Tunyunguluke Teritware Wetu Mu Bujima Buende
1 Mu turtié tua nzubu ya disombela, mutu imue misangu benduluki ba mushinga, bu mudi butike, nzubu wa tshidiilu peshi bapanyishi ba tuntu tukese. Bikala nzubu ya diendela mushinga eyi mu teritware, tudi ne bua kuyukidisha aba badi benzamu mudimu anu bu mututu tuyukidisha bena mu kartié.
2 Údí mua kutumika ne dileja dipepele ne dia mu tshikoso, pa kuamba tshilejilu ne: “Ndi njinga kukuleja tshintu kampanda.” Bikala muena nzubu wa bungenda mumueneke ne mudimu dîba adi, udi mua kumuleja amu trakte ne kuamba ne: “Nengalukile dîba diwikala kuyi ne mudimu wa bungi. Ndi njinga kumanya tshidi meji ebe bua trakte eu.”
3 Mudimu eu kawena ne bua kututshinyisha. Mumanyishi kampanda wakavuluka wamba ne: “Mvua ngela meji ne: diandamuna nedikale dibi. Kadi, malu akenzeka mushindu mukuabu pangakakula bua Bukalenge ne ebi biakankemesha. Bantu bavua bushuwa ne bukalanga, bena bulunda; pabuipi ne bonso, bakangata bibejibeji.”
4 Mukaji kampanda úvuá wenza mudimu mu tshibambalu kansanga tshia disumbisha mpangu ne nzubu wakabikila Bantemu mu biro biende. Wakitaba bibejibeji ne wakaleja dijinga dia kulonga Bible. Bakamuleja mukanda wa Dimanya, ne dilonga diakatuadija diakamue mu biro biende!
5 Tudi ne bujitu bua kunyunguluka teritware wetu mu bujima buende, bidi bikonga diyukidisha bangenda ba mu kartié. (Bienz. 10:42) Tulongolole mua kubakumbula pamue ne aba bakena bangenda. Nunku, katuakunyunguluka amu teritware wetu bimpe bitambe, kadi netupete kabidi pamu’apa bipeta bia disanka bialua kufuta madikolela etu.