Miliyo ya baspiritu yakafukibua

Bible udi utumanyisha ne: kudi baspiritu bavule. Yehowa yeye muine udi spiritu.​—Yone 4:24; 2 Kolinto 3:17, 18.

Musangu kampanda Yehowa uvua anu nkayende. Pashishe, wakatuadija kufuka bantu ba mu spiritu badi babikidibue ne: banjelo. Badi ne bukole ne lungenyi kupita bantu. Yehowa wakafuka banjelo ba bungi; musadidi wa Nzambi Danyele wakamona mu tshikena-kumona miliyo lukama ya banjelo.​—Danyele 7:10; Ebelu 1:7.

Banjelo aba bakafukibua kudi Nzambi kumpala kua yeye kayi nansha muanji kufuka buloba. (Yobo 38:4-7) Nansha umue wa kudibo kakasomba pa buloba ne kufuilapu to.