“Ditabuja Mu Dîyi Dia Nzambi”—Mpuilu Wa Distrike Bua 1997
1 Mu tshikondo tshietu etshi, Yehowa udi utumika ne mpuilu ya distrike ya ku tshidimu tshionso bua kushidimuna bantu bende badisangishe ne kubalabuisha bu-wetu bua bena nkristo. Mpuilu ya Distrike bua 1996 “Batuadi ba mukenji wa ditalala dia Nzambi” mu Zaïre ne mu Congo yakasangisha bantu 317 872; ba bungi bakaleja dianyisha diabu bua ngenyi mikoleshi yakafidibua ne bua masanka a pa mutu mapetela ku diumbushibua dia mudimu wa biakudia, bu mudi disanka dia kupitshisha dîba dia bungi pamue ne bana babu ba balume ne ba bakaji ne pa kuibakangana bamue ne bakuabu. Bayidi 4 350 bavua ne dipangadika dia kuenza malu bu batuadi ba mukenji wa ditalala dia Nzambi bakatambula bua kuleja dilambula dia bumuntu buabu kudi Nzambi. Bu mutuvua bababidile programe mukoleshi tshidimu tshishale bidi ne bua kutusaka bua kuenza madikolela etu onso bua kubuela mu Mpuilu ya Distrike bua 1997: “Ditabuja mu Dîyi dia Nzambi.” Bua ntatu mivule idi bantu batuilangana nayi mu matuku etu aa, netuanyishe buonso buetu bua kubikila aba badi balonga netu Bible. Bua yonso wa kutudi udi musue kutungunuka ne kusadila Yehowa ne ditabuja mu matuku a ku nshikidilu aa, mpuilu eyi neyitupeteshe dikankamijibua ne bukole mu nyuma.
2 Udianjile kudilongolola bua kuikalaku mu matuku asatu a difesto dilenga edi dia mu nyuma, biangatshile ku musambu wa mbangilu too ne ku disambila dia nkomenu. Misangu mivule, mpuilu uudi mulombibue bua kubuela ng’udi pabuipi ne muaba uudi musombele. Société mmuenze madikolela a bungi bua kukupepejila malu pa muanda eu. Miaba mipiamipia ya mpuilu mivule mmisakidila ku eyi ya tshidimu tshishale bua kuambuluisha yonso wa kutudi bua apete biakudia bia mu nyuma pamue ne bena diende bonso. (Dut. 31:12) Etshi ke tshikondo tshia kuela meji ku tshiwikala mua kuenza bua kupeta mfranga idi ikengedibua bua luendu luenu bonso. Pa kuleja dianyisha bua madikolela menza kudi Société, tudi batekemene se: muntu yonso abuele mu mpuilu udi tshijengu tshiende tshibikidibue. Kadi, biwikala ne bua kubuela mu mpuilu mukuabu bua kabingila kampanda kakanyine, udi ne budikadidi bua kuenza nanku.
3 Paudi udilongolola bua kubuela mu mpuilu wa distrike, uleje dinanga pa kuvuluka aba badi bakengela diambuluisha, nangananga aba badi batuadije kulonga bulelela mu matuku makese, bua kubuelabu pabu mu bitupa bionso bia mpuilu. Nebikale ne dikuatshisha bua kukonkonona mamanyisha adi mu tshiena-bualu etshi ne bantu badi balonga nebe Bible ne badi badilongolola bua kubuela mu mpuilu. (Gal. 6:6, 10) Mu Ditanu ne mu Disambombo, mpuilu neatuadije ne mijiki mu 9:30 ne neajike mu 16:30. Tshitupa tshia mu Dia lumingu mu dinda netshituadije mu 9:30, ne mpuilu neajike mu 15:50. Mamanyisha adi alonda aa neanuambuluishe mu didilongolola dienu.
4 Miaba ya kulala neyifidibue pa tshibidilu ku nzubu ya bantu. Tudi ne bua kuleja dianyisha kudi bana betu badi bitaba bua kutupesha miaba ya kulala. Kabidi kabiakuikala bimpe pikala aba badibu bakidile banyanga nsombelu ne balomba bua kubatekabu matuku a bungi kumpala peshi kunyima kua mpuilu. Miaba ya kulala idi ifidibua anu mu matuku a mpuilu. Aba badi bapeshibua miaba ya kulala bu nunku badi ne bua kunemeka bintu bia muena nzubu, kabanyangi tshintu, kabayi mu miaba idibu kabayi babikidibue, ne nebatabalele bua bana babu kulondabu ngenzelu eu. Bikala bena nzubu bapete lutatu kampanda pa bualu ebu, badi ne bua kumanyisha diakamue tshibambalu tshia miaba ya kulala, tshine etshi netshikale ne disanka dia kutuala diambuluisha. Dienda bimpe dia mudimu ne bipeta biawu bimpe mu tshibambalu tshia miaba ya kulala mbishindamene pa dieleshangana maboko dia muntu yonso. (Eb. 13:17) Tuvua bapete ngumu ya se: bamue badi babenga ku budisuile miaba ya kulala mibapesha ne baya miaba mikuabu idi pamu’apa mulunda kampanda anyi muntu kansanga mumanyangana nende. Ebi bidi bikondakaja mudimu wa bana betu ba mu tshibambalu tshia miaba ya kulala. Tudi tunulomba bonso bua kuambuluishangana ne tshibambalu etshi.
5 Bakulakaje peshi balema, basadidi ba ku dîba ne ku dîba anyi bakuabu badi pamu’apa bakengela diambuluisha bua kubuela mu mpuilu. Balela babu, bakulu peshi bena mu tshisumbu badi bamanye nsombelu wabu wa pa buende badi mua kuenza tshidi tshikengedibua ne dinanga, ne kabayi batudila bana betu badi balongolola mpuilu bujitu buabu.—Tangila 1 Timote 5:4.
6 Kakuyi mpata, Yehowa udi ufila dikuatshisha diende ku bidi bienza bua mpuilu ya ku tshidimu tshionso. Bu mudi bana betu bavule badi benza luendu bua kuya ku mpuilu wa distrike badi bakengela miaba ya kulala, tudi mua kuikala batuishibue ne: Yehowa neakumbaje majinga abu mudibi bikengedibua. Bu mudi mianda eyi misuikakaja ku ntendelelu mulelela, tudi ne bua kulonda ne disanka mêyi-mashidimunyi mafila. Tuleje ne: tudi ne lulamatu mu bikese; netuikale mua kupeta masanka mavule adi mindile aba badi Yehowa munange.—Luka 16:10.
7 Yeshaya 33:20 (MMM) udi wamba ne: “Tangila Siyone, tshimenga tshitutu tuenzela bietu bibilu!” Tudi mua kufuanyikija mu lungenyi misumba ya disanka ivua yuuja Yeruzalema ne yandamuna ku budisuile ku dîyi-dituma dia Yehowa dia kuikala amu ne disanka. (Dut. 16:15) Mpuilu ya distrike idi itupetesha tshikondo tshia pa buatshi tshia kupeta dilongesha dia Nzambi ne kubabidila bunyâna bua mushinga bua bana betu ba balume ne ba bakaji. Yehowa abeneshe madikolela anudi nuenza bua kudilongolola bua kubuela mu Mpuilu wa Distrike bua 1997: “Ditabuja mu Dîyi dia Nzambi.”
