Malu a kulongolola bua Tshivulukilu

Tshidimu etshi Tshivulukilu netshienzeke mu Disatu dia matuku 16 a ngondo muinayi. Bakulu nebalongolole malu adi alonda aa:

▪ Panuateka dîba didi tshisangilu etshi ne bua kutuadija, nuamanya bua kanuendeshi bimanyishilu kumpala kua dîba kadiyi dianji kubuela to.

▪ Bantu bonso, ne ngamba-malu muine, badi ne bua kuikala bamanye dîba dijalame ne muaba wenzekela Tshivulukilu.

▪ Nudi ne bua kukeba mampa ne mvinyo bidi biakanyine bua Tshivulukilu ne kuikala babiteke pabuipi.​—Tangilayi Tshibumba tshia Nsentedi tshia 15 Luishi 1985, dibeji dia 19.

▪ Malongo, vere, mesa ne tshilamba tshia kuadijapu badi ne bua kuya nabi ku Nzubu wa Bukalenge ne kubiteka pa muaba wabi kumpala kua dîba.

▪ Nuenze bua bikale bamane kukomba anyi basukule Nzubu wa Bukalenge kumpala kua dîba peshi muaba mukuabu wenzekela tshisangilu etshi

▪ Nudianjile kusungula bakididianganyi ne bendeshi ba bimanyishilu ne nubaleje midimu yabu ne mushindu muimpe wa kuyenza; kanupu muoyo bua kuleja mushinga wa mvuadilu ne nkoselu wa nsuki muimpe.

▪ Nudi ne bua kulongolola bua kuya ne bimanyishilu kudi muela manyi yonso udi kayi ne mushindu wa kufika mu tshisangilu etshi.

▪ Bisumbu bidi bisangile Nzubu wa Bukalenge umue bidi ne bua kumvuangana bimpe bua kuepuka diunguila patupu mu mushiku wa mbelu, ku luseke lua njila ne pa muaba wa dimanyikila makalu, bitukutuku anyi mashinyi. Padiku mushindu, mbimpe kupitshisha minite 45 pankatshi pa tshisangilu tshimue ne tshikuabu.