuanyi. 9 Tangila! Neupete muana+ wikala muntu wa ditalala,* ne nemmupeshe dikisha kudi bena lukuna bende bonso badi bamunyunguluke,+ bualu dîna diende nedikale Solomo*+ ne nempeshe Isalele ditalala ne dikisha mu matuku ende.+ 10 Yeye ke muntu wibaka nzubu bua dîna dianyi.+ Nealue muananyi ne meme nengikale tatuende.+ Nenjadike nkuasa wa bukalenge buende ku mutu kua Isalele bikole, bua kashidi.’+

11 “Mpindieu muananyi, Yehowa ikale nebe, ne malu ebe ende bimpe ne wibake nzubu wa Yehowa Nzambi webe anu bu muvuaye muambe bua bualu buebe.+ 12 Yehowa akupeshaku anu budimu ne lungenyi+ padiye ukupesha bukokeshi ku mutu kua Isalele bua ulame mukenji wa Yehowa Nzambi webe.+ 13 Dîba adi malu ebe neende bimpe wewe mutumikile bimpe mêyi ne mikandu+ ne mêyi a dilumbuluisha bivua Yehowa mutumine Mose dîyi bua kupesha Isalele.+ Ikala ne dikima ne bukole. Kutshinyi anyi kuikadi ne buôwa to.+ 14 Mona, ndi muditatshishe bikole bua kulongoluela nzubu wa Yehowa ntalanta* binunu 100 ya or ne ntalanta muliyo umue ya arjan ne biamu bia mitaku ne biamu bifiike bia bungi menemene+ bidibu kabayi mua kupima, ne ndi mulongolole mitshi ne mabue,+ kadi wewe neukumbajaku bikuabu. 15 Udi ne bena mudimu ba bungi menemene: bapandi ba mabue, bantu badi bibaka ne mabue,+ bena mabaya, ne bena mudimu bapiluke ba mishindu yonso.+ 16 Or, arjan, biamu bia mitaku, ne biamu bifiike bidi bungi kabuyi kupima.+ Juka, utuadije mudimu, ne Yehowa ikale nebe.”+

17 Pashishe Davidi wakatumina bakokeshi bonso ba mu Isalele dîyi bua bambuluishe muanende Solomo wamba ne: 18 “Yehowa Nzambi wenu kena nenu anyi? Ki mmunupeshe dikisha ku nseke yonso anyi? Bualu yeye uvua mufile bantu ba mu buloba mu bianza bianyi, ne buloba mbukokeshibue kumpala kua Yehowa ne kumpala kua tshisamba tshiende. 19 Nunku disuikayi ne muoyo wenu wonso ne anyima* wenu yonso bua kukeba Yehowa Nzambi wenu,+ ne tuadijayi kuibaka muaba munsantu wa Yehowa Nzambi mulelela,+ bua kulua ne mushete wa tshipungidi tshia Yehowa ne bintu bia tshijila bia Nzambi mulelela+ ku nzubu muibaka bua dîna dia Yehowa.”+

23 Pakavua Davidi mukulakaje ne muikale ku ndekelu kua muoyo wende,* wakateka muanende Solomo mukalenge wa Isalele.+ 2 Pashishe wakasangisha bakokeshi bonso ba mu Isalele, ne bakuidi,+ ne bena Lewi.+ 3 Bakabala bena Lewi bavua ne bidimu 30 kubanda;+ bungi buabu, mitu yabu mibala muntu ku muntu, buvua binunu 38. 4 Mu bobu aba kuvua bantu binunu 24 bavua balombola mudimu wa nzubu wa Yehowa, ne kuvua batangidi 6 000 ne balumbuluishi,+ 5 ne kuvua balami ba ku biibi 4 000,+ ne bantu 4 000 bavua batumbisha+ Yehowa ne biombelu bivua Davidi muambe bua bualu buabi ne: “Mvua mubienze bua kutumbisha nabi Nzambi.”

6 Pashishe Davidi wakabalongolola* mu bisumbu mu bisumbu+ bilondeshile bana ba Lewi: Gêshona, Kohata, ne Melali.+ 7 Mu bena Gêshona kuvua Ladana ne Shimei. 8 Bana ba balume ba Ladana bavua: Yehiele mfumu, Zetama, ne Yoele,+ basatu. 9 Bana ba balume ba Shimei bavua: Shelomota, Haziele, ne Halana, basatu. Aba bavua bamfumu ba nzubu ya batatu bua Ladana. 10 Bana ba balume ba Shimei bavua: Yahata, Zina, Yeusha, ne Belia. Banayi aba bavua bana ba Shimei. 11 Yahata uvua ku mutu ne Zizaha uvua umulondela. Kadi bu muvua Yeusha ne Belia kabayi ne bana ba balume ba bungi, bakababala bu nzubu umue wa batatu bikale ne bujitu bua kuenza mudimu muaba umue.

12 Bana ba balume ba Kohata bavua: Amalama, Yisehâ,+ Hebelone, ne Uziele,+ banayi. 13 Bana ba balume ba Amalama bavua Alona+ ne Mose.+ Kadi bavua bateke Alona ku luseke bua kashidi,+ yeye ne bana bende ba balume, bua kujidila Muaba Mutambe Tshijila, bua kufila milambu kumpala kua Yehowa, bua kumuenzela mudimu, ne bua kubenesha bantu mu dîna diende misangu yonso.+ 14 Kadi bua bana ba Mose muntu wa Nzambi mulelela, bavua bababale bobu mu tshisa tshia bena Lewi. 15 Bana ba balume ba Mose bavua Gêshoma+ ne Eliezê.+ 16 Mu bana ba balume ba Gêshoma, Shebuele+ uvua mfumu. 17 Mu ndelanganyi ya* Eliezê, Lehabeya+ uvua mfumu; Eliezê kavua ne bana ba balume bakuabu to, kadi bana ba balume ba Lehabeya bavua ba bungi menemene. 18 Mu bana ba balume ba Yisehâ,+ Shelomita+ uvua mfumu. 19 Bana ba balume ba Hebelone bavua: Yeliya mfumu, muibidi Amalia, muisatu Yahaziele, ne muinayi Yekamama.+ 20 Bana ba balume ba Uziele+ bavua Mika mfumu, bamulondela kudi Yishaya.

