Didiundisha dia Kasumbu Kaludiki

BUA kuvudija bungi bua bena mudimu badiku lelu mu dia 1 Kashipu 1994 ba mu Kasumbu Kaludiki ka Bantemu ba Yehowa, mukuabo muena mudimu mmusakidibue ku bakulu 11 badi basadila too ne ku mpindieu. Muena Kasumbu Kaludiki mupiamupia eu udi Gerrit Lösch.

Muanetu Lösch wakabuela mu mudimu wa ku dîba ne ku dîba mu dia 1 Kasuabanga 1961, ne wakapeta dipolome dia kalasa ka Bible ka Watchtower ka Galaad ka musangu wa 41. Wakasadila mu mudimu wa tshijengu ne distrike mu Autriche bituadijile mu 1963 too ne mu 1976. Wakasela mu 1967, ne yeye ne mukajende, Merete, bakasadila kunyima munkatshi mua bidimu 14 bu bena dîku dia Betele wa ku Autriche ku Vienne. Kukadi kupite bidimu binayi katshia batumibua ku Tshilombuelu tshia Société ku Brooklyn, ku New York, kuvua muanetu wa balume Lösch musadile mu Biro bia Mapangadika ne bu muambuluishi mu Komité wa Mudimu. Ne dimonamona diende dia malu dishilashilangane mu budimi bua ku Mputu ne dimanya diende dia tshiena-Allemagne, anglais, tshiena-Roumanie ne tshiena-Italie, neakumbaje tshiende tshitupa tshia mushinga mukole mu mudimu wa Kasumbu Kaludiki.