Mamanyisha

◼ Difila dia mu Tshimungu: Udi mua kuikala ne muoyo wa kashidi pa buloba bukudimuna mparadizu. Kabitende: La Révélation: le grand dénouement est proche! Kasuamansense ne Kasuabanga: Bibejibeji ne broshire.

◼ Mishinga ya mikanda yetu idi amu ishintuluka. Nenku bua Société kulamaye konte ya bisumbu miakajilula, ba-sekretere ne bana betu buomekela konte badi ne bua kutumanyisha patoke dibanza dia bampanda-njila ne kufunda pa S-20 dituku ne ngondo bia S-15 muena mushinga uvuabo batumike nawu bua mfranga mitumina Société.

◼ Tshisumbu tshionso netshipete formilere ibidi ya emvantere wa mikanda (S-18). Ku ntuadijilu kua Tshimungu sekretere wa tshisumbu ne musadidi muambika mikanda nebumvuangane bua dituku dia emvantere wa mikanda ku ndekelu kua ngondo. Nebikengedibue kubadika mikanda yonso idi mu stoke ne kufunda bungi busanga pa formilere wa emvantere wa mikanda. Musadidi muambika bibejibeji neamanyishe bungi busanga bua ebi bidiku. Sankayi nututumine formilere au mu dia 6 Kabitende 1995 bu dia ndekelu. Nulame kopi muenza ne karbone mu dosié yenu. Sekretere nealombole dienza dia emvantere ne pashishe nebamukomonone ne kutua tshiala kudi mutangidi-muludiki.

◼ Aba badi dijinga ne tshintu kampanda tshia pa nkayabu, badi mua kumanyisha musadidi muambika mikanda ne yeye neafunde pa dibeji dia komande wa mikanda bua tshisumbu. Mutangidi-muludiki neabadishe ku ngondo wonso dimanyisha dia dilomba mikanda diatuminabu Société, bua bamanyishi kulejabu musadidi muambika mikanda eyi idibo bakengela .

◼ Sekretere wa tshisumbu neakunguije luapolo ya mudimu bua difunda dia Luapolo lua dikonkonoja lua tshisumbu (S-10). Neafile ngenyi-miludiki misunguluke kudi mukulu anyi musadidi wa mudimu wikala ne bua kumuambuluisha ku mudimu eu. Nebikengedibue kufundulula biakane bionso bidi pa fishi wa mudimu wa mumanyishi (S-21). Luapolo lua dikonkonoja lua tshisumbu (S-10) neluujiibue bimpe ne mankenda, ne pashishe nebalutangilule kudi kasumbu ka mudimu.