YOBO

“Ngakapatuka munda mua mamuanyi butaka,

Nempingane butaka.+

 3 “Dituku divuabu bandele dijimine,+

Kabidi ne butuku buvua muntu kampanda muambe ne: ‘Mbimite muana mulume!’

Nzambi wa mu diulu kadieledi meji nansha;

Munya kawuditemenyi to.

 6 Butuku abu, mifitu mikole ibukuate;+

Kabuikadi ne disanka munkatshi mua matuku a tshidimu,

Ne kabubuedi mu bungi bua ngondo to.

 7 Eyowa! Butuku abu kabupatudi tshintu;

Lubila lua disanka kalumvuikimu.

 8 Bantu batu batshipa dituku babutshipe,

Bobu badi ne bukole bua kujula Leviyatane.*+

 9 Mitoto ya padi panshi pabu pafiike ilue mifiike;

Buindile butoke bua mu dinda mu tshianana,

Kabumonyi nsese ya patshiatshia.

10 Bualu kabuvua bukange biibi bia difu dia mamuanyi;+

Kabuvua nansha busokoke mêsu anyi dikenga to.

12 Bua tshinyi binu bivuaku bua kungakidila,

Ne mabele bua kungamusha?

13 Nunku dîba edi mvua mua kuikala mulale ku matshi talalaa;+

Mvua mua kuikala mulale, muikishe+

14 Pamue ne bakalenge ba pa buloba ne babapeshi ba ngenyi

Bavua badibakile miaba idi mishale mpindieu bikulu,*

15 Anyi pamue ne bakokeshi bavua ne or,

Bena nzubu ivua miuwule ne arjan.

16 Bua tshinyi tshivua mua kuikala bu mukuji udi mutuke mu musokoko,

Bu bana batu kabayi banji kumona butoke?

17 Muomu amu, nansha bantu babi mbalekele tshimvundu;

Muomu amu, badi bazengele mbikishe.+

18 Muomu amu, bena buloko mbasombe pamue kakuyi bualu;

Kabena bumvua dîyi dia muntu udi ubenzeja mudimu ku bukole.

19 Muomu amu, bakese ne banene badi diatshimue,+

Ne mupika mmupikudibue ku bukokeshi bua mfumuende.

20 Bua tshinyi yeye udi upesha muntu udi ukenga butoke

Ne ufila muoyo kudi badi ne kanyinganyinga katambe bukole?*+

Badi bumbula bua kulukeba kupita mudibu bakeba biuma bisokoka,

22 Bobu badi basanka bikole,

Badi ne diakalengele padibu bapeta lukita.

23 Bua tshinyi yeye udi ufila butoke kudi muntu udi mujimije njila wende,

Muntu udi Nzambi muelele lupangu?+

24 Bualu, kupumuna kuanyi kua muoyo nkulue pa muaba wa biakudia bianyi+

Ne mikemu yanyi+ idi ipatuka anu bu mâyi.

25 Bualu tshidi tshingenza buôwa bukole ntshimfikile,

Ne tshindi ntshina ntshintulukile.

26 Tshiena ne ditalala nansha dikese, anyi bupole, anyi dikisha,

Kadi dikenga didi ditungunuka ne kulua.”

 3 Bushuwa, wewe udi mubele bantu ba bungi,

Ne uvua ukolesha bianza bivua bitekete.

 4 Mêyi ebe avua ajula yonso uvua utetuka,

Ne uvua ukolesha bavua ne binu bikobame.

 5 Kadi mpindieu malu au mmakufikile ne akupitshi bukole;*

Adi akulenga ne ukadi upampakana.

 8 Tshindi mumone tshidi ne: bantu badi badima* malu mabi

Ne badi bakuna tshimvundu nebapuole malu a muomumue.

 9 Badi bajimina ku mupuya wa Nzambi,

Ne ku ditayika dia tshiji tshiende badi batua ku tshibungubungu.

10 Ntambue udi ukungula, ne muana wa ntambue udi wela mikunda,

Kadi nansha mênu a ntambue ya makanda* mmatshibuke.

11 Ntambue udi ufua bua dipangila tshia kukuata,

Ne bana ba ntambue badi batangalaka.

12 Mpindieu dîyi diakafikishibua kundi mu musokoko,

Ne kunungana kuadi kuakafika ku ditshi dianyi.

13 Mu dilubakana dia meji mu bikena kumona bia butuku,

Padi tulu tukole tukuata bantu,

14 Lukanku lukole luakankuata,

Kuwujalu mifuba yanyi yonso ne buôwa bukole.

15 Nyuma kampanda wakapita pa mpala panyi;

Miosa ya pambidi panyi yakavuayila.

16 Pashishe wakashala muimane tendee,

Kadi tshiakajingulula mpala wende to.

Tshimfuanyi kampanda tshivua kumpala kua mêsu anyi;

Kuvua ditalala, pashishe meme kumvua dîyi diamba ne:

18 Mona! Yeye kena weyemena bena mudimu bende to,

Udi utula banjelu* bende bilema.

19 Kadi anu badi basombele mu nzubu ya diima,

Badi ne bishimikidi biabu biashila mu lupuishi,+

Badibu bazaza bipepele bu tshishi tshia mbumbu!

20 Badi bazajibua menemene kubangila ku dinda too ne ku dilolo;

Badi bajimina kashidi, ne muntu nansha umue kena umanya to.

 2 Bualu dilaminangana malu munda nedishipe muntu mutshimbakane,

Ne dialakana nedishipe muntu udi ne lungenyi lukese.

 3 Ndi mumone mutshimbakane wela miji,

Kadi diakamue muaba wende wa kusombela udi wedibua mulawu.

 4 Bana bende badi kule ne bukubi,

Ne badi babazajila ku tshiibi tshia tshimenga,+ kakuyi wa kubapandisha.

 5 Muntu udi ne nzala udi udia tshidiye upuola,

Utshipatuila nansha munkatshi mua mêba,

Ne bintu biabu mbikuatshibue mu buteyi.

 6 Bualu bintu bitu bienzelangana bibi kabitu bitoloka mu lupuishi to,

Ne lutatu kalutu lupatuka mu buloba nansha.

 7 Bualu muntu mmuledibue anu bua lutatu,

Bushuwa anu bu mudi tupia tutudika tubanda muulu.

 8 Kadi meme nendombe kudi Nzambi,

Ne kudi Nzambi nkungafunda tshilumbu tshianyi,

 9 Kudi Eu udi wenza malu manene adibu kabayi mua kulondolola,

Malu a dikema bungi kabuyi kubala.

10 Yeye udi upesha buloba mvula

Ne udi utuma mâyi mu mpata.

11 Udi ubandisha bapuekele kuulu,

Ne udi ubandisha udi mubungame bikole too ne ku lupandu.

12 Udi utatakaja mayele a bena budimu,

Nunku mudimu wa bianza biabu kawena ulubuluka.

13 Yeye udi ukuata bena meji mu budimu buabu nkayabu,+

Nunku malu adi bantu badi badimuke bapangadija adi apangila.

14 Badi batuilangana ne mîdima mu munya,

Badi babubuta munda munya bienze anu bu butuku.

15 Udi upandisha ku muele wa mvita wa mukana muabu,

Upandisha bapele ku tshianza tshia bantu badi ne bukole,

16 Ufikisha bapuekele ku dikala ne ditekemena,

Kadi mukana mua malu adi kaayi makane mmukangibue.

17 Mona! Wa diakalenga mmuntu udi Nzambi ubela;

Nunku kubengi dinyoka dia Wa Bukole Buonso to!

18 Bualu udi ukebesha kusama, kadi udi ujingila tshilamba pa mputa;

Udi utshibula bitupa bitupa, kadi udi wondopa ne bianza biende.

19 Neakupandishe ku makenga asambombo,

Nansha dia muanda mutekete kadiakukuenzela bibi to.

20 Mu tshiyole tshia nzala yeye neakukuule ku lufu,

Ne ku bukokeshi bua muele wa mvita mu mvita.

21 Neukubibue ku mututu wa ludimi,+

Kuakutshina kabutu padiku kalua to.

22 Neuseke kabutu ne nzala,

Kuakutshina nyama ya tshisuku ya pa buloba nansha.

23 Bualu mabue a mu mpata kaakukuenzela bibi to,*

Ne nyama ya tshisuku ya mu mpata neyikale nebe mu ditalala.

24 Neumanye ne: ntenta webe udi mu bukubi,*

Tshintu katshiakupangika paudi ukonkonona muaba webe wa kudishila nyama.

25 Neupete bana ba bungi,

Ne ndelanganyi yebe neyikale bungi tshianana bu bisonsa bia pa buloba.

26 Newikale anu ne bukole paudi uya mu lukita,

Bu bisumbu bia ntete bisangisha mu tshikondo tshiabi.

2 “Bu bobu nansha mua kupima bujitu bua lutatu luanyi+ bimpe menemene,

Kuluteka pa tshipiminu pamue ne dikenga dianyi!

 4 Mikete ya Wa Bukole Buonso mmintubule,

Lungenyi luanyi ludi lunua lulengu luayi;+

Malu adi enza buôwa bukole a kudi Nzambi mmele mulongo bua kunduisha.

 5 Mpunda wa tshisuku+ neadile padiye ne bisonsa anyi?

Anyi ngombe mulume neadile padiye ne biakudia anyi?

 6 Badi mua kudia biakudia bitalalangane kakuyi mukele anyi?

Anyi mâyi a milembulembu atu ne muenya anyi?

 8 Kaah! Bu dilomba dianyi dikumbajibue

Ne bu Nzambi mungenzele tshindi njinga!

 9 Bu Nzambi muanyishe bua kunzaza,

Ne bu yeye muolole tshianza tshiende munshipe!+

10 Bualu, nansha bualu abu buvua mua kuntuadila busambi;

Mvua mua kutumpika ne disanka nansha mudi bidi binsama kabiyi bikepela,

Bualu meme tshiena mubenge mêyi a Wa Tshijila+ to.

13 Kudiku mushindu undi mua kudiambuluisha

Padibu bangumbushe mushindu wanyi wonso wa kudikuatshisha nawu anyi?

14 Muntu yonso udi upala muinende dinanga dia lulamatu+

Nealekele ditshina dia Wa Bukole Buonso.+

15 Bana betu mene mbalue bantu badi kabayi kueyemena+ anu bu musulu wa mu muvu wa mashika makole,*

Bu mâyi a misulu ya mu muvu wa mashika makole* idi ikama.

16 Mmifiikisha kudi dibue dia mashika,

Ne neje udi wenguluka mmusokoka munda muayi.

17 Kadi mu tshikondo tshikumbane idi ipangila mâyi ne ishikila;

Padi munya ukola, idi ikama.

18 Badi batshingulula njila wayi;

Idi ipueka mu tshipela, ijimina.

19 Bisumbu bia bena ngendu bia ku Tema+ bidi biyikeba;

Bena ngendu ba ku Sheba*+ badi bayindila.

20 Bundu mbubakuate bua ditekemena diabu dia patupu;

Badi bafikaku anu bua kuedibua mâyi ku makasa.

21 Bualu ke munudi ku mêsu kuanyi;+

Nudi bamone buôwa bukole bua dikenga dianyi, buôwa buanukuatshi.+

23 Ndiku mulombe bua kunsungila ku tshianza tshia muena lukuna,

Peshi bua kumpandisha* kudi bakengeshanganyi anyi?

24 Ndongeshayi, nenshale mupuwe;+

Ngambuluishayi bua ngumvue tshilema tshianyi.

26 Nudi nulukakaja lungenyi bua kudiula mêyi anyi,

Mêyi a muntu mushikile,+ adi lupepele lupepula anyi?

27 Nudi kabidi nuelela muana wa nshiya nshobo+

Ne nupanyisha mulunda wenu muine!*+

28 Nanku mpindieu kudimukayi ne nuntangile,

Bualu tshiakudinga ku mêsu kuenu mene to.

29 Anji elululayiku meji, kanungangatshi bibi to,

Ee, elululayi meji, bualu buakane buanyi butshidi katakata.

7 “Muoyo wa muntu ufuafua eu pa buloba kawena bu mudimu mukole udibu benzejangana ku bukole anyi?

Ne matuku ende kaena bu a muntu udibu bangate ku mudimu anyi?+

 2 Bu mupika, yeye udi ujinga dileji ne muoyo mujima;

Bu muntu udibu bangate ku mudimu, yeye udi windila difutu diende.+

 3 Nunku, mbankosele ngondo ya malu a patupu,

Mbambadile matuku a butuku a dikenga.+

 5 Mubidi wanyi mmubuikila kudi bikusu* ne dikatshi dia manyanu;+

Dikoba dianyi ndiuwule tente ne disama dia mbâmba ne tufina.+

 6 Matuku anyi adi apita lubilu lupite lua mundongo wa muluki wa bilamba,+

Ne adi atua ku ndekelu kakuyi ditekemena.+

 7 Vuluka ne: muoyo wanyi udi lupepele,+

Ne dîsu dianyi kadiakumona diakalenga* kabidi nansha.

 8 Dîsu didi dimmona mpindieu kadiakummona kabidi to;

Mêsu ebe neankebe, kadi tshiakuikalaku to.+

 9 Bu divuba didi dienguluka ne dijimina,

Muntu udi upueka mu Lukita* kena upatukamu to.+

10 Kakupingana kabidi ku nzubu kuende,

Ne muaba wende kawakumumanya kabidi to.+

Nengakule mu kanyinganyinga kakole ka lungenyi luanyi;

Nendilakane mu dikenga dianyi dikole!*+

12 Ndi mbuu peshi nyama munene wa mu mbuu

Bua wewe kuntekela nsentedi anyi?

13 Pandi ngamba ne: ‘Kalalu kanyi nekansambe;

Bulalu buanyi nebungambuluishe bua kukepesha dikenga dianyi,’

14 Ke wewe kunkuatshisha buôwa bukole ne bilota

Ne kuntshinyisha ne bikena kumona,

15 Nunku ndi* nsungula difua tshipuidiji,

Eyowa, lufu pamutu pa mubidi wanyi eu.*+

17 Muntu ufuafua eu nnganyi bua wewe kumuelela meji,

Ne bua wewe kutuma meji ebe* kudiye?+

18 Bua tshinyi udi umukonkonona dinda dionso

Ne umuteta dîba dionso?+

19 Kuakumbushaku mêsu kundi

Ne kundekela mutantshi bule bukumbane bua meme kuminaku mate anyi?+

21 Bua tshinyi kuena umbuikidilaku dishipa dianyi dia mikenji

Ne umfuila luse bua tshilema tshianyi?

Bualu, mu katupa kîpi emu nendale mu lupuishi,+

Ne neunkebe, kadi tshiakuikalaku to.”

 3 Nzambi neakonyangaje kulumbuluisha kuakane anyi?

Peshi Wa Bukole Buonso neakonyangaje buakane anyi?

 4 Bikala bana bebe bamuenzele mpekatu,

Wakabalekela bapeshibua dinyoka bua ditomboka diabu;*

 5 Kadi wewe mutekemene anu kudi Nzambi+

Ne mulombe dianyishibua kudi Wa Bukole Buonso,

 6 Ne wewe muikale bushuwa mukezuke ne muena bululame,+

Yeye uvua mua kutuma ntema kuudi*

Ne kukupingaja muaba webe udi mukuakanyine.

