Malu a kuvuluka bua Tshivulukilu

Tshidimu etshi Tshivulukilu netshienzeke mu Dia lumingu dia matuku 8 ngondo muinayi. Bakulu badi ne bua kuangata malu adi alonda aa ne mushinga:

▪ Panualongolola dîba didi tshisangilu etshi ne bua kuenzeka, nuadimukayi bua bimanyishilu kabipitshi kumpala kua dîba kadiyi dianji kubuela.

▪ Muntu yonso, ne ngamba-malu muine, udi ne bua kumanya dîba dijalame ne muaba wenzekela Tshivulukilu.

▪ Nudi ne bua kukeba ne kuteka pabuipi mampa ne mvinyo biakanyine.​—Tangila Tshibumba tshia Nsentedi 15 Luishi 1985, dib. 17 (Mfual.).

▪ Malongo, mesa, vere ne tshilamba tshia kuadija pa mesa bikale bilongolola kumpala kua dîba.

▪ Nudi ne bua kukomba kumpala kua dîba anyi kusukula bimpe muaba wenzekela tshisangilu etshi.

▪ Nudi ne bua kudianjila kusungula bakididianganyi ne bapitshishi ba bimanyishilu ne kubaleja midimu yabu ne mushindu wayenzabu.

▪ Nudi ne bua kulongolola bua kutuadila muela manyi yonso udi mulema anyi udi kayi ne mushindu wa kufika mu tshisangilu etshi bimanyishilu.

▪ Bisumbu bidi bisangile Nzubu wa Bukalenge umue bidi ne bua kumvuangana bimpe bua kuepuka diunguila patupu mu mushiku wa mbelu, ku luseke lua njila ne pa muaba wa dimanyikila makalu, mioto anyi mashinyi.