21 Bana ba balume ba Melali bavua Mali ne Mushi.+ Bana ba balume ba Mali bavua Eleazâ ne Kishi. 22 Eleazâ wakafua, kadi kavua ne bana ba balume to, anu ba bakaji. Nunku balela babu,* bana ba balume ba Kishi, bakabasela. 23 Bana ba balume ba Mushi bavua: Mali, Edê, ne Yelemota, basatu.

24 Aba bavua bana ba balume ba Lewi bilondeshile nzubu ya batatuabu, bilondeshile bamfumu ba nzubu ya batatu. Bakabafunda mêna, kubabala ne kubafunda bilondeshile mêna abu, ne bavua benza mudimu wa nzubu wa Yehowa, kubangila ku bantu ba bidimu 20 kubanda. 25 Bualu Davidi uvua muambe ne: “Yehowa Nzambi wa Isalele mmupeshe tshisamba tshiende dikisha,+ ne yeye neasombe mu Yelushalema bua kashidi.+ 26 Bena Lewi kabakuambula kabidi ntenta wa tshitendelelu anyi bintu biende bua mudimu wa ntenta to.”+ 27 Bualu bilondeshile malu a ndekelu avua Davidi muleje, bakabala bena Lewi bavua ne bidimu 20 kubanda. 28 Mudimu wabu uvua wa kuambuluisha bana ba balume ba Alona+ bua mudimu wa nzubu wa Yehowa, bua kutangila mbanza,+ nzubu ya kudiila, dikezula dia tshintu tshionso tshia tshijila, ne mudimu wonso uvua ukengela bua mudimu wa nzubu wa Nzambi mulelela. 29 Bavua bambuluisha bua milongo ya mampa,*+ bukula bunefuke bua mulambu wa ntete, mikata ya bibetubetu kayiyi miela luevene,+ mikata mioshela mu malata, bukula busopa busambakaja,+ ne bipiminu bionso bia kupima nabi bungi ne bunene. 30 Bavua ne bua kuimana dinda dionso+ bua kuela Yehowa tuasakidila ne kumutumbisha, ne bavua ne bua kuenza kabidi nanku dilolo.+ 31 Bavua bambuluisha dîba dionso divuabu balambula Yehowa milambu ya kuosha dia Nsabatu,+ pavua ngondo ubala,+ ne mu bibilu bia ku tshidimu,+ bilondeshile bungi bulomba bilondeshile mikenji ivuaku, benza nunku kumpala kua Yehowa pa tshibidilu. 32 Bavua bakumbaja kabidi midimu yabu ivua itangila ntenta wa kusambakena, itangila muaba wa tshijila, ne itangila bana babu, bana ba balume ba Alona, bua mudimu wa nzubu wa Yehowa.

24 Mpindieu ebi ke bivua bisumbu bia ndelanganyi ya Alona: Bana ba Alona bavua: Nadaba, Abihu,+ Eleazâ, ne Itamâ.+ 2 Kadi Nadaba ne Abihu bakafua kumpala kua tatuabu,+ ne kabavua ne bana to; kadi Eleazâ+ ne Itamâ bakatungunuka ne kuenza mudimu wa buakuidi. 3 Davidi, pamue ne Sadoka+ wa mu bana ba balume ba Eleazâ ne Ahimeleke wa mu bana ba balume ba Itamâ, bakabatapulula mu bisumbu bua muaba wa mudimu wabu. 4 Bu muvua bana ba Eleazâ bikale ne bamfumu ba bungi kupita bavua nabu bana ba Itamâ, bakabatapulula bilondeshile bungi buabu: Bana ba Eleazâ bavua ne bantu 16 bu bamfumu ba nzubu ya batatuabu, ne bana ba Itamâ bavua ne bantu muanda mukulu bu bamfumu ba nzubu ya batatuabu.

5 Pashishe bakabatapulula ku nshobo,+ tshisumbu tshimue tshilonda tshikuabu, bualu bavua bamfumu ba muaba wa tshijila ne bamfumu bavua benzela Nzambi mulelela mudimu ba mu bana ba Eleazâ ne mu bana ba Itamâ. 6 Pashishe Shemaya muana wa Netanele mufundi wa bena Lewi wakafunda mêna abu kumpala kua mukalenge, kua bakokeshi, kua muakuidi Sadoka,+ kua Ahimeleke+ muana wa Ebeyatâ,+ ne kua bamfumu ba nzubu ya batatu ya bakuidi ne ya bena Lewi, basungula nzubu wa batatu umue bua Eleazâ ne basungula mukuabu bua Itamâ.

7 Nshobo ya kumpala yakakuata Yehoyaliba; mibidi yakakuata Yedaya, 8 misatu yakakuata Halima, minayi yakakuata Seolima, 9 mitanu yakakuata Malakiya, misambombo yakakuata Miyamina, 10 ya muanda mutekete yakakuata Hakosa, ya muanda mukulu yakakuata Abiya,+ 11 ya tshitema yakakuata Yeshua, ya dikumi yakakuata Shekaniya, 12 ya 11 yakakuata Eleyashiba, ya 12 yakakuata Yakima, 13 ya 13 yakakuata Hupa, ya 14 yakakuata Yeshebaba, 14 ya 15 yakakuata Bilega, ya 16 yakakuata Imê, 15 ya 17 yakakuata Hezî, ya 18 yakakuata Hapisese, 16 ya 19 yakakuata Petahiya, ya 20 yakakuata Yehekezele, 17 ya 21 yakakuata Yakina, ya 22 yakakuata Gamula, 18 ya 23 yakakuata Delaya, ya 24 yakakuata Mâzaya.

