Bisangilu Bia Mudimu Bua Tshiongo
Lumingu lua dia 1 Tshiongo
Musambu wa 194
Min. 10: Mamanyisha a mu tshisumbu ne Mamanyisha makumbanyine a mu Mudimu wetu wa Bukalenge.
Min. 17: “Nuashala batuishile mêsu.” Mu nkonko ne mandamuna.
Min. 18: “Tutumikayi ne broshire kabukabu mu buambi.” Diyukidilangana pa maleja mafile. Ufile imue ngenyi misunguluke mu tshikoso pa amue malu a pa buawu a mu broshire. Manaya abidi peshi asatu mipi adi aleja mua kuyifila.
Musambu wa 213 ne disambila dia nkomenu.
Lumingu lua dia 8 Tshiongo
Min. 10: Mamanyisha. Luapolo lua tshibutshilu.
Min. 15: “Mavuluija a Yehowa adiku atusonsola mu nyuma anyi?” Mu nkonko ne mandamuna.
Min. 20: Udiku mudiakaje bua kutantamena tshilumbu tshia luondapu tshidi mua kubueja ditabuja diebe mu diteta anyi? Muyuki wa musangelu kudi mukulu mumonamona malu. Pa kutumika ne ngenyi ya tshikoso 1 too ne ku 3 ya tshisakidila tshia Mudimu wetu wa Bukalenge wa mu Lumungulu 1994, wambuluishe bateleji bua kumanyabu mushinga wa bukubi wa kakanda ka “Attestation.” Nuabanyishe tuarte tupiatupia pa kupesha bamanyishi batambuishibue ku dipa dia makuta makese, pashishe nukonkonone mukanda wa mu dia 15 Kabitende 1995 udi ne mamanyisha pa mushindu wa kuuja tuarte etu. Wambila bana betu bua se: KABENA ne bua kuuja tuarte dine dilolo adi nansha, kadi baye natu ku mabu, bakonkonone muanda eu mu disambila, pashishe buuje. Kadi KABATU TSHIALA pa tuarte dîba adi nansha. Nebatutuale tumana kuuja mu dilonga dia mukanda dialonda bua bakulu kutuishabu biala, kushindika bujadiki ku ditua biala dia bantemu ne kufunda matuku a ngondo pa mikanda. Mulombodi wa dilonga dia mukanda neatumike ne liste udi ne mêna wonso bua kushindika ne: kakuena muntu mupuibue muoyo mu kasumbu kende. (Baledi batambule nebambuluishibue bua kuuja tuarte tua bumuntu bua bana babu.) Aba bikale kabayi mu dilonga dia mukanda adi nebikale mua kupeta diambuluisha dia balombodi ba dilonga dia mukanda ne bakulu dîba dia tshisangilu tshia mudimu tshialonda, too ne pikala bamanyishi batambuishibue buonso buuje ne batue biala pa tuarte tuabu mu mushindu muakane. Bakulu nebenze liste wa mêna a bavua kabayiku ne nebatete mua kuujija tukanda tuonso padi mushindu upeteka.
Musambu wa 154 ne disambila dia nkomenu.
Lumingu lua dia 15 Tshiongo
Musambu wa 192
Min. 10: Mamanyisha.
Min. 20: “Tualukilayi kutangila muntu yonso uvua muangate broshire.” Muanetu wapeshibua tshitupa etshi tshia tshisangilu udi uyukidilangana ne bamanyishi basatu bua mushinga wa kualukila kutangila buonso bavua baleje dijinga dia kumanya bivule peshi bangate mikanda. Badi bakonkonona maleja mafila ne badibidija mua kutumika nawu.
Min. 15: Tulombolayi dilonga dia Bible dia ku nzubu. Muyuki kudi mukulu utu ulombola malonga a Bible mapatudi a bipeta bilenga. Ukankamije bamanyishi bua kuenzabu madikolela mavule bua kutuadija malonga a Bible. Wambulule imue mibelu ya mu mukanda wa Badilongolole bua kuenza mudimu wetu bimpe, mabeji 89-91. Udi mua kulonda mu tshikoso amue malu menzeke mu tshisumbu.