 7 Nansha muvua tshibangidilu tshiebe tshikese,

Nshikidilu webe uvua mua kuikala munene.+

 8 Ebeja koku bantu ba tshipungu tshia kale

Ne tuma ntema ku malu avua batatuabu bajingulule.+

 9 Bualu tuvua baledibue anu makelela eu, ne katuena bamanye tshintu nansha tshimue,

Bualu matuku etu pa buloba adi anu mundidimbi.

10 Bobu kabakukulongesha

Ne kukuambilaku malu adibu bamanye anyi?*

12 Patshididi dipatula mutu, kabayi banji kudiaka,

Didi diuma kumpala kua tshikunyibua tshikuabu tshionso.

13 Etshi ke tshiafikila* bonso badi bapua Nzambi muoyo,

Bualu ditekemena dia badi

babenga Nzambi* nedijimine,

14 Bobu badi ditekemena diabu dikale patupu,

Badi tshieyemenu tshiabu tshikale tshitekete anu bu buntatande* bua ntande.

15 Neeyemene ku nzubu wende, kadi nzubu kakushala muimane to;

Neatete bua kushala mumukuate, kadi nzubu au kakunenga mutantshi to.

16 Yeye udi tshisonsa tshibishi munkatshi mua munya,

Ne ntonga yende idi itangalaka mu budimi.+

17 Mu mushiki wa mabue ke

mudi miji yende mijingakene;

Udi ukeba nzubu munkatshi mua mabue.*

18 Kadi padibu bamujula* muaba wende,

Muaba au newumuvile, wamba ne: ‘Tshitu muanji kukumona to.’+

19 Eyowa, ke muajiminaye* nanku;+

Pashishe bakuabu nebapatuke mu lupuishi.

20 Bulelela, Nzambi kakubenga bantu badi balama muoyo mutoke;*

Anyi kukuatshisha* benji ba malu mabi to,

21 Bualu, yeye neikale anu mua kuwuja mukana muebe ne tuseku

Ne mishiku yebe ne mbila ya disanka.

22 Badi bakukine nebuwujibue tente ne bundu,

Ne ntenta wa bantu babi kakuikalaku kabidi to.”

 3 Muntu yeye musue kuelangana Nende,*+

Yeye au kena mua kuandamuna lukonko nansha lumue lua mu nkonko Yende tshinunu to.

 5 Udi usemeja* mikuna kakuyi muntu udi umanya bualu ebu;

Udi uyitonkola mu tshiji tshiende.

 6 Udi unyukula buloba, ubumbusha muaba wabu,

Bifikisha makunji abu ku dizakala.+

 7 Udi utumina dîba dîyi bua kadikenki

Ne ujika butoke bua mitoto;+

 8 Yeye nkayende udi ubalula diulu,+

Ne udi wendela pa mutu pa mavuala male a mbuu.+

 9 Wakenza bisumbu bia mitoto bia Asha,* Kezila,* ne Kima,*+

Ne bisumbu bia mitoto bidi muulu ku sud;*

10 Udi wenza malu manene adi kaayi kulondolola,+

Malu a dikema adi bungi kabuyi kubala.+

11 Udi upitshila pabuipi nanyi, tshiena mua kumumona;

Udi umpita, kadi tshiena mmujingulula.

13 Nzambi kakukanda tshiji tshiende to;+

Nansha bambuluishi ba Lahaba*+ nebamuinamine.

14 Kadi anu meme? Pandi mmuandamuna,

Ndi ne bua kusungula mêyi anyi bimpe bua kuelangana nende!

Tshiena ngitabuja ne: neateleje dîyi dianyi to,

17 Bualu yeye udi unzaza ne tshipepele tshikole,

Uvudija mputa yanyi kakuyi bualu.+

18 Kena undekela bua meme kueyela to;

Yeye udi utungunuka ne kunguwuja ne bintu bia bululu.

20 Bu meme mubinge, mukana muanyi muine muvua mua kumpisha;

Nansha meme mulame muoyo wanyi mutoke,* yeye neangambe ne: ndi mupile.*

21 Nansha meme mulame muoyo wanyi mutoke,* tshiena ne dishindika bua bualu buanyi to;*

Tshiena musue* muoyo undi nawu.

22 Bionso bidi muomumue. Ke bualu kayi ndi ngamba ne:

‘Yeye udi ubutula badi kabayi ne bualu* ne babi muomumue.’

23 Bikala dipasalala dia mâyi dia tshintuluntulu dikebesha lufu lua tshimpitshimpi,

Yeye udi useka dishikila dia badi kabayi ne bualu.

24 Buloba mbufidibue kudi muntu mubi;+

Yeye udi ubuikila mêsu* a balumbuluishi babu.

25 Nunku, matuku anyi adi ne lubilu kupita munyemi wa lubilu;+

Adi anyema lubilu kaayi amona bualu buimpe.

26 Adi afinunuka bu matu a malenge,

Bu mikanku idi ipueka lubilu bua kubakula tshiakudia tshiayi.

27 Meme muambe ne: ‘Nempue didilakana dianyi muoyo,

Nenkudimune tshilunji tshianyi ne nensangale,’

28 Nengikale anu ne buôwa bua bionso bidi binsama,+

Ne ndi mumanye ne: kuakumbala bu udi kayi ne bualu to.

30 Meme muowe mâyi a neje idi yenguluka,

Ne mutokeshe bianza bianyi

mu buanga bua nsabanga,*+

31 Dîba adi neungele mu tshina,

Bifikisha too ne bilamba bianyi meme muine ku dinkina.

32 Bualu yeye kena muntu bu mundi bua meme kumuandamuna,

Bua tuetu kuya nende bonso ku tshilumbuluidi to.+

33 Kakuena muntu wa kukosa nsambu* pankatshi petu,

Udi mua kuikala mulumbuluishi wetu* to.

34 Yeye mulekele kuntuta,*

Ne kayi ulekela buôwa bukole bua bualu buende buntshinyisha,+

35 Dîba adi nengakule nende tshiyi ne buôwa,

Bualu ki mbuôwa butu bunsaka bua kuakula to.

 3 Bidi bikuenza disanka bua kukengeshangana,

Bua kupetula mudimu wa bianza biebe,+

Eku wanyisha lungenyi ludi bantu babi bafila anyi?

 4 Udi ne mêsu a mubidi anyi,

Peshi udi umona mudi muntu ufuafua eu umona?

 5 Matuku ebe adi bu matuku a bantu bafuafua,

Peshi bidimu biebe bidi bu bidimu bia muntu,+

 6 Bua wewe kukebulula tshilema tshianyi

Ne kutungunuka ne kukeba mpekatu wanyi anyi?+

 7 Wewe udi mumanye ne: tshiena mupile to;+

Ne kakuena udi mua kumpandisha mu tshianza tshiebe to.+

 8 Bianza biebe wewe mbimfumbe ne mbingenze,+

Kadi mpindieu ukadi usua kumbutula butubutu.

 9 Wavuluka koku ne: uvua mungenze ne diima,+

Kadi mpindieu ukadi umpingaja ku lupuishi.+

10 Kuvua mumpongolole bu mabele

Ne munkuatakaje bu fromaje* anyi?

11 Dikoba ne misunyi mbiuvua mumvuadike,

Uvua mundamakaje ne mifuba ne bijilujilu.+

12 Udi mumpeshe muoyo ne dinanga dia lulamatu kabidi;

Udi mukube nyuma* wanyi ne bulami buebe.+

14 Bu meme muenze mpekatu, uvua mua kummona,+

Ne kuvua mua kumbingisha ku tshilema tshianyi to.

Nansha meme tshiyi ne bualu, tshiena mua kubandulula mutu wanyi to,+

Bualu ndi muwujibue ne difuishibua dia bundu ne dikengeshibua.+

16 Meme mubandulule mutu wanyi, udi ukeba kunkuata bu ntambue,+

Kabidi ulejila bukole buebe kundi.

17 Udi ulua ne bantemu bapiabapia bua bampishe

Ne uvudija tshiji tshiebe kundi,

Padi ntatu inkuata ilondangana.

19 Bivua mua kuikala anu bu ne: tshitu muanji kuikalaku to;

Bavua mua kuikala bampatule mu difu dia mamuanyi diakamue too ne mu lukita.’

20 Matuku anyi kaena makese

anyi?+ Yeye anji andekelaku;

Umbushaku mêsu ende kundi, bua mpetaku ndambu wa disulakana*+

21 Kumpala kua meme kuya, ne tshiakupingana to,+

Mu ditunga dia mîdima mipite bukole,*+

22 Mu ditunga dia mifitu mikole,

Ditunga dia mundidimbi mukole ne tshimvundu,

Mudi too ne butoke buikale bu mifitu.”

 2 “Mêyi onso aa neashale kaayi ne diandamuna anyi?

Peshi diakula dia bungi didi mua kubingisha muntu anyi?*

 4 Bualu wewe udi wamba ne: ‘Dilongesha dianyi ndikezuke,+

Ne ndi mukezuke ku mêsu kuebe.’+

 5 Kadi bu Nzambi yeye nansha muakule,

Mukukanguile mukana muende!+

 6 Nunku, yeye uvua mua kukuleja malu masokoka a meji,

Bualu meji adi ambuluisha adi ne bibadi bia bungi.

 7 Udi mua kusokolola malu male a Nzambi

Peshi kusokolola malu onso adi atangila* Wa Bukole Buonso anyi?

 9 Mmale kupita buloba,

Ne mmalabale kupita mbuu.

10 Yeye mupite, mukuate muntu, ne mubueje tshilumbuluidi,

Nnganyi udi mua kumukandamena?

12 Kadi muntu udi mu mutu mutupu neapete lungenyi

Anu pikala mpunda wa tshisuku mua kulela muntu.*

13 Bu wewe nansha mulongolole muoyo webe

Ne mumuoluele bianza biebe.

14 Bikala tshianza tshiebe tshienza bualu bubi, utshitume kule,

Kulekedi bualu bubi busomba mu ntenta yebe to.

15 Dîba adi, uvua mua kubandisha mpala webe kuyi ne kalema;

Uvua mua kuimana mushindame, kuyi ne buôwa.

16 Dîba adi, neupue lutatu luebe muoyo;

Neuluvuluke anu bu mâyi akadi makupite mapueke.

17 Muoyo webe newulue mutoke kupita munda munya;

Nansha mîdima yawu neyikale bu mu dinda.

18 Newikale ne muoyo mukole bualu kudi ditekemena;

Neukenzakane eku ne eku ne neulale mu bukubi.

19 Neulale kakuyi muntu wa kukutshinyisha,

Ne bantu ba bungi nebakebe bua kukulengelela.

20 Kadi mêsu a bantu babi neatekete;

Kabakupeta muaba nansha umue wa kunyemena,

Ne ditekemena diabu dionso nedikale lufu.”*+

 2 “Bushuwa, nuenu nudi bantu badi bamanye,*

Ne meji neafue pamue nenu!

 4 Ndi mulue tshintu tshia kuseka kudi balunda banyi,+

Muntu udi ubikila Nzambi bua kupeta diandamuna.+

 5 Muntu udi kayi ne lutatu udi upepeja dikenga,

Wela meji ne: didi anu bua

bantu badi makasa abu kaayi mashindame panshi.*

 6 Ntenta ya bivi idi mu ditalala,+

Ne bantu badi bafiikisha Nzambi munda badi talalaa,+

Bantu badi ne nzambi wabu mu bianza biabu.

 7 Kadi ebejaku nyama, neyikulongeshe;

Ebeja kabidi nyunyi ya muulu, neyikuambile.

 8 Anyi konkonona* buloba, nebukulongeshe;

Ne mishipa ya mu mbuu neyikumanyishe bualu ebu.

 9 Nnganyi munkatshi mua bintu bionso ebi udi kayi mumanye

Ne: tshianza tshia Yehowa ke tshidi tshienze bualu ebu?

10 Mu tshianza tshiende mmudi muoyo wa tshintu tshionso tshidi ne muoyo*

Ne nyuma* wa muntu yonso.*+

11 Ditshi kadiena diteta mêyi

Bu mudi ludimi* lulabula biakudia+ anyi?

12 Meji kaatu munkatshi mua banunu+ anyi?

Ne lungenyi kalutu lulua mu bungi bua matuku a muoyo anyi?

13 Kudiye nkudi meji ne bukole;+

Udi ne dilongolola ne lungenyi.+

14 Padiye upula tshintu, kabena mua kutshibakulula;+

Tshidiye mukange, muntu kena mua kutshikangula.

15 Padiye ukuata mâyi, bintu bionso bidi biuma;+

Padiye uatuma, adi apita buloba bukole.+

16 Kudiye kudi bukole ne meji adi ambuluisha;+

Muntu udi upambuka ne udi upambuishangana mbende yeye;

17 Yeye udi wenza bua bafidi ba ngenyi baye ku makasa kutupu,*

Ne utatakaja balumbuluishi.+

18 Udi usulula mionji idi bakalenge basuike bantu,+

Ne ubasuika mukaba mu tshimono tshiabu.

19 Udi wenza bua bakuidi bende ku makasa kutupu,+

Ne utonkola badi bashindame bikole mu bukokeshi;+

20 Udi upala bafidi ba mibelu badibu beyemene muakulu,

Ne unyenga lungenyi luimpe lua banunu;*

21 Udi witshikijila bantu banene dipetu,+

Uvuija badi ne bukole batekete;*

22 Udi usokolola malu male adi mu mîdima,+

Upatula mîdima mikole ku butoke;

23 Udi uvuija bisamba binene bua kulua kubibutula;

Udi udiundisha bisamba bua kubikuata kuya nabi ku babende.

24 Udi unyenga lungenyi* lua balombodi ba bisamba,

Ne ubatambakaja mu maloba matuke adi kaayi ne tujila.+

25 Badi babubuta mu mîdima+ mudi kamuyi butoke;

Udi ubatambakaja eku ne eku bu bantu bakuatshike maluvu.+

13 “Bushuwa, dîsu dianyi ndimone bualu ebu buonso,

Ditshi dianyi ndibuteleje ne dibujingulule.

 2 Malu anudi bamanye, meme panyi ndi muamanye;

Tshiena mushadile kunudi to.

 3 Buanyi meme, ndi musue kuakula ne Wa Bukole Buonso nkayende;

Ndi njinga kulumbulula tshilumbu tshianyi ne Nzambi.+

 4 Kadi nudi nunnyangila lumu ne malu a dishima;

Buonso buenu nudi baminganga badi kabayi ne dikuatshisha.+

 5 Bu nuenu nansha bashale bapuwe talalaa,

Bivua mua kuleja munudi ne meji.+

 6 Telejayi koku mêyi anyi a didibingisha nawu,

Ne teyayi ntema ku mêyi a kulumbulula kua mishiku yanyi.

 7 Nenuakule mêyi adi kaayi makane mu dîna dia Nzambi anyi?

Nenuakule bua bualu buende ne mêyi a dishima anyi?

 8 Nenutue ku tshiende* anyi?

Nenukebe bua kulumbuluila Nzambi mulelela tshilumbu tshiende anyi?

10 Bushuwa, yeye neanutandishe

Binuikala nukeba bua kuleja kansungansunga mu musokoko.+

11 Bunême buende buine kabuakunuzakeja bikole anyi?

Buôwa bukole bua bualu buende kabuakunukuata anyi?

