Tulongololayi Tshivulukilu

Muntu yonso, ne nangananga ngamba-malu, mmumanye dîba ne muaba bijadika bimana kupangadija bua kuenzela Tshivulukilu anyi? Ngamba-malu mmumanyeku ne: tshisangilu etshi katshiena ne bua kupitshisha minute 45 anyi?

Muntu mmumana kusungula bua kufila mampa ne mvinyo anyi (tangila Tshibumba tshia Nsentedi tshia mu Luishi 1990, mabeji 24-26 mu Mfualanse)? Muntu mmulombibue bua kuadija tshilamba tshia mankenda pa mesa ne kulongolola makopo a talatala ne malongu bikumbane anyi?

Mapangadika mmamana kuangata bua kusukula Nzubu wa Bukalenge kumpala ne panyima pa Tshivulukilu anyi? Bantu mbamana kusungula bua diakidilangana, ne bakuabu bua kupitshisha mampa ne mvinyo anyi? Tshisangilu ntshienjibue ne banabetu aba bua kuleja muntu ne muntu mudimu wende anyi? Mmushindu kayi wa kuenza bua bimanyishilu kupitabi mu bianza bia bantu bonso?

Mapangadika mmangatshibuaku bua kuambuluisha banabetu ba balume ne ba bakaji bakulakaje ne balema bua kubuelabu mu Tshivulukilu anyi? Bikala muanetu wa bakaji peshi wa balume muela manyi muikale mu bulalu ne kayi ne mushindu wa kulua mu Tshivulukilu, malongolola mmenzaku bua kumutuadila bimanyishilu anyi?