Musambu wa 164 ne disambila dia nkomenu.
Lumingu lua dia 22 Tshiongo
Min. 10: Mamanyisha. Ukonkonone tshiena-bualu tshidi mu kazubu tshia: “Programe wa mpuilu wa tshijengu bua 1995-1996.”
Min. 15: Tusonsolayi mishindu ya kufila bumanyishi. Bavule ba kutudi batu benza ngendu bua kuya ku mpuilu peshi mu diikisha, ebi bidi bitupetesha bikondo bilengele bua kufila bumanyishi bua mu mpukapuka. Ku diambuluisha dia mukanda wa Manuel pour l’école, mabeji 80-1, bikoso 11-16, leja mushindu udi muntu mua kutuadija diyukidilangana ne eu udiye kayi mumanye. Leja ne: didilongolola didi diambuluisha bua kupeta bipeta bipite buimpe. Manaya asatu mu tshikoso menza kudi bamanyishi basatu bashilangane, wa kumpala udi utuadija diyukidilangana ne muedi wa kasolonyi mu mashinyi (peshi ne mufutshishi), muibidi udi uyukila ne muena luendu kampanda mu mashinyi a diambulangana ne muisatu udi uyukila ne muntu kampanda muimane ku tshifutshilu mu magazinyi manene. Uvuluije bamanyishi ne: bidi bia mushinga bua kufunda mêna ne adrese ya aba badi baleje dijinga dia kumanya bia bungi ne kudilongolola bua muntu kampanda kubakumbulaye pashishe.
Min. 20: Bena mutumba nebele meji kayi? Muyuki ne dinaya biashila pa tshiena-bualu tshipatula mu Tshibumba tshia Nsentedi (mu fransé) tshia mu dia 15 Kashipu 1974, mabeji 425-7. Muyuki udi umvuija bua tshinyi bena mutumba betu bakena Bantemu batu misangu mivule bateta mua kutupuuta. (Ukonkonone dibeji 425 ne tshikoso tshia kumpala tshia mu dibeji 426.) Pashishe dinaya dienza kudi bena dibaka bamonamona malu badi bayukidilangana ne dîku kampanda ditshidi difuma ku dianyisha bulelela, kadi badibu bakeba kutekesha mu mikolo kudi bena mutumba baluishi ba dilonga diabu dia Bible ne Bantemu ba Yehowa. (Ukonkonone ngenyi minene idi mu tshitupa tshiashadi tshia tshiena-bualu.) Wele kashonyi pa tubingila tudi dîku edi kadiyi ne bua kuteketshila mu mikolo peshi kulekeela nansha.
Musambu wa 169 ne disambila dia nkomenu.
Lumingu lua 29 Tshiongo
Min. 10: Mamanyisha. Mapiamapia a Teokrasi.
Min. 15: “Tuikalayi biibakianganyi.” Diyukidilangana ne muyuki kudi mukulu.
Min. 20: Mikanda ituafila mu Luishi. Uvuluije broshire ya mabeji 32 idi mua kutumikibua nayi. Ulombe bamanyishi bua kulondabu amue malu mamona mu Tshiongo mu buambi pa dileja dia broshire. Dinaya: Mumanyishi kampanda udi utuadija dilonga dia Bible ku diambuluisha dia broshire wa Dieu se soucie-t-il vraiment de nous? (Nzambi udi bushuwa uditatshisha buetu anyi?); udi wela lukonko lujula mu tshikoso tshia 1 mu tshitupa tshia 1; udi webeja mumuyukidishi tshidiye wela meji bua bikoso 2-4; udi wamba mudi broshire uleja ne: Nzambi udi bushuwa uditatshisha buetu ne kudi mushindu wa kupeta nsombelu ukena ntatu mu bulongolodi bupiabupia; udi umulomba bua kualukila kuyukidilangana mu buondoke.
Musambu wa 179 ne disambila dia nkomenu.