Diambulula Dia Mu Kalasa Ka Mudimu Wa Teokrasi

Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 5 Lumungulu too ne lua dia 18 Tshimungu 1997. Funda mandamuna onso audi mua kuikala nawu pa dibeji dikuabu bilondeshile dîba difidibue.

[Dimanyisha: Padi diambulula dienzeka, utumika amu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifidibue yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi:

1. Hezikiya wakalonda dikasa dia tatuende, Ahaza, pa kulubuluja ntendelelu wa nzambi ya dishima mu Yuda. [ad dib. 513]

2. Bimanyinu bia matuku a ku nshikidilu mbipeta anu mu Matayo 24, Mâko 13, ne Luka 21. [kl dib. 102 kazubu]

3. Lukonko lua Yone Mubatiji ludi mu Luka 7:​19 ludi lusokolola ne: wakajimija ditabuja. [Dibala dia Bible dia ku lumingu luonso; tangila w87 1/1 dib. 16.]

4. Mu Pasaka wa ndekelu wa Yezu ne bayidi bende, anu Petelo nkayende ke wakamba ne: “Tshiena mua kukuvila to.” [Dibala dia Bible dia ku lumingu luonso]

5. Kakuena tshijadiki tshia mu Bible tshidi tshileja ne: mupostolo Petelo uvua muntu musele. [Dibala dia Bible dia ku lumingu luonso]

6. Bukalenge buakamanyishabu kudi Yezu budi pa muaba muibidi, kunyima kua bumfumu bukulu bua Nzambi ku mutu kua bionso. [kl dib. 91 tshik. 4]

7. Herode Antipas ke mfumu wakatuma dîyi bua kukosabu mutu wa Yone Mubatiji. [ad dib. 664]

8. Pakambila Yezu Bafarizeyi ne: Bukalenge bua Nzambi buvua munkatshi muabu, uvua wakula buende yeye muine bu Mukalenge wa matuku atshilualua. (Luka 17:21) [kl dib. 91 tshik. 6]

9. Kakuena diumvuija dia meji didi dileja bua tshinyi mukanda wa Luka udi ne miaku kabukabu mivule kupita Evanjeliyo mikuabu isatu misangisha. [si dib. 176 tshik. 2]

10. Kakuvua muena mu Kasumbu Kaludiki nansha umue uvua mua kukumbula matunga a ku Mputu wa ku Est pavua mudimu wetu mukandikibue mu tshitupa tshia buloba atshi. [jv dib. 506 tshik. 1]

Andamunayi ku nkonko idi ilonda eyi:

11. Mfilme kayi wakapatulabu kudi Société mu 1954 uvua mupeteshe bavua bamumone pa buloba bujima ka-diosha pa bunene bua bulongolodi bua Yehowa? [jv dib. 480 tshik. 3]

12. Mmu mishindu kayi idi bamue bamanyishi batshimuna lutatu lua kupeta bantu ba kuakula nabu mu mudimu? [jv dib. 516 bik. 2-4]

13. Bua tshinyi Yehowa wakatumina Eliya dîyi bua ‘kuela Hazaele manyi pa mutu bua kuikalaye mukalenge ku mutu kua bena Syrie’? (1 Bak. 19:15) [ad dib. 643]

14. Ntshinyi tshivua Yezu musue kumvuija pakambaye ne: “Ikalayi ne luepu munda muenu, nusombe ne bupole munkatshi muenu”? (Markuse 9:​50, MMM) [Dibala dia Bible dia ku lumingu luonso; tangila w85 15/5 dib. 21 tshik. 12.]

15. Ndilongesha kayi dia mushinga ditudi mua kulongela ku diandamuna dia Yezu bua dipa dia mukaji mupele wa mu lufuila? (Mâko 12:42-​44) [Dibala dia Bible dia ku lumingu luonso; tangila w87 1/12 dib. 29 tshik. 6–​dib. 30 tshik. 1.]

16. Mmunyi mudi imue ya ku ngikadilu ya Petelo mimueneke mu mfundilu wa Mâko, ne ntshinyi tshidi mua kumvuija bualu ebu? [si dib. 172 bik. 5-6]

17. Patudi tufuanyikija Matayo 6:​9, 10 ne Luka 11:​2-4, bua tshinyi tudi mua kukoma se: disambila dia tshitembelu kadivua dia kuambulula muaku ku muaku? [Dibala dia Bible dia ku lumingu luonso; tangila w90 15/5 dib. 16 tshik. 6.]