19 Eyi ke ivua miaba yabu bua mudimu wabu+ pavuabu balua mu nzubu wa Yehowa bilondeshile mushindu uvua nkambua wabu Alona mushiye bua kuenza, anu muvua Yehowa Nzambi wa Isalele mumutumine dîyi.

20 Mu bena Lewi bavua bashale: mu bana ba Amalama,+ kuvua Shubaele;+ mu bana ba Shubaele, Yedeya; 21 mua Lehabeya:+ mu bana ba Lehabeya, Yishaya mfumu; 22 mu bena Yisehâ, Shelomota; mu bana ba Shelomota,+ Yahata; 23 ne mu bana ba Hebelone: Yeliya+ mfumu, muibidi Amalia, muisatu Yahaziele, muinayi Yekamama; 24 mu bana ba Uziele, Mika; mu bana ba Mika, Shamî. 25 Muanabu ne Mika uvua Yishaya; mu bana ba Yishaya, Zekâya.

26 Bana ba balume ba Melali+ bavua Mali ne Mushi; mu bana ba Yâziya, Beno. 27 Bana ba balume ba Melali: mua Yâziya: Beno, Shohama, Zakû, ne Ibeli; 28 mua Mali, Eleazâ uvua kayi mulele muana nansha umue;+ 29 mua Kishi: bana ba Kishi, Yelamele; 30 ne bana ba balume ba Mushi bavua: Mali, Edê, ne Yelimota.

Aba bavua bana ba Lewi bilondeshile nzubu ya batatuabu. 31 Bobu pabu bakela nshobo+ anu bu muvua bana babu, bana ba Alona, benze kumpala kua mukalenge Davidi, kua Sadoka, kua Ahimeleke, ne kua bamfumu ba nzubu ya batatu ya bakuidi ne ya bena Lewi. Bua nzubu ya batatu, mfumu uvua mumue ne muakunyende.

25 Pashishe Davidi ne bamfumu ba bisumbu bia mudimu bakangata bana bakuabu ba Asafa, ba Hemana ne ba Yedutuna+ bua kuenza mudimu wa kuamba mêyi a buprofete ne nzenze ne biombelu bia nshinga+ ne bintu bia kukumakaja.+ Mêna a bantu bavuabu bapeshe bujitu bua mudimu eu avua: 2 mu bana ba balume ba Asafa: Zakû, Jozefe, Netanya, ne Ashalela, bana ba Asafa ku bulombodi bua Asafa uvua wamba mêyi a buprofete ku bulombodi bua mukalenge. 3 Mua Yedutuna,+ bana ba balume ba Yedutuna: Gedaliya, Seli, Yeshayi, Shimei, Hashabeya, ne Matitiya,+ basambombo, ku bulombodi bua tatuabu Yedutuna uvua wamba mêyi a buprofete ne lunzenze, wela Yehowa tuasakidila ne umutumbisha.+ 4 Mua Hemana,+ bana ba Hemana: Bukia, Matanaya, Uziele, Shebuele, Yelimota, Hananya, Hanani, Eliata, Gidaleti, Lomameti-ezê, Yoshebekasha, Maloti, Hotî, ne Mahaziota. 5 Bonso aba bavua bana ba Hemana, mumonyi wa bikena kumona wa mukalenge mu malu avua atangila Nzambi mulelela bua butumbi buende;* ke bualu kayi Nzambi mulelela wakapesha Hemana bana ba balume 14 ne ba bakaji basatu. 6 Bonso aba bavua ku bulombodi bua tatuabu bua kuimba misambu ku nzubu wa Yehowa ne bintu bia kukumakaja ne biombelu bia nshinga ne nzenze+ bua mudimu wa nzubu wa Nzambi mulelela.

Asafa, Yedutuna, ne Hemana bavua ku bulombodi bua mukalenge.

7 Bungi buabu ne bua bana babu bavuabu balongeshe misambu ya kuimbila Yehowa, bonso bapiluke, buvua bua bantu 288. 8 Nunku bakela nshobo+ bua midimu ivuabu ne bua kuenza, bakese ne banene muomumue, bapiluke pamue ne bavua balonga.

9 Nshobo ya kumpala ivua ya Asafa bua Jozefe,+ mibidi bua Gedaliya+ (yeye ne bana babu ne bana bende ba balume bavua 12); 10 misatu bua Zakû,+ bana bende ba balume ne bana babu, 12; 11 minayi bua Yiseli, bana bende ba balume ne bana babu, 12; 12 mitanu bua Netanya,+ bana bende ba balume ne bana babu, 12; 13 misambombo bua Bukia, bana bende ba balume ne bana babu, 12; 14 ya muanda mutekete bua Yeshalela, bana bende ba balume ne bana babu, 12; 15 ya muanda mukulu bua Yeshayi, bana bende ba balume ne bana babu, 12; 16 ya tshitema bua Matanaya, bana bende ba balume ne bana babu, 12; 17 ya dikumi bua Shimei, bana bende ba balume ne bana babu, 12; 18 ya 11 bua Azalele, bana bende ba balume ne bana babu, 12; 19 ya 12 bua Hashabeya, bana bende ba balume ne bana babu, 12; 20 bua ya 13, Shubaele,+ bana bende ba balume ne bana babu, 12; 21 bua ya 14, Matitiya, bana bende ba balume ne bana babu, 12; 22 bua ya 15, bua Yelemota, bana bende ba balume ne bana babu, 12; 23 bua ya 16, bua Hananya, bana bende ba balume ne bana babu, 12; 24 bua ya 17, bua Yoshebekasha, bana bende ba balume ne bana babu, 12; 25 bua ya 18, bua Hanani, bana bende ba balume ne bana babu, 12; 26 bua ya 19, bua Maloti, bana bende ba balume ne bana babu, 12; 27 bua ya 20, bua Eliata, bana bende ba balume ne bana babu, 12; 28 bua ya 21, bua Hotî, bana bende ba balume ne bana babu, 12; 29 bua ya 22, bua Gidaleti,+ bana bende ba balume ne bana babu, 12; 30 bua ya 23, bua Mahaziota,+ bana bende ba balume ne bana babu, 12; 31 bua ya 24, bua Lomameti-ezê,+ bana bende ba balume ne bana babu, 12.

