NTSHINYI TSHIDI BIBLE WAMBA?

Ntshinyi tshitu tshitufikila patudi tufua?

BAMUE BANTU BADI BELA MEJI NE: tudi tulua ne muoyo mu mushindu mukuabu eku banga pabu bamba ne: lufu ke ndekelu wa malu onso. Wewe udi wela meji kayi?

TSHIDI BIBLE WAMBA

“Bafue kabena bamanye bualu bumue.” (Muambi 9:5) Patudi tufua, katuena kabidi ne muoyo to.

MMALU MAKUABU ATUDI TULONGA MU BIBLE?

• Adama muntu wa kumpala wakapingana ku buloba pakafuaye. (Genese 2:7; 3:19) Bia muomumue, bantu bakuabu bonso badi afua aba badi bapingana ku buloba.​—Muambi 3:19, 20.

• Bantu badi bafue mbabingishibue ne mbafuidibue luse bua mibi yabu. (Lomo 6:7) Nunku kakuena dinyoka dia bubi pakadi muntu mumane kufua to.

Bafue badiku mua kupetulula kabidi muoyo anyi?

UDI MUA KUANDAMUNA BISHI?

• Eyowa

• Tòo

• Pamuapa

TSHIDI BIBLE WAMBA

“Nekuikale dibika dia ku lufu.”​—Bienzedi 24:15.

MMALU KAYI MAKUABU ATUDI MUA KULONGA MU BIBLE?

• Bible utu misangu ya bungi ufuanyikija lufu ne tulu. (Yone 11:11-14) Nzambi udi mua kubisha bafue anu mutudi mua kubisha muntu udi mulale tulu.​—Yobo 14:13-15.

• Bible udi utela ndambu wa bantu badibu babishe ku lufu, bijadiki bidi bitusaka bua kuitabuja ne dishindika dionso ne: bafue nebabike.​—1 Bakelenge 17:17-24; Luka 7:11-17; Yone 11:39-44.