18. Mmushindu kayi udi dieyemena dietu mu bujalame bua Bible dikoleshibue patudi tubala mvese bu mudi Luka 3:​1, 2? [si dib. 177 tshik. 7]

19. Mmvese kayi mu Misambu ne mu Ebelu idi ileja ne: Yezu kakatuadija kukokesha diakamue pakabandaye mu diulu? [kl dib. 96 tshik. 15]

20. Bu mutudi bamanye se: Yezu kakajimija ditabuja kudi Nzambi, bua tshinyi wakadila ne: “Nzambi wanyi, Nzambi wanyi, wakundekela tshinyi?” (Mâko 15:34) [Dibala dia Bible dia ku lumingu luonso; tangila w87 15/6 dib. 31.]

Kumbajayi miaba idi mishale patupu mu biambilu bidi bilonda ebi:

21. Diselangana dia Herode Antipas ne Herodiade divua __________________ ne  __________________  muinshi mua mikenji ya bena Yuda. [ad dib. 667]

22. Mozese wakalomba bukonde buende, _______________  bua kuikalaye _________________  wa tshisamba tshia Izalele mu diumbuka diabu mu rejon wa mukuna wa Sinayi batangile mu _________________________ . [ad dib. 674]

23.  _____________________  mukalenge wa Tire, wakambuluisha Solomo mu diibaka ntempelo ku Yeruzaleme pa kumupesha ____________________  ne ____________________ . [ad dib. 672]

24. Harold King ne Stanley Jones bakatumibua mu _________________________  mu 1947, bamuvuija ditunga dia kumpala dia ku Orient kuvua ba-misionere ba ku Gilada batumibue. [jv dib. 489 tshik. 2]

25. Sibia ne Light bivua mêna a ____________________  matumika nawu kudi ba-misionere bua difila bumanyishi mu Inde wa ku Ouest. [jv dib. 463 tshik. 1]

Sungulayi diandamuna dijalame mu tshionso tshia ku biambilu bidi bilonda ebi:

26. Bua kukumbaja dikengela dia ba-misionere, Kalasa ka (Mudimu wa Teokrasi; Mudimu wa Bukalenge; Gilada) kakajadikibua mu (1939; 1943; 1946). [jv dib. 458 tshik. 2]

27. (Alexandre; Diotelefe; Himenayo), mutontolodi wa mu siekele wa kumpala, wakalongesha bimueneke patoke ne: dibiishibua ku lufu divua dia mu tshimfuanyi ne se: kakuakuikala dibiishibua dia bafue mu matuku atshilualua. [ad dib. 688]

28. Dishipa dia bana ba bidimu bishadile ku bibidi katupa kîpi panyima pa diledibua dia Yezu divua ditumina dîyi kudi (Herode Agrippa I; Herode Antipas; Herode Munene). [ad dib. 663]

29. Diseka dia Izaka kudi Yishemaele, difunda mu Genese 21:​8, 9, didi dileja ntuadijilu wa tshikondo tshia bidimu (400; 430; 450) bia dikenga dia bena Yuda, diakajika ku disungidibua dia bena Izalele mu (Assyrie; Babilone; Ejipitu) mu (537; 740; 1513) K.B.B. [ad dib. 724]

30. Bu mudibi bifunda mu (Matayo 10; Matayo 24; Luka 21), Yezu wakafila mêyi-mashidimunyi masunguluke a mudimu kudi aba bakatumaye bua kuyisha. [si dib. 170 tshik. 31]

Suikakajayi mvese idi ilonda eyi ku biambilu bifila kuinshi eku:

Mâko 7:​20-​23; 13:10; Luka 8:​31; Bienzedi 12:20-​23; 17:11

31. Tudi ne bua kuikala badimuke bua kusunguluja buenzeji kayi buonso bukena bua buena Nzambi peshi bunyangi budi mua kubuela mu lungenyi luetu ne mu mutshima ne tudi ne bua kubumbusha kumpala kua kuasabu miji. [Dibala dia Bible dia ku lumingu luonso; tangila w89 1/11 dib. 14 tshik. 16.]

32. Ba-demon nebikale pamue ne Satana mu nsombelu wa dipanga kutumika udi bu lufu mu “bidimu tshinunu.” (Buak. 20:3) [Dibala dia Bible dia ku lumingu luonso]

33. Lungenyi lua dienza malu lukasa ludi lukengedibua bua mudimu wa bumanyishi bua pa buloba bujima wenzeke mu tshikondo tshîpi. [Dibala dia Bible dia ku lumingu luonso; tangila w95 1/10 dib. 27.]

34. Bantu makumi a binunu mbalongeshibue bua kubala ne kufunda kudi Bantemu ba Yehowa, bapetesha bantu mushindu wa kudilongela Bible nkayabu. [jv dib. 466 bik. 2-3]

35. Bantu badi ne bua kudimukila didiambika lumu bualu budiambi budi bua muêngu kudi Nzambi, ne kabidi kudi bantu bavule. [ad dib. 665; tangila kabidi w94 1/9 dib. 21.]

S-97-SH No. 292a 8/97