Bisangilu Bia Mudimu Bua Kabitende
Lumingu lua dia 1 Kabitende
Min. 7: Mamanyisha. Mamanyisha makumbanyine a mu Mudimu wetu wa Bukalenge. Umvuija luapolo lua tshisumbu, bikalalu lumana kulongolola.
Min. 13: “Bisangilu bidi bisaka ku midimu mimpe.” Mu nkonko ne mandamuna. Zangika bulenga bua mayuki adi ibaka atudi mua kuenza kumpala ne panyima pa bisangilu.—Tangila Manuel pour l’École, dibeji 82, bikoso 17, 18.
Min. 25: “Tueyemene Yehowa bua ‘kudiundisha.’ ” Muyuki ne manaya a tshilejilu. Ela kashonyi pa dikengedibua dia kuenza makumbulula kudi bantu bavua bangate broshire. Longolola manaya a tshilejilu abidi malongolola bimpe adi aleja mushindu wa kutuadija malonga. Fila kabidi mibelu miangatshila mu tshisakidila tshia mu Mudimu wetu wa Bukalenge wa Tshisanga 1997, bikoso 7-11.
Musambu 78 ne disambila dia nkomenu.
Lumingu lua dia 8 Kabitende
Min. 5: Mamanyisha. Luapolo lua konte.
Min. 15: “Bena nkristo bakulakaje badi bayisha ne tshisumi.” Mu nkonko ne mandamuna. Tela tshilejilu tshia muanetu wa bakaji mukulakaje uvua mpanda-njila muambuluishi tshifunda mu Tshibumba tshia Nsentedi tshia dia 1 Kashipu 1988, dibeji 13 (Mfual.).
Min. 25: “Luibaku lua Nzubu ya Bukalenge mu États-Unis” ne “Luibaku lua Nzubu ya Bukalenge pa buloba bujima.” Mu nkonko ne mandamuna.
Musambu 71 ne disambila dia nkomenu.
Lumingu lua dia 15 Kabitende
Min. 10: Mamanyisha. Tshikepeshilu tshia tshiena-bualu “Programe wa mpuilu wa pa buende wa dituku dimue wa musangu udi ulonda.”
Min. 10: Majinga a tshisumbu.
Min. 25: Tuenze makumbulula pa kutumika ne broshire wa Padi muntu uudi munange ufua. Leja mushindu wa kujula lukonko ne kutumika ne broshire eu bua kuluandamuna. Tshilejilu, broshire eu udi wandamuna ku nkonko idi ilonda eyi: Kudiku ditekemena bua bafue anyi? (mabeji 5, 6) Mbibi bua kunyingalala ne kudila anyi? (mabeji 8, 9) Mmunyi muudi mua kutshimuna kanyinganyinga kebe? (dibeji 18) Ndiambuluisha kayi diudi mua kufila? (mabeji 20-3) Mmunyi muudi mua kuambuluisha bana bua kuakama lufu? (dibeji 25) Mbusambi kayi budi Bible ufila? (dibeji 27) Pashishe, yukila ne bamanyishi babidi bakumbane pa mushindu utubu batumika ne broshire eu mu makumbulula bua kuandamuna ku nkonko idi bantu batamba kudiela pa tshilumbu tshia lufu. Enza dinaya dia tshilejilu pa mushindu wa kutumika ne broshire mu dikumbulula.
Musambu 94 ne disambila dia nkomenu.
Lumingu lua dia 22 Kabitende
Min. 10: Mamanyisha. Vuluija muntu yonso bua kufilaye luapolo luende lua mudimu. Manyisha mapangadika mangata bua buambi ku ndekelu kua lumingu.
Min. 15: “Babidilayi tshishiki tulasa tuenu tunudi nulonga.” Tatu udi ukonkonona tshiena-bualu etshi ne bana bende, ne mibelu miakanyine mifila mu Réveillez-vous ! wa dia 22 Tshisua-munene 1995, mabeji 7-11.
Min. 20: Tuyishe bikale ne tshipatshila. Mukulu umue ne basadidi ba mudimu babidi peshi umue badi bakula mu mêyi makese malu a mu mabeji 8-12 a mukanda wa Mudimu wetu. Akula nangananga bua tubingila tua mushinga mukole tutudi ne bua kulamina mmuenenu muimpe, kutungunuka ne kulubuluka mu mudimu wetu ne kueleshangana diboko buludiludi ne bulongolodi bua Yehowa.
Musambu 100 ne disambila dia nkomenu.
Lumingu lua dia 29 Kabitende
Programe mulongolola kudi tshisumbu bilondeshile majinga atshi.