12 Mêyi enu a meji* adi nsumuinu ya butu;

Bintu bienu bia kudikuba nabi* mbitekete anu bu bia kudikuba nabi bienza ne diima.

14 Bua tshinyi ndi nditeka mu njiwu*

Ne ngambula muoyo* wanyi mu bianza bianyi?

15 Nansha mudiye mua kunshipa, nenshale anu muindile;+

Nendumbulule tshilumbu tshianyi* ku mêsu kuende.

16 Dîba adi yeye nealue lupandu luanyi,+

Bualu muntu nansha umue udi mubenge Nzambi* kena mua kubuela kumpala kuende to.+

17 Telejayi dîyi dianyi bimpe;

Teyayi ntema ku bualu bundi ngamba.

18 Mpindieu monayi, ndi mulongolole tshilumbu tshianyi bua kuya natshi ku kabadi;

Ndi mumanye ne: ndi mubinge.

20 Wewe Nzambi, ngenzelaku anu malu abidi patupu,*

Bua tshilu kusokoma ku mêsu kuebe:

21 Umbusha tshianza tshiebe tshia bujitu utshitume kule nanyi,

Kulekedi buôwa bua bualu buebe bunzakeja to.+

22 Anyi ubikile ne meme nengandamune,

Peshi undekele ngakule, wewe ungandamune.

24 Bua tshinyi udi usokoka mpala webe,+

Ungangata bu muena lukuna webe?+

25 Neukebe bua kutshinyisha dibeji didi dipepuka

Peshi kulondakaja nkolakola miume anyi?

26 Bualu udi utungunuka ne kufunda malu makole a kumbanda nawu,

Ne udi umfutshisha bua mpekatu ya ku buana buanyi.

27 Udi muele makasa anyi mu bikunyi,

Udi ukonkonona njila yanyi yonso,

Ne ulondolola tshifundu ne tshifundu tshia dikasa dianyi.

28 Nunku, muntu* udi unyanguka mubidi anu bu tshintu tshibole,

Bu tshilamba tshidia kudi bishi bia mbumbu.

14 “Muntu mulela kudi mukaji

Udi ne matuku a muoyo makese+ ne muwule tente ne ntatu.*+

 2 Udi upatuka bu tshilongo, pashishe uma;*+

Udi upita lubilu bu mundidimbi ne ujimina.+

 3 Bushuwa, wewe udi mumutuishile dîsu diebe,

Ne udi uya nende* ku tshilumbuluidi bua kulumbulula nebe.+

 5 Biamukoselabu matuku,

Bungi bua ngondo yende budi kuudi;

Udi mumuelele mukalu bua kamanyi mua kuya dia muamua.+

 6 Umbusha mêsu ebe kudiye bua amone mua kuikisha,

Too ne pajikijaye dituku diende bu muntu udibu bangate ku mudimu.+

Biawukosabu, neusampile kabidi,

Ntonga yawu neyitungunuke ne kusasa.

 8 Muji wawu wowu mukulakajile mu buloba

Ne tshikuku tshiawu tshifuile mu buloba,

 9 Padiwu umvua mupuya wa mâyi newusampile;

Newupatule matamba bu mutshi mupiamupia.

10 Kadi muntu udi ufua ne ulala kayi ne bukole;

Padi muntu ukuula muoyo, udi penyi?+

11 Mâyi adi ajimina mu mbuu,

Ne musulu udi ukama ne uma.

Kabakubika too ne pikala diulu kaditshiyiku,

Kabakubajula nansha ku tulu tuabu to.+

13 Kaah! Bu wewe nansha munsokoke mu Lukita,*+

Bu wewe nansha munsokoke too ne padi tshiji tshiebe tshipita,

Bu wewe nansha munkosele tshikondo, mulue kumvuluka!+

Nengindile matuku onso a mudimu udibu bangenzeja ku bukole

Too ne padi disulakana dianyi dilua.+

16 Kadi bua mpindieu, udi utungunuka ne kubala tshiendedi tshianyi tshionso;

Udi utangila anu bua kumona mpekatu wanyi.

17 Dishipa dianyi dia mikenji ndikangila mu tshibuta,

Ne wewe udi ukanga tshilema tshianyi ne budimbu.

18 Bu mudi mukuna ukuluka ne uvingutuka

Ne dibue dinene diumbushibua pa muaba wadi,

19 Bu mudi mâyi apelula mabue

Ne nkuaka yawu ikoka lusenga lua pa buloba,

Ke muudi mubutule ditekemena dia muntu ufuafua.

20 Udi utungunuka ne kumupita bukole too ne padiye ujimina;+

Udi ushintulula tshimuenekelu tshiende, umuipata.

21 Badi bapesha bana bende bunême, kadi yeye kena umanya bualu ebu to;

Badi balua bantu tshianana, kadi yeye kena ujingulula bualu ebu to.+

22 Yeye udi umvua bimusama anu patshidiye ne misunyi pambidi pende;

Yeye* udi udila anu patshidiye ne muoyo.”

 2 “Muena meji neandamune ne ngenyi ya patupu* anyi?

Peshi neuwuje difu diende ne lupepele lua ku est anyi?

 3 Kubela anu ne mêyi tshianana kakuena ne diambuluisha to,

Ne kuakula nkayaku kakuena ne dikuatshisha to.

 4 Bualu wewe udi utekesha ditshina dia Nzambi,

Ne udi ukepesha diditatshisha dionso bua Nzambi.

 5 Bualu tshilema tshiebe tshidi tshikuambila biudi wamba,*

Ne udi usungula ngakuilu wa budimu.

 6 Mukana muebe muine mudi mukupisha, ki mmeme to;

Mishiku yebe mine idi ikutuisha.+

 7 Wewe ke muntu wa kumpala wakaledibua anyi?

Peshi diledibua diebe diakadianjidila dia mikuna anyi?

 8 Utu uteleja muyuki wa mu musokoko wa Nzambi anyi?

Peshi anu wewe nkayebe ke udi ne meji anyi?

10 Bena nsuki mitoke ne banunu badi bonso munkatshi muetu,+

Bantu bakulumpe bikole kupita ne tatuebe.

11 Busambi bua kudi Nzambi ki mbukukumbane anyi?

Peshi mêyi adibu bakuambile ne bulenga ki mmakukumbane anyi?

12 Bua tshinyi muoyo webe udi uya nebe kule?

Bua tshinyi mêsu ebe adi atema ne tshiji?

13 Bualu udi ufiikila Nzambi munda,*

Ulekela mêyi a mushindu au apatuka mukana muebe.

14 Muntu ufuafua eu nnganyi bua yeye kuikala mukezuke,

Peshi yonso udibu balele kudi mukaji bua kuikalaye muakane?+

15 Tangila! Yeye kena weyemena bansantu bende,

Nansha diulu dine kadiena dikezuke ku mêsu kuende to.+

16 Nebikale mushindu kayi padi muntu muikale mubipe ne munyanguke,+

Muntu udi unua malu mabi anu bu mâyi!

Nenkulondele tshindi mumone,

18 Tshidi bena meji balonde tshia kudi batatuabu,+

Malu adibu kabayi basokoke.

19 Bobu nkayabu mbavuabu bapeshe buloba,

Ne muenyi kakapita munkatshi muabu.

20 Muntu mubi udi utata ne dikenga matuku ende onso,

Mu bidimu bionso bidibu bakosele mfumu wa tshikisu.

21 Mêyi adi enza buôwa bukole adi umvuika mu matshi ende;+

Mu tshikondo tshia ditalala, benzavi badi bamubunda.

22 Kena witaba ne: neapanduke ku mîdima to;+

Yeye mmulama bua muele wa mvita.

24 Dikenga ne kanyinganyinga bidi bitungunuka ne kumukuatshisha buôwa bukole;

Bidi bimupita bukole bu mukalenge mudilongolole bua kuelangana mvita.

25 Bualu yeye udi ujudila Nzambi tshianza tshiende

Ne ukeba bua kueleshangana mpata ne* Wa Bukole Buonso;

26 Udi uya lubilu kudiye ne mutu mukole bua kumuluisha,

Muikale ne ngabu wende mukole wa mupimbu;*

27 Mpala wende mmubuikila kudi mafuta,

Ne tshifuka tshiende tshidi tshinyenya mafuta;

28 Mmusombele mu bimenga bialuabu kubutula,

Mu nzubu yikala muntu kayi mua kusombela,

Yikala mua kulua mishiki ya mabue.

29 Kakulua mubanji to, ne biuma biende kabiakuvulangana to,

Nansha bintu biende kabiakutangalaka mu buloba.

30 Kakupanduka ku mîdima to;

Ludimi lua kapia nelumishe lutonga* luende,

Ne yeye neafue ku mupuya wa mukana mua Nzambi.*+

31 Kapambuki bua kueyemena tshintu tshidi katshiyi ne mushinga to,

Bualu tshidiye upetaku katshiakuikala ne mushinga;

32 Nebienzeke kumpala kua dituku diende,

Ne matamba ende kaakutumpuka nansha.+

33 Neikale bu muonji wa tumuma tua mvinyo udi umatshisha tumuma tuawu tutshidi tubishi,

Ne bu mutshi wa olive udi ukulula bilongo biawu.

34 Bualu tshisumbu tshia badi babenga Nzambi* ntshiatuke+

Ne kapia nekoshe ntenta ya mbuejilu.

35 Badi bimita tshimvundu, balela malu adi mabi,

Ne mafu abu adi alela dishima.”

Bu nuenu bikale pa muaba wanyi,*

Mvua mua kunuamba malu a bungi

Ne kunukupila mutu wanyi.+

 5 Kadi, mvua mua kunukolesha ne mêyi a mukana muanyi,

Ne busambi bua ku mishiku yanyi buvua mua kufila disulakana.+

 6 Meme muakule, bidi binsama kabiena bisulakana to,+

Ne meme mulekele kuakula, mbidi binsama bungi kayi biakepela?

 7 Kadi mpindieu yeye mmunzengeje;+

Yeye mmubutule ba mu nzubu muanyi bonso.*

 8 Wewe kabidi udi unkuata, ne bualu ebu mbulue ntemu,

Nunku tshinyanu tshianyi tshidi tshijuka ne tshifila bujadiki kumpala kuanyi.

10 Mbankanguile mukana muabu bikole bua kunduisha,+

Ne mbantape mapi ku matama ne dipetu dionso;

Mbadisange tshisumbu tshinene bua kunduisha.+

11 Nzambi udi umfila kudi bana ba balume,

Ne udi ungela mu bianza bia bantu babi.+

12 Mvua mu ditalala, kadi yeye wakantayisha;+

Wakankuatshila mu dikoshi, kunzazaye;

Pashishe wakanteka bu tshintu tshiende tshia kuasa bintu.

13 Bedi ba mikete bende mbannyunguluke;+

Udi utubula tuonyi tuanyi+ kayi umvua luse;

Udi upongolola kanyonga kanyi panshi.

14 Udi untubulula masoso masoso;

Udi ulua lubilu kundi bu muena mvita.

15 Ndi mutelakaje tshilamba tshikayabale bua kubuikila dikoba dianyi,+

Ne ndi mujiike bunême* buanyi mu lupuishi.+

16 Mpala wanyi mmukunze ne didila dia muadi,+

Ne pa bilafinyi bianyi padi mundidimbi mukole,*

17 Nansha mudi bianza bianyi kabiyi bienze bualu bua tshikisu

Ne disambila dianyi dikale dikezuke.

19 Nansha mpindieu, wanyi ntemu udi mu diulu;

Yeye udi mua kujadika bualu buanyi udi muulu.

20 Balunda banyi badi banseka+

Padi mêsu anyi apuekeshila Nzambi binsonji.*+

21 Muntu mukuabu akose tshilumbu pankatshi pa muntu ne Nzambi,

Bu mudi muntu mua kutshikosa pankatshi pa muntu ne muinende.+

22 Bualu bidimu bitshidi bilua mbikese,

Ne nenye mu njila utubu kabayi batua bapingana.+

17 “Nyuma wanyi mmutshibuke, mbajime matuku anyi;

Mu nkita mmungindile.+

 2 Basekianganyi mbannyunguluke,+

Dîsu dianyi didi ne bua kushala ditangile* tshikadilu tshiabu tshia buntomboji.

 4 Bualu udi musokoke muoyo wabu dijingulula dia malu;+

Ke bualu kayi kuena ubatumbisha to.

 5 Yeye udi mua kuitaba bua kuabanyangana bintu ne balunda bende,

Padi eku mêsu a bana bende apangila bukole.

 6 Mmumvuije tshintu tshia kusekabu* munkatshi mua bukua bantu,+

Meme kulua muntu udibu batuila mate ku mêsu.+

 7 Bua kanyinganyinga kakole, mêsu anyi adi abuitshidila,+

Ne bidimba bianyi bionso bidi anu mundidimbi.

 8 Bena bululame badi batangila bualu ebu bakatshila,

Ne muntu udi kayi ne bualu udi umvua bibi bua muntu udi ubenga Nzambi.*

 9 Muntu muakane udi ushala mulamate mu njila wende bikole,+

Ne muntu udi ne bianza bikezuke udi wenda upeta bukole.+

10 Kadi nudi mua kulua buonso buenu, nubangulule diakula dienu,

Bualu tshiena mupete muena meji nansha umue munkatshi muenu to.+

11 Matuku anyi mmajike;+

Malu andi mpangadija, majinga a mu muoyo wanyi, mmatayisha.+

12 Badi batungunuka ne kuvuija butuku bulua munda munya,

Bamba ne: ‘Butoke budi ne bua kuikala pabuipi, bualu mîdima idiku.’

13 Meme muindile, Lukita* nelulue nzubu wanyi;+

Nengadije bulalu buanyi mu mîdima.+

16 Diodi* nedipueke too ne ku biibi bia Lukita* bidi bikangakaja,

Patudi tupueka tuetu bonso pamue mu lupuishi.”+

 3 Bua tshinyi tudi mua kumueneka bu nyama+

Ne kuangatshibua bu batatakane* ku mêsu kuenu?

 4 Nansha wewe mudipandulule* tupese tupese bua tshiji tshiebe,

Nebalekele buloba bua bualu buebe anyi?

Peshi dibue dinene nediumbuke pa muaba wadi anyi?

 5 Eyowa, butoke bua bantu babi nebujime,

Ne ludimi lua kapia kende kaluakukenka to.+

 6 Bulelela, butoke budi mu ntenta wende nebulue mîdima,

Ne muendu udi pa mutu pende newujime.

 7 Tshidia tshiende tshia bukole ntshipidike,

Ne lungenyi luende luine nelumukulule.+

 8 Bualu makasa ende neamufikishe mu bukondo,

Ne yeye neatue eku ne eku pa nshinga yabu.

 9 Buteyi nebumukuate ku tshikankanyi;

Disoka nedimukuate.+

10 Mbamuelele muonji musokoka mu buloba,

Ne buteyi budi mu njila wende.

11 Malu adi azakeja adi amutshinyisha nseke yonso+

Ne amulondakaja mu makasa ende.

12 Bukole buende budi bumujika,

Ne tshipupu+ netshimufikishe ku ditetuka.*

13 Dikoba diende ndidiike;

Disama dipite bukole dia lufu* didi didia bidimba biende.

