Bisangilu Bia Mudimu Bua Kabalashipu

DIMANYISHA: Mudimu wetu wa Bukalenge wa ngondo ya Kashipu, Tshimungu ne Kabitende newikale ne programe wa Tshisangilu tshia Mudimu bua lumingu luonso mu tshikondo tshia mpuilu ya distrike. Bisumbu nebimuakajilule mudibi bikengedibua bilondeshile dibuela diabi mu Mpuilu wa Distrike wa “Ditabuja mu Dîyi dia Nzambi” ne kabidi nebienze diambulula mu minute 30 dia malu manene a programe wa mpuilu mu Tshisangilu tshia Mudimu tshienzeka mu lumingu ludi lulonda. Diambulula edi dia dituku ne dituku dia mpuilu nebadianjile kudipesha bana betu babidi peshi basatu bapiluke bikala mua kuzangika ngenyi ya nshindamenu. Pikaladi dilongolola bimpe, nediambuluishe bena mu tshisumbu bua kuvulukabu ngenyi ya mushinga, bua kumonabu mua kuyitumikila mu nsombelu wabu ne kutumika nayi mu buambi. Mumvuija a bateleji ne malu matela nebikale bipidija ne bisunguluke.

Lumingu lua dia 2 Kabalashipu

Musambu 130

Min. 10: Mamanyisha. Mamanyisha makumbanyine a mu Mudimu wetu wa Bukalenge.

Min. 12: “Tutungunuke ne kulonda Yezu.” Mu nkonko ne mandamuna. Tela malu mamonamona mangatshila mu Tshibumba tshia Nsentedi tshia dia 1 Kabalashipu 1993, dibeji 12.

Min. 23: “Tuditatshishayi bushuwa bua disankidila kayi dionso.” Diyukidilangana ne bateleji. Ela kashonyi pa dikengedibua dia kulondakaja disankidila kayi dionso. Fila ngenyi pa mishindu ya kuebeja ne budimu adrese ya bantu banudi bayukidilangane nabu mu miaba ya patoke, bua kumona mushindu wa kubapa bumanyishi bukumbane. Manaya a tshilejilu kudi bamanyishi bakumbane pa abidi a ku maleja mafila mu bikoso 6-9. Tangila kabidi kazubu ka: “Mushindu wa kupatula bipeta ku diambuluisha dia makumbulula” mu tshisakidila tshia Mudimu wetu wa Bukalenge wa Tshisanga 1997, dibeji 3. Kankamija bateleji bonso bua kudilamina dîba lumingu luonso bua kuenza makumbulula.

Musambu 151 ne disambila dia nkomenu.

Lumingu lua dia 9 Kabalashipu

Musambu 133

Min. 10: Mamanyisha. Luapolo lua konte.

Min. 12: Mandamuna ku nkonko yenu. Muyuki kudi mukulu.

Min. 23: “ ‘Ditabuja mu Dîyi dia Nzambi’​—⁠Mpuilu wa distrike 1997.” (Bikoso 1-12) Mu nkonko ne mandamuna. Bala bikoso 7, 9 ne 12. Ushindike mudi Mifundu izangika mushinga wa mvuadilu ne bikadilu bia Buena-nkristo bia budipope ne wa kulama bana bimpe.

Musambu 162 ne disambila dia nkomenu.

Lumingu lua dia 16 Kabalashipu

Musambu 139

Min. 7: Mamanyisha.

Min. 20: “Tulombolayi malonga a Bible adi alubuluka.” Muanetu mukumbane udi ukonkonona tshiena-bualu ne mumanyishi umue peshi babidi batu balombola malonga a Bible mu mushindu wa dipatula bipeta. Ku diambuluisha dia bimue bitupa bia mu mukanda wa Dimanya, badi bumvuija ngenzelu ya dilongesha idibu batumika nayi bua kuya ne dilonga ne lubilu luimpe eku bikale bajingulula tshidi mulongi ukuata mu lungenyi bushuwa.​—⁠Tangila tshisakidila tshia Mudimu wetu wa Bukalenge wa Kashipu 1996, bikoso 5, 8, 12 ne 21.

Min. 18: “ ‘Ditabuja mu Dîyi dia Nzambi’​—⁠Mpuilu wa distrike 1997.” (Bikoso 13-19) Mu nkonko ne mandamuna. Bala tshikoso 13 ne mvese mifila. Zangika dikengedibua dia kuikala ne bulongame ne kuikala ne kanemu bua bakuabu, nangananga pa bidi bitangila miaba ya disomba. Bua kukoma, akula mu mêyi mipidija pa tshivuluiji.

Musambu 165 ne disambila dia nkomenu.

Lumingu lua dia 23 Kabalashipu

Musambu 148

Min. 15: Mamanyisha. Akula bua mukanda utuafila mu Kashipu. Ku diambuluisha dia mukanda wa Dimanya, umvuija mushindu wa kutumika ne ngenyi mifila mu bikoso 17-19, mabeji 10-11, bua kulongolola mbuelelu muipi. Kankamija bamanyishi bonso bua kudienzeja bua kutuadija malonga. Amba ne: bidi ne mushinga bua kuambuluisha bantu badi baleja disankidila bua kulubuluka lukasa.​—⁠Tangila Tshibumba tshia Nsentedi tshia dia 15 Tshiongo 1996 mabeji 13-14.

Min. 12: “Bua tshinyi mbiakane kutungunuka?” Mu nkonko ne mandamuna. Leja ngenyi mifunda mu kazubu mu dibeji 570 dia mukanda wa Prédicateurs.

Min. 18: “Tufilayi bibejibeji mu Disambombo dia kumpala ne disatu ngondo yonso.” Mutangidi wa mudimu. Mu nkonko ne mandamuna.

Musambu 174 ne disambila dia nkomenu.

Lumingu lua dia 30 Kabalashipu

Tshisumbu tshionso netshilongolole programe watshi bilondeshile biditshi tshikengela. Ebi bidi mua kukonga luapolo lua ndekelu lua mutangidi wa tshijengu ne nebatambe kutangila nangananga malu adi mua kujikija butekete bua tshisumbu.