26 Bisumbu bia balami ba ku biibi+ bivua mushindu eu: mu bena Kola, Meshelemiya+ muana wa Kole wa mu bana ba Asafa. 2 Meshelemiya uvua ne bana ba balume: Zekâya muanabute, muibidi Yediele, muisatu Zebadaya, muinayi Yataniele, 3 muitanu Elama, muisambombo Yehohanana, wa muanda mutekete Eleyeho-enai. 4 Obeda-edome uvua ne bana ba balume: Shemaya muanabute, muibidi Yehozabada, muisatu Yoa, muinayi Sakâ, muitanu Netanele, 5 muisambombo Amiele, wa muanda mutekete Yisakâ, ne wa muanda mukulu Peuletai; bualu Nzambi uvua mumubeneshe.

6 Bakalelela muanende Shemaya bana ba balume bavua bakokeshi ba nzubu ya batatuabu, bualu bavua bantu ba bukole, bakumbane. 7 Bana ba balume ba Shemaya: Oteni, Lefaele, Obeda, ne Elezabada; ne bana babu ba balume Elihu ne Semakaya bavua pabu bantu bakumbane. 8 Bonso aba bavua mu bana ba Obeda-edome; bobu ne bana babu balela ne bana babu ba balume bavua bantu bakumbane ne bavua bakumbaje malu malomba bua mudimu, bantu 62 ba Obeda-edome. 9 Meshelemiya+ uvua ne bana ba balume ne bana babu, bantu 18 bakumbane. 10 Hosa wa mu bana ba Melali uvua ne bana ba balume. Shimeli uvua mfumu, bualu nansha muvuaye kayi muanabute, tatuende uvua mumuteke mfumu, 11 muibidi Hilekiya, muisatu Tebalaya, muinayi Zekâya. Bana ba balume ba Hosa bonso ne bana babu ne Hosa bonso bavua 13.

12 Mu bisumbu ebi bia balami ba ku biibi, bamfumu bavua ne midimu ya kuenza anu bu muvua bana babu nayi, bua kuenza mudimu ku nzubu wa Yehowa. 13 Nunku bakela nshobo,+ bakese ne banene muomumue bilondeshile nzubu ya batatuabu, bua biibi bishilashilangane. 14 Pashishe nshobo ya ku est yakakuata Shelemeya. Bakela nshobo bua muanende Zekâya, mufidi wa mibelu uvua ne budimu, ne nshobo yende yakapatuka bua ku nord. 15 Ya Obeda-edome yakapatuka bua ku sud, ne bakapesha bana bende ba balume+ mudimu wa kutangila nzubu ya kulamina bintu. 16 Ya Shupima ne Hosa+ yakapatuka bua ku ouest, pabuipi ne Tshiibi tshia Shalekete ku njila munene udi ubanda, tshisumbu tshia balami ku luseke lua tshisumbu tshikuabu tshia balami; 17 kuvua bena Lewi basambombo ku est; ku nord, banayi dituku dionso ne ku sud, banayi dituku dionso; ne bua nzubu ya kulamina bintu,+ babidi babidi; 18 bua lutanda lua ku ouest, kuvua banayi ku njila munene+ ne babidi ku lutanda. 19 Ebi bivua bisumbu bia balami ba ku biibi ba mu bana ba bena Kola ne mu bana ba bena Melali.

20 Bua bena Lewi, Ahiya uvua utangila bibutshilu bia nzubu wa Nzambi mulelela ne bibutshilu bia bintu bivuabu bavuije bia tshijila.*+ 21 Bana ba balume ba Ladana: bana ba balume ba muena Gêshona ba kudi Ladana, bamfumu ba nzubu ya batatu ya Ladana muena Gêshona: Yehieli+ 22 ne bana ba balume ba Yehieli, Zetama ne muanabu Yoele. Bavua batangila bibutshilu bia nzubu wa Yehowa.+ 23 Mu bena Amalama, bena Yisehâ, bena Hebelone, ne bena Uziele,+ 24 Shebuele muana wa balume wa Gêshoma muana wa Mose uvua mulombodi bua kutangila nzubu ya kulamina bintu. 25 Bua bana babu, mua Eliezê,+ kuvua Lehabeya+ muanende wa balume, muanende uvua Yeshayi, muanende uvua Yolama, muanende uvua Zikeli, ne muanende uvua Shelomota. 26 Shelomota eu ne bana babu bavua batangila bibutshilu bionso bia bintu bivuabu bavuije bia tshijila,+ bivua mukalenge Davidi,+ bamfumu ba nzubu ya batatu,+ bamfumu ba bantu tshinunu tshinunu ne ba bantu lukama lukama, ne bamfumu ba tshiluilu bavuije bia tshijila. 27 Bavua bangate bintu bia mu mvita+ ne bivuabu banyenge+ babivuije bia tshijila bua kulongolola nzubu wa Yehowa; 28 ne kabidi bionso bivuabu bavuije bia tshijila kudi Samuele mumonyi wa malu,+ Shaula muana wa Kishi, Abinê + muana wa Nê, ne Yoaba+ muana wa Seluya.+ Bavua bapesha Shelomita ne bana babu tshintu tshionso tshivua muntu uvuija tshia tshijila bua batshilame.

29 Mu bena Yisehâ,+ bavua bapeshe Kenaniya ne bana bende midimu ya kuludika malu ivua yenzeka pambelu bua bikale batangidi ne balumbuluishi+ mu Isalele.

30 Mu bena Hebelone,+ Hashabeya ne bana babu, bantu 1 700 bakumbane, bavua baludika malu a mu Isalele mu tshitupa tshia buloba tshia ku ouest kua Yadene bua mudimu wonso wa Yehowa ne bua mudimu wa mukalenge. 31 Mu bena Hebelone, Yeliya+ uvua mfumu wa bena Hebelone bilondeshile dilondangana dia mêku a nzubu wa batatuabu. Mu tshidimu tshia 40 tshia bukalenge bua Davidi,+ bakakeba bantu ba bukole, bakumbane, munkatshi muabu, kubapetabu mu Yazê+ mu Gilada. 32 Bana babu bavua bantu 2 700, bantu balume bakumbane, bamfumu ba nzubu ya batatu. Nunku mukalenge Davidi wakabateka ku mutu kua bena Lubena, kua bena Gada, ne kua tshitupa tshia tshisa tshia bena Manashe, bua bualu buonso bua Nzambi mulelela ne bualu buonso bua mukalenge.

27 Ebu mbungi bua bena Isalele, bamfumu ba nzubu ya batatu, bamfumu ba bantu tshinunu tshinunu ne ba bantu lukama lukama,+ ne batangidi babu bavua benzela mukalenge mudimu+ mu malu onso a bisumbu bivua bibuela ne bipatuka ku ngondo ku ngondo mu ngondo yonso ya mu tshidimu; kuvua bantu binunu 24 mu tshisumbu tshionso.

2 Ku mutu kua tshisumbu tshia kumpala tshia ngondo wa kumpala kuvua Yashobeama+ muana wa Zabediele, ne bantu binunu 24 bavua mu tshisumbu tshiende. 3 Mu bana ba balume ba Pelese,+ yeye uvua ku mutu kua bamfumu bonso ba tusumbu tuvuabu bateke bua kuenza mudimu ngondo wa kumpala. 4 Ku mutu kua tshisumbu tshibidi tshia ngondo muibidi kuvua Dodai+ muena Ahoa+ ne tshisumbu tshiende, ne Mikelota ke uvua mulombodi, ne bantu binunu 24 bavua mu tshisumbu tshiende. 5 Mfumu wa tshisumbu tshisatu tshivuabu bateke bua kuenza mudimu ngondo muisatu uvua Benaya+ muana wa Yehoyada+ mfumu wa bakuidi, ne bantu binunu 24 bavua mu tshisumbu tshiende. 6 Benaya eu uvua tshilobo tshia mvita tshia mu bena mvita 30 ne uvua ku mutu kua bena mvita 30 abu, ne muanende Amizabada uvua ku mutu kua tshisumbu tshiende. 7 Muinayi bua ngondo muinayi uvua Asahele,+ muanabu ne Yoaba,+ ne panyima pende muanende Zebadaya, ne bantu binunu 24 bavua mu tshisumbu tshiende. 8 Muitanu bua ngondo muitanu uvua Shamehuta muena Yizelaya, ne bantu binunu 24 bavua mu tshisumbu tshiende. 9 Muisambombo bua ngondo muisambombo uvua Ila+ muana wa Ikeshe muena Tekoa,+ ne bantu binunu 24 bavua mu tshisumbu tshiende. 10 Wa muanda mutekete bua ngondo wa muanda mutekete uvua Helese+ muena Pelona wa mu bena Efelayima, ne bantu binunu 24 bavua mu tshisumbu tshiende. 11 Wa muanda mukulu bua ngondo wa muanda mukulu uvua Sibekai+ muena Husha wa mu bena Zela,+ ne bantu binunu 24 bavua mu tshisumbu tshiende. 12 Wa tshitema bua ngondo wa tshitema uvua Abiezê+ muena Anatota+ wa mu bena Benyamina, ne bantu binunu 24 bavua mu tshisumbu tshiende. 13 Wa dikumi bua ngondo wa dikumi uvua Mahalai+ muena Netofa wa mu bena Zela,+ ne bantu binunu 24 bavua mu tshisumbu tshiende. 14 Wa 11 bua ngondo wa 11 uvua Benaya+ muena Pilatona wa mu bana ba Efelayima, ne bantu binunu 24 bavua mu tshisumbu tshiende. 15 Wa 12 bua ngondo wa 12 uvua Heledai muena Netofa, wa mua Oteniele, ne bantu binunu 24 bavua mu tshisumbu tshiende.

16 Aba bavua balombodi ba bisa bia Isalele: Mu bena Lubena, Eliezê muana wa Zikeli uvua mulombodi; mu bena Simeona, Shefataya muana wa Mâka; 17 mu tshisa tshia Lewi, Hashabeya muana wa Kemuele; mu ndelanganyi ya Alona, Sadoka; 18 mu tshisa tshia Yuda, Elihu,+ umue wa ku bana babu ne Davidi; mu tshisa tshia Yisakâ, Omeli muana wa Mikaele; 19 mu tshisa tshia Zebulona, Yishemaya muana wa Obadaya; mu tshisa tshia Nafatale, Yelimota muana wa Azeliele; 20 mu bena Efelayima, Hoshea muana wa Azazaya; mu tshitupa tshia tshisa tshia Manashe, Yoele muana wa Pedaya; 21 mu tshitupa tshia tshisa tshia Manashe mu Gilada, Ido muana wa Zekâya; mu tshisa tshia Benyamina, Yâsiele muana wa Abinê;+ 22 mu tshisa tshia Dana, Azalele muana wa Yelohama. Aba bavua bakokeshi ba bisa bia Isalele.

