TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 3/01 dib. 8
  • Dinanga didi ditusaka bua kuyisha

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Dinanga didi ditusaka bua kuyisha
  • Mudimu wetu wa Bukalenge—2001
  • Bintu bia muomumue
  • ‘Dinanga dia Kristo didi dituenzeja’
    ‘Luaku, undonde meme’
  • “Udi ne bua kunanga Yehowa Nzambi webe”
    Tshibumba tshia Nsentedi tshidi tshimanyisha Bukalenge bua Yehowa—2014
  • Mudimu wetu: dileja dia dinanga dilelela
    Mudimu wetu wa Bukalenge—1998
  • Buambi: Ndisanka ne lumu
    Mudimu wetu wa Bukalenge—1995
Tangila bikuabu
Mudimu wetu wa Bukalenge—2001
km 3/01 dib. 8

Dinanga didi ditusaka bua kuyisha

1 Mutudi Bantemu ba Yehowa, tudi bamanyike bikole bu: bamanyishi ba Bukalenge ba lukunukunu. (Mat. 24:14) Kudi bantu bapite pa miliyo isambombo pa buloba badi benza mudimu eu; bantu bapiabapia badi balua kudisakidila padibu batuadija pabu kuyisha. Bungi bua bamanyishi ba Bukalenge mbungi bua badi benza mudimu eu.

2 Ntshinyi tshidi tshitusaka bua kudifila ku budisuile mu mudimu udi ulomba muoyo mukole eu? Kabena batuenzeja ku bukole, ki mbubanji budi butukoka mu mudimu eu peshi lumu lua pa bualu lutudi mua kupetamu to. Kumpala, ba bungi tuvua tumvua buôwa bua kuyisha bualu tuvua tudimona katuyi bakumbanyine bua kuenza mudimu eu, ne misangu mivule bantu ba bungi kabavua batuteleja to. (Mat. 24:9) Bantu ba bungi kabena bumvua tshidi tshitusaka bua kuenza mudimu eu to. Kadi tuetu tudi bamanye tshidi tshitusaka bua kusuminyina mu mudimu eu.

3 Bukole budi nabu dinanga: Yezu wakamanyisha mukenji munene ku yonso pakambaye ne: tudi ne bua ‘[kunanga] Mukalenge Nzambi wetu ne mutshima wetu wonso ne muoyo wetu wonso ne lungenyi luetu luonso ne bukole buetu buonso.’ (Mâko 12:30) Tudi banange Yehowa bualu tudi tumuanyisha bikole ne tumuangata bu Mukalenge Munene, Mufuki wa bintu bionso, ‘udi muakane bua kuangata butumbi ne bunême ne bukole.’ (Buak. 4:11) Ngikadilu yende ya dikema kayena kufuanyikija.​—Ekes. 34:6, 7.

4 Kumanya ne kunanga Yehowa kudi kutusaka bua kukenkeshila bantu butoke buetu. (Mat. 5:16) Butoke buetu budi bukenka patudi tumutumbisha mu bantu, tuakula bua malu ende a kukema ne tumuangalaja lumu lua Bukalenge buende. Tudi ne ‘lumu luimpe lua tshiendelele lua kuambila ditunga dionso ne tshisamba tshionso ne muaku wonso ne bantu bonso,’ anu bu muanjelu udi wendela muulu. (Buak. 14:6) Dinanga ke bukole budi butusaka bua kuenza mudimu wa diyisha eu pa buloba.

5 Bantu ba panu badi bangata mudimu wetu wa diyisha bu bualu bua “bupale,” bualu bua tshianana. (1 Kol. 1:18, MMM) Bantu ba miaba yonso mbenze muabu muonso bua kupumbisha mudimu wetu. Dinanga ne lulamatu luetu mbitupeshe bukole bua kuamba bu muakamba bapostolo ne: ‘Katuena mua kulekela kumanyisha bitudi bamone ne bumvue. Butudi nabu mbua kutumikila mêyi a Nzambi kumpala kua mêyi a bantu.’ (Bien. 4:20, MMM; 5:29) Mudimu wa buambi udi amu mutungunuke ne kutangalaka pa buloba nansha kuikale buluishi.

6 Dinanga ditudi banange nadi Yehowa didi bu kapia kadi katema kalakuka katusaka bua kuambila bantu malu ende malenga. (Yel. 20:9; 1 Pet. 2:9) Netutungunuke ne ‘kuambila bantu bienzedi biende munkatshi mua bisamba bionso, bualu bua yeye wakuenza malu adi amuvuijila butumbi’!​—Yesh. 12:4, 5.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu