DILONGA DIA 43
Dikuata mudimu ne malu adibu bakupeshe
BIBLE udi ufuanyikija tshisumbu tshia bena Kristo ne mubidi wa muntu. Tshitupa tshionso tshia mubidi tshidi ne mushinga, nansha mudi ‘bitupa bionso kabiyi ne mudimu wa muomumue.’ Nenku tudi ne bua kuenza mudimu wonso udibu batupesha. Bidi bitulomba kumvua ne kuenza mudimu udibu batupesha biakane pamutu pa kupepeja mikuabu anu bualu tudi tumona biena-bualu bia minga bitusankisha. (Lomo 12:4-8, MMM) Kasumbu ka mupika wa lulamatu ne wa budimu kadi ne bujitu bua kutupesha biakudia bia mu nyuma “diba dimpe.” (Mat. 24:45, MMV) Patudi tukuata mudimu ne lungenyi luetu bua kuwenza bilondeshile mibelu idibu batupeshe, tudi tuleja mutudi tunemeka ne tuanyisha bidi kasumbu aka kalongolole. Nebienze ne: tshisumbu tshiende bilenga bia menemene mu ka-bujima katshi.
Malu a kuenza nawu mudimu. Padibu bakupesha mudimu mu kalasa, enza anu tshiena-bualu atshi, kuenji tshia tshianana to. Misangu mivule nebakuleje muaba musunguluke wa wewe kuangatshila malu. Padibu kabayi bakuleje mukanda wa kuangatshila malu, neudisunguile mikanda yudi musue. Kadi paudi ulongolola muyuki webe, wikale mujadike ne: muyuki wonso mujima mmuenzela pa tshiena-bualu tshidibu bakupeshe. Paudi ukeba malu a kuelamu, wikale ne bateleji bebe mu meji bua kupeta malu audi mua kuelamu.
Ulonge ne muoyo umue malu a kuenza nawu mudimu adibu bakupeshe, ukonkonone mvese idimu. Pashishe ukebe mushindu wa kuenza nawu mudimu bimpe bua kuambuluishawu bateleji. Sungulamu malu abidi anyi mene asatu bua kuikalawu malu manene a muyuki webe eu. Bia muomumue kabidi, usungulamu mvese yudi musue kubala ne kualelapu nseka.
Newangate malu bungi kayi? Amu audi mua kuenza nawu mudimu biakane. Kulenguludi ndongeshilu mulenga anu bualu udi ukeba bua kuamba malu mapitepite bungi to. Padi amue malu kaayi afikisha ku kipatshila ka muyuki webe, ualekele, ushindamene pa adi akuambuluisha bua kufika ku tshiudi ukeba. Usungule anu malu audi umona ne: adi mua kukuatshisha bateleji bikole. Kipatshila kebe mu ngikadilu wa bu-ngamba-malu eu ki nka kutangila bungi bua malu audi mua kuangata to, kadi nka kukuata mudimu bimpe ne malu adibu bakupeshe bua kuenza nawu mudimu webe.
Muyuki kawena ne bua kuikala patupu malu adibu bakupeshe kadi mu tshikoso tshiawu to. Ukebe bua kumvuija amue malu, kuya nawu too ne mu kandondo kawu, kuela mifuanu, ne mene kufila nansha bilejilu bidi bileja mua kutumikila mine malu au. Mudimu wa malu audi usakidila anyi ukumbaja ng’wa kutokesha nawu malu manene a mu malu adibu bakufundile, ki ng’wa kupingaja malu aa pa muaba wa avuabu bakupeshe to.
Mu bungi bua matuku, bana betu ba balume badi balua balongeshi bimpe batu babapesha midimu mu Tshisangilu tshia Mudimu. Batu bumvua mushinga wa kuenza mudimu ne malu adibu babapeshe pamutu pa kuangata malu makuabu a patupu kuapingaja pa muaba wawu. Bia muomumue kabidi, batu bapesha bana betu batu bela miyuki ya patoke plan ya kulonda. Plan eyi itu ibashilaku mpunga wa kuela amue malu, kadi itu ileja patoke malu manene, bijadiki, ne mvese idi yenza nshindamenu wa muyuki. Kulonga mua kukuata mudimu ne malu adibu batupeshe kudi kutuambuluisha bikole bua kuenza mikuabu midimu ya malu a dilongesha idibu mua kulua kutupesha.
Kudi mua kutuambuluisha bua kulonga Bible ne bantu ku kakese ku kakese mu bulongame. Neulonge mua kushindamena pa malu a kulonga pamutu pa kulamuka ku tshiena-bualu ne kuya kushindika malu adi mua kuikala mimpe, kadi kaayi ambuluisha muntu bua kumvua tshiena-bualu to. Tshidibi, paudi umvua kipatshila ka tshiena-bualu bilenga, kuakulamata kashendende kupitshisha anu ku malu adibu bakupeshe, kubenga too ne bua kukumbajaku ngenyi mikuabu idi mua kuambuluisha mulongi bua kumvua bimpe to.