23 Davidi kavua mubale bantu bavua ne bidimu 20 kupueka to, bualu Yehowa uvua mulaye bua kuvuija Isalele bungi bu mitoto ya mu diulu.+ 24 Yoaba muana wa Seluya ukavua mutuadije dibala, kadi kavua mujikije to; ne tshiji tshia Nzambi tshiakalua kudi Isalele* bua bualu ebu,+ ne kabavua babueje bungi ebu mu malu avuabu bafunde a malu a bikondo bia mukalenge Davidi to.

25 Ku mutu kua bibutshilu bia mukalenge+ kuvua Azamaweta muana wa Adiele. Yonatana muana wa Uziya uvua utangila nzubu ya dilamina bintu* ivua mu mpata, mu bimenga, mu misoko, ne mu bibumba. 26 Ku mutu kua bantu bavua benza mudimu wa kudima mu madimi kuvua Ezeli muana wa Keluba. 27 Shimei muena Lama uvua utangila madimi a tumuma tua mvinyo; Zabedi muena Sifemota uvua utangila miaba ya dilamina bintu ivuabu batekela mvinyo uvuabu benza ne bintu bia mu madimi a tumuma tua mvinyo. 28 Bâla-hanana muena Gedê uvua utangila madimi a mitshi ya olive ne a mitshi ya tshikuyi+ mu Shefela;+ Yoasha uvua utangila miaba ivuabu balamina mafuta. 29 Shitelai muena Shalona+ uvua utangila bisumbu bia nyama bivua bidiila mu Shalona, ne Shafata muana wa Adelai uvua utangila bisumbu bia nyama bivua mu bibandabanda.* 30 Obila muena Yishemaele uvua utangila tumelu; Yedeya muena Melonita uvua utangila mpunda.* 31 Yaziza muena Hagâ uvua utangila bisumbu bia mikoko. Bantu bonso aba bavua bamfumu ba bintu bia mukalenge Davidi.

32 Yonatana,+ muana wa muanabu ne Davidi, uvua mufidi wa mibelu, muntu wa lungenyi ne mufundi, ne Yehiele muana wa Hakemoni uvua ulama bana ba mukalenge.+ 33 Ahitofele+ uvua mufidi wa mibelu wa mukalenge, ne Hushai+ muena Aka uvua mulunda wa mukalenge.* 34 Panyima pa Ahitofele kuakalonda Yehoyada muana wa Benaya+ ne Ebeyatâ;+ ne Yoaba+ uvua mfumu wa tshiluilu tshia mukalenge.

28 Pashishe Davidi wakasangisha bakokeshi bonso ba mu Isalele ku Yelushalema: bakokeshi ba bisa, bamfumu ba bisumbu+ bivua bienzela mukalenge mudimu, bamfumu ba bantu tshinunu tshinunu ne ba bantu lukama lukama,+ bamfumu ba bintu bionso ne bimuna bionso bia mukalenge+ ne bia bana bende,+ pamue ne banene bavua benza mudimu mu lubanza lua mukalenge ne muntu yonso wa bukole ne mukumbane.+ 2 Pashishe mukalenge Davidi wakimana, kuambaye ne:

“Bana betu ne bena mu tshisamba tshietu, ntelejayi. Meme mvua ne dijinga mu muoyo wanyi dia kuibaka nzubu bua ikale muaba wa kuikishila bua mushete wa tshipungidi tshia Yehowa ne ikale tshitekelu tshia makasa a Nzambi wetu,+ ne mvua mulongolole bintu bua kuibaka.+ 3 Kadi Nzambi mulelela uvua mungambile ne: ‘Wewe kuakuibaka nzubu bua dîna dianyi to,+ bualu udi muntu udi muluangane mvita, ne udi muele mashi a bantu panshi.’+ 4 Kadi Yehowa Nzambi wa Isalele uvua munsungule mu nzubu wa tatuanyi mujima bua meme kulua mukalenge wa Isalele bua kashidi,+ bualu yeye uvua musungule Yuda bua ikale mulombodi,+ ne mu nzubu wa Yuda musungule nzubu wa tatuanyi,+ ne mu bana ba tatuanyi, meme ke muntu uvuaye muanyishe bua kuteka mukalenge wa Isalele mujima.+ 5 Pashishe mu bana banyi bonso (bualu Yehowa mmumpeshe bana ba bungi)+ yeye uvua musungule muananyi Solomo+ bua asombe mu nkuasa wa bukalenge wa bukokeshi bua Yehowa ku mutu kua Isalele.+

6 “Yeye uvua mungambile ne: ‘Muanebe Solomo ke wibaka nzubu wanyi ne mbanza yanyi, bualu ndi mumusungule bua ikale muananyi ne meme nengikale tatuende.+ 7 Nenjadike bukalenge buende bikole bua kashidi+ yeye mutumikile mêyi anyi ne mapangadika anyi ne muoyo mujima,+ anu bu mudiye wenza mpindieu.’ 8 Ke bualu kayi ndi ngamba ku mêsu kua Isalele mujima, tshisumbu tshia Yehowa, ne mu matshi a Nzambi wetu ne: Tumikilayi mêyi onso a Yehowa Nzambi wenu ne nuakebe ne muoyo mujima bua nuangate buloba buimpe ebu+ ne nubushile bana benu balua panyima penu bu bumpianyi bua kashidi.

9 “Nunku wewe, muananyi Solomo, manya Nzambi wa tatuebe ne umuenzele mudimu ne muoyo mujima*+ ne anyima* wa disanka,* bualu Yehowa udi ukonkonona mioyo yonso,+ ne udi ujingulula meji onso ne dijinga dionso.+ Wewe mumukebe, neenze bua umupete,+ kadi wewe mumulekele, neakubenge kashidi.+ 10 Mpindieu, ela meji bimpe, bualu Yehowa mmukusungule wewe bua kuibaka nzubu bua ikale muaba munsantu. Ikala ne dikima ne ndaku wenze mudimu.”

