Mmuenenu bua ditabuja

BU MUVUA siekele mushale wenda utua ku tshibungubungu, mmuenenu mibingishi ya sianse, nkindi, ne malu a ku mubidi bivua ne buenzeji bubi pa ditabuja dia Nzambi ne dia se: Bible mmufunda ku spiritu.

Kadi, ki ng’anu mmuenenu ya mushindu’eu ivua yumvuijibua to. Bakebuludi ba bungi bakamona ne: malu a bungi avua mua kuambibua bua kubingisha ditabuja dia Nzambi pamutu pa ateisme. Makebulula abo akasokolola kabidi bijadiki bia bungi bidi bileja ne: Bible nDîyi dia Nzambi difunda ku spiritu.

Muntu umue mupiluke wakumvuija mmuenenu pa bualu ebu uvua C. T. Russell. Miliyo ya bantu bakabala volime wende [mu anglais] wa mu 1886 wa Le divin plan des âges. Muvua nshapita kampanda wa mpatshi wa “Dijadikibua dia dikalaku dia Mufuki wa meji wonso udi ku mutu kua bionso.”

Mu makumi a bidimu biakalonda, Russel wakafunda biena-bualu, trakte, ne mikanda bivua bifila tubingila tua mpatshi bua ditabuja Nzambi ne Bible. Société Watch Tower wakabipatula. Mulombodi wende muibidi, J. F. Rutherford, wakafunda mukanda wa Creation (anglais, 1927) ne mikanda mikuabo ivua ibingisha bikole bitambe mmuenenu bua ditabuja.

Société awu mmulongolole matuku adi panshi aa mamanyisha mapiamapia a pa mutu pa malu awu. Bantemu ba Yehowa badi mua kukupetesha mamanyisha a mushindu’eu bua wewe kueleelapu meji.

Biwikala musue kupeta mamanyisha a pa mutu anyi dikumbula dia muntu kampanda bua kulonga nebe Bible kakuyi difuta mfranga, suaku ufundile Watchtower, 25 Columbia Heights, Brooklyn, New York 11201-2483, anyi mu adrese muakanyine mutela pa dibeji 2.

[Bimfuanyi mu dibeji 32]