Mua kuenza mudimu ne kakanda aka

Mu mabeji adi alonda aa, neusanganamu mvese wa dituku dionso ne diumvuija diende. Nansha mudi muntu mua kubala mvese wa ku dituku ne diumvuija diende dîba kayi dionso, bantu ba bungi mbamone ne: mbimpe kukonkonona mvese mu dinda. Dîba adi, badi mua kuela meji ku malu adibu bakonkonone mu bule bua dituku adi. Dikonkonona dia mvese mu dîku didi ne mushinga wa bungi. Bana betu ba mu dîku dia Betele pa buloba bujima batu bakonkonona mvese mu dinda kumpala kua kudiabu.

Malu onso adibu bumvuijamu mmangatshila mu Tshibumba tshia Nsentedi (w), kubangila mu ngondo 4/2016 too ne mu ngondo 3/2017. Nomba idibu bafunde panyima pa matuku a ngondo a Tshibumba tshia Nsentedi idi ileja tshiena-bualu tshia kulonga (1, 2, 3, 4, anyi 5), bu muvuabi bilondangane mu tshibejibeji atshi. Pashishe, nomba idi ilonda idi ileja bikoso bidibu bangatshile diumvuija. (Tangila tshilejilu tshidi kuinshi eku.) Wewe mubale tshiena-bualu atshi tshionso, neupete malu makuabu. Bua kumanya muaba udi tshiena-bualu tshionso tshituadijile, tangila mu dibeji dia mbangilu dia Tshibumba tshia Nsentedi atshi.