11 Pashishe Davidi wakapesha muanende Solomo tshimfuanyi tshizola tshia mushindu wikala+ lutanda+ ne nzubu yalu, nzubu yalu ya dilamina bintu, bibambalu bialu bia kuulu, bibambalu bialu bia munda, ne nzubu wa tshibuikidiji tshia dilengejangana.*+ 12 Wakamupesha tshimfuanyi tshizola tshia tshintu tshionso tshivuabu bamuleje ku bukole bua nyuma* bua mbanza+ ya nzubu wa Yehowa, bua nzubu ya didiila yonso ivua mimunyunguluke, bua bibutshilu bia nzubu wa Nzambi mulelela, ne bua bibutshilu bia bintu bivuabu bavuije bia tshijila;*+ 13 kabidi ne bua bisumbu bia bakuidi+ ne bia bena Lewi, bua midimu yonso ivua itangila mudimu wa nzubu wa Yehowa, ne bua bintu bionso bia mudimu wa nzubu wa Yehowa; 14 kabidi ne bua bujitu bua or, or bua bintu bionso bia midimu mishilashilangane, bujitu bua bintu bionso bia arjan, ne bua bintu bionso bia midimu mishilashilangane; 15 kabidi ne bujitu bua bitekelu bia miendu bia or+ ne miendu yabi ya or, bujitu bua bitekelu bia miendu bishilashilangane ne miendu yabi, ne bujitu bua bitekelu bia miendu bia arjan, bua tshitekelu tshia muendu tshionso ne miendu yatshi bilondeshile mudimu watshi; 16 kabidi ne bujitu bua or bua mêsa a milongo ya mampa,*+ bua mêsa onso, pamue ne arjan bua mêsa a arjan, 17 bua nsomo, bibakudi, mbidika ya or muimpe menemene, ne bujitu bua tubakudi tua or,+ bua kabakudi konso, ne bujitu bua tubakudi tua arjan, bua kabakudi konso. 18 Uvua mufile kabidi bujitu bua or mulengeja bua tshioshelu tshia musenga wa manananshi+ ne bua tshimfuanyi tshia ditempu,+ mmumue ne: bakeluba+ ba or bavua babalule mapuapua abu ne babuikile mushete wa tshipungidi tshia Yehowa. 19 Davidi wakamba ne: “Tshianza tshia Yehowa tshivua nanyi, ne yeye uvua mumpeshe lungenyi lutue bua kuzola malu onso a tshimfuanyi tshizola+ tshia bintu bia kuibaka.”+

20 Pashishe Davidi wakambila muanende Solomo ne: “Ikala ne dikima ne bukole ne ndaku wenze mudimu. Kutshinyi anyi kuikadi ne buôwa, bualu Yehowa Nzambi, Nzambi wanyi meme, udi nebe.+ Kakukushiya anyi kakukulekela to,+ kadi neikale nebe too ne pajika mudimu wonso udi utangila mudimu wa nzubu wa Yehowa. 21 Mona, ebi mbisumbu bia bakuidi+ ne bia bena Lewi+ bua mudimu wonso wa nzubu wa Nzambi mulelela. Wewe udi ne bena mudimu badi badiakaje ne bapiluke bua kuenza midimu ya mishindu yonso,+ pamue ne bakokeshi+ ne tshisamba tshijima bikala ne bua kutumikila malu onso awamba.”

29 Mpindieu, mukalenge Davidi wakambila tshisumbu tshijima ne: “Muananyi Solomo, muntu udi Nzambi musungule,+ utshidi muana ne kena ne dimanya dia bungi to,*+ ne mudimu ngua bungi, bualu ntempelo* ki ngua muntu to, kadi ngua Yehowa Nzambi.+ 2 Tshiena mulaminyine bukole nansha bukese bua kulongolola bintu bua nzubu wa Nzambi wanyi to; ndi mufile or bua bintu bia kuenza ne or, arjan bua bintu bia kuenza ne arjan, biamu bia mitaku bua bintu bia kuenza ne biamu bia mitaku, biamu bifiike bua bintu bia kuenza ne biamu bifiike,+ mabaya+ bua bintu bia kuenza ne mabaya, mabue a onikse, ne mabue a kulamika ne potopoto, nsoka ya mekala mekala ya kulengeja nayi, mabue a mushinga mukole a mishindu yonso, ne mabue a alabasta a bungi menemene. 3 Pashishe, bu mundi nsanka bua nzubu wa Nzambi wanyi,+ kudi kabidi tshibutshilu tshianyi meme nkayanyi+ tshia or ne arjan tshindi mfila ku nzubu wa Nzambi wanyi, pa kumbusha bionso binkadi mulongolole bua nzubu wa tshijila, 4 kusangisha ne ntalanta* 3 000 ya or ya ku Ofî+ ne ntalanta 7 000 ya arjan mulengeja, bua kulamika ku bimanu bia nzubu, 5 or bua bintu bia kuenza ne or ne arjan bua bintu bia kuenza ne arjan, ne bua mudimu wonso wenzabu kudi bansenda. Mpindieu, mbanganyi badi badifila lelu bua kulua ne dipa mu tshianza bua kupesha Yehowa?”+

6 Nunku bakokeshi ba nzubu ya batatu, bakokeshi ba bisa bia Isalele, bamfumu ba bantu tshinunu tshinunu ne ba bantu lukama lukama,+ ne bamfumu ba midimu ya mukalenge+ bakadifila ku budisuile. 7 Bua mudimu wa nzubu wa Nzambi mulelela, bakafila ntalanta 5 000 ya or, darike* binunu 10, ntalanta binunu 10 ya arjan, ntalanta binunu 18 ya biamu bia mitaku, ne ntalanta binunu 100 ya biamu bifiike. 8 Muntu yonso uvua ne mabue a mushinga mukole wakaafila mu tshibutshilu tshia nzubu wa Yehowa, tshilama kudi Yehiele+ muena Gêshona.+ 9 Bantu bakasanka bua kufila milambu ya budisuile eyi, bualu bavua bapesha Yehowa milambu ya budisuile ne muoyo mujima,+ ne mukalenge Davidi wakasanka pende bikole.