14 Badi bamumbusha mu bukubi bua ntenta wende,+

Baya nende too ne kudi mukalenge wa malu adi akuatshisha buôwa bukole.*

15 Benyi* nebasombe mu ntenta wende;

Sufre neatangalajibue muaba wende wa kusombela.+

16 Miji yende neyume muinshi muende,

Ne matamba ende neafubidile pa mutu pende.

17 Tshivulukilu tshia bualu buende netshijimine pa buloba,

Ne dîna diende kadiakumanyika* mu musesu nansha.

18 Nebamuipate ku butoke bua kuyaye mu mîdima

Ne nebamuipate pa buloba budi bumenesha bintu.

19 Kakuikala ne bana anyi tunkanunuina munkatshi mua tshisamba tshiende to,

Ne kakuikala ne muntu mushale ne muoyo muaba udiye musombele nansha.*

20 Padi dituku diende dilua, bantu ba miaba ya ku Ouest nebumvue bibi be!

Ne buôwa bukole nebukuate bantu ba miaba ya ku Est.

21 Etshi ke tshidi tshifikila ntenta ya muenji wa malu mabi

Ne muaba wa muntu udi kayi mumanye Nzambi.”

 2 “Too ne dîba kayi dinuatungunuka ne kufiikisha anyima wanyi munda,*+

Nunzaza ne mêyi?+

 3 Misangu dikumi eyi nudi bantandishe;*

Kanuena ne bundu bua kungenzela malu makole to.+

 4 Nansha meme muine mutupakane,

Tshilema tshianyi tshidi anu kundi meme.

 5 Nuenu basuminyine ne kudibandisha ku mutu kuanyi,

Nuamba mudi bualu budibu bambanda nabu buikale bulelela,

 6 Nunku, numanye ne: Nzambi ke udi mumpambule,

Ne mmunkuate mu bukondo buende bua kulemba nabu.

 7 Tangilayi! Ndi ntungunuka ne kuela lubila ne: ‘Tshikisu!’ kadi tshiena mpeta diandamuna to;+

Ndi ntungunuka ne kuela lubila ndomba diambuluisha, kadi kulumbuluisha kuakane kakuenaku.+

 8 Yeye mmukange njila wanyi

ne tshimanu tshia mabue, nunku tshiena mua kupita to;

Mmubuikile njila yanyi ne mîdima.+

 9 Mmumvule butumbi buanyi

Ne mmumbushe tshifulu tshia butumbi ku mutu kuanyi.

10 Udi untshibulula nseke yonso too ne pandi njimina;

Udi ujomona ditekemena dianyi bu mutshi.

11 Tshiji tshiende tshidi tshintemena,

Ne udi ummona bu muena lukuna wende.+

12 Bisumbu biende bia basalayi bidi bidisangisha, bintshintshimika,

Ne bidi bijingila ntenta wanyi.

13 Bana betu menemene mmubipate kule nanyi,

Ne bantu badi bammanye mbangele nyima.+

14 Balunda banyi ba pa muoyo* mbandekele,

Ne bantu bamvua mumanye bimpe mbampue muoyo.+

15 Benyi badi mu nzubu muanyi+ ne bapika banyi bakaji badi bangangata bu muenyi;

Ndi muntu wa ku babende ku mêsu kuabu.

16 Ndi mbikila muena mudimu wanyi, kadi kena ungitaba;

Ndi mmusengelela ne mukana muanyi bua kungumvuila luse.

17 Mupuya wa mu diulu dianyi muine mmulue tshintu tshia muengu kudi mukajanyi,+

Ndi mupuya mubi kudi bana betu menemene.*

18 Too ne bana batekete bakadi bampepeja;

Pandi njuka, badi batuadija kumpenda.

19 Balunda banyi bonso ba pa muoyo mbankine,+

Ne bantu bamvua munange mbankudimukile.+

20 Mifuba yanyi mmilamate ku dikoba dianyi ne ku misunyi yanyi,+

Ndi mpanduka ne dikoba dia ku mênu anyi.

21 Ngumvuilayiku luse, balunda banyi, ngumvuilayiku luse,

Bualu tshianza tshia Nzambi ntshindenge.+

22 Bua tshinyi nudi nutungunuka ne kunkengesha mudi Nzambi unkengesha,+

Nunduisha kanuyi nulekela?*+

23 Bu bobu nansha bafunde mêyi anyi,

Bu bobu nansha mua kuikala baafunde mu mukanda!

24 Kaah! Bu bobu nansha baatape pa dibue bua kashidi

Ne ntapu wa tshiamu tshifiike ne tshiamu tshia plomb!

25 Bualu ndi mumanye bimpe ne: mukuudi* wanyi+ udi ne muoyo;

Yeye nealue pashishe ne neimane pamutu pa buloba.*

26 Panyima pa dikoba dianyi dimana kunyanga mushindu eu,

Nansha muntshidi mu mubidi wanyi, nemmone Nzambi

27 Ungadimuena meme muine,

Wikala mêsu anyi meme mua kumona, ki nga muntu mukuabu to.+

29 Ikalayi ne buôwa bua muele wa mvita,+

Bualu muele wa mvita udi utuadila bilema dinyoka;

Numanye ne: mulumbuluishi udiku.”+

 2 “Ke bualu kayi meji anyi adi alubakana adi ansaka bua kuandamuna

Bua dipampakana dindi ngumvua.

 3 Ndi mumvue mubelu mukole udi umpenda;

Ne lungenyi luanyi* ludi lunsaka bua kuandamuna.

 4 Bulelela, wewe udi ne bua kuikala ukadi mumanye bualu ebu,

Bualu bidi nanku katshia muntu* watekibua pa buloba,+

 5 Ne: lubila lua disanka lua bantu babi ndua tshitupa tshîpi

Ne kusanka kua muntu udi mubenge Nzambi* nkua mutantshi mukese.+

 6 Nansha lumu luende lubande too ne mu diulu

Ne mutu wende mufike too ne mu matutu,

 7 Neajimine kashidi anu bu tumvi tuende;

Bantu bavua ne tshibidilu tshia kumumona nebambe ne: ‘Udi penyi?’

 8 Neapite lubilu bu tshilota, ne kabakumupeta to;

Nebamuipate bu tshikena kumona tshia butuku.

 9 Dîsu divua dimumone kumpala kadiakumumona kabidi to,

Ne muaba wende kawakumumona kabidi nansha.+

10 Bana bende mene nebakebe mua kulengelela bapele,

Ne bianza biende yeye nebialuje bubanji buende.+

11 Mifuba yende ivua miuwule tente ne dikanda dia bunsonga,

Kadi diodi* nedilale nende mu lupuishi luetu elu.

12 Bikala tshintu tshibi tshiumvuika tshishême mukana muende,

Bikalaye mutshisokoke muinshi mua ludimi luende,

13 Biatshilabulaye, kayi utshilekela,

Kadi ushala anu mutshilame mukana muende,

14 Tshiakudia tshiende netshikudimuke buanji munda muende;

Netshilue bu lulengu* lua nyoka ya kobra munda muende.

15 Yeye mmumine bubanji, kadi neabuluke;

Nzambi neabupatule buonso mu difu diende.

16 Lulengu lua nyoka ya kobra yeye nealufube;

Mênu* a nyoka wa lulengu neamushipe.

17 Yeye kakumona misulu ya mâyi,

Tusulu tua buitshi ne manteka nansha.

18 Neapingaje bintu biende kayi mubidie;*

Kakusanka ne bubanji bua ku mushinga wende to.+

19 Bualu mmuzaze bapele ne mubalekele;

Mmunyenge nzubu uvuaye kayi muibake.

20 Kadi kakumvua ditalala munda muende to;

Bubanji buende kabuakumuambuluisha bua kupanduka to.

21 Kakuena tshintu tshidi tshishale bua yeye kudia;

Ke bualu kayi dilubuluka diende kadiakunenga to.

22 Padi bubanji buende buvulangana bikole, kanyinganyinga nekamukuate;

Bukole buonso bua diakabi nebulue kumuluisha.

23 Padiye uwuja difu diende,

Nzambi* neamutumine tshiji tshiende tshikole,

Umulokeshilatshi pambidi, mu mala ende.

24 Padiye unyema bia mvita bia tshiamu tshifiike,

Mikete ya mu buta bua tshiamu tshia mitaku neyimutubule.

25 Udi udipatula mukete pa nyima wende,

Upatula mukete udi wengelela mu kanyonga kende,

Ne buôwa bukole budi bumukuata.+

26 Mîdima mikole mmindile biuma biende;

Kapia kadi muntu kayi mupudile nekamubutule;

Dikenga ndindile bonso badi bapanduka mu ntenta wende.

27 Diulu neditandule tshilema tshiende;

Buloba nebumujukile bua kumuluisha.

28 Mvula mukole neapuekeshe nzubu wende;

Netshikale mâyi a bungi a nkuaka mukole mu dituku dia tshiji tshia Nzambi.*

29 Etshi ke tshidi muntu mubi upeta kudi Nzambi,

Bumpianyi budi Nzambi mumufundile.”

 2 “Telejayi bimpe tshindi ngamba;

Bualu ebu buikale busambi bunudi nunsamba nabu.

 3 Ikalayi nanyi lutulu pandi ngakula;

Pangajikija kuakula, nunku nudi mua kunseka.+

 5 Ntangilayi, nushale balengame nukatshila;

Tekayi tshianza tshienu ku mishiku yenu.

 6 Pandi mbielela meji, ndi ndubakana,

Ne mubidi wanyi wonso udi ukanka.

 7 Bua tshinyi bantu babi badi bashala ne muoyo,+

Bakulakaja, ne balua babanji?*+

 8 Bana babu badi misangu yonso kumpala kuabu,

Ne badi bafika too ne ku dimona tunkanunuina tuabu.

 9 Nzubu yabu mmikubibue bimpe, kayiyi ne buôwa,+

Ne Nzambi kena ubanyoka ne mulangala wende to.

10 Ngombe yabu milume idi imitshisha kayiyi ipangila;

Ngombe yabu mikaji idi ilela, kayena itula mafu.

11 Bana babu ba balume badi banyema lubilu pambelu anu bu tshisumbu tshia mikoko,

Ne bana babu balela badi batumpika.

12 Badi bimba misambu ne ngoma wa ku bianza ne lunzenze,

Ne basanka ku muadi wa lushiba.+

13 Badi bapitshisha matuku abu ne disanka munda

Ne badi bapueka mu Lukita* ne ditalala.*

18 Badiku balua bu tshisonsa kumpala kua lupepele

Ne bu tshisote tshidi tshipepele tshikole tshipepula anyi?

20 Mêsu ende yeye amone dibutuka diende,

Ne yeye ikale muntu udi unua tshiji tshikole tshia Wa Bukole Buonso.+

21 Nunku, ntshinyi tshidiye uditatshishila bua tshidi tshifikila nzubu wende panyima pende

Bikalabu bipidije* bungi bua ngondo yende?+

22 Muntu udi mua kulongesha Nzambi dimanya,*+

Padiye Yeye muikale eu udi ulumbuluisha too ne badi batambe kubandila anyi?+

23 Muntu kampanda udi ufua ne makanda ende onso+

Padiye kayi ne bualu nansha bumue budi bumutonde, musombe talalaa,+

24 Padi bibelu biende biuwule ne mafuta

Ne mifuba yende mikale mikole.*

25 Kadi muntu mukuabu udi ufua ne kanyinganyinga kakole,*

Kayi mulabulaku bintu bimpe musangu nansha umue.

26 Bonso nebalale mu lupuishi,+

Ne bikusu* nebibamete buonso buabu.+

27 Monayi! Ndi mumanye bimpe meji anudi nuela,

Ne ngenyi inudi nulukakaja bua kungenzela bibi.*+

28 Bualu nudi nuamba ne: ‘Nzubu wa muntu munene udi penyi?

Ne ntenta uvua muntu mubi musombele udi penyi?’+

Kanuena nulonga bimpe bimpe malu akadibu bamone,*

30 Ne: batu bepula muntu mubi mu dituku dia tshipupu,

Ne bamusungila mu dituku dia tshiji tshikole anyi?

31 Nnganyi wambangana nende bua njila wende?

Ne nnganyi wamufuta bua malu adiye muenze?

32 Padibu baya nende ku nkita,

Nebatshishile pa lukita luende balamapu.

33 Mabuwa a buloba a mu tshibandabanda* neikale mashême kudiye,+

Ne bukua bantu buonso budi bumulonda,*+

Bu bakamudianjidila bungi kabuyi kubala.

 3 Wa Bukole Buonso udiku uditatshisha* ne: wewe udi muntu muakane anyi?

Peshi yeye udi ne tshidiye upeta bualu wewe udi ulonda njila wa muoyo mutoke+ anyi?

 4 Yeye neakupeshe dinyoka

Ne neapite nebe ku tshilumbuluidi bua kutshina kuebe kua Nzambi anyi?

 5 Ki mbualu malu mabi ebe mmapite bungi

Ne bilema biebe kabiena ne ndekelu anyi?+

 6 Bualu wewe udi ukuata bintu bia bana benu bu tshieya kakuyi bualu,

Ne udi uvula bantu bilamba biabu, ubashiya butaka.*+

 7 Kuena upesha muntu udi mutshioke mâyi a kunua,

Ne udi upala badi ne nzala biakudia.+

 8 Buloba mbua muntu udi ne bukole,+

Ne muntu udibu banyishe udi usombapu.

 9 Kadi wewe wakapingaja bakaji bakamba bianza bitupu,

Ne wakazaza maboko a bana badi bafuishe batatuabu.*

10 Ke bualu kayi mateyi* mmakunyunguluke,+

Ne malu a tshimpitshimpi adi enzangana buôwa bukole adi akutshinyisha;

11 Ke bualu kayi kudi mîdima mikole ne kuena mua kumona,

Mâyi a bungi adi akubuikila.

14 Matutu mmamujike, nunku kena umona

Padiye wendakana pa mutu pa diulu padi pavungamane.’*

15 Neulonde njila wa kale kale

Wakendela bantu babi,

16 Bantu badibu babakule* kumpala kua dîba diabu,

Bena tshishimikidi tshivuabu bapuekeshe kudi mâyi a bungi mapasalale* anyi?+

19 Bantu bakane nebamone bualu ebu, nebasanke,

Ne badi kabayi ne bualu nebabaseke, bamba ne:

20 ‘Baluishi betu mbabutudibue,

Ne kapia nekashidishe bishadile biabu.’

21 Longa bua kumumanya Yeye, ne newikale mu ditalala;

Nunku bintu bilenga nebilue kuudi.

22 Itaba mukenji wa mukana muende,

Ne lama mêyi ende mu muoyo webe.+

23 Wewe mupingane kudi Wa Bukole Buonso, nebakupingaje muuvua kale;+

Wewe mumbushe malu mabi mu ntenta webe,

24 Wewe muele or* webe mu lupuishi

Ne or wa ku Ofî+ mu bipongopongo* bia mabue,

25 Nunku Wa Bukole Buonso nealue or* webe,

Ne neikale arjan webe wa mushinga mukole.

26 Bualu dîba adi disanka diebe nedikale mu Wa Bukole Buonso,

Ne neubandishe mpala webe kudi Nzambi.

27 Neumutendekene, ne yeye neakuteleje;

Mitshipu yebe wewe neuyikumbaje.

28 Bualu buonso buwapangadija bua kuenza nebukumbane,

Ne bukenke nebutokeshe mu njila webe.

29 Bualu neupuekeshibue milongo paudi wakula ne diambu,

Kadi yeye neapandishe bena budipuekeshi.*

30 Neasungile badi kabayi ne bualu;

Nunku bikala bianza biebe bikezuke, neusungidibue bushuwa.”

 2 “Nansha lelu nendiabakene ne tshitunu tshionso;*+

Bukole buanyi mbujike bua ditua dianyi dia mikemu.

 4 Mvua mua kuya ne tshilumbu tshianyi kumpala kuende

Ne kuwuja mukana muanyi ne mêyi a kudibingisha nawu;

 5 Mvua mua kumanya muvuaye mua kungandamuna

Ne kuteya ntema ku malu adiye ungambila.

 7 Kuoku aku muena bululame uvua mua kululamija nende malu,

Mvua mua kubingishibua kudi Mulumbuluishi wanyi musangu umue bua kashidi.

 8 Kadi meme muye ku est, kenaku to;

Ne ndi mpingana, tshiena mua kumupeta to.

 9 Padiye wenza mudimu ku dia bakaji, tshiena mua kumumona to;

Pashishe udi ukudimuka ku dia balume, kadi tshiena anu mmumona to.

11 Makasa anyi mmalonde mu makasa ende bimpe bimpe;

Ndi mulamate njila wende tshiyi nsesuka.+

14 Bualu neakumbaje malu onso akadibu bampangadijile,*

Udi ne malu a bungi a mushindu eu atshidiye mulame.

15 Ke bualu kayi ndi mpampakana bua bualu buende;

Pandi ngela meji a bualu buende, buôwa buanyi budi bukola.

16 Nzambi mmumvuije muena buôwa,

Ne Wa Bukole Buonso mmunkuatshishe buôwa.

17 Kadi ki mbanji kumpuwisha kudi mîdima

Anyi kudi mifitu idi mibuikile mpala wanyi to.

 2 Bantu badi batentemuna bimanyinu bia mikalu;+

Badi bakuata bisumbu bia mikoko baya nabi mu mpata yabu bobu ya kudishila nyama.

 3 Badi baya ne mpunda wa bana badi bafuishe batatuabu

Ne bakuata ngombe wa mukaji mukamba bu tshieya tshia tshintu tshisomba.*+

 4 Badi bumbusha bapele mu njila ku bukole;

Ba pa buloba badi kabayi mua kudisungila badi ne bua kubasokoma.+

 5 Bapele badi bakeba tshiakudia ne muoyo mujima bu mpunda ya tshisuku+ mu tshipela;

Badi bakeba biakudia mu tshipela bua bana babu balela.

 6 Badi ne bua kupuola bintu mu budimi bua bende,*

Ne kupumbulula mu madimi a tumuma tua mvinyo a bantu babi.

 7 Badi balala butaka butuku bujima, kabayi ne bilamba;+

Kabena ne tshia kudibuikila bua mashika.

 8 Mbabolesha bikole kudi mvula ya ku mikuna;

Badi balamata ku mabue bua dipangila dia muaba wa kueyema.

 9 Muana udi mufuishe tatuende mmutula ku dibele;+

Ne bilamba bia bapele mbiangata bu tshieya tshia tshintu tshisomba,+

10 Babenzeja bua kutambakana butaka, kabayi ne bilamba,

Bikale ne nzala, padibu bambula bisumbu bia ntete.

11 Badi benza mudimu mukole munkatshi mua bibumba bia mabula pa munya mukole;*

Badi badiata tumuma tua mvinyo mu bikaminu, kadi bafua ne nyota.+

12 Bantu badi bapunga ne lufu badi batungunuka ne kutua mikemu mu tshimenga;

Badi ne mputa ya lufu* badi badila bakeba diambuluisha,+

Kadi Nzambi kena umona bualu ebu bu bubi to.*

13 Kudi badi batombokela butoke;+

Kabena bajingulula njila ya butoke,

Ne kabena balonda tujila tuabu.

14 Mushipianganyi udi ujuka pa dindadinda;

Udi ushipa badi kabayi mua kudisungila ne bapele,+

Padiye eku butuku uditua mu diiba.

15 Dîsu dia muendi wa masandi didi dindila pakadi panshi pafiika,+

Diamba ne: ‘Kakuena muntu wammona to!’+

16 Mu mîdima, badi batubula* nzubu babuelamu;

Mu munya, badi badikangila mu nzubu.

17 Bualu dinda didi muomumue ne mîdima mikole kudibu;

Mbibidilangane ne malu adi enza buôwa bukole a mu mîdima mikole.

19 Anu mudi munanga ne luya lukole bijimija neje idi mienguluke,

Ke mudi Lukita* lujimija bantu badi benze mpekatu!+

21 Yeye udi udia mukaji udi nkumba bintu,

Ukengesha mukaji mukamba.

22 Nzambi* neenze mudimu ne bukole buende bua kubutula bantu badi ne bukole;

Nansha bobu mua kujuka, kabena ne dishindika dia kuikala ne muoyo to.

23 Nzambi* udi ubalekela bakolesha ku muoyo ne badiumvua mu ditalala,+

Kadi mêsu ende adi pa malu onso adibu benza.*+

Mbapuekeshibue+ ne mbasangishibue pamue bu bantu bakuabu bonso;

Mbabakose bu miepu ya ntete.

25 Mpindieu, nnganyi udi mua kujadika mundi muena dishima

Anyi kuela mêyi anyi mpata?”

 2 “Bukokeshi ne bukole budi

butshinyisha mbiende yeye;

Yeye udi ujadika ditalala mu diulu.*

 4 Nunku, mmunyi mudi muntu ufuafua mua kuikala muakane kumpala kua Nzambi?+

Peshi mmunyi mudi muntu udi muledibue kudi mukaji mua kuikala kayi ne bualu?*+

 5 Nansha ngondo muine kena ne bukenke

Ne mitoto kayena mikezuke ku mêsu kuende to;

 6 Netuambe tshinyi bua muntu ufuafua udi bu tshikusu,

Ne muana wa muntu udi bu tshishi?”

 4 Uudi ujinga kuakula nende nnganyi?

Uvua mukupeshe lungenyi lua kuamba malu a nanku nnganyi?*

 5 Badi kabayi ne bukole mu lufu badi bazakala;

Badi muinshi kupita too ne mâyi ne bintu bidi bisombamu.

 6 Lukita* ludi butaka kumpala kua Nzambi,*+

Ne muaba wa kabutu* udi buashi.

 7 Udi ubalula luseke lua diulu lua ku nord* mu tshibuashibuashi,*+

Uteka buloba mu tshibuashibuashi kabuyi busombe pa tshintu;

 8 Udi uvungila mâyi mu matutu ende,+

Nunku matutu kaena atayika bua bujitu buawu to;

 9 Udi ujika kumpala kua nkuasa wende wa bukalenge,

Ubalula ditutu diende pa mutu pende.+

10 Udi wela mushonyi udi bu mukalu wa diulu ne buloba* pa mutu pa mâyi,+

Udi uteka mukalu pankatshi pa butoke ne mîdima.

11 Makunji mine a diulu adi anyukuka;

Adi apampakana padiye utanda.

12 Udi uvuandulula mbuu ne bukole buende,+

Ku lungenyi luende udi utshibula nyama munene* wa mu mbuu bitupa bitupa.+

13 Udi utokesha muulu ne mupuya* wende;

Tshianza tshiende tshidi tshitubula nyoka udi wongoloka.*

14 Mona! Eyi idi anu mielelu ya njila yende+ patupu;

Anu dinunganyi dikese tshianana ndikadi diumvuike bua bualu buende!

 2 “Bushuwa bu mudi Nzambi wakabenga kundeja kulumbuluisha kuakane+ muikale ne muoyo,

Bu mudi Wa Bukole Buonso wakamvuija meme* muena kanyinganyinga kakole+ muikale ne muoyo,

 3 Bu mutshidi mueyelu wanyi munda muanyi

Ne nyuma wa kudi Nzambi mu mimpempe yanyi,+

 4 Mishiku yanyi kayakuamba malu adi kaayi makane;

Nansha ludimi luanyi kaluakunungana malu a dishima to!

 6 Nendame buakane buanyi ne tshiakubulekela nansha kakese;+

Muoyo wanyi kawakumpisha* matuku onso antshidi ne muoyo* to.

 7 Muena lukuna wanyi alue bu bantu babi,

Badi banduisha balue bu bantu badi kabayi bakane.

 8 Bualu, nditekemena kayi didi nadi muntu udi ubenga Nzambi* padibu bamubutula,+

Padi Nzambi umbusha muoyo* wende?

 9 Nzambi neateleje muadi wende

Padi dikenga dimukuata anyi?+

11 Nennulongeshe bualu bua bukole bua* Nzambi;

Tshiakunusokoka bualu nansha bumue bua Wa Bukole Buonso.

12 Monayi! Binuikala bonso bamone bikena kumona,

Bua tshinyi malu anudi nuakula adi anu patupu menemene?

13 Etshi ke tshitupa tshidi muntu mubi upeta kudi Nzambi,+

Bumpianyi budi bamfumu ba tshikisu bangata kudi Wa Bukole Buonso.

14 Bana bende bobu bavulangane, nebafue ku muele wa mvita,+

Ne ndelanganyi yende kayakuikala ne biakudia bikumbane to.

15 Badi bashala ne muoyo padiye ufua, tshipupu netshibajiike,

Ne bakaji bakamba babu kabakubadila to.

16 Nansha yeye mukunguije arjan bu lusenga

Ne mudibutshile bilamba bilengele bu diima,

17 Nansha yeye mua kubikunguija,

Muntu muakane neabivuale,+

Ne bantu badi kabayi ne bualu nebabanyangane arjan yende.

18 Nzubu udiye wibaka mmuteketangane bu lukutu lua tshishi tshia mbumbu,

Bu muaba wa kueyema+ muenza kudi nsentedi.

19 Neaye kulala muikale mubanji, kadi kakukunguija tshintu nansha tshimue;

Padiye ubulula mêsu ende, tshintu nansha tshimue katshiakuikalaku.

20 Buôwa bukole budi bumukuata bu mâyi a bungi mapasalale;

Tshipepele tshikole tshidi tshimubakula butuku.+

21 Lupepele lua ku est nelumuambule, ne yeye kakuikalaku;

Ludi lumukomba lumumbusha muaba wende.+

22 Neluditute kudiye kakuyi luse+

Padiye upatata bua kunyema bukole bualu kakuyi mushindu.+

23 Ludi lumukumina bikashi

Ne lumuelela muonzo+ muaba udilu.*

28 “Kudi muaba wa kumbula arjan

Ne muaba bua or udibu balengeja;+

 2 Batu bapatuila tshiamu tshifiike ku buloba,

Ne batu bengulula* tshiamu tshia mitaku ku mabue.+

 3 Muntu udi utshimuna mîdima;

Udi ukeba mu mifitu ne mu mîdima too ne ku ndekelu,

Wenda ukeba kabanda.*

 4 Udi umbula dijimba kule ne muaba udi bantu basombele,

Mu miaba idibu bapue muoyo, kule ne muaba udi bantu bendela;

Bamue bantu badi bapueka balembeleja, banyukuka batua eku ne eku.

 5 Biakudia bidi bimena pa mutu pa buloba;

Kadi muinshi mudi muvuanduluka bu muvuandulula kudi kapia.*

 6 Mu mabue adimu mudi safire,

Ne lusenga ludi ne or.

 7 Nyunyi utu udia minyinyi ki mmumanye njila wa kuyaku to;

Dîsu dia nkumbikumbi kaditu dianji kukumona to.

 8 Nyama minene kayitu mianji kudiatapu;

Muana wa ntambue katu

muanji kubembelaku tshintu.

 9 Muntu udi ututa dibue dikole ne tshianza tshiende;

Udi ushimbula mikuna ku bitaku biayi.

10 Udi upanda mikidi ya mâyi+ mu dibue;

Mêsu ende adi amona bimpe tshintu tshionso tshia mushinga.

11 Udi welela mpokolo ya misulu nkila

Ne upatula tshivua tshisokoka patoke.

12 Kadi meji, badi mua kuapeta penyi?+

Ne nkuepi kudi lungenyi lufumina?+

13 Kakuena muntu udi umanya mushinga wawu to,+

Ne kabena mua kuapeta mu buloba bua badi ne muoyo.

15 Kabena mua kuasumba ne or mukezuke;

Nansha arjan, kabena mua kupima bujitu buende bua kumushintakaja nawu to.+

16 Kabena mua kuasumba ne or wa ku Ofî+

Anyi ne dibue dia onikse ditu kadiyi ditamba kumueneka anyi dibue dia safire to.

17 Kabena mua kuafuanyikija ne or anyi ne lumuenu to;

Nansha dilongo dia or mutambe buimpe,* kabena mua kudishintakaja nawu to.+

18 Ki mbikumbane nansha bua kutela dibue dia koraye ne dibue dia kristale to,+

Bualu tshibombi tshia meji tshidi ne mushinga kupita tshibombi tshiuwule tente ne mabue a busanga.

19 Kabena mua kuafuanyikija ne dibue dia topaze+ dia ku Kushi* to;

Kabena nansha mua kuasumba ne or mukezuke to.

20 Kadi meji adi afumina penyi?

Ne nkuepi kudi lungenyi lufumina?+

21 Mmasokoka mêsu a tshintu tshionso tshidi ne muoyo,+

Ne mmasokoka nyunyi ya muulu.

22 Kabutu ne lufu bidi biamba ne:

‘Matshi etu mmumvue anu lumu luawu patupu.’

23 Nzambi mmujingulule njila wa kuapetela;

Yeye nkayende mmumanye muaba udiwu masombele,+

24 Bualu yeye udi utangila ku ntengu ya buloba,

Ne udi umona bintu bionso bidi muinshi mua diulu.+

25 Pavuaye mujadike bukole* bua lupepele+

Ne mupime bule bua mâyi,+

26 Pavuaye muelele mvula mukenji+

Ne muenzele ditutu dia mvula wa tshipupu wa makubakuba njila,+

27 Dîba adi wakamona meji, kuumvuijaye;

Wakaajadika, kuatetaye.

‘Mona! Ditshina dia Yehowa, diodi ke meji,+

Ne kumbuka ku malu mabi ke lungenyi.’”+

 2 “Meme muikale nansha bu mu ngondo ikadi mipite,

Mu matuku avua Nzambi undama,

 3 Pavuaye muenze bua muendu wende ukenkeshe pa mutu wanyi,

Pangakapitshila mu mîdima ku butoke buende,+

 4 Pantshivua ne* bukole buanyi,

Patshivua bulunda bua Nzambi bumvuika mu ntenta wanyi,+

 5 Patshivua Wa Bukole Buonso muikale nanyi,

Pavua bana* banyi bannyunguluke,

 6 Pavua makasa anyi mazabika mu manteka,

Ne mabue mampongoluele tusulu tua mafuta.+

 7 Pamvua ne tshibidilu tshia kupatuka ku tshiibi tshia tshimenga+

Ne kusomba muaba wa tshinsangansanga,+

 8 Bansongalume bavua bammona, baya ku luseke,*

Nansha bantu bakulumpe bavua bajuka, bashala bimane.+

 9 Bakokeshi bavua badikanda bua kuakula;

Bavua bateka tshianza tshiabu ku mishiku yabu.

10 Mêyi a bantu bende lumu avua apuwa;

Ludimi luabu luvua lulamata mu tshilakalaka tshia mukana muabu.

11 Muntu yonso uvua unteleja uvua wakula bimpe bua bualu buanyi,

Ne bavua bammona bavua bajadika bualu buanyi.

12 Bualu mvua nsungila mupele uvua udila ukeba diambuluisha,+

Pamue ne muana udi mufuishe tatuende ne muntu yonso uvua kayi ne muambuluishi.+

13 Muntu uvua wamba kufua uvua unjingila diakalengele,+

Ne mvua musankishe muoyo wa mukaji mukamba.+

14 Mvua muvuale buakane bu tshilamba tshianyi;

Kulumbuluisha kuanyi kuakane kuvua bu muzabi* ne bu tshilamba tshia kudijingila ku mutu.

15 Ngakalua mêsu kudi mpofu

Ne makasa kudi mulema.

16 Mvua tatu kudi bapele;+

Mvua ndondolola tshilumbu tshia bantu bamvua tshiyi mumanye.+

17 Mvua ntshibula mbanga ya muenji wa malu mabi+

Ne ntula tshivuaye mukuate ku mênu.

18 Mvua ne tshibidilu tshia kuamba ne: ‘Nemfuile mu nzubu muanyi meme,*+

Ne matuku anyi neikale mapite bungi bu tutete tua lusenga.

19 Miji yanyi neyilambe too ne mu mâyi,

Ne lumuma nelushale butuku bujima ku matamba anyi.

20 Butumbi buanyi budi buvuijibua bupiabupia misangu yonso,

Ne buta bua mikete budi mu tshianza tshianyi nebutungunuke anu ne kuasa.’

21 Bantu bavua bateleja ne muoyo kuulu kuulu,

Bindila mubelu wanyi talalaa.+

22 Pamvua njikija kuakula, kabavua ne tshikuabu tshia kuamba to;

Mêyi anyi avua amata bimpe bimpe* mu matshi abu.

23 Bavua bangindila bu mudibu bindila mvula;

Bavua bakangula mukana bikole bu badi bakangula bua mvula ya ndekelu.+

24 Pamvua mbatuila mimuemue, bivua bibakemesha;

Bukenke bua mpala wanyi buvua bubakolesha ku muoyo.*

25 Mvua mbaludika bu mfumuabu,

Ne mvua bu mukalenge munkatshi mua bisumbu biende bia basalayi,+

Bu muntu uvua usamba badi badila.+

30 “Mpindieu badi banseka,+

Bantu badi bana kundi,

Bena batatuabu bamvua mua kubengela

Bua kubateka pamue ne mbua ivua ilama bimuna bianyi.

 3 Bobu mbazengeja kudi dikenguluka ne kudi nzala;

Badi bakunya buloba bume

Bukavua bunyanguke ne bubutuke.

 4 Badi baaka bisonsa bia mukele mu bisuku;

Biakudia biabu bidi muji wa mitshi ya jenete.

 5 Badi babipata munkatshi mua bantu;+

Bantu badi babela mbila bu mudibu bela muivi.

 6 Mbasombele pa mpulumuku ya bipongopongo,*

Mu masoso a mu buloba ne mu mabue manene.

 7 Badi belela mbila mu bisuku

Badikunguija munkatshi mua mpesa.

 8 Bu bana ba bantu batatakane ne bantu badi kabayi ne mêna,

Bakabipata* mu ditunga.

 9 Kadi mpindieu badi banseka too ne mu misambu yabu;+

Ndi mulue kudibu tshintu tshia kupepejabu.*+

10 Mbankine ne badi bangepukila ku bule;+

Kabena belakana bua kuntuila mata mu mpala.+

11 Bualu Nzambi mmunnyenge bia mvita* ne mmumpuekeshe milongo,

Badi bumbusha kudikanda kuonso* kumpala kuanyi.

12 Ku dia balume dianyi badi bajuka bu tshisumbu tshia bantu babi;

Badi bangela lubilu

Ne badi bateka bintu bia kabutu mu njila wanyi.

13 Badi bashipa njila yanyi

Ne bavuija dikenga dianyi dibi menemene,+

Kakuyi muntu udi mua kubakanda.*

14 Badi balua bu badi bapatukila mu disoso dinene mu tshimanu;

Badi baya kumpala mu muaba mubutula.

15 Buôwa bukole budi bunkuata;

Bunême buanyi mbuipata bu lupepele,

Ne lupandu luanyi ludi lujimina bu ditutu.

16 Mpindieu muoyo* wanyi udi wenda uteketa munda muanyi;+

Matuku a dikenga+ mmankuate.

17 Kusama kudi kutubula mifuba yanyi* butuku;+

Bidi bisama binkunya kabiena bilekela.+

18 Bua bukole bua bungi, tshilamba tshianyi ntshishintuluke;*

Budi bumfiekela anu bu nshingu wa tshilamba tshianyi.

19 Nzambi mmungele mu bitotshi;

Mbanshiye anu lupuishi ne butu.

20 Ndi nkudidila ndomba diambuluisha, kadi kuena ungandamuna;+

Ndi ngimana kuulu, kadi udi anu muntangile tshianana.

21 Udi munkudimukile ne tshikisu tshionso;+

Udi unduisha ne dikanda dionso dia tshianza tshiebe.

22 Udi ungambula, uya nanyi mu lupepele;

Pashishe udi unkupakaja mu mvula mukole wa tshipupu.*

23 Bualu ndi mumanye ne: neumpuekeshe mu lufu,

Ku nzubu waya kutuilangana bonso badi ne muoyo.

24 Kadi muntu nansha umue kena mua kututa muntu mutshibuke*+

Padiye udila ulomba diambuluisha mu tshikondo tshiende tshia dikenga nansha.

26 Nansha mumvua mutekemene malu mimpe, malu mabi akalua;

Mvua muindile butoke, kadi mîdima yakalua.

27 Munda muvua mumvuanduluka kamuvua mulekele to;

Matuku a dikenga avua mantue mutu.

29 Ndi mulue muanabu ne mibuabua

Ne mulunda wa bana ba bakaji ba nyunyi ya mfiondo.+

30 Dikoba dianyi ndilue difiike ne ndipuluke;+

Mifuba yanyi idi yoshika ne luya lukole.*

31 Lunzenze luanyi lukadi lua kuimba anu bua madilu,

Ne lushiba luanyi anu bua lubila lua muadi.

 2 Kabidi nempete tshinyi kudi Nzambi muulu?

Mbumpianyi kayi bungangata kudi Wa Bukole Buonso muulu?

 3 Dikenga kadienaku dindile muenji wa malu mabi

Ne tshipupu tshindile badi benza malu adi mabi anyi?+

 4 Kenaku umona njila yanyi+

Ne ubala bungi bua bidia bianyi bionso bia makasa anyi?

 6 Nzambi ampime ne tshipimu tshijalame;+

Nunku neajingulule muoyo wanyi mutoke.+

 7 Bikala makasa anyi masesuke mu njila,+

Anyi muoyo wanyi mulonde mêsu anyi,+

Peshi bianza bianyi binyanguke,

 8 Nunku, meme nkune mamiinu bua muntu mukuabu aadie,+

Ne bajule bintu bindi nkuna.*

 9 Bikala muoyo wanyi mukokibue kudi mukaji+

Ne meme mualamine+ ku tshiibi tshia mukuanyi,

10 Nunku, mukajanyi apelele mulume mukuabu ntete,

Ne balume bakuabu balale nende.*+

11 Bualu atshi tshivua mua kuikala tshikadilu tshia bundu,

Tshilema tshidi tshikumbanyine dinyoka kudi balumbuluishi.+

12 Tshivua mua kuikala kapia kadi kadia ne kabutula,*+

Kashidisha too ne miji ya* bionso bindi mupete.

13 Bingikala mubengele bapika banyi balume anyi bakaji kulumbuluisha kuakane

Pavuabu nanyi tshilumbu,*

14 Ndi mua kuenza tshinyi padi Nzambi undumbuluisha?*

16 Bingikala mubenge kupesha bapele tshivuabu natshi dijinga+

Anyi mubungamije mêsu a mukaji mukamba;*+

17 Bingikala mudie tshianyi tshitupa tshia biakudia nkayanyi

Tshiyi mutshiabanyangane ne bana ba nshiya;+

18 (Bualu katshia ku bunsonga buanyi, muana wa nshiya* mmukolele kundi bienze bu ne: mvua tatuende,

Ne mvua mulombodi wa mukaji mukamba* katshia ku buana.*)

19 Bingikala mumone muntu ufua bua dipangila dia bilamba

Anyi mupele kayi ne tshia kudibuikila;+

20 Bikalaye* kavua mumbeneshe+

Pavuaye upetela luya ku tshilamba tshia miosa ya mikoko yanyi;

21 Bingikala munyukuile muana wa nshiya mbata+

Pavuaye dijinga ne diambuluisha dianyi ku tshiibi tshia tshimenga;*+

22 Nunku, diboko* dianyi dituke ku dikaya dianyi,

Ne diboko dianyi ditshibukile mu lukengibue.*

23 Bualu mvua ntshina dikenga dia kudi Nzambi,

Ne tshivua mua kuimana kumpala kua bunême buende to.

24 Bingikala mueyemene or,

Peshi muambile or mutambe buimpe ne: ‘Udi bukubi buanyi!’+

25 Bingikala mupetele dianyi disanka mu bubanji buanyi buvule+

Bua bintu bia bungi bindi mupete;+

26 Bingikala mumone dîba* dikenka,

Peshi ngondo wenda mu butumbi buende;+

27 Ne muoyo wanyi mukokibue mu musokoko,

Ne mukana muanyi mutue tshianza tshianyi mishiku bua kubitendelela;+

28 Nunku, bualu abu buvua mua kuikala tshilema tshikumbanyine dinyoka kudi balumbuluishi,

Bualu mvua mua kuikala muvile Nzambi mulelela wa mu diulu.

29 Nkadiku musanke bua dibutuka dia muena lukuna wanyi,+

Peshi musanke bualu malu mabi avua mamukuate anyi?

30 Tshitu muanji kuanyisha bua mukana muanyi muenze mpekatu,

Ndomba muoyo* wende mu mutshipu to.+

31 Bantu ba mu ntenta wanyi ki mbambaku ne:

‘Nnganyi udi mua kupeta muntu udi kayi muukute ne biakudia* biende?’+

32 Muenyi* nansha umue kavua mua kulala pambelu to;+

Mvua munzuluile muena ngendu biibi bianyi.

33 Nkadiku mutete bua kusokoka matomboka anyi bu bantu bakuabu,+

Nsokoka tshilema tshianyi mu mpaya wa tshilamba tshianyi anyi?

34 Nkadiku mumvue buôwa bua tshidi tshisumbu tshinene tshia bantu mua kuenza

Peshi muzakale bua dipetu

dia bena mu mêku makuabu,

Binshiya mupuwe ne bintshinyisha bua kupatuka pambelu anyi?

36 Mvua mua kuambula pa dikaya dianyi,

Ne mvua mua kuasuika ku mutu wanyi bu tshifulu tshia butumbi.

37 Mvua mua kumubadila bualu bua tshidia ne tshidia tshimvua muele;

Mvua mua kusemena pabuipi nende ne muoyo mukole bu mukokeshi.

38 Bikala buloba buanyi mua kungelela mbila

Ne mabula abu mua kudila tshiapamue;

39 Bingikala mudie mamuma abu tshiyi mufute,+

Peshi bingikala mutekeshe benabu* mu maboko;+

40 Nunku, mêba antolokele pamutu pa blé

Ne bisonsa bia mupuya mubi pamutu pa orje.”

“Ndi nsongalume,*

Nuenu nudi bantu bakole.+

Nunku mvua mudikande ne kanemu konso,+

Ne tshivua mupete dikima dia kunuambila malu andi mumanye to.

 7 Mvua muele meji ne: ‘Bidimu* biakule,

Ne bungi bua bidimu bumanyishe meji.’

 8 Kadi nyuma udi munda mua bantu,

Mueyelu wa Wa Bukole Buonso, ke udi ubapesha lungenyi.+

 9 Ki mbidimu nkayabi* bidi bivuija muntu muena meji,

Anyi bantu bakulumpe nkayabu badi bajingulula tshidi tshiakane to.+

10 Nunku ndi ngamba ne: ‘Ntelejayi,

Nennuambile panyi tshindi mumanye.’

11 Monayi! Ndi muindile mêyi enu;

Mvua anu nteleja ngelelu wenu wa meji+

Panuvua nukeba malu a kuamba.+

12 Mvua munuteleje bimpe menemene,

Kadi muntu nansha umue wa kunudi ki mmuleje ne: Yobo udi mu tshilema*

Anyi mumuandamune bua malu avuaye udibingisha nawu.

13 Nunku, kanuambi ne: ‘Tudi bapete meji;

Nzambi ke udi umubenga, ki mmuntu to.’

14 Uvuaye wamba mêyi ende ki mmeme to,

Nunku tshiakumuandamuna ne malu anudi nuenu bambe to.

15 Mbapete buôwa, kabena kabidi ne bia kuandamuna to;

Kabena ne tshikuabu tshidi

tshishale tshia kuambabu to.

16 Ndi muindile, kadi kabena

batungunuka ne kuakula to;

Mbimane anu muaba au, kabayi ne tshikuabu tshia kuandamuna.

17 Nunku, meme panyi nengandamune;

Meme panyi nengambe tshindi mumanye,

18 Bualu ndi muwule tente ne mêyi;

Nyuma udi munda muanyi udi unsaka.

19 Bia munda muanyi bidi bu mvinyo udi kayi ne muaba wa kupatukila,

Bu milondo ya mvinyo ya biseba mipiamipia idi yamba kutayika.+

21 Tshiakuleja muntu nansha umue kansungansunga to;+

Anyi tshiakulabidila* muntu nansha umue to,

22 Bualu tshitu mumanye mua kulabidilangana to;

Bu meme muenze nanku, Mufuki wanyi uvua mua kunjimija lukasa.

33 “Kadi mpindieu, Yobo, umvua koku mêyi anyi;

Teleja malu onso andi ngamba.

 2 Tangila koku! Ndi ne bua kukangula mukana muanyi;

Ludimi luanyi* ludi ne bua kuakula.

 3 Mêyi anyi adi amanyisha bululame bua muoyo wanyi,+

Ne mishiku yanyi idi yamba mu bulelela malu andi mumanye.

 4 Nyuma wa Nzambi wakamfuka,+

Ne mupuya wa Wa Bukole Buonso wakamvuija ne muoyo.+

 5 Ngandamuna ni udi mua kukokesha;

Akula mêyi a kudibingisha nawu kumpala kuanyi; dilongolola.

 6 Mona! Kumpala kua Nzambi mulelela ndi anu bu wewe;

Bavua bamfumbe panyi ne diima.+

 7 Nunku, buôwa bua bualu buanyi kabukuzakeji to,

Ne difinakaja didi difumina kundi kadikupitshi bukole to.

 8 Kadi wewe wakakula mu matshi anyi,

Eyowa, mvua ntungunuka ne kuteleja mêyi aa:

 9 ‘Ndi mukezuke, tshiyi nshipa mikenji;+

Ndi mukezuke, tshiyi ne kalema.+

10 Kadi Nzambi udi ukeba malu a kunduishila;

Udi ungangata meme bu muena lukuna wende.+

11 Udi wela makasa anyi mu bikunyi;

Udi ukonkonona njila yanyi yonso.’+

14 Bualu Nzambi udi wakula musangu wa kumpala ne musangu muibidi,

Kadi muntu nansha umue kena uteya ntema,

15 Mu tshilota, mu tshikena kumona tshia butuku,+

Padi tulu tukole tukuata bantu,

Padibu balale pa malalu abu.

16 Dîba adi yeye udi ukangula matshi abu+

Ne ufunda* mêyi ende pambidi pabu,

17 Bua kumbusha muntu ku dienza dia malu mabi+

Ne bua kukuba muntu ku lutambishi.+

18 Nzambi udi wepula anyima* wende ku dijimba,*+

Muoyo wende ku dibutuka ku muele wa mvita.*

19 Muntu udi kabidi ubedibua pa bulalu buende kudi bidi bimusama

Ne kudi dikenga dia mifuba yende didi kadiyi dijika,

20 Bimufikisha yeye muine* ku dikina mampa,

Ne ku dibenga too ne biakudia bimpe.+

21 Misunyi yende idi umueneka ku mêsu minyane bikole,

Ne mifuba yende ivua misokome idi mpindieu midisunge.*

22 Anyima* wende udi usemena pabuipi ne dijimba,*

Muoyo wende udi usemena pabuipi ne badi balua ne lufu.

23 Bikalaku mutuadi wa mukenji* buende yeye,

Muakuidi umue munkatshi mua tshinunu,

Bua kuambila muntu tshidi tshilulame,

24 Dîba adi Nzambi udi umuleja luse, wamba ne:

‘Muepula, kapueki mu dijimba* to!+

25 Musunyi wa pambidi pende ulue mupiamupia kupita* wa ku buana;+

Apingane ku matuku a makanda a ku bunsonga buende.’+

26 Neatendekene Nzambi+ wamuitaba,

Neamone mpala Wende ne mbila ya disanka,

Ne Yeye neapingajilule buakane Buende kudi muntu ufuafua.

27 Muntu au neamanyishe* bantu ne:

‘Ndi muenze mpekatu+ ne

mukonyangaje malu makane,

Kadi tshivua mupete tshivua tshinkumbanyine* to.

28 Yeye mmukuule anyima* wanyi bua kapueki mu dijimba,*+

Ne muoyo wanyi newumone butoke.’

29 Bushuwa, Nzambi udi wenza malu onso aa

Misangu ibidi, misangu isatu, bua muntu,

30 Bua kumupatula* mu dijimba,*

Bua atokeshibue ne butoke bua muoyo.+

33 Biwikala kuyi ne tshia kuamba, unteleje;

Shala mupuwe, meme nenkulongeshe meji.”

 2 “Umvuayi mêyi anyi, nuenu badi ne meji;

Ntelejayi, nuenu badi bamanye malu a bungi.

 3 Bualu ditshi didi diteta mêyi

Anu mudi ludimi* lulabula biakudia.

 4 Tutshinkayi tshidi tshiakane buetu tuetu;

Tuangatayi dipangadika munkatshi muetu dia tshidi tshimpe.

 5 Bualu Yobo mmuambe ne: ‘Ndi mubinge,+

Kadi Nzambi mmumpale kulumbuluisha kuakane.+

 7 Mmuntu kayi mukuabu udi bu Yobo,

Udi unua dipetu bu mâyi?

 8 Udi mu dingumba dia benji ba malu mabi

Ne mu tshisumbu tshia bantu babi.+

 9 Bualu mmuambe ne: ‘Muntu kena ne tshidiye upeta

Padiye udienzeja bua kusankisha Nzambi to.’+

Kabiena mua kuenzeka bua Nzambi mulelela kuenza malu mabi to,+

Bua Wa Bukole Buonso kuenza bibi nansha!+

11 Bualu neafute muntu bilondeshile malu adiye wenza+

Ne neamutumine bipeta bia njila yende.

12 Mu bulelela, Nzambi katu wenza bualu bubi to;+

Wa Bukole Buonso katu ukonyangaja kulumbuluisha kuakane nansha.+

13 Nnganyi wakamuteka mutangidi wa buloba?

Ne nnganyi wakamuteka ku mutu kua buloba bujima?*

14 Yeye mutuma ntema yende* kudibu,

Yeye musangishe nyuma wabu ne mupuya wabu kudiye,+

15 Bantu bonso* nebajimine tshiapamue,

Ne bukua bantu nebupingane ku lupuishi.+

16 Nunku biwikala ne dijingulula dia malu, teya ntema ku bualu ebu;

Umvua bimpe tshindi ngamba.

17 Muntu udi mukine kulumbuluisha kuakane udi mua kukokesha anyi?

Peshi wewe udi mua kupisha mukokeshi udi muakane anyi?

19 Kudi Eu udi kayi uleja bakokeshi kansungansunga

Udi kayi wanyisha babanji kupita bapele,*+

Bualu buonso buabu badi mudimu wa bianza biende.+

20 Badi mua kufua diakamue,+ munkatshi mua butuku;+

Badi banyukuka bikole menemene ne bajimina;

Nansha bena bukole badi bumbushibua, kadi ki nku bianza bia muntu to.+

21 Bualu mêsu a Nzambi adi pa njila ya muntu,+

Ne Yeye udi umona bidia bia

makasa bionso bidiye wela.

22 Kakuena mîdima anyi mifitu mikole,

Mudi benji ba malu mabi mua kusokomena.+

23 Bualu Nzambi ki mmutekele muntu nansha umue tshikondo tshisungula

Bua kumuenekaye kumpala kuende bua kulumbuluishibua to.

24 Yeye udi utshibula bantu badi ne bukole kayi dijinga ne kukonkonona bualu

Ne ujadika bakuabu pa muaba wabu.+

25 Bualu mmumanye malu adibu benza;+

Yeye udi ubatonkola butuku ne badi bazajibua.+

26 Udi ubakuma bua bubi buabu

Muaba udi bantu bonso mua kumona,+

27 Bualu mbalekele kumulonda+

Ne kabena ne kanemu bua njila wende nansha umue;+

28 Badi bafikisha bapele ku dimudidila,

Yeye ufika ku diumvua muadi wa badi kabayi mua kudisungila.+

Nansha kudi tshisamba anyi kudi muntu, bipeta bidi bia muomumue,

30 Bua muntu udi ubenga Nzambi* kakokeshi+

Anyi keledi bantu mateyi.

31 Bualu, muntu neambilaku Nzambi ne:

‘Mbampeshe dinyoka nansha mundi tshiyi muenze bualu bubi;+

32 Ndongesha bindi mupangile mua kumona;

Bingikala muenze bualu bubi, tshiakubuenza kabidi’ anyi?

34 Bantu badi ne dijingulula dia malu* nebangambile,

Muntu yonso wa meji udi unteleja,

35 ‘Yobo udi wakula kayi ne tshidiye mumanye,+

Ne mêyi ende mmapangile busunguluji.’

36 Yobo atetshibue* too ne ku ndekelu,

Bualu malu adiye wandamuna adi anu bu a bantu babi!

37 Yeye udi usakidila buntomboji ku mpekatu wende;+

Udi ututa bikashi ne dipetu dionso kumpala kuetu

Ne uvudija mêyi ende ubanda Nzambi mulelela!”+

 2 “Udi mutuishibue bulelela ne: udi mubinge bua wewe kuamba ne:

‘Ndi muakane kupita Nzambi’ anyi?+

 4 Meme nenkuandamune wewe

Ne balunda bebe+ badi nebe.

 5 Tangila mu diulu, umone,

Tangila bimpe matutu+ adi muulu pa mutu pebe.

 7 Biwikala muntu muakane, ntshinyi tshiudi umupesha?

Ntshinyi tshidiye upetela kuudi?+

 8 Bubi buebe budi butatshisha anu muntu bu wewe,

Ne buakane buebe budi buambuluisha anu muana wa muntu.

 9 Bantu badi badila padibu mu dikengeshibua dikole;

Badi badila bakeba disulakana ku bukokeshi bua* badi ne bukole.+

10 Kadi kakuena muntu udi wamba ne: ‘Nzambi, Mufuki wanyi Munene+ udi penyi,

Yeye udi wenza bua bimbe misambu butuku?’+

11 Udi utulongesha+ kupita nyama ya pa buloba,+

Ne utuvuija bena meji kupita nyunyi ya muulu.

12 Bantu badi badila, kadi yeye kena wandamuna,+

Bua lutambishi lua bantu babi.+

13 Bushuwa, Nzambi kena uteleja muadi wa patupu;*+

Wa Bukole Buonso kena uteyaku ntema yende.

15 Bualu ki mmulombe ne tshiji bua kumubadila malu;

Anyi mutume ntema ku malu audi wenza ne dilubakana dipite bukole to.+

16 Yobo udi ukangula mukana muende bikole tshianana;

Udi uvudija mêyi kayi ne dimanya.”+

 2 “Ikala nanyi lutulu ndambu pantshidi ngakula,

Bualu ntshidi ne mêyi a kuakula bua bualu bua Nzambi.

 3 Nengakule malu onso a bualu bundi mumanye,

Nengambe mudi Mufuki wanyi+ ne buakane.

 4 Bulelela, mêyi anyi ki nga dishima to;

Yeye udi ne dimanya dipuangane+ udi muaba eu kumpala kuenu.

 5 Bushuwa, Nzambi udi ne bukole,+ ne katu ubenga muntu nansha umue;

Mmunene mu bukole buende bua dijingulula dia malu.*

 6 Kakulama mioyo ya bantu babi to,+

Kadi udi upesha bakengi kulumbuluisha kuakane.+

 7 Kena umbusha mêsu ende kudi bantu bakane;+

Udi ubateka mu nkuasa ya bukalenge+ ne bakalenge,* ne badi batumbishibua bua kashidi.

 8 Kadi bikalabu basuikibue nkanu

Ne bakuatshibue mu mionji ya dikenga,

 9 Udi ubasokoluela malu adibu benze,

Dishipa diabu dia mikenji dikebesha kudi lutambishi luabu.

10 Udi ujikula matshi abu bua bumvue mubelu,

Ne ubambila bua kumbuka ku dienza dia malu mabi.+

11 Bobu bamutumikile ne bamuenzele mudimu,

Nebalale matuku abu onso a muoyo bikale ne diakalengele,

Ne bidimu biabu nebikale bia disanka.+

12 Kadi bobu kabayi batumikile, nebajimine ku muele wa mvita,*+

Ne nebafue kabayi ne dimanya.

14 Badi bafua* patshidibu bansonga,+

Bapitshishila* matuku abu a muoyo munkatshi mua bandumba balume ba ku ntempelo.+

15 Kadi Nzambi* udi usungila bakengi padibu mu dikenga diabu;

Udi ujikula ditshi diabu padibu bakengeshibua.

16 Udi ukumbusha ku dikenga didi diamba kudituta,+

Uya nebe muaba mualabale udi kawuyi mufimpakane,+

Ne biakudia bia manyi biteka pa mêsa ebe bu busambi.+

17 Nunku neusanke bua dilumbuluisha dia bantu babi,+

Pikalabu bakose tshilumbu ne balonde kulumbuluisha kuakane.

18 Kadi udimuke bua luonji kalukufikishi ku muoyo mubi,*+

Ne kuitabi bua mbuejilu munene akupambuishe to.

19 Muadi webe bua kulomba diambuluisha

Anyi diditatshisha diebe dikole nebikuepule ku dikenga anyi?+

20 Kujingi bua butuku buile,

Padi bantu bajimina pa miaba yabu nansha.

21 Udimuke bua kunyemenyi ku dienza dia malu mabi,

Usungula bualu ebu pamutu pa dikenga.+

22 Mona! Nzambi mmutumbishibue mu bukole buende;

Mmulongeshi kayi udi bu yeye?

23 Nnganyi udi muludike* njila wende,+

Peshi mumuambile ne: ‘Tshiudi muenze ntshibi’?+

24 Uvuluke bua kutumbisha mudimu wende+

Udi bantu bimbile misambu.+

25 Bantu bonso mbawumone,

Muntu ufuafua udi utangidila ku bule.

26 Eyowa, Nzambi mmunene kupita mutudi mua kumanya;+

Bungi bua bidimu biende mbukole mua kubujingulula.*+

27 Udi ukoka mamata a mâyi muulu;+

Adi afumina ku dibungi akuatakana alua mvula;

28 Pashishe matutu adi amuitshikija;+

Adi alokela bantu.

29 Muntu udiku mua kujingulula bitatutatu bia matutu,

Mukungulu udi ufumina mu ntenta wende* anyi?+

30 Tangila mudiye utangalaja mupenyi wende*+ pa mutu pende

Ne ubuikila ndondo wa* mbuu.

31 Udi ukuatshisha* bukua bantu ne bintu ebi;

Udi ubapesha biakudia bipite bungi.+

32 Udi ubuikila mupenyi ne bianza biende,

Ne udi uwuludika bua ukume kudiwu ne bua kukuma.+

33 Dikubakuba diende didi diakula bua bualu buende,

Nansha bimuna bidi bimanyisha udi ulua.*

37 “Bua bualu ebu, muoyo wanyi udi ututa lubilu,

Usopoka umbuka muaba wawu.

 2 Teleja mukungulu wa dîyi diende bimpe

Ne dikubakuba didi difumina mukana muende.

 3 Yeye udi uwulekelela muinshi mua diulu dijima,

Ne utuma mupenyi wende+ too ne ku ntengu ya buloba.

 4 Panyima pawu, kudi tshiona tshia mukungulu;

Yeye udi ukungula ne dîyi dia butumbi,+

Ne kena uwukanda padi dîyi diende diumvuika.

 5 Nzambi udi ukungula ne dîyi diende+ mu mushindu wa dikema;

Udi wenza malu manene atudi katuyi mua kujingulula.+

 7 Nzambi udi wimanyika mudimu wonso wa bantu,*

Bua muntu yonso ufuafua alue kumanya mudimu Wende.

 8 Nyama ya tshisuku idi ibuela mu mena ayi,

Ishala mu miaba yayi ya kusokomena.

 9 Tshipepele tshikole tshidi tshituta tshifumina mu nzubu watshi wa munda+

Ne mashika adi afumina kudi mpepele ya ku nord.+

10 Dibue dia mashika didi dienzeka ku mupuya wa Nzambi,+

Ne mâyi malabale adi akuatakana alua dibue.+

11 Eyowa, yeye udi unemesha matutu bujitu ne tshitalele;

Udi utangalaja mupenyi wende+ mu matutu;

12 Adi anyungulukangana aya kudiye ualudika;

Adi akumbaja tshionso tshidiye uatumina dîyi bua kuenza+ pa mutu pa buloba budi bantu basombele.*

13 Nansha bikalabi bua dinyoka,*+ anyi bua bualu bua buloba,

Peshi bua dinanga dia lulamatu, yeye udi wenza bua bualu ebu buenzeke.+

14 Yobo, teleja bualu ebu;

Imana ne elangana meji a midimu ya kukema ya Nzambi bimpe.+

15 Udi mumanye mudi Nzambi ulombola matutu*

Ne mutuye wenza bua mupenyi wele upatuka mu ditutu diende anyi?

17 Bua tshinyi bilamba biebe mbikuate luya

Padi buloba kabuyi bunyunga bua lupepele lua ku sud?+

18 Wewe udi mua kubalula* nende diulu+

Didi dikole bu lumuenu lua tshiamu anyi?

19 Utuambile tshitudi ne bua kumuambila;

Katuena mua kuandamuna to, bualu tudi mu mîdima.

21 Kabena mene mua kumona butoke,*

Nansha mudi muulu mutoke,

Too ne padi lupepele lupita ne lupepula matutu.

22 Bukenke bu bua or budi bupatukila ku nord;

Butumbi bua Nzambi+ budi bukuatshisha buôwa.

23 Katuena mua kufika ku dijingulula Wa Bukole Buonso to;+

Udi ne bukole bua bungi,+

Ne katu unyanga kulumbuluisha kuende kuakane+ ne buakane buende bupite bungi nansha.+

 2 “Nnganyi au udi ubuitshidija lungenyi luanyi

Ne wakula kayi ne dimanya?+

 3 Suika koku mukaba bu muana mulume;

Nenkuele nkonko, ne wewe ummanyishe.

 5 Biwikala mumanye, nnganyi uvua mukose bunene buabu?

Peshi nnganyi uvua muolole nshinga wa kupima nende bule pa mutu pabu?

 6 Bitekelu bia makunji abu bivua bibueja mu tshinyi,

Anyi nnganyi uvua mulonge dibue diabu dia mu ditumba+

 7 Pavua mitoto ya mu dinda+ miele mbila ne disanka tshiapamue,

Ne bana ba balume bonso ba Nzambi*+ batuadije kuela mbila ya disanka?

 8 Nnganyi uvua mukangile mbuu biibi+

Pavuaye mupatuke mu difu,

 9 Pamvua mumuvuadike matutu

Ne mumuvungile* mu mufitu mukole,

10 Pamvua mumujadikile mukalu wanyi

Ne muteke milonda yende ne biibi biende,+

11 Pangakamba ne: ‘Udi mua kufika too ne apa, kulunguluki to;

Apa mpimanyina mavuala ebe adi adisua’?+

12 Ukadiku* mutumine dinda dîyi

Peshi mumanyishe kabundubundu muaba waku,+

13 Bua kukuata ntengu ya buloba

Ne bua kunyukula bantu babi bua bumbukapu anyi?+

14 Buobu budi buandamuka bu diima didibu batua tshitampi

Ne bimanyinu biabu bidi bimueneka bimpe bu bia tshilamba.

15 Kadi butoke bua bantu babi mbabapalabu,

Ne diboko diabu didi diela muulu nditshibuke.

16 Udi mupueke too ne ku mishimi ya mbuu

Peshi muendakane mu mâyi male+ anyi?

17 Mbakusokoluele biibi bia lufu+ anyi?

Peshi udi mumone biibi bia mîdima mikole*+ anyi?

Muaba wa mîdima udi penyi,

20 Bua wewe kuya nabi too ne muaba wabi

Ne kujingulula tujila tua kumbelu kuabi?

21 Udi mumanye bualu ebu bualu ukavua muledibue

Ne bungi bua bidimu* biebe mbubandile anyi?

22 Udi mubuele mu nzubu idibu balamine neje,+

Anyi udi mumone nzubu idibu balamine mvula wa mabue,+

23 Bindi mulame bua tshikondo tshia dikenga,

Bua dituku dia kuluangana ne dia mvita anyi?+

24 Nduseke kayi lutubu batangalajila butoke?*

Mmuaba kayi utu lupepele lua ku est lututshila pa buloba?+

25 Nnganyi udi mupandile mâyi a bungi adi mapasalale mukidi

Ne muenzele ditutu dia mvula mukole wa makubakuba njila+

26 Bua kulokesha mvula muaba udi muntu nansha umue kayi musombele,

Mu tshipela mudi kamuyi bantu,+

27 Bua kukutshisha maloba matuke adi manyanguke

Ne kutoluesha bisonsa?+

28 Mvula utu ne tatuende anyi?+

Peshi nnganyi wakalela mamata a lumuma?+

29 Mmu difu dia nganyi muvua mabue a mashika mapatukile,

Ne nnganyi wakalela mabungi a mu diulu+

30 Padi mâyi mabuikila bu mabuikila dibue

Ne pa mutu pa mâyi male pakuatakana dibue?+

31 Udi mua kusuikakaja mionji ya tshisumbu tshia mitoto tshia Kima*

Peshi kusulula nshinga ya tshisumbu tshia mitoto tshia Kezila*+ anyi?

32 Udi mua kupatula tshisumbu tshia mitoto* mu tshikondo tshiatshi

Peshi kulombola tshisumbu tshia mitoto tshia Asha* pamue ne bana batshi anyi?

33 Udi mumanye mikenji idi ilombola diulu anyi?+

Peshi udi mua kuenzeja buloba bua kuikalabu ku bukokeshi buayi* anyi?

34 Udi mua kubandisha dîyi diebe too ne mu matutu

Bua kufikisha mâyi a bungi ku dikubuikila anyi?+

36 Nnganyi uvua muteke meji munda mua matutu,*+

Peshi mupeshe bintu bidi bienzeka mu diulu* dijingulula dia malu?+

37 Nnganyi udi ne meji makumbane a kubala matutu?

Peshi nnganyi udi mua kutonkola milondo ya mâyi ya mu diulu+

38 Padi lupuishi lupongoloka lulua tshimotu

Ne mabuwa a buloba alamakanangana?

39 Udi mua kukuatshila ntambue tshiakudia

Anyi kujikija nzala ya bana ba ntambue+

40 Padibu babutama muaba wabu wa kusokomena

Peshi baalamina mu mena abu anyi?

41 Nnganyi udi ulongoluela nyunyi wa tshikololo biakudia+

Padi bana bende badidila Nzambi balomba diambuluisha

Ne benda batambakana bualu kakuena tshintu tshia kudia?

 3 Idi ipuekelela panshi padiyi ilela bana bayi,

Kudinyenga kuayi kua pa kulela kudi kujika.

 4 Bana bayi badi bapeta bukole, bakolela mu mpata mualabale;

Badi bapatuka ne kabena bapingana kudiyi.

 5 Nnganyi uvua mulekelele mpunda wa tshisuku?*+

Nnganyi uvua musulule mionji ya mpunda wa tshisuku?

 6 Ndi muvuije mpata wa tshipela nzubu wende

Ne buloba bua mukele muaba wende wa kusombela.

 7 Udi useka mitoyi mikole ya mu tshimenga;

Kena umvua mbila ya musaki wa nyama.

 8 Udi utambakana pa mikuna, ukeba muaba wa kudiila,

Wenda ukeba tshisonsa tshionso tshibishi.

10 Neusuike ngombe wa tshisuku ne muonji bua ele mabula anyi?

Peshi neakulonde bua kubundulula* mu tshibandabanda anyi?

11 Neweyemene bukole buende bua bungi

Ne umulekela wenza mudimu webe mukole anyi?

12 Neumutekemene bua kuluaye ne bia pa madimi* biebe anyi?

Neabisangishe muaba webe wa kubishipuila anyi?

13 Mapuapua a nyunyi wa mfiondo adi apapala ne disanka,

Kadi nsongo ya mapuapua ende ne masala ende bidi mua kutembangana ne bia kasonga nyunyi anyi?+

14 Bualu udi ushiya mayi ende mu buloba,

Ne ualama ne luya mu lupuishi.

15 Yeye udi upua muoyo ne: dikasa didi mua kuazaza,

Peshi ne: nyama wa tshisuku udi mua kuadiata.

16 Udi wenzela bana bende malu ne tshikisu, anu bu badi kabayi bende;+

Kena utshina ne: mudimu wende mukole udi mua kulua tshianana to.

17 Bualu Nzambi mmumupale* meji

Ne ki mmumupeshe tshitupa tshia lungenyi to.

18 Kadi padiye ujuka ne ututa mapuapua ende,

Udi useka kabalu ne mukendeshi.

21 Kadi katua bikono biaku panshi mu tshibandabanda, katunka ne bukole buonso;+

Kadi kaditua mu mvita lubilu.*+

23 Nsapu wa mikete udi udila padiye udikuma pambidi paku,

Difuma dinene ne dikese adi apita lubilu.

24 Kadi kazakala kazuka, kadiela kumpala lubilu,*

Kakena mua kushala kimane padiku* kumvua muadi wa mpungi.

Kadi kumvuila mupuya wa mvita ku bule

Ne kumvua mbila ya tumanda ne tshikemu tshia mvita.+

26 Nku lungenyi luebe kudi nyunyi wa mvulu ubuuka muulu,

Mubalule mapuapua ende mutangile ku sud anyi?

27 Peshi nku dîyi diebe kudi nyunyi wa mukanku ubanda muulu+

Ne wenzela disua diende muulu mule,+

28 Ulala butuku pa lubuebue,

Musombele muaba wende wa kusokomena pa mukuna wa dibue* anyi?

29 Udi ukeba tshiakudia muikale kuoku aku;+

Mêsu ende adi amona kule menemene.

30 Bana bende badi banua mashi;

Muaba wonso udi bitalu, kuoku aku nkudiye.”+

 5 Mvua muakule musangu umue, kadi tshiakuandamuna kabidi to;

Meme kuakula misangu ibidi, kadi tshiakuamba kabidi bualu to.”

 7 “Suika koku mukaba bu muana mulume;

Nenkuele nkonko, ne wewe ummanyishe.+

 9 Wewe udi ne diboko didi ne bukole bu dia Nzambi mulelela anyi?+

Peshi dîyi diebe didi mua kukungula bu diende anyi?+

10 Dilengeja koku ne butumbi ne bunene;

Vuala bunême ne bulengele.

11 Patula luonji lua tshiji tshiebe;

Tangila muntu yonso udi udibandisha, umupuekeshe.

12 Tangila muntu yonso udi udibandisha, umupuekeshe milongo;

Diatakaja bantu babi muaba udibu bimane.

13 Ubasokoke bonso mu lupuishi;

Ubasuike* muaba musokome,

14 Dîba adi, nansha meme nenkujadikile*

Ne: tshianza tshiebe tshia balume tshidi mua kukupandisha.

16 Tangila dikanda didi mu bikundukundu biende

Ne bukole budi mu mifungu ya difu diende!

17 Udi utandabaja mukila wende bu mutshi wa sedre;

Bijilujilu bia mu bibelu biende mbishitakaja.

18 Mifuba yende idi milonda ya tshiamu tshia mitaku;

Bidimba biende bidi bu milonda ya tshiamu tshifiike tshidibu bafule.

19 Udi mu mulongo wa kumpala* munkatshi mua midimu ya Nzambi;

Anu Mufuki wende ke udi mua kusemena kudiye ne muele wende wa mvita.

20 Mikuna idi imupatuila biakudia,

Muaba udi nyama ya tshisuku yonso inayila.

21 Yeye udi ulala panshi muinshi mua mitshi ya mêba,

Mu tshisokomenu tshia malenge a mu tshisense.

22 Mitshi ya mêba idi ituma dileji diayi pambidi pende,

Ne mitshi ya pepiliye ya mu tshibandabanda* idi imunyunguluka.

24 Muntu udi mua kumukuata yeye mutangile,

Peshi kutubula diulu diende ne ndobo* anyi?

41 “Udi mua kukuata Leviyatane*+ ne ndobo

Peshi kukuata ludimi luende ne muonji anyi?

 2 Udi mua kubueja muonji* mu mimpempe yende

Peshi kutubula mbanga yende ne ndobo* anyi?

 3 Neakusengelele ne misengelelu ya bungi anyi?

Peshi neakule nebe ne dîyi dimpe anyi?

 4 Neadie nebe tshipungidi

Bua wewe kumuvuija mupika webe bua kashidi anyi?

 5 Neunaye nende bu udi unaya ne nyunyi

Peshi kumusuikila bana bebe batekete ba bakaji ku nshinga anyi?

 7 Neuwuje tshiseba tshiende ne misongolo idi ne mênu+

Peshi mutu wende ne mafuma a kukuata nawu mishipa anyi?

 8 Teka tshianza tshiebe pambidi pende,

Neuvuluke mvita eyi ne kuakuenza nanku kabidi nansha!

12 Tshiakushala mupuwe bua bidimba biende,

Bua bukole buende ne bua mubidi wende udi muenza bimpe to.

15 Pa nyima wende padi milongo ya mabamba*

Makuatakanangane bikole.

16 Dibamba dionso ndibuelakane bimpe ne dikuabu

Bipangisha kapepele mua kubuelaku pankatshi pawu.

17 Mmalamakanangane ne makuabu;

Mmakuatakane bikole ne kabena mua kuatulakaja nansha.

18 Kupemba kuende kudi kupatula bukenke,

Mêsu ende adi bu nsese ya pa kabundubundu.

19 Mipenyi idi ipatuka mukana muende,

Tupia tudi tutudika tudi tutangalaka.

20 Muishi udi ufukuka mu mimpempe yende

Bu tshikutu tshia kapia tshitemesha ne bisonsa bia ndawu.

21 Mupuya wa mu diulu diende udi ukuatshisha makala kapia,

Ne ludimi lua kapia ludi lupatukila mukana muende.

22 Bukole bua bungi budi mu nshingu muende,

Buôwa bukole budi bunyema kumpala kuende.

23 Minyengu ya mubidi wende mmilamakane bikole pamue;

Mmikole anu bu biamu biasa pambidi pende, kayena mua kunyunga.

24 Muoyo wende mmukole bu dibue,

Eyowa, mukole bu dibue dia mpelu dia muinshi.

25 Padiye ujuka, nansha bantu

ba bukole badi bapeta buôwa;

Kudikupa kuende kudi kuenza tshinyungunyungu.

26 Kakuena muele wa mvita udi umulenga wamutshimuna,

Nansha difuma, anyi musongolo, anyi lusongo lua mukete.+

27 Udi umona tshiamu tshifiike bu kasonsa,

Tshiamu tshia mitaku bu mutshi mubole.

28 Mukete kawena umunyemesha to;

Mabue a kukupa ne ndundu

adi alua bu lusona lumuasa.

29 Udi umona tshibonge bu lusona,

Ne udi useka muadi wa difuma dikese.

30 Muinshi muende, udi bu biyoyi bitue;

Udi udiadija mu bitotshi bu tshintu tshia kushipula natshi.+

31 Udi usabisha muinshi mua mâyi anu bu luesu;

Udi uvuandulula mbuu bu

luesu lua mafuta a luondapu.

33 Kakuena tshintu tshidi tshifuanangane nende pa buloba to;

Ntshifukibua tshienza bua katshikadi ne buôwa.

 2 “Mpindieu ndi mumanye ne: udi mukumbane bua kuenza malu onso,

Kabidi ne: kakuena bualu buudi wela meji bua kuenza budi mua kukukolela nansha.+

Nunku, mvua muakule, kadi tshiyi mujingulule

Malu adi atamba kunkemesha bikole andi tshiyi mumanye.+

 5 Matshi anyi mmumvue lumu luebe,

Kadi mpindieu ndi nkumona ne mêsu anyi.

 6 Ke bualu kayi ndi mpingaja mêyi amvua mupatule,*+

Ne ndi nnyingalala bua mpekatu yanyi mu lupuishi ne mu butu.”+