Bisangilu Bia Mudimu Bua Luishi

Lumingu lua dia 3 Luishi

Musambu 6

Min. 10: Mamanyisha. Mamanyisha makumbanyine a mu Mudimu wetu wa Bukalenge. Ela nseka pa luapolo lua tshisumbu bua ngondo wa Tshiongo.

Min. 20: “ ‘Ditabuja mu Dîyi dia Nzambi’​—⁠Mpuilu wa Distrike bua 1997.” Mu nkonko ne mandamuna. Ulongolole dinaya dia tshilejilu dia minute 5 didi dileja mfumu wa dîku uyukila ne bena dîku diende pa malongolola a kuenza bua kubuela mu mpuilu wabu wa distrike.

Min. 15: “Bakumbane ne bapeshibue bia-mudimu bua kulongesha bakuabu.” (bik. 1-6) Umvuija mu mêyi makese bik. 1-2 pa kushindika dikengedibua dia kuikala ne dieyemena dia se: ne diambuluisha dia Yehowa tudi mua kulongesha mu mushindu wa kupatula bipeta bimpe. Bua bik. 3-6, kulongolola manaya a tshilejilu anayi aleja mushindu wa kulombola diyukidilangana dia kumpala ne wa kuenza dikumbulula. Vuluija bamanyishi ne: padibu bashila bantu mikanda, mbiakanyine kubambila ne: tudi ne disanka dia kuitaba mapa abu bua mudimu wa pa buloba bujima.

Musambu 14 ne disambila dia nkomenu.

Lumingu lua dia 10 Luishi

Musambu 16

Min. 15: Mamanyisha. Luapolo lua konte. Zangika ngenyi miangatshila mu bibejibeji bia matuku adi panshi aa idibu mua kutumika nayi bua kutuadija diyukidilangana. Fila ngenyi pa mushindu wa kudimanyisha kudi muntu bua kufila bumanyishi bua mu mpukapuka. Lomba bateleji bua balonde tshitubu bamba mu mêyi a mbangilu patubu bayisha mu magazen, mu misesu, mu tshisalu, mu mashinyi ne miaba mikuabu. Akula bua malongolola menza bua mudimu wa buambi lumingu elu.

Min. 15: “Bakumbane ne bapeshibue bia-mudimu bua kulongesha bakuabu.” (bik. 7-9) Londa bualu bumona bufila mu mukanda wa Annuaire 1995, dib. 45, mu diumvuangana ne makumbulula ne shindika mushinga wa kulondakaja dijinga dionso dia kumanya. Lomba mumanyishi mukumbane bua kuenza dinaya dia tshilejilu pa bik. 7-8. Nansha bituashiya mikanda mikuabu kumpala, tudi ne bua kuenza muetu muonso bua kufika ku dilombola malonga ku diambuluisha dia mukanda wa Dimanya. Kankamija muntu yonso bua kudilamina dîba mu lumingu ludi lulonda bua kuenza makumbulula.

Min. 15: Bidi tshisumbu tshikengela peshi: “Ikala misangu yonso uupuila Yehowa bujitu buebe.” Muyuki mukankamiji muashila pa Tshibumba tshia Nsentedi tshia mu dia 1 Tshisanga 1996, mabeji 27-30.

Musambu 15 ne disambila dia nkomenu.

Lumingu lua dia 17 Luishi

Musambu 21

Min. 10: Mamanyisha.

Min. 15: “Bantu ba mishindu yonso nebapandishibue.” Mu nkonko ne mandamuna. Lomba bateleji bua kulondabu mu tshikoso malu mamona adi aleja mushindu uvuabu bafikishe bantu ba miaba ya nsombelu mishilashilangane ku dianyisha mukenji wa lumu luimpe.

Min. 20: Tufilayi bumanyishi ku bikadilu bietu bimpe. Mukulu udi ulombola diyukidilangana ne bansonga babidi peshi basatu pa kushindamena pa Tshibumba tshia Nsentedi tshia mu dia 15 Tshimungu 1987, mab. 10-20 (Mfual.). Fila malu mamona mangatshila mu mikanda, pamue ne malu mamona muaba unudi, adi aleja muvua batubandidi bakemeshibue bimpe pa kumona bikadilu bilenga bia bansonga bena nkristo.

Musambu 23 ne disambila dia nkomenu.

Lumingu lua dia 24 Luishi

Musambu 20

Min. 5: Mamanyisha.

Min. 10: Sekretere udi ukonkonona Mandamuna ku nkonko yenu.

Min. 15: “Tudi ‘tuyisha dîyi.’ ” Mu nkonko ne mandamuna. Fila amue mumvuija adi aleja ne: tudi bamanye bimpe mushinga wa Dîyi dia Nzambi.​—⁠Tangila Réveillez-vous ! wa dia 22 Kabalashipu 1984, mab. 10-12.

Min. 15: Mikanda ituafila mu Luabanya. Zangika malu adi akoka ntema a mu mukanda, bu mudi: (1) biena-bualu bisankishi bia nshapita, (2) bimfuanyi bia mekala mashilashilangane, (3) tuzubu ne tuarte tuambuluishi bua dilongesha, (4) nkonko idi yelesha meji. Bilondeshile malu maleja mu diyukidilangana didi difuma ku dipita, kankamija bateleji bua kutumika ne mvese muakanyine mu dileja diabu. Kankamija muntu yonso bua kusumba mikanda bua lumingu elu.

Musambu 26 ne disambila dia nkomenu.