[Locations on page 4]
MPUILU YA DISTRIKE BUA 1997
MATUKUMIABABIJENGU BIBIKILA
11-13 Kashipu Kinshasa (F, LI-1) KIN-1, KIN-3, KIN-4, KIN-7, KIN-8, KIN-10, KIN-12, KIN-13
18-20 Kashipu Kinshasa (LI-2) KIN-2, KIN-5, KIN-6, KIN-9, KIN-11, BZ-3, BZ-6
Brazzaville (F) CO-1, CO-4, CO-5, tshitupa CO-7, tshitupa CO-8
Matadi (LI) BZ-1, BZ-5
Mbandaka (LI) E-2, E-7, E-16, E-17, E-23, E-24
Isiro (LI) HZ-2, tshitupa HZ-17, HZ-18
Boende (LI) E-3, E-6, E-13, E-27
25-27 Kashipu Gemena (LI) E-1, E-14
Dungu (LI) HZ-6, HZ-13, tshitupa HZ-17
Kisangani (F, LI) HZ-1, HZ-7, HZ-14
Lisala (LI) E-8, E-11, E-18, E-21
Pointe-Noire (F, MK) CO-2, CO-6, tshitupa CO-8
Kimpese (LI)BZ-2, BZ-4, BZ-7, BZ-8
01-03 Tshimungu Gbadolite (LI) E-5, E-9, E-19
Kisangani (SW) HZ-5, HZ-9, HZ-16
Bandundu (LI) B-1, B-10
Buta (LI) HZ-8, HZ-11
Bumba (LI) E-4, E-12, E-15, E-20, E-22, HZ-3,HZ-10, HZ-15
Ouesso (F) CO-3, tshitupa CO-7
08-10 Tshimungu Popokabaka (LI) B-7, tshitupa B-13
Lodja (OT) KA-4, tshitupa KA-11, KA-12, KA-27, KA-32
Mulongo (KU) S-8, tshitupa S-9, S-10, S-14, S-16
Kindu (SW) KI-3, KI-13
Buja/Uvira (RU, SW) BU-1, BU-2, BU-3, KI-8
Nioki (LI) B-4, B-6, B-14, B-15
15-17 Tshimungu Bukavu (SW) KI-1, KI-11, KI-12
Bunia (SW) HZ-4, HZ-12
Kamina (KU, SW) tshitupa S-7, tshitupa S-9, S-15
Lubumbashi (F, SW) tshitupa S-1, S-2, S-13
Kole (OT) KA-7, tshitupa KA-11, tshitupa KA-21, KA-26
Tembo (LI) B-17, tshitupa B-13
22-24 Tshimungu Goma (SW) KI-2, KI-6, KI-14
Beni (SW) KI-5, KI-10
Likasi (F, SW) tshitupa S-1, S-17, S-20, S-23
Kime (KU) S-4, S-6, tshitupa S-7, S-24
Ilebo (LI, SH) KA-10, KA-15, tshitupa KA-21, KA-29
Kirungu/Moba (SW) S-12, S-18, S-19
29-31 Tshimungu Butembo (SW) KI-7, KI-9
Kolwezi (F, SW) tshitupa S-1, S-3
Pepa (SW) S-11, S-25
Kananga (F, SH) KA-1, KA-9, KA-14, KA-18, KA-19, KA-28, KA-30
Kikwit (F, MK) B-2, B-22, B-24, tshitupa B-19
Bokungu (LI) E-10, E-25, E-26
05-07 Kabitende Mbuji-Mayi (F, SH) KA-2, KA-8, KA-16, KA-17, KA-20, KA-25
Tshikapa (F, SH) KA-6, KA-22, KA-23, KA-31
Bulungu (MK) B-5, tshitupa B-19, B-20
12-14 Kabitende Kabinda (SH) KA-5, KA-13
Sandoa (DR, SW) S-5, S-21
Idiofa (MK) B-8, B-16, tshitupa B-18
19-21 Kabitende Mwene-Ditu (SH) KA-3, KA-24
Kongolo (SW) KI-4, S-22
Gungu (MK) B-11, B-12, tshitupa B-18, B-23
Kenge (MK) B-3, B-9, B-21