Bisangilu Bia Mudimu Bua Kasuabanga
Lumingu lua 4 Kasuabanga
Min. 10: Mamanyisha. Mamanyisha makumbanyine a mu Mudimu wetu wa Bukalenge. Umvuija luapolo lua mudimu wa tshisumbu bua ngondo mushale.
Min. 15: Mandamuna ku nkonko yenu. Mutangidi wa mudimu peshi mukulu mukuabu mukumbane udi uyukidilangana ne bateleji pa tshiena-bualu etshi.
Min. 20: “Tulongolole dileja dietu nkayetu dia bibejibeji.” (bik. 1-7) Ela nkonko pa bik. 1-4. Pashishe manaya abidi peshi asatu a mu tshikoso aleje mushindu wa kufila bibejibeji bia ndekelu ebi pa kutumika ne mibelu ya mu bik. 5-7. Ela kabidi nseka pa Tshibumba tshia Nsentedi tshia mu dia 1 Luabanya 1987, dibeji 17, bik. 8-9 (mu Mfualansa).
Musambu wa 222 ne disambila dia nkomenu.
Lumingu lua dia 11 Kasuabanga
Min. 10: Mamanyisha. Luapolo lua konte.
Min. 15: “Tutangalajayi ngumu mimpe ya bualu butambe bulenga.” Mu nkonko ne mandamuna. Ukoke ntema pa biena-bualu bia Tshibumba tshia Nsentedi bivuabu banyishe bikole.—Tangila Tshibumba tshia Nsentedi tshia mu dia 1 Luabanya 1987, dibeji 13 (mu Mfualansa).
Min. 20: “Tulongolole dileja dietu nkayetu dia bibejibeji.” (Bik. 8-11) Mu nkonko ne mandamuna. Ela nseka pa mibelu inayi ya mu Tshibumba tshia Nsentedi tshia mu dia 1 Tshiongo 1994, mabeji 24-25, bik. 18-21. Ku diambuluisha dia bibejibeji bìdì mua kumueneka, leja mushindu wa kulongolola dileja: (1) sungula tshiena-bualu tshidi mua kukoka ntema ya bena mu teritware webe, (2) keba lungenyi ludi lusankisha lua kuzangika, (3) longolola lukonko luambuluisha bua kuludika ntema ku lungenyi elu, (4) sungula mvese uwikala mua kubala pikalaku mushindu ne (5) longolola mbuelelu webe ne biwamba pa bidi bitangila tshibejibeji bua kukankamija mukuteleji bua kutshitabaye. Lomba bamanyishi babidi peshi basatu bakumbane bua kuenza muntu ne muntu dileja. Dinaya dia tshilejilu dipepele dia tshibejibeji kudi nsonga.
Musambu wa 82 ne disambila dia nkomenu.
Lumingu lua dia 18 Kasuabanga
Musambu wa 169
Min. 15: Mamanyisha. Umvuija mushindu wa kuakaja njila wa diabanya: (1) kufunda bua tshibejibeji tshionso tshishiya ne bua tshiena-bualu tshileja, (2) kudilongolola bua kualukila ne nimero ìdì ilonda ne (3) kulongolola tshikondo tshijadika mu programe webe wa ku lumingu ne ku lumingu wa buambi bua kuenza makumbulula aa. Lomba bantu bàdì ne dijinga dia kumanya bia bungi bua kuenzabu abonema bua ngondo isambombo, ne uvuluke bua kubala dikumbulula musangu wonso ûdi utuadila muntu bibejibeji bipiabipia.
Min. 15: “Tunyunguluke teritware wetu mu bujima buende.” Yukidilanganayi pa tshiena-bualu ne pa mapangadika mangata mu teritware wenu bua kumanyisha bangenda-mushinga lumu luimpe. Lomba bateleji bua kulondabu mianda mikankamiji ivua mibafikile mu diyisha mu magazen a mu teritware wabu.
Min. 15: Bidi tshisumbu tshikengela peshi muyuki kudi mukulu muashila pa tshiena-bualu: “Lama dieyemena diebe dishindame too ne ku ndekelu” tshipatula mu Tshibumba tshia Nsentedi tshia mu dia 1 Lumungulu 1996, mabeji 21-4.
Musambu wa 12 ne disambila dia nkomenu.
Lumingu lua dia 25 Kasuabanga
Min. 10: Mamanyisha. Ngondo ya Tshisua-munene ne Tshiongo idi isemena, itu ne matuku akena a mudimu ne matuku a diikisha, adi apetesha benji ba mudimu ne balongi dîba dia bungi. Kankamija muntu yonso bua kuelaye meji pa mushindu wa kulua mpanda-njila muambuluishi. Ambila bamanyishi bonso bua kufilabu luapolo yabu ya mudimu ku ndekelu kua lumingu elu.
Min. 20: “Mushindu wa kudisumbila tshikondo tshiakanyine.” Mu nkonko ne mandamuna. Fila mibelu ya pa mutu ku diambuluisha dia Tshibumba tshia Nsentedi tshia Tshisua-munene 1989, mabeji 7-8, bik. 7-11.
Min. 15: Mukanda utuafila mu Tshisua-munene. Netufile mukanda wa Dimanya ne netudienzeje mu mushindu wa pa buawu bua kualukila kutangila bantu batuvua bawushila, ne tshipatshila tshia kutuadija malonga a Bible. Bamanyishi babidi peshi basatu bakumbane badi bayukidilangana pa mushinga wa mukanda ne pa mushindu wa kutumika nawu. Mamanyisha adimu adi atangila muoyo wa bantu ba nsombelu yonso. Udi wakula bua biena-bualu ne mêyi-maludiki a mu Bible bia nshindamenu bidi bapiabapia ne bua kumvua bangabanga ne kutambuishibua. Bikala dilonga mua kuenzeka mu mushindu mutungunuke, mulongi nealubuluke lukasa lukasa. Diyukidilangana ne dileja pa mushindu wa kutuadija dilonga ku diambuluisha dia ngenzelu wa diakamue: konkononayi tshimfuanyi ne mumvuija a mu mabeji 4-5; umvuija ngenzelu wetu wa dilonga; yukidilanganayi tshitupa tshîpi pa bikoso bitanu bia ntuadijilu bia nshapita 1; pungayi dîyi bua kualukila bua kutungunuka ne diyukidilangana ne bua kuandamuna ku lukonko ludi lulonda elu: “Muoyo wa kashidi ntshilota patupu anyi?” Shindika ne: muabi wa kulombola dilonga dia Bible udi upetesha disanka.
Musambu wa 162 ne disambila dia nkomenu.