TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 9/97 dib. 1-5
  • Bena Nkristo Bakulakaje Badi Bayisha Ne Tshisumi

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Bena Nkristo Bakulakaje Badi Bayisha Ne Tshisumi
  • Mudimu wetu wa Bukalenge—1997
  • Bintu bia muomumue
  • Yehowa udi utabalela Bantemu bende bakulakaje
    Tshibumba tshia Nsentedi tshidi tshimanyisha Bukalenge bua Yehowa—2008
  • Tuangatayi bana betu bakulakaje ne mushinga
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2021
  • Bulengele bua nsuki mitoke
    Tshibumba tshia Nsentedi tshidi tshimanyisha Bukalenge bua Yehowa—1993
  • Enzela Yehowa mudimu padi matuku mabi kaayi manji kulua
    Tshibumba tshia Nsentedi tshidi tshimanyisha Bukalenge bua Yehowa—2014
Tangila bikuabu
Mudimu wetu wa Bukalenge—1997
km 9/97 dib. 1-5

Bena Nkristo Bakulakaje Badi Bayisha Ne Tshisumi

1 Padi bantu benda basemena ku bukulakaje, badi batamba kuela meji ku pansio wabu ne ku dipeta nsombelu udi kayi wa tunyinganyinga mu bidimu biabu bia ndekelu. Pamu’apa badi bela meji ne: mbenze mudimu mukole ne badi mpindieu bakengela kupeta diikisha ndambu; amba anu bikalabu kabayi basue kupitshisha bikondo bia masanka mu matuku adi mabashadile a muoyo wabu.​—⁠Luka 12:19.

2 Tuetu badi baditshipe kudi Yehowa bua kumusadila, tudi tumona malu mushindu mukuabu. Tudi bamanye se: kakuena pansio mu mudimu wa Nzambi nansha. Kadi tudi ne mmuenenu muimpe wa muoyo, bualu tudi tulama “muoyo wa kashidi” mu tshipatshila. (Yuda 21) Bidimu bipitshisha mu dibuta dimanya ne malu mamonamona bidi bilubuluja busunguluji ne bujinguluji bua muntu, ne ebi bidi mua kumuvuija muntu muena meji mavule ne mutambe kuikala ne nkatshinkatshi, mukumbane bua kufila mushinga mutambe bunene ku muoyo. Ngikadilu eyi yonso idi ne mushinga mukole kudi ministre wa lumu luimpe.

3 Disemena ku bukulakaje kadiena ditangila anu mubidi patupu. Ngikadilu wa tshieledi tshia lungenyi udi kabidi ubuelakana mu tshilumbu etshi. Eu udi musue kuikala ne muoyo bua mutantshi mule ne udienzeja bua kulama lungenyi lua bunsonga mu mmuenenu wende wa malu udi udiundisha diakalenga diende dia kufikaku. Bena nkristo bakulakaje badi mua kuvudijila muoyo wabu masanka pa kuvudija dimanya diabu dia mu nyuma ne pa kudimanyishangana.​—⁠1 Kol. 9:23.

4 Malu mamonamona: Muanetu wa bakaji kampanda mukulakaje uvua ne bidimu 86 wakamba ne: “Pandi ngela meji ku bidimu 60 bipite katshia ngamanya bulelela, dilaya dia busambi ditupesha kudi Nzambi didi diuula mu mutshima wanyi. Eyowa, Yehowa udi udileja muena lulamatu kudi muntu udi ne lulamatu ne udi utupetesha mushindu wa kunowa disanka divulavulayi.” (Mus. 18:25) Muanetu wa balume kampanda mukulakaje uvua mubungamija bikole kudi lufu lua mukajende ne wakanyana bikole. Wakamba ne: “Kadi, ku diambuluisha dia bulenga bukena butuakanyine bua Yehowa, ngakumvua bimpe ne kutuadija mudimu wa bumpanda-njila panyima pa bidimu bibidi. Ndi ne dianyisha divule kudi Yehowa, bualu dipatuka dia bungi mu buambi ndingambuluishe bikole bua makanda a mubidi.”

5 Bidi bienza disanka bua kumona bana betu ba balume ne ba bakaji bungi ebu bapangadije bua kutungunuka ne kuyisha ne tshisumi, bilondeshile mikalu ya makanda abu a mubidi ne ya bukole buabu! Bua kabingila aka kakane, badi bambulula mêyi aa: ‘Nzambi, wewe wakanyisha ku buana buanyi too ne mpindieu; too ne mpindieu ntshidi ngambila bantu bua bienzedi biebe bia kukema.’​—⁠Mus. 71:17.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu