Dilongesha dia 14

Balunda ba Nzambi badi bepuka malu mabi

Satana udi usaka bantu ku malu mabi. Muntu udi musue kuikala mulunda wa Nzambi udi ne bua kukina malu adi Yehowa mukine. (Musambu 97:10) Mona amue malu adi balunda ba Nzambi bepuka:

Tshiendenda. “Kuendi masandi.” (Ekesode 20:14) Kumanyangana ne muntu kumpala kua kubuela mu dibaka nkubi.—1 Kolinto 6:18.

Dikuatshika maluvu. ‘Bakuatshiki ba maluvu kabena bapiana bukalenge bua Nzambi.’—1 Kolinto 6:10.

Dishipangana ne ditula mafu. ‘Kushipianganyi.’—Ekesode 20:13.

Buivi. “Kuibi.”—Ekesode 20:15.

Kushimangana. Yehowa mmukine “ludimi ludi lushima.”—Nsumuinu 6:17.

Tshikisu ne biji bikole. ‘Mutshima [wa Yehowa] udi ne muntu udi musue malu a tshimbambila lukuna.’ (Musambu 11:5) Munkatshi mua ‘malu mabi adi mubidi wenza [mudi] tshiji.’—Galatia 5:19, 20.

Manaya a mfranga. “Kanubuelakanyi ne muntu udi ne . . . lukuka lua bintu.”—1 Kolinto 5:11.

Dikina bena tshisa anyi dikoba dikuabu. ‘Suayi badi nenu lukuna, lombelayi badi banukengesha Nzambi.’—Matayo 5:43, 44.

Malu adi Nzambi utuambila adi atupa diakalengele. Kabitu anu bipepele bua kuepuka malu mabi to. Ne diambuluisha dia Yehowa ne dia Bantemu bende, udi mua kuepuka malu adi abungamija Nzambi.—Yeshaya 48:17; Filipoi 4:13; Ebelu 10:24, 25.