10 Pashishe Davidi wakatumbisha Yehowa ku mêsu kua tshisumbu tshijima. Davidi wakamba ne: “Wewe Yehowa Nzambi wa tatuetu Isalele, utumbishibue kashidi ne tshiendelele.* 11 Wewe Yehowa, bunene+ ne bukole+ ne bulengele ne butumbi ne bukokeshi*+ mbiebe, bualu bintu bionso bidi mu diulu ne pa buloba mbiebe.+ Bukalenge mbuebe, wewe Yehowa.+ Wewe ke udi udibandisha bua wikale ku mutu kua bionso. 12 Biuma ne butumbi bidi bifumina kuudi,+ udi ukokesha bintu bionso,+ mu tshianza tshiebe mudi bukokeshi+ ne bukole,+ ne tshianza tshiebe tshidi mua kuvuija muntu yonso munene+ ne kupesha bantu bonso bukole.+ 13 Mpindieu, wewe Nzambi wetu, tudi tukuela tuasakidila ne tutumbisha dîna diebe dilengele.

14 “Kadi meme ne bena mu tshisamba tshietu tudi banganyi bua tuetu kufila milambu ya budisuile mushindu eu? Bualu bintu bionso bidi bifumina kuudi, ne tuetu tudi bakupeshe anu tshidi tshifumine ku tshianza tshiebe wewe. 15 Bualu tudi bantu badi basombe buenyi kumpala kuebe ne bena tshimuangi anu bu bankambua betu.+ Bualu matuku etu pa buloba adi anu bu mundidimbi,+ kaayi ne ditekemena. 16 Wewe Yehowa Nzambi wetu, bubanji buonso ebu butudi balongolole bua kukuibakila nzubu bua dîna diebe dia tshijila budi bufumina mu tshianza tshiebe, ne buonso mbuebe wewe. 17 Nzambi wanyi, ndi mumanye bimpe ne: udi ukonkonona muoyo+ ne udi usanka bua muoyo mutoke.*+ Mu bululame* bua muoyo wanyi, ndi mufile bintu bionso ebi ku budisuile, ne ndi ne disanka dia bungi bua kumona bantu bebe badi muaba eu bafila milambu ya budisuile kuudi. 18 Wewe Yehowa, Nzambi wa Abalahama, wa Izaka, ne wa Isalele, bankambua betu, lama dijinga edi ne meji aa mu mioyo ya bantu bebe bua kashidi, ne uludike mioyo yabu kuudi.+ 19 Upeshe kabidi muananyi Solomo muoyo mujima,*+ bua atumikile mêyi ebe,+ mavuluija ebe, ne mêyi ne mikandu biebe ne bua enze malu onso aa ne ibake ntempelo* undi mulongoluele bintu.”+

20 Pashishe Davidi wakambila tshisumbu tshijima ne: “Mpindieu tumbishayi Yehowa Nzambi wenu.” Nunku tshisumbu tshionso tshiakatumbisha Yehowa Nzambi wa bankambua babu ne tshiakinama, kutua mpala panshi kumpala kua Yehowa ne kua mukalenge. 21 Bakatungunuka ne kufila milambu kudi Yehowa ne kufila milambu ya kuosha+ kudi Yehowa dituku diakalonda: bana balume ba ngombe tshinunu, bimpanga bia mikoko tshinunu, ne bana ba mikoko ba mpanga tshinunu, ne milambu yabi ya bia kunua;+ bakafila milambu ya bungi menemene bua Isalele mujima.+ 22 Bakatungunuka ne kudia ne kunua kumpala kua Yehowa dituku adi ne masanka a bungi,+ ne bua musangu muibidi bakateka Solomo muana wa Davidi mukalenge ne kumuelabu manyi kumpala kua Yehowa bua ikale mulombodi,+ kabidi ne Sadoka bua ikale muakuidi.+ 23 Solomo wakasomba mu nkuasa wa bukalenge wa Yehowa+ bu mukalenge pa muaba wa tatuende Davidi, ne malu ende onso avua enda bimpe, ne bena Isalele bonso bavua bamutumikila. 24 Bakokeshi bonso,+ bilobo bia mvita,+ ne kabidi bana ba mukalenge Davidi bonso+ bakakokela mukalenge Solomo. 25 Yehowa wakavuija kabidi Solomo munene menemene ku mêsu kua Isalele mujima ne wakamupesha bukokeshi bunene buvua mukalenge nansha umue wa Isalele kumpala kuende kayi mupete.+

26 Nunku Davidi muana wa Yishai wakakokesha Isalele mujima, 27 ne bule bua* bukokeshi buende mu Isalele buvua bua bidimu 40. Wakakokesha bidimu muanda mutekete mu Hebelone,+ ne wakakokesha bidimu 33 mu Yelushalema.+ 28 Wakafua mukulakaje bikole,+ muikale ne matuku a muoyo a bungi,* ne bubanji, ne butumbi; muanende Solomo wakalua mukalenge pa muaba wende.+ 29 Bua malu a mukalenge Davidi, kutuadijila ku mbangilu kuawu too ne ku ndekelu, mmafunda mu mêyi a Samuele mumonyi wa malu, muprofete Natana,+ ne Gada+ mumonyi wa bikena kumona, 30 pamue ne malu adi atangila bukokeshi buende buonso, bukole buende ne malu avua mamuenzekele, menzekele Isalele ne makalenge onso avua mamunyunguluke.